കണ്ണൂർ ഗവ. മെഡിക്കൽ കോളജിൽ കൊവിഡ് ചികിത്സയിൽ കഴിയുന്നതിനിടെ രക്ഷപ്പെട്ട റിമാൻഡ് പ്രതി പിടിയിൽ. ആറളം സ്വദേശി ദിലീപാണ് പിടിയിലായത്. ഇന്ന് രാവിലെ പത്ത് മണിയോടെയാണ് ഇയാൾ അഞ്ചരക്കണ്ടി മെഡിക്കൽ കോളജിലെ കൊവിഡ് വാർഡിൽ നിന്നും രക്ഷപ്പെട്ടത്. മൊബൈൽ മോഷണക്കേസുമായി ബന്ധപ്പെട്ടാണ് ദിലീപിനെ പോലീസ് പിടികൂടിയത്. തുടർന്ന് പരിശോധന നടത്തിയപ്പോൾ ഇയാൾ കൊവിഡ് പോസീറ്റീവായിരുന്നു. അങ്ങനെയാണ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ഇന്നുച്ചയോടെ ഇരിട്ടിയിൽ വെച്ചാണ് ഇയാളെ പിടികൂടിയത്.

വടകര എംപി കെ മുരളീധരൻ കൊവിഡ് പരിശോധന നടത്തി. കൊവിഡ് സ്ഥിരീകരിച്ച ഡോക്ടറുടെ വിവാഹ ചടങ്ങിൽ കെ മുരളീധരൻ പങ്കെടുത്തിരുന്നു. തുടർന്നാണ് ജില്ലാ കലക്ടർ മുരളീധരനോട് കൊവിഡ് പരിശോധന നടത്താൻ ആവശ്യപ്പെട്ടത്. നാളെയാണ് കെ മുരളീധരന്റെ പരിശോധനാ ഫലം വരിക. ഇതുവരെ അദ്ദേഹം വീട്ടിൽ നിരീക്ഷണത്തിൽ തുടരുമെന്ന് എംപിയുടെ ഓഫീസ് അറിയിച്ചു. ഇന്ന് രാവിലെയാണ് കെ മുരളീധരനോട് പരിശോധന നടത്തണമെന്ന് കലക്ടർ ആവശ്യപ്പെട്ടത്. അതേസമയം ആരോഗ്യവകുപ്പ് ഇത്തരമൊരു നിർദേശം നൽകിയിരുന്നില്ല. ജനപ്രതിനിധികൾ കൊവിഡ് മാനദണ്ഡം ലംഘിക്കുന്നതിനെ കുറിച്ച്…

നഗരസഭയിലെ ഏഴ് കൗൺസിലർമാർക്ക് കൊവിഡ് സ്ഥിരീകരിച്ച സാഹചര്യത്തിൽ തിരുവനന്തപുരം കോർപറേഷൻ മേയർ കെ ശ്രീകുമാർ സ്വയം നിരീക്ഷണത്തിൽ പോയി. കൗൺസിലർമാരെ കൂടാതെ ഒരു ജീവനക്കാരിക്കും രോഗം സ്ഥിരീകരിച്ചിരുന്നു ഇത്രയും പേർക്ക് കൊവിഡ് സ്ഥിരീകരിച്ചിട്ടും മേയർ നിരീക്ഷണത്തിൽ പോകാത്തത് വിവാദങ്ങൾക്ക് ഇടയാക്കിയിരുന്നു. ഇതിന് പിന്നാലെയാണ് മേയർ നിരീക്ഷണത്തിലാണെന്ന അറിയിപ്പ് ഓഫീസിൽ നിന്നെത്തിയത്.

കൊവിഡ് വ്യാപനം കണക്കിലെടുത്ത് സമ്പൂർണ ലോക്ക് ഡൗൺ നടപ്പാക്കണമോയെന്ന ആലോചനയിലാണ് സർക്കാർ. എന്നാൽ വീണ്ടും ലോക്ക് ഡൗൺ ഏർപ്പെടുത്തുന്നത് ഗുണകരമാകില്ലെന്ന് സിപിഎം വിലയിരുത്തുന്നു. ലോക്ക് ഡൗൺ ജനജീവിതം നിശ്ചലമാക്കാനേ സാധിക്കൂവെന്നും സംസ്ഥാന സെക്രട്ടേറിയറ്റ് വിലയിരുതത്ി കേരളം ഒന്നാകെ അടച്ചിടുന്നതിന് പകരം പ്രാദേശികമായി ലോക്ക് ഡൗൺ ഏർപ്പെടുത്തി നിയന്ത്രമം ശക്തമാക്കുകയാണ് വേണ്ടതെന്നുമാണ് പാർട്ടിയുടെ നിലപാട്. ലോക്ക് ഡൗൺ സംബന്ധിച്ച വിഷയങ്ങൾ ചർച്ച ചെയ്യുന്നതിനായി അൽപ്പ സമയത്തിനകം സർവകക്ഷി യോഗം ചേരുന്നുണ്ട്. ഇതിന് മുന്നോടിയായാണ് സിപിഎം നിലപാട് സ്വീകരിച്ചത്. തുടർച്ചയായ…

കോവിഡ് സ്ഥിരീകരിച്ച ഡോക്ടറുടെ വിവാഹ ചടങ്ങില്‍ മുരളീധരന്‍ പങ്കെടുത്ത കെ.മുരളീധരന്‍ എംപി കോവിഡ് പരിശോധന നടത്തണമെന്ന് ജില്ലാ കലക്ടർ സാംബശിവ റാവുവിന്റെ നിര്‍ദേശം. ബീച്ച് ആശുപത്രിയിലെ ഡോക്ടറുടെ വിവാഹത്തിനാണ് എംപി പങ്കെടുത്തത് നാദാപുരത്തിനടുത്ത് പാറക്കടവിലെ കോണ്‍ഗ്രസ് നേതാവിന്റെ മകനാണ് ഡോക്ടര്‍. കഴിഞ്ഞ ഒന്‍പതിനായിരുന്നു വിവാഹം. മൂന്ന് ദിവസങ്ങളിലായി 200 ഓളം പേര്‍ ചടങ്ങില്‍ പങ്കെടുത്തിരുന്നു. എട്ടിന് മുരളീധരന്‍ എംപി ഉള്‍പ്പെടെ പ്രമുഖ കോണ്‍ഗ്രസ്, യുഡിഎഫ് നേതാക്കളെല്ലാം വരന് ആശംസ അറിയിക്കാന്‍ എത്തിയിരുന്നു. ദിവസങ്ങള്‍ പിന്നിടുമ്പോഴേക്കും ഡോക്ടര്‍ക്കു രോഗം…

മലപ്പുറത്ത് ഒരു കുടുംബത്തിലെ പത്ത് പേര്‍ക്ക് കൊവിഡ് സ്ഥിരീകരിച്ചു. പുറത്തൂരിലും തലക്കാടുമായാണ് 10 പേര്‍ക്ക് കൊവിഡ് സ്ഥിരീകരിച്ചത്. കൊവിഡ് ബാധിച്ച് മരിച്ചയാളുടെ കുടുംബാംഗങ്ങളാണ് ഇവര്‍. കൊണ്ടോട്ടിയിലെ നഗരസഭാംഗമായ അഭിഭാഷകന് കൊവിഡ് സ്ഥിരീകരിച്ചതോടെ മലപ്പുറത്തെയും മഞ്ചേരിയിലേയും കോടതികള്‍ തൽക്കാലത്തേക്ക് അടച്ചു. മലപ്പുറം ജില്ലയില്‍ 89 പേര്‍ക്കാണ് ഇന്നലെ കൊവിഡ് 19 സ്ഥിരീകരിച്ചത്. ഇതില്‍ 34 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇവരില്‍ 14 പേരുടെ രോഗ ഉറവിടം കണ്ടെത്തിയിട്ടില്ല. രോഗം സ്ഥിരീകരിച്ചവരില്‍ 15 പേര്‍ ഇതര സംസ്ഥാനങ്ങളില്‍ നിന്നെത്തിയതും ശേഷിക്കുന്ന…

കോട്ടയം മെഡിക്കൽ കോളജ് ആശുപത്രിയിലെ രണ്ട് ഡോക്ടർമാർക്ക് കൊവിഡ് സ്ഥിരീകരിച്ചു. ഗൈനക്കോളജി, പത്തോളജി വിഭാഗത്തിലെ ഡോക്ടർമാർക്കാണ് രോഗം സ്ഥിരീകരിച്ചത്. മെഡിക്കൽ കോളജിൽ ഡോക്ടർമാർക്ക് കൊവിഡ് സ്ഥിരീകരിക്കുന്നത് ഇതാദ്യമാണ്. കഴിഞ്ഞ ദിവസം ഗൈനക്കോളജി വാർഡിലെ അഞ്ച് രോഗികൾക്ക് കൊവിഡ് സ്ഥിരീകരിച്ചിരുന്നു ഇവരിൽ നിന്നാകാം പിജി ഡോക്ടർമാർക്ക് രോഗബാധയുണ്ടായതെന്ന് കരുതുന്നു. രോഗികൾക്ക് കൊവിഡ് സ്ഥിരീകരിച്ചതോടെ നിരവധി ഡോക്ടർമാർ നിരീക്ഷണത്തിൽ പോയിരുന്നു. ഇന്ന് രണ്ട് ഡോക്ടർമാർക്ക് കൂടി രോഗബാധ കണ്ടെത്തിയതോടെ കൂടുതൽ ജീവനക്കാർ നിരീക്ഷണത്തിൽ പോകേണ്ട സ്ഥിതിയാണ്. ഇവരുടെ സമ്പർക്ക പട്ടിക…