സോളാർ വിവാദത്തിൽ അപകീർത്തികരമായ പരാമർശം നടത്തിയതിന്റെ പേരിൽ 10.10 ലക്ഷം രൂപ ഉമ്മൻ ചാണ്ടിക്ക് നഷ്ടപരിഹാരം നൽകണമെന്ന കോടതി വിധിക്കെതിരെ വി എസ് അച്യുതാനന്ദൻ കോടതിയെ സമീപിച്ചു. തിരുവനന്തപുരം ജില്ലാ കോടതിയിലാണ് വി എസ് അപ്പീൽ നൽകിയത്. സോളാർ ഇടപാടിൽ ഉമ്മൻ ചാണ്ടി അഴിമതി നടത്തിയെന്നായിരുന്നു വി എസിന്റെ പരാമർശം. ഇതിനെതിരെ ഉമ്മൻ ചാണ്ടി കോടതിയെ സമീപിക്കുകയാിയരുന്നു. ഇതിൽ കോടതി അനുകൂലമായി വിധിക്കുകയും ചെയ്തു. 2013 ലാണ് വി എസ് ഉമ്മൻ ചാണ്ടിക്കെതിരെ അഴിമതിയാരോപണം ഉന്നയിച്ചത്.

എറണാകുളം പുല്ലേപ്പടിയിൽ റെയിൽവേ ട്രാക്കിന് സമീപം കത്തിക്കരിഞ്ഞ നിലയിൽ മൃതദേഹം കണ്ടെത്തി. ബുധനാഴ്ച ഉച്ചയ്ക്ക് ശേഷമാണ് നാട്ടുകാർ മൃതദേഹം കണ്ടെത്തിയത്. ട്രാക്കിലേക്ക് തല വെച്ച് പൂർണമായും കത്തിയ നിലയിലായിരുന്നു മൃതദേഹം സമീപത്ത് നിന്ന് ലൈറ്ററും പെട്രോൾ നിറച്ചിരുന്ന കുപ്പിയും കണ്ടെത്തി. കൊലപാതകമാണോയെന്ന് പോലീസ് അന്വേഷിച്ച് വരികയാണ്. മറ്റ് എവിടെയെങ്കിലും വെച്ച് കൊലപ്പെടുത്തിയ ശേഷം ട്രാക്കിന് സമീപത്ത് വെച്ച് കത്തിച്ചതാകാമെന്ന സംശയവും പോലീസിനുണ്ട്.

  കുടുംബവഴക്കിനെ തുടർന്ന് പോലീസിൽ പരാതി നൽകിയ വീട്ടമ്മയെ ഭർത്താവ് വെട്ടിപ്പരുക്കേൽപ്പിച്ചു. കാട്ടാക്കട സ്വദേശിയായ സുലോചനക്കാണ് വെട്ടേറ്റത്. ഇവരുടെ മുതുകിനും കൈക്കുമാണ് വെട്ടേറ്റത്. ഭർത്താവ് മുരുകനാണ് ഇവരെ ആക്രമിച്ചത്. ഇയാൾ ഒളിവിലാണ്.