Gulf

അബുദബി: യു എ ഇ വികസിപ്പിക്കുന്ന കൊവിഡ്- 19 വാക്‌സിന്‍ പരീക്ഷണത്തിന് സജ്ജമായ സന്നദ്ധ പ്രവര്‍ത്തകര്‍ക്ക് മറ്റ് പരിശോധനകളില്‍ നിന്ന് ഇളവ്. ഇവര്‍ക്ക് വിവിധ ആവശ്യങ്ങള്‍ക്കുള്ള കൊവിഡ് പരിശോധനയില്‍ നിന്നാണ് ഇളവ് നല്‍കുക. ലോകത്ത് ആദ്യമായി യു എ ഇയിലാണ് കൊവിഡ് വാക്‌സിന്‍ പരീക്ഷണത്തിന്റെ മൂന്നാം ഘട്ടത്തിലേക്ക് കടന്നത്. മനുഷ്യരിലെ പരീക്ഷണമാണ് മൂന്നാം ഘട്ടം. അല്‍ ഹുസ്ന്‍ (AlHosn) ആപ്പ് ഉപയോഗിച്ചാണ് പരീക്ഷണത്തിന് തയ്യാറായവരെ തിരിച്ചറിയുക. വളണ്ടിയേഴ്‌സ് ടാഗ് ഉള്‍പ്പെടുത്താന്‍ ആപ്പ് പരിഷ്‌കരിക്കും. ഇതോടെ പി സി…

മസ്‌കത്ത്: കോവിഡ് പ്രതിരോധത്തിലും ലോക്ഡൗൺ പ്രതിസന്ധികളെ നേരിടുന്നതിലും ഗൾഫ് രാജ്യങ്ങളിൽ മുന്നിൽ നിന്ന് പ്രവർത്തിച്ച ഐ സി എഫ് സന്നദ്ധസേവകരെ അനുമോദിക്കുന്നതിനായി വിപുലമായ സമ്മേളനം ഒരുക്കുന്നു. ആഗസ്ത് ഏഴ് വെള്ളിയാഴ്ച ഇന്ത്യൻ സമയം വൈകിട്ട് നാലുമണിക്ക് ഓൺലൈനിൽ നടക്കുന്ന സമ്മേളനത്തിൽ ആയിരങ്ങൾ സംബന്ധിക്കും. അന്നവും അഭയവും നൽകുന്ന ഗൾഫ് രാജ്യങ്ങളിലെ ഭരണകൂടത്തോടും ഔദ്യോഗിക സംവിധാനങ്ങളോടും സഹകരിച്ചും പിന്തുണ നൽകിയും പ്രയാസമനുഭവിക്കുന്ന പതിനായിരങ്ങൾക്കാണ് ഐ സി എഫ് കോവിഡ് കാലത്ത് സ്തുത്യർഹമായ സേവന പ്രവർത്തനങ്ങൾ എത്തിച്ചത്. സാന്ത്വനമേകാൻ വൈവിധ്യമാർന്ന…

അജ്മാൻ: യുഎഇയിലെ അജ്മാനില്‍ തീപിടിത്തം. ഇറാനിയൻ മാർക്കറ്റ് എന്ന് അറിയപ്പെടുന്ന അജ്മാൻ വ്യവസായ മേഖലയിലാണ് തീപിടിത്തമുണ്ടായത്. മേഖലയിലുള്ള നിരവധി സ്ഥാപനങ്ങള്‍ക്ക് തീപിടിച്ചു. . പ്രദേശിക സമയം വൈകിട്ട് 6.30 ഓടെ തീ പിടിത്തമുണ്ടായത്.

അബുദബി: കൊവിഡ് ഭീഷണിയില്‍ നിന്ന് കുട്ടികള്‍ മുക്തരല്ലെന്നും രണ്ട് വയസ്സിന് മുകളിലുള്ള കുട്ടികളും മാസ്‌ക് ധരിക്കണമെന്നും അധികൃതര്‍. അതേസമയം, ശ്വാസസംബന്ധിയായ പ്രശ്‌നമുള്ളവരും വിട്ടുമാറാത്ത രോഗമുള്ളവരുമായ കുട്ടികള്‍ മാസ്‌ക് ധരിക്കേണ്ടതില്ല. സ്വന്തം നിലക്ക് മാസ്‌ക് ഊരാന്‍ സാധിക്കാത്ത കുട്ടികളും ധരിക്കേണ്ടതില്ല. കുട്ടികള്‍ക്ക് വൈറസ് ബാധിക്കുന്നത് കുറവാണെങ്കിലും മറ്റുള്ളവര്‍ക്ക് രോഗം പകരാന്‍ ചിലപ്പോള്‍ കുട്ടികള്‍ കാരണമായേക്കാം. മാസ്‌ക് ധരിക്കുന്നതും സാമൂഹിക അകലം പാലിക്കുന്നതും കൊവിഡ് പ്രതിരോധ പോരാട്ടത്തില്‍ പരമപ്രധാനമാണ്. കൊവിഡ് പകരാനുള്ള സാധ്യത പരിമിതപ്പെടുത്തുകയാണ് മാസ്‌ക് ധരിക്കുന്നതിലൂടെ സംഭവിക്കുന്നത്.

അബുദബി: പ്രവാസികള്‍ക്ക് വേണ്ടി ഇന്ത്യയും യു എ ഇയും ഏര്‍പ്പെടുത്തിയ പ്രത്യേക യാത്രാ സംവിധാനം ആഗസ്റ്റ് 31 വരെ ദീര്‍ഘിപ്പിച്ചു. വന്ദേഭാരത് മിഷന്റെ ഭാഗമായി യു എ ഇയിലേക്ക് പുറപ്പെടുന്ന വിമാനങ്ങളിലാണ് പ്രവാസികള്‍ക്ക് യു എ ഇയിലെത്താന്‍ സാധിക്കുക. ഈ വിമാനങ്ങളിലേക്കുള്ള ടിക്കറ്റ് ബുക്കിങ് ആഗസ്റ്റ് അഞ്ച് മുതല്‍ ആരംഭിക്കും. വന്ദേഭാരത് മിഷന്റെ മാത്രമല്ല ചാര്‍ട്ടര്‍ ചെയ്ത് സര്‍വ്വീസ് നടത്തുന്ന യു എ ഇയുടെ വിമാനങ്ങളിലും സ്വകാര്യ വിമാനങ്ങളിലും യു എ ഇയിലെത്താം. ജൂലൈ പകുതി മുതല്‍…

കുവൈറ്റ് സിറ്റി: ഇന്ത്യക്കാര്‍ അടക്കമുള്ള രാജ്യങ്ങളിലുള്ളവര്‍ക്ക് കുവൈറ്റ് നിരോധനം ഏര്‍പ്പെടുത്തിയത്, രാജ്യത്തെ സ്‌കൂളുകളുടെ പ്രവര്‍ത്തനത്തെ ബാധിക്കുമെന്ന് ആശങ്ക. പ്രാദേശിക, വിദേശ കരാറുകള്‍ നിര്‍ത്തുന്നതും അധ്യാപകരുടെ വാര്‍ഷിക രാജിയുമെല്ലാം തീര്‍ത്ത പ്രതിസന്ധിക്കിടെയാണ് ഇത്. ആരോഗ്യ പ്രവര്‍ത്തകരെ പോലെ അധ്യാപകര്‍ക്കും ഇളവ് നല്‍കണമെന്ന് സ്‌കൂളുകള്‍ അധികൃതര്‍ ആവശ്യപ്പെടുന്നു. രാജ്യത്ത് പുതിയ അധ്യയന വര്‍ഷത്തിനായി ഒരുക്കങ്ങള്‍ ഊര്‍ജ്ജിതമാക്കിയ അവസരത്തില്‍ അധ്യാപകര്‍ക്ക് ഇളവ് നല്‍കണമെന്ന് കുവൈറ്റ് ടീച്ചേഴ്‌സ് സൊസൈറ്റി ചെയര്‍മാന്‍ മുതീ അല്‍ അജമി പറഞ്ഞു. സെപ്റ്റംബറില്‍ അധ്യയനം ആരംഭിക്കാനാണ് കുവൈറ്റ് പദ്ധതിയിടുന്നത്….

ജിദ്ദ: കൊവിഡ് വ്യാപനത്തിന്റെ പശ്ചാത്തലത്തില്‍ താത്കാലികമായി നിര്‍ത്തിവെച്ച ഉംറ തീര്‍ത്ഥാടനം പുനരാരംഭിക്കാന്‍ സൗദി അറേബ്യ. സുരക്ഷിതമായ രീതിയില്‍ ഹജ്ജ് കര്‍മങ്ങള്‍ നടത്തിയതിന്റെ അനുഭവവും പരിചയവും അടിസ്ഥാനമാക്കി വരുന്ന ഉംറ സീസണ്‍ നടത്താനാണ് ലക്ഷ്യമിടുന്നതെന്ന് ഹജ്ജ്, ഉംറ ഉപമന്ത്രി ഡോ.ഹുസൈന്‍ അല്‍ ശരീഫ് പറഞ്ഞു. ഇത്തവണത്ത ഹജ്ജില്‍ നിന്ന് ലഭിച്ച അനുഭവങ്ങള്‍ അനിതരസാധാരണമാണ്. ഉന്നതനിലവാരത്തിലുള്ള ആരോഗ്യ, സുരക്ഷാ, സംഘാടന നടപടിക്രമങ്ങള്‍ നടപ്പാക്കിയാണ് ഹജ്ജ് പൂര്‍ത്തീകരിച്ചത്. ഹജ്ജ് ചെയ്തവര്‍ ഏഴ് ദിവസം വീട്ടില്‍ ക്വാറന്റൈനില്‍ കഴിയണം. ഏഴ് ദിവസം ക്വാറന്റൈനില്‍…

മക്ക: ഈ വര്‍ഷത്തെ ഹജ്ജ് കര്‍മ്മങ്ങള്‍ അവസാനഘട്ടത്തിലേക്ക് കടന്നിരിക്കെ, തീര്‍ത്ഥാടകര്‍ മടങ്ങിത്തുടങ്ങി. ഞായറാഴ്ച വൈകിട്ട് മുതലാണ് തീര്‍ത്ഥാടകര്‍ മടക്കം ആരംഭിച്ചത്. പിശാചിനെ കല്ലെറിയല്‍ കര്‍മ്മം കഴിഞ്ഞ് മിനയില്‍ നിന്ന് മക്കയിലേക്ക് മടങ്ങി വിദാഇന്റെ ത്വവാഫ് പൂര്‍ത്തിയാക്കുന്നതോടെയാണ് ഹജ്ജ് കര്‍മ്മങ്ങള്‍ക്ക് പരിസമാപ്തിയാകുക. മഹാമാരിയുടെ ഭീഷണിക്കിടയിലും സുരക്ഷിതമായി ഹജ്ജ് പൂര്‍ത്തിയാക്കിയതിന്റെ ആഹ്ലാദത്തിലാണ് തീര്‍ത്ഥാടകര്‍. തിരുഗേഹങ്ങളുടെ സംരക്ഷകന്‍ സല്‍മാന്‍ രാജാവും കിരീടാവകാശി മുഹമ്മദ് ബിന്‍ സല്‍മാനും നേതൃത്വം നല്‍കുന്ന സര്‍ക്കാര്‍ നടത്തിയ ശ്രമങ്ങളെ തീര്‍ത്ഥാടകര്‍ അഭിനന്ദിക്കുകയും നന്ദി പ്രകാശിപ്പിക്കുകയും ചെയ്തു. അധിക…

മനാമ: സൗദി അറേബ്യയെയും ബഹറൈനെയും ബന്ധിപ്പിക്കുന്ന കിംഗ് ഫഹദ് കോസ് വേ ചരക്കുഗതാഗതത്തിനായി തുറക്കാന്‍ ബഹറൈന്‍ അനുമതി നല്‍കി. ഇന്നുമുതല്‍ ബഹറൈനില്‍ നിന്നുള്ള ട്രക്കുകള്‍ സൗദിയിലേക്ക് പോകും. സൗദി കസ്റ്റംസ് അതോറ്റിയുമായി സഹകരിച്ചാണ് ഈ തീരുമാനം. കൊവിഡ് വ്യാപനത്തെ തുടര്‍ന്ന് മാര്‍ച്ച് ഏഴിനാണ് കോസ് വേ അടച്ചത്. ജൂലൈ 23ന് സൗദി പൗരന്മാര്‍ക്ക് മടങ്ങാന്‍ വേണ്ടി തുറന്നിരുന്നു. സൗദിയിലെ അല്‍ കോബാറിനെ ബഹറൈനിലെ അല്‍ ജസ്‌റയുമായി ബന്ധിപ്പിക്കുന്ന കോസ് വേയുടെ നീളം 25 കിലോമീറ്ററാണ്.

ഷാര്‍ജ: ഷാര്‍ജയിലെ ഖോര്‍ഫക്കാന്‍, കല്‍ബ തീരങ്ങളില്‍ എണ്ണച്ചോര്‍ച്ച. ചോര്‍ച്ചക്ക് കാരണമായ കപ്പലുകള്‍ക്കെതിരെ കര്‍ശന നടപടി സ്വീകരിക്കുമെന്ന് ഷാര്‍ജ അധികൃതര്‍ മുന്നറിയിപ്പ് നല്‍കി. പോലീസിന്റെയും മുനിസിപ്പാലിറ്റികളുടെയും സഹായത്തോടെ കോസ്റ്റുഗാര്‍ഡും ബീഉം എണ്ണച്ചോര്‍ച്ച തടഞ്ഞിട്ടുണ്ട്. കപ്പലുകളുടെ അനാസ്ഥ കാരണമാണ് എണ്ണച്ചോര്‍ച്ചയുണ്ടായത്. കപ്പലിലെ എണ്ണച്ചോര്‍ച്ച സമുദ്രത്തിലെ ജീവജാലങ്ങള്‍ക്കും പരിസ്ഥിതിക്കും വലിയ ആഘാതമാണ് ഏല്‍പ്പിക്കുന്നത്. രാജ്യത്ത് ഈ വര്‍ഷം മാത്രം മൂന്ന് എണ്ണച്ചോര്‍ച്ചകളാണുണ്ടായത്.