Kerala

സ്വര്‍ണക്കടത്ത് കേസില്‍ പിടിയിലായ മലപ്പുറം വെട്ടത്തൂര്‍ സ്വദേശി റമീസിനെ ഇന്ന് കോടതിയില്‍ ഹജാരാക്കും. ഇയാളുടെ അറസ്റ്റ് ഇന്നലെ രേഖപ്പെടുത്തിയിരുന്നു. ഞായറാഴ്ച രാവിലെ പിടികൂടിയ റമീസിനെ കസ്റ്റംസ് കൊച്ചിയിലെ ഓഫീസിലെത്തിച്ച് സരിത്തിനൊപ്പം ചോദ്യം ചെയ്തു. സന്ദീപുമായും സരിത്തുമായും അടുത്ത ബന്ധം പുലര്‍ത്തിയിരുന്ന ഇടനിലക്കാരനാണ് റമീസ്. സരിത്തിന്റെ മൊഴിയുടെ അടിസ്ഥാനത്തിലാണ് റമീസ് പിടിയിലാകുന്നത്. സ്വര്‍ണക്കടത്തിലെ നിര്‍ണായക കണ്ണിയാണ് ഇയാള്‍. മുമ്പും സ്വര്‍ണക്കടത്ത് കേസുമായി ഇയാള്‍ പിടിയിലായിട്ടുണ്ട്. അന്തരിച്ച മുന്‍ മന്ത്രി ചാക്കീരി അഹമ്മദ് കുട്ടിയുടെ കുടുംബത്തിലെ അംഗമാണ് റമീസ്. ഇയാളുടെ…

കണ്ണൂര്‍ : ജില്ലയില്‍ കൊറോണ നിരീക്ഷണത്തില്‍ കഴിയുകയായിരുന്ന രണ്ട് പേര്‍ മരിച്ചു. കുന്നോത്ത് പറമ്പ് സ്വദേശി ആയിഷ, കാസര്‍കോട് സ്വദേശി മറിയുമ്മ എന്നിവരാണ് മരിച്ചത്. കണ്ണൂര്‍ സര്‍ക്കാര്‍ മെഡിക്കല്‍ കോളേജ് ആശുപത്രിയിലാണ് ഇരുവരും നിരീക്ഷണത്തില്‍ കഴിഞ്ഞിരുന്നത്. ഇരുവരുടെയും സ്രവങ്ങള്‍ പരിശോധനക്കായി അയച്ചിട്ടുണ്ട്. ഇവരുടെ പരിശോധന ഫലങ്ങള്‍ ഉടന്‍ ലഭിക്കുമെന്നാണ് വിവരം. ക്യാന്‍സര്‍ രോഗിയായ ആയിഷയുടെ ഭര്‍ത്താവിന് കൊറോണ സ്ഥിരീകരിച്ചിരുന്നു.

തിരുവനന്തപുരം : നയതന്ത്ര ബാഗേജിൽ സ്വർണ്ണം കടത്താൻ ശ്രമിച്ച കേസിലെ പ്രതികളായ സ്വപ്‌നയ്ക്കും സന്ദീപിനും കൊറോണയില്ല. ഇരുവരുടെയും കൊറോണ പരിശോധന ഫലങ്ങൾ നെഗറ്റീവ് ആയി. പരിശോധനാ ഫലങ്ങൾ നെഗറ്റീവ് ആയ സഹചര്യത്തിൽ ഇരുവരെയും കസ്റ്റഡിയിൽ വിടും. ആലുവ ജില്ലാ ആശുപത്രിയിലാണ് സ്വപ്നയെയും സന്ദീപിനെയും കൊറോണ പരിശോധനക്ക് വിധേയമാക്കിയത്

സ്വര്‍ണക്കടത്ത് കേസില്‍ കസ്റ്റംസ് കസ്റ്റഡിയിലുള്ള സരിത്തിനെ ചോദ്യം ചെയ്യുന്നത് തുടരുന്നു. നിര്‍ണായക വിവരങ്ങള്‍ സരിത്തില്‍ നിന്നും ലഭിച്ചതായാണ് റിപ്പോര്‍ട്ടുകള്‍. സ്വര്‍ണം അയക്കുന്നത് ആര്, എവിടേക്ക് പോകുന്നു തുടങ്ങിയ കാര്യങ്ങള്‍ സ്വപ്‌നക്കാണ് അറിയാവുന്നതെന്ന് സരിത് മൊഴി നല്‍കി. ചേച്ചിയെന്നും മാഡമെന്നുമാണ് സരിത് സ്വപ്നയെ സംബോധന ചെയ്തത്. തനിക്ക് റമീസിനെ കുറിച്ച് മാത്രമാണ് അറിയാവുന്നതെന്നും സരിത് കസ്റ്റംസിനോട് പറഞ്ഞു. റമീസും കസ്റ്റംസിന്റെ കസ്റ്റഡിയിലാണ്. ഇന്ന് രാവിലെയാണ് മലപ്പുറം സ്വദേശിയായ റമീസിനെ പിടികൂടിയത്. സ്വര്‍ണക്കടത്ത് സംഘത്തിലെ നിര്‍ണായക കണ്ണിയാണ് ഇയാളെന്നാണ് വിവരം…

തിരുവനന്തപുരത്തെ ട്രിപ്പിള്‍ ലോക്ക് ഡൗണില്‍ ഇളവുകള്‍ ഏര്‍പ്പെടുത്തി ഉത്തരവ് പുറത്തിറങ്ങി. നാളെ രാവിലെ ആറ് മണി മുതല്‍ ഇളവുകള്‍ പ്രാബല്യത്തില്‍ വരും. നഗരപരിധിയില്‍ രാത്രി കര്‍ഫ്യൂ ഏഴ് മണി മുതല്‍ പുലര്‍ച്ചെ അഞ്ച് മണി വരെയാക്കി. ജില്ലയിലെ മറ്റിടങ്ങളില്‍ രാത്രി 9 മണി മുതല്‍ പുലര്‍ച്ചെ അഞ്ച് മണി വരെയാണ് കര്‍ഫ്യു രാവിലെ 7 മണി മുതല്‍ 12 മണി വരെയും വൈകുന്നേരം 4 മണി മുതല്‍ 6 മണി വരെയും കടകള്‍ തുറക്കാം. പലചരക്ക്, പച്ചക്കറി,…

സംസ്ഥാനത്ത് ഒരു കൊവിഡ് മരണം കൂടി സ്ഥിരീകരിച്ചു. കൊല്ലം വാളത്തുങ്കല്‍ സ്വദേശി ത്യാഗരാജനാണ് മരിച്ചത്. 74 വയസ്സായിരുന്നു. രോഗം സ്ഥിരീകരിച്ചതിനെ തുടര്‍ന്ന് കൊല്ലം പാരിപ്പള്ളി മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. സ്ഥിതി ഗുരുതരമാകുകയും മരണം സംഭവിക്കുകയും ചെയ്തു കഴിഞ്ഞ ദിവസം കൊല്ലത്ത് മുങ്ങി മരിച്ച വൃദ്ധക്കും കൊവിഡ് സ്ഥിരീകരിച്ചു. കൊല്ലം നെടുമ്പന സ്വദേശി ഗൗരി കുട്ടിയാണ് മുങ്ങിമരിച്ചത്. 75 വയസ്സായിരുന്നു. മരണശേഷം ശേഖരിച്ച സ്രവ പരിശോധനയിലാണ് രോഗം സ്ഥിരീകരിച്ചത്.

സംസ്ഥാനത്ത് സമ്പര്‍ക്കം വഴിയുള്ള രോഗബാധിതരുടെ എണ്ണം തുടര്‍ച്ചയായ മൂന്നാം ദിവസവും 200 കടന്നു. ഇന്ന് 206 പേര്‍ക്കാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. ശനിയാഴ്ച 234 പേര്‍ക്ക് സമ്പര്‍ക്കം വഴി രോഗബാധ സ്ഥിരീകരിച്ചപ്പോള്‍ വെള്ളിയാഴ്ച 204 പേര്‍ക്കായിരുന്നു ഇന്ന് സമ്പര്‍ക്കത്തിലൂടെ രോഗം ബാധിച്ചവരില്‍ 41 പേര്‍ കാസര്‍കോട് ജില്ലയില്‍ നിന്നുള്ളവരാണ്. എറണാകുളം ജില്ലയിലും 41 രോഗികളുണ്ട്. കാസര്‍കോട് ഇന്ന് കൊവിഡ് സ്ഥിരീകരിച്ച 56 പേരില്‍ 41 പേരും സമ്പര്‍ക്കത്തിലൂടെയാണ് രോഗികളായത്. എറണാകുളത്ത് ഇന്ന് 50 പേര്‍ക്കാണ് കൊവിഡ് സ്ഥിരീകരിച്ചത്….