പാലക്കാട് മണ്ണാര്ക്കാട് കാട്ടാന ആക്രമണത്തില് ഫോറസ്റ്റ് വാച്ചര്ക്ക് ദാരുണാന്ത്യം. ഷൈജു എന്നയാളാണ് മരിച്ചത്. 28 വയസായിരുന്നു. മണ്ണാര്ക്കാട് തിരുവിഴാംകുന്നിലെ ഫോറസ്റ്റ് വാച്ചറാണ്. (Forest watcher dies in wild elephant attack in Mannarkad)
കോട്ടോപ്പാടം ചെന്നേരിക്കുന്നില് വച്ചാണ് സംഭവം നടക്കുന്നത്. ജനവാസ മേഖലയിലിറങ്ങിയ രണ്ട് കാട്ടാനകളെ തുരത്തിഓടിക്കുന്നതിനെടിയാണ് ഷൈജുവിനെ ഒരു കാട്ടാന ആക്രമിച്ചത്. ഇന്ന് വൈകീട്ട് നാലുമണിയോടെയായിരുന്നു ആക്രമണം.ഇരുപതംഗ ഫോറസ്റ്റ് സംഘത്തിലൊരു അംഗമായാണ് ഷൈജുവും കാട്ടാനകളെ തുരത്താനായി ആനകളെത്തിയ പ്രദേശത്തേക്ക് തിരിച്ചത്. ജനവാസ മേഖലയിലിറങ്ങിയ രണ്ട് കാട്ടാനകളില് ഒരെണ്ണം ഇദ്ദേഹത്തിന് നേരെ പാഞ്ഞെത്തുകയും ആക്രമിക്കുകയുമായിരുന്നു. ആക്രമണത്തില് ഗുരുതരമായി പരുക്കേറ്റ ഷൈജുവിനെ മറ്റ് ഉദ്യോഗസ്ഥര് ഉടന് തന്നെ സമീപത്തെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഷൈജുവിന്റെ മൃതദേഹം നിലവില് മണ്ണാര്ക്കാട് താലൂക്ക് ആശുപത്രിയില് സൂക്ഷിച്ചിരിക്കുകയാണ്.
Read More
മണ്ണാര്ക്കാട് ബയോഗ്യാസ് പ്ലാന്റില് തീപിടുത്തം; മുപ്പതോളം പേര്ക്ക് പരിക്ക്
കാട്ടാന ആക്രമണത്തിൽ ഒരു ജീവൻ കൂടി പൊലിഞ്ഞു; പാലക്കാട് സ്വദേശിക്ക് ദാരുണാന്ത്യം
‘വയനാട്ടിലെല്ലാ സ്ഥലത്തും കാട്ടാനയില്ലേ? കോൺഗ്രസ് വാങ്ങിയ സ്ഥലം കാട്ടാനശല്യമുള്ള മേഖലയാണെന്ന വിമർശനത്തിൽ സണ്ണി ജോസഫ്
മേപ്പാടിയിൽ ഇറങ്ങിയ കാട്ടാനകളെ തുരത്താൻ റാപിഡ് റസ്ക്യു ടീം ഇറങ്ങി
