Kerala

സംസ്ഥാനത്ത് വരും ദിവസങ്ങളില്‍ കാലവര്‍ഷം ശക്തിപ്രാപിക്കുമെന്ന് കാലാവസ്ഥാ വകുപ്പ്. മധ്യ, വടക്കന്‍ കേരളത്തിലാണ് മഴ ശക്തമാകുക. എറണാകുളം, ഇടുക്കി, തൃശ്ശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചിട്ടുണ്ട് എറണാകുളം, ഇടുക്കി, മലപ്പുറം, കണ്ണൂര്‍, കോഴിക്കോട്, കാസര്‍കോട് ജില്ലകളില്‍ നാളെയും യെല്ലോ അലര്‍ട്ടായിരിക്കും. ശനിയാഴ്ച അഞ്ച് ജില്ലകളിലും ഞായറാഴ്ച ഒമ്പത് ജില്ലകളിലും മുന്നറിയിപ്പ് നല്‍കിയിട്ടുണ്ട്.

തിരുവനന്തപുരം മെഡിക്കൽ കോളജ് ആശുപത്രിയിലെ നാല് ഡോക്ടർമാർക്ക് കൊവിഡ് സ്ഥിരീകരിച്ചു. മൂന്ന് പിജി ഡോക്ടർമാർക്കും ഒരു ഹൗസ് സർജനുമാണ് കൊവിഡ് സ്ഥിരീകരിച്ചത്. ഇതോടെ സർജറി യൂനിറ്റിലെ 30 ഡോക്ടർമാർ ക്വാറന്റൈനിൽ പ്രവേശിച്ചു. സർജറി വാർഡ് അടച്ചിട്ടു ജില്ലയിൽ കൊവിഡ് രോഗികളുടെ എണ്ണം കുത്തനെ വർധിക്കുന്ന സാഹചര്യത്തിൽ ആരോഗ്യപ്രവർത്തകരും രോഗബാധിതരാകുന്നത് വലിയ പ്രതിസന്ധിയാണ് പ്രതിരോധ പ്രവർത്തനങ്ങളിൽ സൃഷ്ടിക്കുന്നത്. നിലവിൽ സംസ്ഥാനത്ത് ഏറ്റവും കൂടുതൽ കൊവിഡ് രോഗികകളുള്ള ജില്ലയാണ് തിരുവനന്തപുരം. മെഡിക്കൽ കോളജ് ഏതാണ്ട് കൊവിഡ് രോഗികളെ കൊണ്ട് നിറഞ്ഞ…

കണ്ണൂര്‍ സര്‍വകലാശാല പാലയാട് നിയമ പഠന കേന്ദ്രത്തില്‍ പരീക്ഷക്കെത്തിയ വിദ്യാര്‍ഥിനിക്ക് കൊവിഡ് ലക്ഷണം. ഇതോടെ ഒപ്പമുണ്ടായിരുന്ന 13 വിദ്യാര്‍ഥികളെയും ക്വാറന്റൈനില്‍ പ്രവേശിപ്പിച്ചു. അഞ്ചാം സെമസ്റ്റര്‍ പരീക്ഷക്ക് മലപ്പുറത്ത് നിന്നെത്തിയ വിദ്യാര്‍ഥിനിയാണ് കൊവിഡ് ലക്ഷണം കാണിച്ചത്. വിദ്യാര്‍ഥിനിയുടെ സ്രവം പരിശോധനക്ക് അയച്ചു. കൊവിഡ് വ്യാപിക്കുന്നതിനിടെ പരീക്ഷ നടത്തിയ സര്‍വകലാശാലക്കെതിരെ കെ എസ് യു പ്രവര്‍ത്തകര്‍ പ്രതിഷേധിച്ചു. തുടര്‍ന്ന് പിജി പരീക്ഷകള്‍ താത്കാലികമായി നിര്‍ത്തിവെക്കാന്‍ തീരുമാനമായി

സ്വര്‍ണക്കടത്ത് കേസില്‍ സര്‍ക്കാരിനെതിരെ യുഡിഎഫ് നടത്താനിരുന്ന എല്ലാ സമരങ്ങളും മാറ്റി. കൊവിഡ് വ്യാപനം കണക്കിലെടുത്താണ് തീരുമാനമെന്ന് നേതാക്കള്‍ പറയുന്നു. അതേസമയം ജൂലൈ 31 വരെ സംസ്ഥാനത്ത് സമരങ്ങള്‍ നിരോധിച്ച് ഹൈക്കോടതി ഉത്തരവിറക്കിയിരുന്നു. ജൂലൈ 31 വരെ സമരങ്ങള്‍ നടത്തില്ലെന്ന് യുഡിഎഫ് അറിയിച്ചു. സംസ്ഥാനത്ത് കൊവിഡ് വ്യാപിക്കുമ്പോഴും യാതൊരു മാനദണ്ഡങ്ങളും പാലിക്കാതെ നിരവധി ആളുകളെ പങ്കെടുപ്പിച്ചു കൊണ്ടുള്ള യുഡിഎഫിന്റെ സമരം വ്യാപകമായി വിമര്‍ശിക്കപ്പെട്ടിരുന്നു. സംസ്ഥാനത്ത് സമ്പര്‍ക്കം വഴിയുള്ള രോഗവ്യാപനം വര്‍ധിക്കുമ്പോള്‍ തന്നെയായിരുന്നു യുഡിഎഫിന്റെ സമരാഭാസം നടന്നിരുന്നത്. ഇതിന് പിന്നാലെയാണ്…

തിരുവനന്തപുരം മെഡിക്കല്‍ കോളജില്‍ കൊവിഡ് നിരീക്ഷണത്തില്‍ കഴിഞ്ഞിരുന്നയാള്‍ ആത്മഹത്യക്ക് ശ്രമിച്ചു. കൊല്ലം സ്വദേശിയായ 52കാരനാണ് തൂങ്ങിമരിക്കാന്‍ ശ്രമം നടത്തിയത്. മരത്തില്‍ നിന്ന് വീണു പരുക്കേറ്റതിനെ തുടര്‍ന്നാണ് ഇയാളെ ആശുപത്രിയില്‍ എത്തിച്ചത്. കൊവിഡ് സംശയത്തെ തുടര്‍ന്ന് നിരീക്ഷണത്തിലാക്കുകയായിരുന്നു ഇന്ന് രാവിലെ ആരോഗ്യപ്രവര്‍ത്തകര്‍ എത്തിയപ്പോഴാണ് ആത്മഹത്യാ ശ്രമം കണ്ടത്. ഉടനെ രക്ഷപ്പെടുത്തി തീവ്രപരിചരണ വിഭാഗത്തില്‍ പ്രവേശിപ്പിക്കുകയായിരുന്നു. നില ഗുരുതരമാണെന്നാണ് റിപ്പോര്‍ട്ടുകള്‍. മെഡിക്കല്‍ കോളജിലെ കൊവിഡ് വാര്‍ഡില്‍ നേരത്തെയും രണ്ട് പേര്‍ ആത്മഹത്യ ചെയ്തിരുന്നു.