National

  കാർഷിക നിയമങ്ങൾ പിൻവലിച്ചു കൊണ്ടുള്ള പ്രഖ്യാപനത്തിൽ കേന്ദ്രസർക്കാരിനെ വിശ്വസിക്കാൻ പ്രയാസമുണ്ടെന്ന് കോൺഗ്രസ് നേതാവ് പ്രിയങ്ക ഗാന്ധി. കർഷകരെ രാജ്യദ്രോഹികളെന്ന് വിളിച്ചും അവരെ അറസ്റ്റ് ചെയ്തും നീക്കിയ നിങ്ങൾ തെരഞ്ഞെടുപ്പിലെ തോൽവി മുന്നിൽ കണ്ടാണ് ഇങ്ങനെയൊരു പ്രഖ്യാപനം നടത്തിയതെന്ന് പ്രിയങ്ക ഫേസ്ബുക്കിലൂടെ പറഞ്ഞു മന്ത്രി പുത്രൻ വാഹനമോടിച്ചുകയറ്റി കർഷകരെ കൊലപ്പെടുത്തിയത് മോദി സർക്കാർ കാര്യമായെടുത്തില്ല. അതുകൊണ്ട് തന്നെ കാർഷിക ബില്ലുകൾ പിൻവലിച്ചു കൊണ്ടുള്ള പ്രഖ്യാപനത്തിന്റെ ഉദ്ദേശ്യവും മാറി കൊണ്ടിരിക്കുന്ന മനോഭാവവും വിശ്വസിക്കാൻ പ്രയാസമുണ്ടെന്ന് പ്രിയങ്ക ഗാന്ധി കുറിച്ചു….

  കനത്ത മഴയ്ക്ക് പിന്നാലെ ആന്ധ്രാപ്രദേശിലെ കടപ്പ ജില്ലയിൽ മിന്നൽ പ്രളയം. താഴ്ന്ന പ്രദേശങ്ങളിൽ വെള്ളം കയറിയതിനെ തുടർന്ന് ഉണ്ടായ വെള്ളപ്പൊക്കത്തിൽ മൂന്ന് പേർ മരിക്കുകയും 30 പേരെ കാണാതാവുകയും ചെയ്തതായാണ് റിപ്പോർട്ടുകൾ. കനത്തമഴയെ തുടർന്ന് അണക്കെട്ട് നിറഞ്ഞ് വെള്ളം പുറത്തേയ്ക്ക് ഒഴുകിയതിനെ തുടർന്നാണ് കടപ്പ ജില്ലയിൽ വെള്ളപ്പൊക്കം ഉണ്ടായത്. ചെയ്യൂരു നദി കരകവിഞ്ഞൊഴുകിയതാണ് ദുരിതം വിതച്ചത്. നന്ദല്ലൂരിലെ സ്വാമി ആനന്ദ ക്ഷേത്രം വെള്ളത്തിന്റെ അടിയിലായി. ബംഗാൾ ഉൾക്കടലിലെ ന്യൂനമർദ്ദത്തിന്റെ സ്വാധീനഫലമായി ആന്ധ്രാപ്രദേശിൽ ശക്തമായ മഴ തുടരുകയാണ്….

  ചെന്നൈ: തമിഴ്‌നാട് വെല്ലൂരില്‍ വീടിനുമേല്‍ മതിലിടിഞ്ഞ് വീണ് 9 പേര്‍ മരിച്ചു. വെല്ലൂര്‍ പേരണാംപേട്ട് ടൗണിലാണ് ദുരന്തമുണ്ടായത്. ചാലാര്‍ നദിക്കരയിലെ വീടാണ് അപകടത്തില്‍പ്പെട്ടത്. അഞ്ച് സ്ത്രീകളും നാല് കുട്ടികളുമാണ് അപകടത്തില്‍ കൊല്ലപ്പെട്ടത്. സുരക്ഷിത സ്ഥാനത്തേക്ക് മാറണമെന്ന മുന്നറിയിപ്പ് അവഗണിച്ച് ഇവര്‍ ഇവിടെ തുടരുകയായിരുന്നുവെന്നാണ് പ്രാഥമിക വിവരം. മരിച്ചവരുടെ കുടുംബത്തിന് തമിഴ്‌നാട് മുഖ്യമന്ത്രി എം കെ സ്റ്റാലിന്‍ അഞ്ച് ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്. കുടുംബത്തിന്റെ ദുഃഖത്തില്‍ പങ്കുചേരുന്നതായും മന്ത്രി അറിയിച്ചു. തമിഴ്‌നാട്ടില്‍ വിവിധ മേഖലകളില്‍ മഴ…

  പ്രധാനമന്ത്രി നരേന്ദ്രമോദിയുടെ പ്രഖ്യാപനം കൊണ്ടുമാത്രം സമരം അവസാനിപ്പിക്കില്ലെന്ന് ഭാരതീയ കിസാൻ യൂണിയൻ കർഷക സംഘടനാ നേതാവ് രാകേഷ് ടിക്കായത്ത്. പാർലമെന്റിൽ നിയമങ്ങൾ പിൻവലിച്ചേ ശേഷമെ സമരം നിർത്തൂ. പ്രധാനമന്ത്രിയുടെ പ്രസ്താവനയെ വിശ്വസിക്കാനാകില്ലെന്നും കർഷകർ പറയുന്നു വിവാദ കാർഷിക നിയമങ്ങൾ പിൻവലിക്കുമെന്ന തീരുമാനം കർഷകരുടെ വിജയമാണെന്ന് അഖിലേന്ത്യാ കിസാൻ സഭ പ്രതികരിച്ചു. നിയമങ്ങൾ മാത്രമല്ല, കർഷകരോടുള്ള നയങ്ങളും മാറണം. പ്രശ്‌നങ്ങൾക്ക് പൂർണമായ പരിഹാരം വേണം. സമരം പിൻവലിക്കുന്ന കാര്യത്തിൽ ഉടൻ തീരുമാനമെടുക്കുമെന്നും കിസാൻ മോർച്ച അറിയിച്ചു.

  വിവാദ കാർഷിക നിയമങ്ങൾ പിൻവലിച്ച കേന്ദ്രസർക്കാർ തീരുമാനം കർഷകരുടെ വിജയമെന്ന് അഖിലേന്ത്യാ കിസാൻ സഭ. നിയമങ്ങൾ മാത്രമല്ല, കർഷകരോടുള്ള നയങ്ങളും മാറണമെന്നും പ്രശ്‌നങ്ങൾക്ക് പൂർണമായ പരിഹാരം വേണമെന്നും അഖിലേന്ത്യാ കിസാൻ സഭ അറിയിച്ചു കിസാൻ മോർച്ച ഇന്ന് യോഗം ചേരുന്നുണ്ട്. സമരം പിൻവലിക്കുന്ന കാര്യത്തിലടക്കം യോഗം തീരുമാനമെടുക്കും. ഇന്ന് രാവിലെയാണ് മൂന്ന് കാർഷിക നിയമങ്ങളും പിൻവലിക്കുന്നതായി പ്രധാനമന്ത്രി നരേന്ദ്രമോദി അറിയിച്ചത്. ഗുരു നാനാക്ക് ദിനത്തിൽ രാജ്യത്തെ അഭിസംബോധന ചെയ്താണ് പ്രഖ്യാപനം അടുത്ത മാസം ചേരുന്ന കാബിനറ്റ്…

  ജനകീയ കർഷക പ്രതിരോധത്തിനും പ്രതിപക്ഷ പ്രക്ഷോഭത്തിനും മുന്നിൽ കേന്ദ്രസർക്കാരിന് മുട്ടു മടക്കേണ്ടി വന്നുവെന്നതാണ് യാഥാർഥ്യമെന്ന് കോൺഗ്രസ് നേതാവ് കെ സി വേണുഗോപാൽ. ഗത്യന്തരമില്ലാതായപ്പോൾ ഒരു കൊല്ലമായി കർഷകരെ ദുരിതത്തിലാഴ്ത്തിയ നയങ്ങൾ കേന്ദ്രസർക്കാരിന് പിൻവലിക്കേണ്ടി വന്നതാണ്. ഇപ്പോഴെങ്കിലും സമരത്തിന് മുന്നിൽ മുട്ടുമടക്കി നിയമങ്ങൾ പിൻവലിക്കാൻ തയ്യാറായ തീരുമാനത്തെ സ്വാഗതം ചെയ്യുകയാണ്. രാഷ്ട്രീയപരമായ നേട്ടം ലക്ഷ്യമാക്കിയ തീരുമാനമാണ് സർക്കാർ കൈക്കൊണ്ടതെങ്കിലും കാര്യങ്ങളുടെ നിജസ്ഥിതി എല്ലാവർക്കും അറിയുന്നതിനാൽ വരാനിരിക്കുന്ന തെരഞ്ഞെടുപ്പിൽ അത് ബിജെപിക്ക് അനുകൂലമാകില്ല. സമരത്തിനിടെ നിരവധി കർഷകർക്ക് ജീവൻ…

  കർഷകരുടെ മുന്നിൽ കേന്ദ്രത്തിന്റെ ധാർഷ്ട്യം കീഴടങ്ങിയെന്ന് രാഹുൽ ഗാന്ധി കർഷകരുടെ സമരത്തിന് മുൻപിൽ കേന്ദ്രത്തിന്റെ ധാർഷ്ട്യം കീഴടങ്ങിയെന്ന് കോൺഗ്രസ് നേതാവ് രാഹുൽ ഗാന്ധി. കർഷകർക്കുമുൻപിൽ അഹങ്കാരം അടിയറവു വെക്കേണ്ടി വന്നു. ‘രാജ്യത്തെ കർഷകർ അവരുടെ സത്യാഗ്രഹത്തിലൂടെ അഹങ്കാരത്തെ പരാജയപ്പെടുത്തി. ജയ് ഹിന്ദ്, ജയ് ഹിന്ദ് കാ കിസാൻ,’ രാഹുൽ പറഞ്ഞു. എന്റെ വാക്കുകൾ നിങ്ങൾ കുറിച്ചിട്ടോളൂ, ഈ കർഷകവിരുദ്ധ നിയമം സർക്കാരിന് പിൻവലിക്കേണ്ടി വരും എന്ന് പറഞ്ഞുകൊണ്ട് കഴിഞ്ഞ ജനുവരിയിൽ പങ്കുവെച്ച പോസ്റ്റ് റീഷെയർ ചെയ്താണ്…

  വിവാദ കാർഷിക നിയമങ്ങൾ കേന്ദ്രം പിൻവലിച്ചത് കർഷക സമരത്തിന്റെ വിജയമാണെന്ന് എളമരം കരീം എംപി. യുപി-ഉത്തരാഖണ്ഡ് തെരഞ്ഞെടുപ്പുകളിൽ പരാജയപ്പെടുമെന്ന ഭീതിയെ തുടർന്നാണ് സർക്കാരിന്റെ ഒളിച്ചോട്ടം. ബില്ലുകൾ പിൻവലിക്കാനുള്ള തീരുമാനം ഭീരുത്വത്തിൽ നിന്നുണ്ടായതാണ്. അല്ലാതെ കർഷകരുടെ താത്പര്യം സംരക്ഷിക്കാനല്ലെന്നും അദ്ദേഹം പറഞ്ഞു കർഷകർ ഒറ്റക്കെട്ടായി നടത്തിയ സമരം അടിച്ചമർത്താനാണ് സർക്കാർ ശ്രമിച്ചത്. ഖലിസ്ഥാൻ തീവ്രവാദികളാണ്, മാവോവാദികളാണ്, അർബൻ നക്‌സലൈറ്റുകളാണ് എന്നൊക്കെയുള്ള ആരോപണം ഉന്നയിക്കുകയും പോലീസിനെ ഉപയോഗിച്ച് ശക്തമായി അടിച്ചമർത്താൻ ശ്രമിക്കുകയും ചെയ്തു. ഹരിയാനയിൽ പോലീസ് അതിക്രമത്തിൽ കർഷകർ…

  ഒടുവിൽ കേന്ദ്രസർക്കാർ മുട്ടുകുത്തി. വിവാദ കാർഷിക നിയമങ്ങൾ പിൻവലിക്കാൻ കേന്ദ്രസർക്കാർ തീരുമാനിച്ചു. മൂന്ന് നിയമങ്ങളും പിൻവലിക്കുന്നുവെന്നും നിയമം ചിലർക്ക് ബുദ്ധിമുട്ടുണ്ടായ സാഹചര്യത്തിലാണ് പിൻവലിക്കാൻ തീരുമാനമെടുത്തതെന്നും പ്രധാനമന്ത്രി നരേന്ദ്രമോദി പറഞ്ഞു ഗുരു നാനാക്ക് ദിനത്തിലാണ് പ്രധാനമന്ത്രി നിർണായക പ്രഖ്യാപനം നടത്തിയത്. കർഷകരുടെ പ്രതിസന്ധി മനസ്സിലാക്കാനായി. കർഷകരുടെ അഭിവൃദ്ധിക്കാണ് പ്രാധാന്യം നൽകുന്നത്. ഉത്പന്നങ്ങളുടെ താങ്ങുവിലയടക്കം പരിശോധിക്കാൻ പ്രത്യേക സമിതി നിലവിൽ വരും. കേന്ദ്രസർക്കാരിന്റെയും കർഷക സംഘടനകളുടെയും പ്രതിനിധികൾക്ക് സമിതിയിൽ പ്രാതിനിധ്യമുണ്ടാകും. ഒരു വർഷം നീണ്ടുനിന്ന കർഷക പോരാട്ടങ്ങളാണ് വിജയത്തിലേക്ക്…

  ന്യൂഡൽഹി: പ്രകോപനങ്ങള്‍ക്ക് ഇന്ത്യ തക്ക മറുപടി നല്‍കിയിട്ടുണ്ടെന്ന് പ്രതിരോധമന്ത്രി രാജ്നാഥ് സിങ്. ഒരിഞ്ച് ഭൂമിയും കയ്യേറാന്‍ ആരെയും അനുവദിക്കില്ലെന്നും അദ്ദേഹം പറഞ്ഞു. ലഡാക്കിലെ റെസാങ് ലായിലെ നവീകരിച്ച യുദ്ധസ്മാരകം രാജ്യത്തിന് സമര്‍പ്പിച്ച് സംസാരിക്കുകയായിരുന്നു അദ്ദേഹം. ഇന്ത്യ ആരുടെ ഭൂമിയും അതിക്രമിച്ച് കൈവശം വയ്ക്കാന്‍ ആഗ്രഹിക്കുന്നില്ല. എന്നാല്‍ ഒരിഞ്ച് മണ്ണും വിട്ടുകൊടുക്കില്ല. പ്രകോപനങ്ങള്‍ക്ക് രാജ്യം തക്ക മറുപടി നല്‍കിയിട്ടുണ്ട്’– അദ്ദേഹം പറഞ്ഞു. 1962ലെ ഇന്ത്യ–ചൈന യുദ്ധത്തില്‍ വീരമൃത്യു വരിച്ച സൈനികരുടെ പേരുകള്‍ക്കൊപ്പം, 2020ല്‍ ഗല്‍വാന്‍ സംഘര്‍ഷത്തില്‍ വീരമൃത്യു…