National

ന്യൂഡൽഹി: ഹൈഡ്രജൻ ബലൂൺ ഉപയോഗിച്ച്‌ വളർത്തു നായയെ പറപ്പിക്കുകയും അത് ദൃശ്യങ്ങളിൽ പകർത്തുകയും ചെയ്ത യു ട്യൂബർ അറസ്റ്റിൽ. ഡൽഹിയിലെ യു ട്യൂബറായ ഗൗരവ് ജോൺ ആണ് അറസ്റ്റിലായത്. മൃഗങ്ങളോടുള്ള ക്രൂരതയുടെ പേരിലാണ് നടപടി . ഗൗരവിൻറെ യു ട്യൂബ് ചാനലിന് വേണ്ടിയാണ് വിഡിയോ ചിത്രീകരിച്ചത്. നിരവധി ബലൂണുകൾ ചേർത്ത് നായയുടെ ദേഹത്ത് കെട്ടിയിട്ട ശേഷം പറത്തുകയായിരുന്നു. ഡൽഹിയിലെ ഒരു പാർക്കിൽ വച്ചായിരുന്നു ചിത്രീകരണം. നായ വായുവിൽ ഉയർന്നുപൊങ്ങി നിൽക്കുന്നതും ഗൗരവും അമ്മയും ഉറക്കെ ചിരിക്കുന്നതും വീഡിയോയിൽ…

അഭിപ്രായ സ്വാതന്ത്ര്യത്തിന് തടസ്സമാകുന്ന നിയന്ത്രണങ്ങളിൽ മാറ്റം വരുത്തണമെന്ന് കേന്ദ്രത്തോട് ആവശ്യപ്പെടുമെന്ന് ട്വിറ്റർ. ഇന്ത്യയിലെ ജനങ്ങൾക്ക് തങ്ങളുടെ സേവനം ഉറപ്പുവരുത്താൻ നിയമങ്ങൾ അനുസരിക്കാൻ ശ്രമിക്കും. എന്നാൽ അഭിപ്രായ സ്വാതന്ത്ര്യവും സ്വകാര്യതയും സംരക്ഷിക്കാൻ ട്വിറ്ററിന് ബാധ്യതയുണ്ട്. ഇന്ത്യയിലെ ട്വിറ്റർ ജീവനക്കാരെക്കുറിച്ചും സേവിക്കുന്ന ഉപഭോക്താക്കളുടെ സ്വാതന്ത്ര്യത്തിൻമേലുള്ള ഭീഷണിയിലും ആശങ്കയുണ്ട്. ഭയപ്പെടുത്താനുള്ള പോലീസിന്റെ തന്ത്രങ്ങളിലും ട്വിറ്റർ ആശങ്ക അറയിച്ചിട്ടുണ്ട്.

  സമൂഹമാധ്യമങ്ങളെ തങ്ങളുടെ ചൊൽപ്പടിക്ക് നിർത്താനുള്ള നരേന്ദ്രമോദിയുടെ സർക്കാരിന്റെ നീക്കം തുടരുന്നു. സമൂഹ മാധ്യമങ്ങൾക്കെതിരെ കേസെടുക്കാൻ കേന്ദ്രം ആലോചിക്കുകയാണ്. ഐടി ചട്ടം നടപ്പാക്കുന്നതിൽ മോദി സർക്കാർ നിയമോപദേശം തേടിയിട്ടുണ്ട്. അതേസമയം കോടതിയുടെ നിലപാടും വിഷയത്തിൽ നിർണായകമാകും. സ്വകാര്യതാ ലംഘനം ചൂണ്ടിക്കാട്ടി വാട്‌സാപ്പ് കഴിഞ്ഞ ദിവസം ഡൽഹി ഹൈക്കോടതിയെ സമീപിച്ചിരുന്നു. പുതിയ ഉത്തരവ് പ്രകാരമുളഅള നിയമനങ്ങൾ നടത്തിയതിന്റെ റിപ്പോർട്ട് കേന്ദ്രം സമൂഹ മാധ്യമങ്ങളോട് ആവശ്യപ്പെട്ടിട്ടുണ്ട്. ട്വിറ്റർ, ഫേസ്ബുക്ക്, വാട്‌സാപ്പ് തുടങ്ങിയ പ്ലാറ്റ്‌ഫോമുകൾ മോദി സർക്കാരിന്റെ നീക്കത്തോട് ഇതുവരെ പ്രതികരിച്ചിട്ടില്ല

ഗുഡല്ലൂർ നെല്ലാക്കോട്ടയിൽ പിക്കപ്പ് ജീപ്പിൽ നിന്ന് തെറിച്ചു വീണ് യുവാവ് മരിച്ചു പാട്ടവയൽ വീട്ടിപടി വില്ലൻ സ്വാലിഹ് 34 ആണ് മരിച്ചത്.ബിതർക്കാട് ഇന്ത്കോ ടീ ഫാക്ടറി തൊഴിലാളിയാണ്. ഫാക്ടറിയിൽ നിന്ന് തേയില എടുക്കാൻ നെല്ലാകൊട്ട വിലങ്ങൂർ ഭാഗത്തേക്ക്‌ പോയതായിരുന്നു. പിക്കപ്പ് ജീപ്പിൻ്റെ പിൻഭാഗത്തുള്ള തേയില ചാക്കുകൾക്ക് മുകളിൽ ഇരിക്കുകയായിരുന്നു സ്വാലിഹ്.റോഡിലേക്ക് തെറിച്ചു വീണാണ് അപകടം.തലയ്ക്കു സരമായി പരിക്കെറ്റാണ് മരണം സംഭവിച്ചത്.വിലങ്ങൂരിൽവെച്ചു ഇന്നലെ വൈകുന്നേരം 4 30 ന് ആയിരുന്നു അപകടം.മൃതദേഹം ഗുഡല്ലൂർ താലൂക്ക് ആശുപത്രിയിലേക്ക് മാറ്റി.ഈമാസം 20ന്…

ബിജെപിക്കാരനായ അഡ്മിനിസ്‌ട്രേറ്ററുടെ വികല നയങ്ങൾക്കും ജനദ്രോഹ നടപടികൾക്കുമെതിരെ പ്രതിഷേധം ശക്തമാകുന്നതിനിടെ ലക്ഷദ്വീപിൽ നാളെ സർവകക്ഷി യോഗം. രാഷ്ട്രീയ പാർട്ടികളുടെ നേതൃത്വത്തിലാണ് യോഗം ചേരുന്നത്. കോൺഗ്രസ്, ബിജെപി, എൻസിപി പാർട്ടി നേതാക്കൾ യോഗത്തിൽ പങ്കെടുക്കും ഓൺലൈനായാണ് യോഗം ചേരുക. അതേസമയം സർക്കാർ സംവിധാനങ്ങൾ പങ്കെടുക്കുന്നില്ല. അഡ്മിനിസ്‌ട്രേറ്റർ പ്രഫുൽ പട്ടേലിന്റെ ജനവിരുദ്ധ നയങ്ങൾക്കെതിരെ ഉയരുന്ന പ്രക്ഷോഭം ചർച്ച ചെയ്യുന്നതിനായാണ് യോഗം. അതേസമയം തന്റെ വികല നയങ്ങൾ തുടരുമെന്നാണ് ബിജെപി നേതാവായ അഡ്മിനിസ്‌ട്രേറ്റർ പ്രഫുൽ ഖോഡ പട്ടേൽ അറിയിച്ചത്. പ്രതിഷേധങ്ങൾ മുഖവിലക്കെടുക്കില്ലെന്നും…

ഒ എൻ വി സാഹിത്യ പുരസ്‌കാരം തമിഴ് ഗാനരചയിതാവും കവിയുമായ വൈരമുത്തുവിന്. മൂന്ന് ലക്ഷം രൂപയും പ്രശസ്തി പത്രവും ശിൽപ്പവും അടങ്ങുന്നതാണ് പുരസ്‌കാരം. പ്രഭാവർമ, ആലങ്കോട് ലീലാകൃഷ്ണൻ, അനിൽ വള്ളത്തോൾ എന്നിവരടങ്ങിയ സമിതിയാണ് ജേതാവിനെ തെരഞ്ഞെടുത്തത് കഴിഞ്ഞ വർഷം ഡോ. എം ലീലാവതിയാണ് ഒഎൻവി പുരസ്‌കാരം നേടിയത്. നാൽപത് വർഷത്തിലേറെയായി ചലചിത്ര ഗാനരചനയിൽ സജീവമാണ് വൈരമുത്തു. 2003ൽ അദ്ദേഹത്തിന് പത്മശ്രീയും 2014ൽ പത്മഭൂഷണും നൽകി രാജ്യം ആദരിച്ചിരുന്നു.

യോഗ പരിശീലകൻ രാംദേവിന് ഐഎംഎ ഉത്തരാഖണ്ഡ് യൂനിറ്റ് ആയിരം കോടി രൂപയുടെ മാനനഷ്ട നോട്ടീസ് അയച്ചു. അലോപതി ചികിത്സക്കെതിരെയും ഡോക്ടർമാർക്കെതിരെയും സ്വയംപ്രഖ്യാപിത സിദ്ധൻ കൂടിയായ ഇയാൾ വിവാദ പരാമർശം നടത്തിയതിനെ തുടർന്നാണിത്. 15 ദിവസത്തിനുള്ളിൽ പരാമർശം പിൻവലിച്ച് മാപ്പ് പറഞ്ഞില്ലെങ്കിൽ ആയിരം കോടിയുടെ മാനനഷ്ടക്കേസ് ഫയൽ ചെയ്യുമെന്നാണ് മുന്നറിയിപ്പ്. പരാമർശം വിവാദമായതിനെ തുടർന്ന് കേന്ദ്ര ആരോഗ്യമന്ത്രി ഹർഷവർധൻ പരാമർശം പിൻവലിക്കാൻ രാംദേവിനോട് ആവശ്യപ്പെട്ടിരുന്നു. പരാമർശം പിൻവലിച്ചെങ്കിലും മാപ്പ് പറയാൻ യോഗ പരിശീലകൻ തയ്യാറായിരുന്നില്ല. തുടർന്നാണ് ഐഎംഎ ഇയാൾക്കെതിരെ…

രാജ്യം കൊവിഡ് സാഹചര്യത്തിൽ കടുത്ത പ്രതിസന്ധി നേരിടുകയാണെന്ന് പ്രധാനമന്ത്രി നരേന്ദ്രമോദി. ഇന്ത്യ മാത്രമല്ല, മറ്റ് പല രാജ്യങ്ങളും സമാന സാഹചര്യത്തിലൂടെ കടന്നുപോകുകയാണ്. കൊവിഡിന് ശേഷം ലോകം പഴയ പോലെയായിരിക്കില്ല. വാക്‌സിൻ ഉത്പാദിപ്പിച്ച ശാസ്ത്രജ്ഞരെ നന്ദിയോടെ സ്മരിക്കുന്നു. സാധ്യമായ എല്ലാ വഴികളിലൂടെയും രണ്ടാംതരംഗത്തെ അതിജീവിക്കാൻ ശ്രമിക്കുകയാണ്. ജാഗ്രതയോടെ മുന്നോട്ടുപോകണമെന്നും പ്രധാനമന്ത്രി പറഞ്ഞു അതേസമയം രാജ്യത്ത് കഴിഞ്ഞ 24 മണിക്കൂറിനിടെ 2.08 ലക്ഷം പേർക്ക് കൂടി കൊവിഡ് സ്ഥിരീകരിച്ചു. 4157 പേർ മരിക്കുകയും ചെയ്തു.

  ന്യൂഡല്‍ഹി: ഇസ്രയേലിനൊപ്പമെന്ന് തങ്ങളുടെ നിലപാട് വ്യക്തമാക്കി ഇന്ത്യ. യു.എന്‍ ജനറല്‍ അസംബ്ലിയിലാണ് ഇന്ത്യ ഇസ്രയേല്‍ അനുകൂല നിലപാട് സ്വീകരിച്ചത്. ഹമാസ് ഇസ്രയേലില്‍ നടത്തിയ റോക്കറ്റ് ആക്രമണങ്ങളെ ഇന്ത്യ രൂക്ഷമായി അപലപിച്ചു. ‘ഗാസയുടെ ആക്രമണം നിരവധി സാധാരണക്കാരുടെ മരണത്തിനും നാശത്തിനും കാരണമായി. ഇസ്രയേലിന്റെ തിരിച്ചുള്ള ആക്രമണത്തിലും നിരവധിപ്പേര്‍ കൊല്ലപ്പെട്ടു. ഇന്ത്യക്കാരടക്കമുളള നിരപരാധികളായ സാധാരണക്കാരുടെ ജീവന്‍ നഷ്ടപ്പെട്ടതില്‍ അഗാധമായി വിലപിക്കുന്നതായും’ ഇന്ത്യ അറിയിച്ചു. ഇസ്രയേലും പാലസ്തീനും തമ്മില്‍ നേരിട്ടുളള ചര്‍ച്ചകള്‍ പുനരാരംഭിക്കുന്നതിന് അനുയോജ്യമായ നടപടികള്‍ എല്ലാ ഭാഗത്തുനിന്ന് ഉണ്ടാകണമെന്നും അതിനുള്ള…

രാജ്യത്ത് കഴിഞ്ഞ 24 മണിക്കൂറിനിടെ 2,08,921 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 4157 പേർ കൂടി കൊവിഡ് ബാധിച്ച് മരിച്ചു. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 2,71,57,795 ആയി 2,95,955 പേർ 24 മണിക്കൂറിനിടെ രോഗമുക്തി നേടി. ഇതിനോടകം 2,43,50,816 പേരാണ് രോഗമുക്തരായത്. രാജ്യത്ത് ഇതിനോടകം 3,11,388 പേർ കൊവിഡ് ബാധിച്ച് മരിച്ചു. നിലവിൽ 24,95,591 പേരാണ് രാജ്യത്ത് ചികിത്സയിൽ കഴിയുന്നത്. രാജ്യത്ത് ഇതുവരെ 20.06 കോടി പേർ കൊവിഡ്…