പാലക്കാട് കാരപ്പാടത്ത് ശ്രുതിയെന്ന യുവതി തീപ്പൊള്ളലേറ്റ് മരിച്ച സംഭവം കൊലപാതകമെന്ന് വ്യക്തമായി. ശ്രുതിയുടെ ഭർത്താവ് ശ്രീജിത്താണ് കൃത്യം നടത്തിയത്. മണ്ണെണ്ണ ഒഴിച്ച് ശ്രുതിയെ തീ കൊളുത്തി കൊല്ലുകയായിരുന്നു. ആത്മഹത്യ പ്രേരണക്കേസിൽ റിമാൻഡിലുള്ള ശ്രീജിത്ത് ചോദ്യം ചെയ്യലിൽ കുറ്റം സമ്മതിച്ചു ശ്രീജിത്തിന്റെ പരസ്ത്രീബന്ധം ശ്രുതി ചോദ്യം ചെയ്തതാണ് കൊലപാതകത്തിന് കാരണമായത്. ജൂൺ 18നാണ് ശ്രുതിക്ക് തീപ്പൊള്ളലേറ്റത്. ജൂൺ 22ന് തൃശ്ശൂർ മെഡിക്കൽ കോളജ് ആശുപത്രിയിലെ ചികിത്സക്കിടെ യുവതി മരിച്ചു. ബന്ധുക്കൾ നൽകിയ പരാതിയിലാണ് പോലീസ് അന്വേഷണം നടത്തിയത്….

  പാലക്കാട് പത്ത് വയസ്സുകാരനെ ലൈംഗികമായി പീഡിപ്പിക്കാൻ ശ്രമിച്ച കേസിൽ 50കാരൻ അറസ്റ്റിൽ. കുലുക്കല്ലൂർ സ്വദേശി പുല്ലാനിക്കാട്ടിൽ മുഹമ്മദ് ബഷീർ (50) നെയാണ് കൊപ്പം പോലീസ് അറസ്റ്റ് ചെയ്തത്. ഇന്നലെ രാവിലെ 11മണിയോടെയാണ് കേസിനാസ്പദമായ സംഭവം. നാട്യമംഗലത്ത് ബാർബർഷാപ്പ് നടത്തുന്ന മുഹമ്മദ് ബഷീർ മുടി വെട്ടിതരാം എന്നുപറഞ്ഞ് കുട്ടിയെ തന്റെ ബാർബർ ഷോപ്പിലേക്ക് വിളിച്ചു വരുത്തി ലൈംഗികാതിക്രമം നടത്തുകയായിരുന്നു. കുട്ടിയുടെ വീട്ടുകാരുടെ പരാതിയുടെ അടിസ്ഥാനത്തിൽ ആണ് പോലീസ് കേസെടുത്തത്.

നിയമസഭ കയ്യാങ്കളി കേസിൽ ധാർമികതയില്ലാത്ത പാർട്ടിയായി സിപിഐഎം മാറിയെന്ന് കെ മുരളീധരൻ. മന്ത്രി കോടതിയുടെ മുന്നിൽ കൈയ്യും കെട്ടി നിൽക്കുമ്പോൾ ധാർമികത ബാധകമല്ലേയെന്നും മുരളീധരൻ ചോദിച്ചു. ധാർമികതയുടെ പേരിൽ മന്ത്രി ശിവൻകുട്ടി രാജിവക്കണം. അല്ലെങ്കിൽ നാണം കെട്ട് പുറത്ത് പോകേണ്ടി വരും. ശിവൻകുട്ടിയെ മന്ത്രിസഭയിൽ എടുത്തത് തന്നെ തെറ്റ്. ശിവൻകുട്ടിക്ക് പൊതുവിദ്യാഭ്യാസ വകുപ്പ് നൽകിയത് അതിലും വലിയ തെറ്റാണെന്നും കെ മുരളീധരൻ പറഞ്ഞു.

  നിയമസഭ കയ്യാങ്കളി കേസിൽ ധാർമികതയില്ലാത്ത പാർട്ടിയായി സിപിഐഎം മാറിയെന്ന് കെ മുരളീധരൻ. മന്ത്രി കോടതിയുടെ മുന്നിൽ കൈയ്യും കെട്ടി നിൽക്കുമ്പോൾ ധാർമികത ബാധകമല്ലേയെന്നും മുരളീധരൻ ചോദിച്ചു. ധാർമികതയുടെ പേരിൽ മന്ത്രി ശിവൻകുട്ടി രാജിവക്കണം. അല്ലെങ്കിൽ നാണം കെട്ട് പുറത്ത് പോകേണ്ടി വരും. ശിവൻകുട്ടിയെ മന്ത്രിസഭയിൽ എടുത്തത് തന്നെ തെറ്റ്. ശിവൻകുട്ടിക്ക് പൊതുവിദ്യാഭ്യാസ വകുപ്പ് നൽകിയത് അതിലും വലിയ തെറ്റാണെന്നും കെ മുരളീധരൻ പറഞ്ഞു.

  അനർഹരായ ബിപിഎൽ റേഷൻ കാർഡ് ഉടമകളെ കണ്ടെത്താനായി പ്രത്യേക സംഘം. റേഷനിംഗ് ഇൻസ്‌പെക്ടർ മുതൽ ജില്ലാ സപ്ലൈ ഓഫീസർമാർ വരെ സംഘത്തിലുണ്ടാകും. തിങ്കളാഴ്ച മുതലാണ് അനർഹരെ കണ്ടെത്താനുള്ള പരിശോധന റേഷൻ വാങ്ങുന്നതിനേക്കാൾ മറ്റാവശ്യങ്ങൾക്കായി ഇത്തരക്കാർ കാർഡ് ഉപയോഗിക്കുന്നതായി കണ്ടെത്തിയിരുന്നു. ഇതേ തുടർന്നാണ് പരിശോധന. ഓണക്കിറ്റ് വിതരണത്തോടൊപ്പമായിരിക്കും പരിശോധന നടക്കുക.  

  കണ്ണൂർ പടിയൂരിൽ യുവാവ് സഹോദരനെ കുത്തിക്കൊലപ്പെടുത്തി. പാലയോട് കോളനിയിലെ മഹേഷാണ് കൊല്ലപ്പെട്ടത്. ഇയാളുടെ ഇളയ സഹോദരനായ ബിനുവാണ് കൃത്യം നടത്തിയത്. വെള്ളിയാഴ്ച വൈകുന്നേരമാണ് മദ്യലഹരിയിലായിരുന്ന ബിനു മഹേഷിനെ മുഖത്ത് കത്തി കൊണ്ട് കുത്തിയത്. ഗുരുതരമായി പരുക്കേറ്റ് ചികിത്സയിലായിരുന്ന മഹേഷ് ഇന്നാണ് മരിച്ചത്.

  കൊട്ടിയൂർ പീഡനക്കേസിൽ ശിക്ഷ അനുഭവിക്കുന്ന മുൻ വൈദികൻ റോബിൻ വടക്കുംചേരി സുപ്രീം കോടതിയെ സമീപിച്ചു. താൻ പീഡിപ്പിച്ച് ഗർഭിണിയാക്കിയ പ്രായപൂർത്തിയാകാത്ത പെൺകുട്ടിയെ വിവാഹം ചെയ്യാൻ ജാമ്യം നൽകണമെന്നാവശ്യപ്പെട്ടാണ് പീഡന കുറ്റവാളി സുപ്രീം കോടതിയെ സമീപിച്ചിരിക്കുന്നത് കഴിഞ്ഞ ദിവസം കേസിലെ ഇരയും സുപ്രീം കോടതിയെ സമീപിച്ചിരുന്നു. റോബിൻ വടക്കുംചേരിയെ വിവാഹം ചെയ്യാൻ അനുവദിക്കണമെന്നാവശ്യപ്പെട്ടാണ് പെൺകുട്ടിയും കോടതിയെ സമീപിച്ചത്. നാല് വയസ്സുള്ള കുട്ടിയെ സ്‌കൂളിൽ ചേർക്കുമ്പോൾ അച്ഛന്റെ പേര് രേഖപ്പെടുത്തുന്നതിന് വിവാഹം ആവശ്യമാണെന്നും പെൺകുട്ടി പറയുന്നു