രാജ്യത്ത് കഴിഞ്ഞ 24 മണിക്കൂറിനിടെ 46,232 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 90,50,598 ആയി ഉയർന്നു. 564 പേരാണ് ഇന്നലെ മരിച്ചത്. ആകെ കൊവിഡ് മരണം 1,32, 726 ആകുകയും ചെയ്തു. 49,715 പേർ ഇന്നലെ രോഗമുക്തി നേടി. രാജ്യത്ത് ഇതിനോടകം 84,78,124 പേർ രോഗമുക്തി നേടി. 4,39,747 പേരാണ് നിലവിൽ ചികിത്സയിൽ കഴിയുന്നത്. നവംബർ 20 വരെ 13 കോടി സാമ്പിളുകൾ പരിശോധിച്ചതായി ഐസിഎംആർ അറിയിച്ചു. ഇന്നലെ മാത്രം 10,66,022…
പതിനഞ്ചാമത് ജി20 ഉച്ചകോടിക്ക് സൗദിയിലെ റിയാദിൽ ഇന്ന് തുടക്കമാകും. സൗദി ഭരണാധികാരി സൽമാൻ ബിൻ അബ്ദുൽ അസീസ് രാജാവിന്റെ അധ്യക്ഷതയിലാണ് ഉച്ചകോടി നടക്കുക. ഇന്ത്യയെ പ്രതിനിധീകരിച്ച് പ്രധാനമന്ത്രി നരേന്ദ്രമോദി ഉച്ചകോടിയിൽ പങ്കെടുക്കും കൊവിഡ് വാക്സിൻ ലോകത്തെല്ലാവർക്കും ലഭ്യമാക്കാൻ ജി20 രാജ്യങ്ങൾ മുൻകൈയെടുക്കണമെന്ന് ഇന്ത്യ ആവശ്യപ്പെട്ടു. കൊവിഡ് പ്രതിസന്ധിയിൽ നിന്ന് ലോകത്തെ കരകയറ്റാൻ ജി20 രാജ്യങ്ങൾക്ക് ഏറെ ചെയ്യാനാകുമെന്ന് ധനമന്ത്രി നിർമലാ സീതാരാമൻ പറഞ്ഞു കൊവിഡ് പശ്ചാത്തലത്തിൽ ഓൺലൈനായാണ് ഉച്ചകോടി നടക്കുന്നത്. ഇരുപത്തിയൊന്നാം നൂറ്റാണ്ടിൽ എല്ലാവർക്കും അവസരം എന്നാണ്…
വായുമലിനീകരണവും കൊവിഡ് വ്യാപനവും രൂക്ഷമായ സാഹചര്യത്തിൽ കോൺഗ്രസ് അധ്യക്ഷ സോണിയ ഗാന്ധി ഡൽഹി വിട്ടു. ഡോക്ടർമാരുടെ നിർദേശപ്രകാരമാണ് തീരുമാനം. അതേസമയം സോണിയ എങ്ങോട്ടാണ് പോയതെന്ന് കോൺഗ്രസ് അറിയിച്ചിട്ടില്ല നെഞ്ചിലെ അണുബാധ ഗുരുതരമാകാനുള്ള സാധ്യത കണക്കിലെടുത്താണ് ഡോക്ടർമാരുടെ നിർദേശം. വായുമലിനീകരണം ഡൽഹിയിൽ കുറയുന്നതുവരെ ചൂടുള്ള സ്ഥലത്ത് സോണിയയെ താമസിപ്പിക്കാനാണ് നിർദേശിച്ചിരിക്കുന്നത്. ചെന്നൈ, ഗോവ നഗരങ്ങളുടെ പ്രാന്ത പ്രദേശങ്ങളാണ് ഇതിനായി തെരഞ്ഞെടുത്തിട്ടുള്ളതെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു
ഉത്തർപ്രദേശിൽ 22കാരിയെ ബലാത്സംഗം ചെയ്ത കേസിലെ പ്രതി കൊല്ലപ്പെട്ട നിലയിൽ. അനൂജ് കശ്യപ് എന്ന 25കാരനാണ് കൊല്ലപ്പെട്ടത്. തല അറുത്ത നിലയിൽ കടുവ സങ്കേതത്തിന് സമീപമാണ് ഇയാളുടെ മൃതദേഹം കണ്ടെത്തിയത്. പെൺകുട്ടിയെ ബലാത്സംഗം ചെയ്ത സംഭവത്തിൽ കേസെടുത്തതിന് പിന്നാലെ ഇയാൾ ഒളിവിലായിരുന്നു. കഴിഞ്ഞ ദിവസമാണ് അഴുകിയ നിലയിൽ ഇയാളുടെ മൃതദേഹം കണ്ടത്. കാട്ടിൽ വിറക് ശേഖരിക്കാൻ പോയ ഗ്രാമവാസികളാണ് മൃതദേഹം കണ്ടത് സെപ്റ്റംബർ ആറിനാണ് ഇയാൾ പെൺകുട്ടിയെ തട്ടിക്കൊണ്ടുപോയി പീഡിപ്പിച്ചതായി പരാതി നൽകിയത്. പെൺകുട്ടിയുടെ കുടുംബമാണ് അനൂജിനെ…
രാജ്യത്ത് കൊവിഡ് ബാധിതരുടെ എണ്ണം 90 ലക്ഷം കടന്നു. കഴിഞ്ഞ 24 മണിക്കൂറിനിടെ 45,882 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ ഏതാനും ദിവസങ്ങളിലായി കൊവിഡ് വ്യാപനത്തിൽ നേരിയ കുറവ് കണ്ടെങ്കിലും വ്യാഴാഴ്ച മുതൽ തോത് വീണ്ടുമുയരുന്നത് ആശങ്കക്ക് വഴിവെച്ചിട്ടുണ്ട് 90,04,366 പേർക്കാണ് ഇതിനോടകം കൊവിഡ് സ്ഥിരീകരിച്ചത്. 584 പേർ ഇന്നലെ മരിച്ചു. രാജ്യത്തെ കൊവിഡ് മരണം 1,32,162 ആയി ഉയർന്നു. 44,807 പേർ ഇന്നലെ രോഗമുക്തി നേടി. 84,28,410 പേരാണ് ഇതിനോടകം രോഗമുക്തരായത്. നിലവിൽ 4,43,794…
അതിർത്തിയിൽ നിരന്തരമായി തുടരുന്ന പാക് പ്രകോപനത്തിന് ശക്തമായ തിരിച്ചടി നൽകി ഇന്ത്യൻ സൈന്യം. പാക് അധീന കാശ്മീരിലെ തീവ്രവാദ ക്യാമ്പുകളിലേക്കായിരുന്നു ഇന്ത്യൻ സൈന്യം ആക്രമണം നടത്തിയത് ശൈത്യകാലത്തിന് മുമ്പായി തീവ്രവാദികളെ ഇന്ത്യയിലേക്ക് തള്ളിവിടാനുള്ള പാക്കിസ്ഥാന്റെ ശ്രമത്തിന് ചുട്ട മറുപടി നൽകിയെന്നാണ് സൈന്യം അറിയിച്ചത്. പാക് അധീന കാശ്മീരിലെ തീവ്രവാദ സങ്കേതങ്ങൾ പിൻ പോയിന്റ് സ്ട്രൈക്കിലൂടെ തകർത്തുവെന്നും സൈന്യം അറിയിച്ചു നവംബർ 13ന് നടന്ന വെടിനിർത്തൽ ലംഘനത്തിനുള്ള തിരിച്ചടിയാണ് നൽകിയതെന്നാണ് സൂചന. വടക്കൻ കാശ്മീരിലെ നിയന്ത്രണ രേഖയിൽ പാക്കിസ്ഥാൻ…
ട്രെയിൻ എൻജിന് മുകളിൽ കയറി സെൽഫി എടുക്കാൻ ശ്രമിച്ച പതിനാലുകാരൻ വൈദ്യുതാഘാതമേറ്റ് മരിച്ചു. തമിഴ്നാട്ടിലെ തിരുനെൽവേലിയിലാണ് സംഭവം. ഒമ്പതാം ക്ലാസ് വിദ്യാർഥി ജ്ഞാനേശ്വരനാണ് മരിച്ചത്. വ്യാഴാഴ്ച രാവിലെ തിരുനെൽവേലി ജംഗ്ഷൻ റെയിൽവേ സ്റ്റേഷനിൽ നിർത്തിയിട്ട എൻജിന് മുകളിൽ കയറി സെൽഫി എടുക്കാൻ ശ്രമിക്കുകയായിരുന്നു. ഇതിനിടെയാണ് കൈ ഹൈവോൾട്ടേജ് പവർ ലൈനിൽ തട്ടിയത്. ഷോക്കേറ്റ് വീണ ജ്ഞാനേശ്വരൻ തത്ക്ഷണം മരിച്ചു മരിച്ച വിദ്യാർഥിയുടെ പിതാവ് റെയിൽവേ ഉദ്യോഗസ്ഥനാണ്. അച്ഛനൊപ്പമാണ് കുട്ടി സ്റ്റേഷനിലെത്തിയത്.
കേന്ദ്ര അന്വേഷണ ഏജൻസികളെ ഉപയോഗിച്ച് സംസ്ഥാന സർക്കാരിനെയും മുഖ്യമന്ത്രിയെയും ബിജെപി ലക്ഷ്യം വെക്കുകയാണെന്ന് സിപിഐഎം ജനറൽ സെക്രട്ടറി സീതാറാം യെച്ചൂരി. തെരഞ്ഞെടുക്കപ്പെട്ട സർക്കാരിനെയും മുഖ്യമന്ത്രി പിണറായി വിജയനെയും അട്ടിമറിക്കാനാണ് ബോധപൂർവം ശ്രമിക്കുന്നത്. കേന്ദ്ര ഏജൻസികളെ ബിജെപി രാഷ്ട്രീയ ആയുധമാക്കുന്നു. മുഖ്യമന്ത്രിക്കെതിരെ മൊഴി നൽകാൻ സമ്മർദം ചെലുത്തുകയും ചെയ്യുന്നു. ഇതിൽ അടിയന്തരമായി ജുഡീഷ്യറിയും മറ്റ് ഭരണഘടനാ സ്ഥാപനങ്ങളും ഇടപെടണമെന്നും യെച്ചൂരി ഡൽഹിയിൽ മാധ്യമങ്ങളോട് പറഞ്ഞു സ്വർണക്കടത്ത് കേസിൽ മുഖ്യമന്ത്രിയുടെ പേര് പറയാൻ ഇ ഡി ഉദ്യോഗസ്ഥർ സമ്മർദം ചെലുത്തുന്നതായി…
ബീഹാറിൽ പുതുതായി തെരഞ്ഞെടുക്കപ്പെട്ട സർക്കാരിൽ നിന്ന് വിദ്യാഭ്യാസ മന്ത്രി മേവാലാൽ ചൗധരി രാജിവെച്ചു. അഴിമതി ആരോപണം ഉയർന്ന സാഹചര്യത്തിലാണ് നടപടി. മന്ത്രിസഭ രൂപീകരിച്ച് മൂന്ന് ദിവസം പിന്നിടുമ്പോഴാണ് മന്ത്രിയുടെ രാജി ചൗധരിയെ മന്ത്രിസഭയിൽ ഉൾപ്പെടുത്തിയതിനെ ചൊല്ലി പ്രതിപക്ഷ പാർട്ടികൾ രൂക്ഷ വിമർശനം ഉന്നയിച്ചിരുന്നു. അഴിമതി കേസിൽ എഫ് ഐ ആർ രജിസ്റ്റർ ചെയ്തതോടെ 2017ൽ ചൗധരിയെ പാർട്ടിയിൽ നിന്ന് പുറത്താക്കിയിരുന്നു.
പശ്ചിമ ബംഗാളിലെ മാൾഡയിൽ പ്ലാസ്റ്റിക് ഫാക്ടറിയിലുണ്ടായ സ്ഫോടനത്തിൽ നാല് പേർ മരിച്ചു. നാല് പേർക്ക് അപകടത്തിൽ ഗുരുതരമായി പരുക്കേറ്റു. മാർഡ ജില്ലയിലെ സൂജാപൂരിലാണ് സംഭവം ഇന്ന് രാവിലെ 11 മണിയോടെയാണ് സ്ഫോടനമുണ്ടായത്. ഫാക്ടറി ജീവനക്കാരാണ് മരിച്ച നാല് പേരും. പോലീസും അഗ്നിരക്ഷാസേനയും സ്ഥലത്ത് രക്ഷാപ്രവർത്തനം തുടരുകയാണ്. സ്ഫോടനത്തെ തുടർന്ന് തകർന്ന കെട്ടിടത്തിനുള്ളിൽ നിന്ന് ആളുകളെ പുറത്ത് എത്തിച്ചിട്ടുണ്ട്