Gulf

മക്ക: ഈ വര്‍ഷത്തെ ഹജ്ജിനിടെ ഹറം മസ്ജിദ് ശുദ്ധീകരിക്കാന്‍ ഉപയോഗിച്ചത് 2400 ലിറ്റര്‍ സാനിറ്റൈസര്‍. ഇതില്‍ 1500 ലിറ്റര്‍ ഉപയോഗിച്ചത് തറ അണുവിമുക്തമാക്കാനാണ്. ബാക്കി 900 ലിറ്റര്‍ സാധാരണ അണുവിമുക്തമാക്കലിനായിരുന്നു. ഇതിന് പുറമെ കാര്‍പറ്റുകളിലും നിസ്‌കാര മുസല്ലകളിലും 1050 ആഡംബര അത്തറും ഉപയോഗിച്ചു. തിരുഗേഹങ്ങളുടെ ജനറല്‍ പ്രസിഡന്‍സിയാണ് ഇക്കാര്യങ്ങളെല്ലാം നടത്തിയത്. മതാഫ്, മസാഅ്, പുറംമുറ്റം തുടങ്ങിയവയാണ് അണുവിമുക്തമാക്കിയത്. ദിവസം പത്ത് പ്രാവശ്യം ഹറം മസ്ജിദും വളപ്പുകളും വൃത്തിയാക്കുകയും അണുവിമുക്തമാക്കുകയും ചെയ്യുന്നുണ്ട്. 3500 ശുചീകരണ തൊഴിലാളികളാണ് ഇത് നിര്‍വ്വഹിക്കുന്നത്.

അബുദാബി: കൊറോണ വ്യാപനം തടയുന്നതിന്റെ പ്രതിരോധ പ്രവര്‍ത്തനങ്ങളുടെ ഭാഗമായി അടച്ചിട്ടിരുന്ന പള്ളികള്‍ യുഎഇയില്‍ തുറന്നു. ഇന്ന് സുബ്ഹി നമസ്‌കാരം പള്ളികളില്‍ നടന്നു. അകലം പാലിച്ചാണ് വിശ്വാസികള്‍ നമസ്‌കാരം നിര്‍വഹിച്ചത്. നമസ്‌കാരത്തിന് മാത്രമായി തുറന്ന പള്ളികള്‍ പ്രാര്‍ഥന കഴിഞ്ഞ ഉടനെ അടച്ചു. എല്ലാവരും താമസസ്ഥലത്ത് നിന്ന് അംഗശുദ്ധി വരുത്തിയാണ് പള്ളിയിലെത്തിയത്. മാത്രമല്ല, നമസ്‌കാര പായ കൊണ്ടുവരണമെന്ന് നിര്‍ദേശം നേരത്തെ നല്‍കിയിരുന്നു. വെള്ളിയാഴ്ചകളിലെ ജുമുഅ നമസ്‌കാരം സംബന്ധിച്ച് സര്‍ക്കാര്‍ തീരുമാനം എടുത്തിട്ടില്ല. ജുമുഅ നമസ്‌കാരം സംബന്ധിച്ച് അധികം വൈകാതെ പ്രത്യേക…

അബുദബി: കഴിഞ്ഞ വര്‍ഷം ക്രിസ്മസിന് വാഹനാപകടത്തില്‍ മകനെ നഷ്ടപ്പെട്ട മലയാളി, കൊവിഡ് കാലത്ത് 61 പേര്‍ക്ക് നാടണയാന്‍ തുണയായി. സെയില്‍സ് മാര്‍ക്കറ്റിംഗ് ഡയറക്ടറായി ജോലി ചെയ്യുന്ന ടി എന്‍ കൃഷ്ണകുമാറാണ് നാട്ടിലേക്ക് പോകാനുള്ള 61 പേരുടെ പൂര്‍ണ്ണ ചിലവും വഹിച്ചത്. ആള്‍ കേരള കോളേജസ് അലുംനി ഫെഡറേഷന്‍ കഴിഞ്ഞ 25ന് ഒരുക്കിയ ദുബൈ- കൊച്ചി ചാര്‍ട്ടര്‍ വിമാനത്തിലെ 55 പേര്‍ക്ക് കൃഷ്ണകുമാറായിരുന്നു ടിക്കറ്റ് നല്‍കിയത്. 199 പേരാണ് ഈ ചാര്‍ട്ടര്‍ വിമാനത്തില്‍ നാട്ടിലേക്ക് പോയത്. അപകടം നടക്കുമ്പോള്‍…

ദുബൈ: പൂര്‍ണ്ണ ഡിജിറ്റല്‍ വെഹിക്കിള്‍ ലൈസന്‍സിംഗ് സേവനം ഉടനെ ദുബൈയില്‍ ആരംഭിക്കുമെന്ന് റോഡ്‌സ് ആന്റ് ട്രാന്‍സ്‌പോര്‍ട്ട് അതോറിറ്റി (ആര്‍ ടി എ). ഇതിലൂടെ വാഹന രജിസ്‌ട്രേഷന്‍ കൂടുതല്‍ എളുപ്പമാകും. അതേസമയം, വാഹനങ്ങളുടെ സാങ്കേതിക പരിശോധന തുടരും. നിലവിലെ നടപടിക്രമങ്ങളെ അപേക്ഷിച്ച് ഉപഭോക്താക്കളുടെ സമയവും അധ്വാനവും കുറക്കുന്നതാണ് പുതിയ സാങ്കേതികവിദ്യ. ഇത്തരമൊരു സാങ്കേതികവിദ്യയെ സംബന്ധിച്ച് ഉപഭോക്താക്കളുമായി ആര്‍ ടി എ ഓണ്‍ലൈന്‍ ചര്‍ച്ച നടത്തി. 2021ഓടെ പുതിയ സംവിധാനം നിലവില്‍ വരുമെന്നാണ് പ്രതീക്ഷ.

മിന: പുണ്യഭൂമികള്‍ക്കിടയിലെ യാത്രയില്‍ ഹജ്ജ് തീര്‍ത്ഥാടകരെ സര്‍വ്വസജ്ജമായ മൊബൈല്‍ ബസ് ക്ലിനിക് അനുഗമിക്കും. ആവശ്യമായ എല്ലാ മെഡിക്കല്‍ സന്നാഹങ്ങളോടുമുള്ള അഞ്ച് ബസുകളാണ് ഉണ്ടാകുക. ജനറല്‍ മെഡിസിന്‍, ഡെന്റല്‍, ലബോറട്ടറി, റേഡിയോളജി, ഫാര്‍മസി തുടങ്ങിയ സൗകര്യങ്ങളെല്ലാം ഇതിലുണ്ടാകും. മിനയില്‍ നിന്ന് അറഫയിലൂടെയും മുസ്ദലിഫയിലൂടെയും ഹറം മസ്ജിദിലേക്കുള്ള യാത്രയിലും തിരിച്ച് മിനിയിലേക്കുള്ള യാത്രയിലും മൊബൈല്‍ ക്ലിനിക്കുകള്‍ അനുഗമിക്കും. ഓരോ സ്‌പെഷ്യാലിറ്റികളിലെയും വിദഗ്ധന്മാരും വാഹനത്തിലുണ്ടാകും. കൊവിഡിന്റെ പശ്ചാത്തലത്തില്‍ കര്‍ശന ആരോഗ്യ വ്യവസ്ഥകളോടെ പതിനായിരം പേര്‍ക്കാണ് ഇത്തവണ ഹജ്ജിന് അവസരം.

ദുബൈ: ദുബൈയിലെ ബസുകളില്‍ യാത്രക്കാര്‍ സാമൂഹ്യ അകലം പാലിക്കുന്നുണ്ടോയെന്ന് പരിശോധിക്കാന്‍ സ്മാര്‍ട്ട് സംവിധാനം ഒരുക്കി റോഡ് ആന്റ് ട്രാന്‍സ്‌പോര്‍ട്ട് അതോറിറ്റി (ആര്‍ ടി എ). ബിഗ് ഡാറ്റ ഉപയോഗിച്ചാണ് ഈ സംവിധാനം പ്രവര്‍ത്തിക്കുക. ആര്‍ ടി എയുടെ കണ്‍ട്രോള്‍ സെന്ററുകളുമായി ബന്ധിപ്പിച്ചിരിക്കുകയാണ് സംവിധാനം. സാമൂഹ്യ അകലം പാലിക്കാതെ യാത്രക്കാര്‍ ഇരിക്കുകയോ നില്‍ക്കുകയോ ചെയ്താല്‍ തത്സമയം കണ്ടുപിടിക്കാന്‍ സാധിക്കും. സാമൂഹ്യ അകലം ലംഘിക്കുന്ന ബസുകളുടെ റൂട്ട് നമ്പര്‍, ലംഘിച്ചവരുടെ എണ്ണം, യാത്രാ തിയ്യതി, സമയം, ഡ്രൈവറുടെ വിശദാംശങ്ങള്‍, സാമൂഹ്യ…

അബുദബി: വന്ദേഭാരത് മിഷന്റെ അഞ്ചാം ഘട്ടത്തില്‍ യു എ ഇയില്‍ നിന്ന് ഇന്ത്യയിലേക്ക് പറക്കുക 105 വിമാനങ്ങള്‍. ആഗസ്റ്റ് ഒന്നു മുതല്‍ 15 വരെയായിരിക്കും സര്‍വ്വീസുകള്‍ ദുബൈ, ഷാര്‍ജ എന്നിവിടങ്ങളില്‍ നിന്ന് 74 വീതവും അബുദബിയില്‍ നിന്ന് 31ഉം വിമാനങ്ങളാണ് സര്‍വ്വീസ് നടത്തുക. എയര്‍ ഇന്ത്യ, എയര്‍ ഇന്ത്യ എക്‌സ്പ്രസ്സ് വിമാനങ്ങളാണ് സര്‍വ്വീസ് നടത്തുക. സര്‍വ്വീസ്, ഓണ്‍ലൈന്‍ ബുക്കിംഗ് തുടങ്ങിയവ സംബന്ധിച്ച കൂടുതല്‍ വിവരങ്ങള്‍ ഉടനെ പ്രഖ്യാപിക്കും. വന്ദേഭാരത് മിഷനിലൂടെ ഇതുവരെ ലോകത്തിന്റെ വിവിധ ഭാഗങ്ങളില്‍ നിന്ന്…

മിന: ഈ വര്‍ഷത്തെ ഹജ്ജിനെത്തുന്ന തീര്‍ത്ഥാടകര്‍ക്ക് വേണ്ടിയുള്ള ഒരുക്കങ്ങളെല്ലാം പൂര്‍ത്തിയാക്കി നമിറ പള്ളി. എയര്‍ കണ്ടീഷന്‍, പ്യൂരിഫിക്കേഷന്‍ സംവിധാനങ്ങള്‍ വികസിപ്പിച്ചിട്ടുണ്ട് സെന്‍ട്രിഫ്യൂജല്‍ ഫാനുകള്‍, എന്‍ട്രന്‍സ് എന്നിവ വഴി മിനിറ്റില്‍ പത്ത് ലക്ഷം ക്യൂബിക് അടി വെള്ളം പമ്പ് ചെയ്യാനുള്ള സംവിധാനമുണ്ട്. 60 സെന്‍ട്രല്‍ എ സി ഘടിപ്പിച്ചു. ഇതിലൂടെ 100 ശതമാനം ശുദ്ധമായ വായു ലഭിക്കും. നമിറ പള്ളിയിലെ മേല്‍ക്കൂര പൂര്‍ണ്ണമായും ഒഴിപ്പിച്ചു. സ്ത്രീകള്‍ക്കും പുരുഷന്മാര്‍ക്കുമായി ആയിരം ശൗചാലയങ്ങള്‍ നവീകരിച്ചു. 1.10 ലക്ഷം ചതുരശ്ര മീറ്റര്‍ ആഡംബര…

മസ്‌കത്ത്: കൊവിഡ്- 19 വ്യാപനം അതിശക്തമായ ഒമാനില്‍ വീണ്ടും രാജ്യവ്യാപക ലോക്ക്ഡൗണ്‍ ആരംഭിച്ചു. ഗവര്‍ണറേറ്റുകളുടെ അതിര്‍ത്തികളില്‍ റോയല്‍ ഒമാന്‍ പോലീസിന്റെ ചെക്ക്‌പോയിന്റുകളുണ്ടാകും. എന്നാല്‍, വിലായതുകളുടെ ഇടയിലുണ്ടാകില്ല. ഒരു ഗവര്‍ണറേറ്റില്‍ നിന്ന് മറ്റൊരു ഗവര്‍ണറേറ്റിലേക്കുള്ള യാത്ര അനുവദിക്കില്ല. വൈകിട്ട് ഏഴ് മുതല്‍ രാവിലെ ആറ് വരെ വാഹന ഗതാഗതവും മറ്റ് സഞ്ചാരവും തടയും. ഈ സമയത്ത് പുറത്തിറങ്ങിയാല്‍ പിഴയുണ്ടാകും. ജീവനക്കാര്‍ക്ക് രാത്രി ഏഴ് മണിയോടെ വീട്ടിലെത്താന്‍ സ്ഥാപനങ്ങളെല്ലാം അഞ്ച് മണിയോടെ അടക്കുന്നുണ്ട്. ഗവര്‍ണറേറ്റുകള്‍ക്കിടയില്‍ സഞ്ചരിക്കാന്‍ ആരോഗ്യ പ്രവര്‍ത്തകര്‍ക്കും അനുമതിയില്ല….