World

വാഷിംഗ്ടണ്‍: ലോകത്തെയാകെ ഭീതിയിലാക്കിയ കൊവിഡ് 19നെ കുറിച്ച് നിരവധി പഠനങ്ങളാണ് ഇതിനോടകം പുറത്ത് വന്നിരിക്കുന്നത്. അതില്‍ ഏറ്റവും പുതിയ പഠനം പറയുന്നത് കൊറോണ വൈറസിന് മണിക്കൂറുകളോളം മനുഷ്യചര്‍മ്മത്തില്‍ കഴിയാനുള്ള കഴിവുണ്ടെന്നാണ്. അമേരിക്കയിലെ ക്ലിനിക്കല്‍ ഇന്‍ഫെക്ഷ്യസ് ഡിസീസ് ജേര്‍ണലില്‍ പ്രസിദ്ധീകരിച്ച പഠനത്തിലാണ് ഇക്കാര്യം വെളിപ്പെടുത്തിയിരിക്കുന്നത്. ഏകദേശം ഒമ്പത് മണിക്കൂറോളം മനുഷ്യന്റെ ചര്‍മ്മത്തില്‍ കൊറോണ വൈറസ് നിലനില്‍ക്കുമെന്നാണ് പഠനത്തില്‍ വ്യക്തമാക്കുന്നത്. സാര്‍സ് കോവ്-2 വൈറസിനെ തടയാനുള്ള ഏറ്റവും ഫലപ്രദമായ മാര്‍ഗ്ഗം വ്യക്തിശുചിത്വം പാലിക്കുകയെന്നതാണെന്നും പഠനത്തില്‍ പറയുന്നു. കൊറോണ വ്യാപനം രൂക്ഷമായ…

സിറിയൻ നഗരമായ അൽബാബിൽ സ്‌ഫോടനത്തിൽ 14 പേർ കൊല്ലപ്പെട്ടു. തിരക്കേറിയ ബസ് സ്റ്റേഷന് സമീപത്താണ് സ്‌ഫോടനമുണ്ടായത്. ട്രക്കിൽ നിറച്ച സ്‌ഫോടക വസ്തുക്കൾ പൊട്ടിത്തെറിക്കുകയായിരുന്നു. അപകടത്തിൽ നാൽപത് പേർക്ക് പരുക്കേറ്റു തുർക്കിയുടെ നിയന്ത്രണത്തിലുള്ള പ്രദേശമാണ് അൽബാബ്. വലിയ ട്രക്ക് ജനക്കൂട്ടത്തിനിടയിലേക്ക് പാഞ്ഞു കയറുകയും പൊട്ടിത്തെറിക്കുകയുമായിരുന്നു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. പ്രദേശത്ത് രക്ഷാപ്രവർത്തനം തുടരുകയാണ്.  

ഭൗതികശാസ്ത്രത്തിനുളള നൊബേല്‍ സമ്മാനം മൂന്ന് ശാസ്ത്രജ്ഞര്‍ പങ്കിട്ടു. റോജര്‍ പെന്റോസ്, റെയിന്‍ഹാര്‍ഡ് ജെന്‍സെല്‍, ആന്‍ഡ്രിയ ഗെസ് എന്നിവരാണ് പുരസ്‌കാരത്തിന് അര്‍ഹരായത്. പ്രധാനമായി തമോഗര്‍ത്തത്തെ കുറിച്ചുളള പഠനമാണ് ഇവര്‍ക്ക് ആദരം നേടി കൊടുത്തത്.   ബ്രിട്ടണിലെ ഒക്‌സ്ഫഡ് സര്‍വകലാശാലയിലെ ശാസ്ത്രജ്ഞനാണ് റോജര്‍ പെന്റോസ്. തമോഗര്‍ത്തം രൂപപ്പെടുന്നതില്‍ ആപേക്ഷികതാ സിദ്ധാന്തത്തിന്റെ പ്രാധാന്യത്തെ കുറിച്ച്‌ വ്യക്തമാക്കുന്ന കണ്ടുപിടിത്തമാണ് റോജര്‍ പെന്റോസിനെ അവാര്‍ഡിന് അര്‍ഹനാക്കിയത്. ക്ഷീരപഥത്തിന്റെ മധ്യഭാഗത്ത് വലിയ തോതിലുളള തമോഗര്‍ത്തത്തെ കണ്ടെത്തിയതിനാണ് റെയിന്‍ഹാര്‍ഡ് ജെന്‍സെല്‍, ആന്‍ഡ്രിയ ഗെസ് എന്നിവരും ആദരം നേടിയത്. ഒരു…

വാഷിങ്ടണ്‍: കൊവിഡ് ചികില്‍സയിലായിരുന്ന യുഎസ് പ്രസിഡന്റ് ഡോണള്‍ഡ് ട്രംപ് ആശുപത്രി വിട്ടു. തന്റെ ആരോഗ്യനിലയില്‍ പ്രശ്‌നങ്ങളില്ലെന്നും ആശുപത്രി വിടുകയാണെന്നും കൊവിഡിനെ ഭയപ്പെടേണ്ടെന്നും ട്രംപ് ട്വിറ്ററില്‍ കുറിച്ചു. വൈറ്റ്ഹൗസിലേക്ക് മടങ്ങിയ ട്രംപിനു അവിടെ ചികില്‍സ തുടരുമെന്നാണ് റിപോര്‍ട്ട്. അതേസമയം, ട്രംപ് കൊവിഡ് മുക്തനായിട്ടില്ലെന്നു ഡോക്ടര്‍മാര്‍ അറിയിച്ചു. നേരത്തേ, ചികില്‍സയിലിരിക്കെ അതീവ ഗുരുതരാവസ്ഥയിലുള്ളവര്‍ക്കു നല്‍കുന്ന മരുന്നുകള്‍ ട്രംപിനു നല്‍കിയെന്ന് ഡോക്ടര്‍മാര്‍ വെളിപ്പെടുത്തിയതിനു പിന്നാലെ ആശുപത്രിക്കു പുറത്തിറങ്ങി ട്രംപ് വാഹനത്തില്‍ പുറത്തേക്കു പോയിരുന്നു. വാള്‍ട്ടര്‍ റീഡ് ആശുപത്രിക്കു മുന്നില്‍ കൂടിയ അനുയായികള്‍ക്കു…

ഹെപ്പറ്റൈറ്റിസ് സി വൈറസ് കണ്ടെത്തിയ ശാസ്ത്രജ്ഞര്‍ക്ക് ഇത്തവണത്തെ വൈദ്യശാസ്ത്രത്തിലെ നൊബേല്‍ പുരസ്കാരം. രണ്ട് അമേരിക്കന്‍ ശാസ്ത്രജ്ഞര്‍ക്കും ഒരു ബ്രിട്ടീഷ് ശാസ്ത്രജ്ഞനുമാണ് പുരസ്കാരം.അമേരിക്കന്‍ ശാസ്ത്രജ്ഞരായ ഹാര്‍വി ആള്‍ട്ടറും ചാള്‍സ് റൈസും, ബ്രിട്ടീഷ് ശാസ്ത്രജ്ഞനായ മൈക്കല്‍ ഹ്യൂട്ടനുമാണ് പുരസ്കാരത്തിന് അര്‍ഹരായത്.   രക്തത്തിലെ ഹെപ്പറ്റൈറ്റിസ് സി സിറോസിസും, ലിവര്‍ ക്യാന്‍സറുമടക്കമുള്ള ഗുരുതരരോഗങ്ങളിലേക്ക് നയിക്കുന്നതാണെന്നും ഇതിനെതിരായ പോരാട്ടത്തില്‍ നിര്‍ണായകമായ നാഴികക്കല്ലാകുന്ന കണ്ടെത്തലാണ് ഇതെന്നും നൊബേല്‍ സമ്മാനജൂറി വിലയിരുത്തി.

വാഷിങ്ടണ്‍: ലോകത്ത് കൊവിഡ് ബാധിതരുടെ എണ്ണം കുതിക്കുന്നു. കഴിഞ്ഞ 24 മണിക്കൂറിനിടെ വിവിധ രാജ്യങ്ങളിലായി രണ്ടരലക്ഷം പേരാണ് രോഗബാധിതരായത്. ഇതോടെ ആകെ വൈറസ് ബാധിതരുടെ എണ്ണം 3,54,05,847 ആയി ഉയര്‍ന്നു. ഇതുവരെ 10,41,874 പേര്‍ക്കാണ് കൊവിഡ് പോസിറ്റീവായത്. 4,019 മരണവും റിപോര്‍ട്ട് ചെയ്തു. അമേരിക്ക, ഇന്ത്യ, ബ്രസീല്‍, റഷ്യ, കൊളംബിയ, പെറു, സ്‌പെയിന്‍, അര്‍ജന്റീന, മെക്‌സിക്കോ, ദക്ഷിണാഫ്രിക്ക തുടങ്ങിയ രാജ്യങ്ങളിലാണ് രോഗവ്യാപനമേറുന്നത്. അമേരിക്കയിലും ഇന്ത്യയിലും തീവ്രവ്യാപനമുണ്ടായി. കഴിഞ്ഞ 24 മണിക്കൂറിനിടെ അമേരിക്കയില്‍ 34,066 പേര്‍ക്കും ഇന്ത്യയില്‍ 74,767…

വാഷിങ്ടണ്‍: കൊവിഡ് ചികില്‍സയിലുള്ള അമേരിക്കന്‍ പ്രസിഡന്റ് ഡോണാള്‍ഡ് ട്രംപിന്റെ ആരോഗ്യനില ഗുരുതരമാണെന്ന് റിപോര്‍ട്ട്. രക്തത്തിലെ ഓക്സിജന്റെ അളവ് താഴ്ന്ന സാഹചര്യത്തില്‍ അദ്ദേഹത്തിന് സപ്ലിമെന്ററി ഓക്സിജന്‍ നല്‍കിയതായും ഡെക്സാമെത്താസോണ്‍ കൊടുത്തുവെന്നും പ്രസിഡന്റിന്റെ പേഴ്സനല്‍ ഫിസീഷ്യന്‍ ഡോ. സീന്‍ പി കോണ്‍ലിയെ ഉദ്ധരിച്ച് ന്യൂയോര്‍ക്ക് ടൈംസ് റിപോര്‍ട്ട് ചെയ്തു. ട്രംപിന് കൊവിഡ് ഗുരുതരമാണെന്ന സൂചനയാണ് ഡോക്ടര്‍മാര്‍ നല്‍കുന്നത്. പ്രസിഡന്റിന്റെ ആരോഗ്യനില സംബന്ധിച്ച് തങ്ങള്‍ ഒന്നും മറച്ചുവയ്ക്കുന്നില്ലെന്നും ഫിസിഷ്യന്‍ ചൂണ്ടിക്കാട്ടി. വെള്ളിയാഴ്ച കടുത്ത പനിയുണ്ടായിരുന്ന ട്രംപിന്റെ രക്തത്തിലെ ഓക്‌സിജന്റെ അളവ് രണ്ടുതവണ…

ആരോഗ്യനിലയിൽ പുരോഗതിയുണ്ടെന്ന് വ്യക്തമാക്കി അമേരിക്കൽ പ്രസിഡന്റ് ഡോണൾഡ് ട്രംപ്. ആശുപത്രിയിൽ എത്തിയപ്പോഴുള്ളതിനെക്കാൾ ഒരുപാട് മെച്ചപ്പെട്ടു. വരും ദിവസങ്ങൾ നിർണായകമാണ്. തെരഞ്ഞെടുപ്പ് പ്രചാരണങ്ങളിലേക്ക് ഉടൻ തിരിച്ചെത്തുമെന്നും ട്രംപ് പറഞ്ഞ്. ട്രംപിന്റെ ആരോഗ്യനിലയിൽ വൈറ്റ് ഹൗസ് ആശങ്ക പ്രടകിപ്പിച്ചിരുന്നു. കഴിഞ്ഞ ദിവസമാണ് ഡോണൾഡ് ട്രംപിനും പ്രഥമ വനിത മെലാനിയ ട്രംപിനും കൊവിഡ് സ്ഥിരീകരിച്ചത്. ട്രംപ് തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. നേരത്തേ ട്രംപിന്റെ ഉപദേശക ഹോപ് ഹിക്‌സിന് കൊവിഡ് സ്ഥിരീകരിച്ചിരുന്നു.

കോവിഡ് പോസിറ്റീവ് സ്ഥിരീകരിച്ച യുഎസ് പ്രസിഡന്റ് ഡൊണാള്‍ഡ് ട്രംപിന്റെ ആരോഗ്യനില കഴിഞ്ഞ 24 മണിക്കൂറുകള്‍ക്കുള്ളില്‍ ആശങ്കയുയര്‍ത്തുന്നതായിരുന്നുവെന്നും വരാനിരിക്കുന്ന 48 മണിക്കൂറുകള്‍ക്കുള്ളില്‍ നിര്‍ണായകമാണെന്നും റിപ്പോര്‍ട്ട്. അദ്ദേഹത്തിന്റെ ആരോഗ്യവുമായി ബന്ധപ്പെട്ട അടുത്ത വൃത്തങ്ങളാണ് വൈറ്റ്ഹൗസ് പൂളിനോട് ഈ വെളിപ്പെടുത്തല്‍ നടത്തിയിരിക്കുന്നത്. ഇപ്പോഴും കോവിഡില്‍ നിന്നും പൂര്‍ണമായി കരകയറുന്ന പാതയില്‍ ട്രംപ് എത്തിച്ചേര്‍ന്നിട്ടില്ലെന്നാണ് സൂചന.   ഇന്ന് രാവിലെ ട്രംപിന്റെ നില വളരെ മെച്ചപ്പെട്ടിരുന്നുവെന്ന് അദ്ദേഹത്തിന്റെ ഡോക്ടറായ സീന്‍ കോണ്‍ലെ ഒരു ന്യൂസ് കോണ്‍ഫറന്‍സില്‍ പ്രഖ്യാപിച്ച് അധികം വൈകുന്നതിന് മുമ്പാണ് ആശങ്കാജനകമായ…

കോവിഡ് ബാധിച്ച്‌ ചികിത്സയിലുള്ള യു.എസ് പ്രസിഡന്‍റ് ഡോണള്‍ഡ് ട്രംപ് വേഗത്തില്‍ രോഗമുക്തനാകട്ടെ എന്ന ആശംസയുമായി ഉത്തര കൊറിയന്‍ ഭരണാധികാരി കിം ജോങ് ഉന്‍. ട്രംപിനും ഭാര്യക്കും കിം ആശംസ അയച്ച കാര്യം ഉത്തര കൊറിയന്‍ വാര്‍ത്താ ഏജന്‍സിയാണ് റിപ്പോര്‍ട്ട് ചെയ്തത്.   ”എത്രയും വേഗം അവര്‍ സുഖം പ്രാപിക്കട്ടെ എന്ന് അദ്ദേഹം ആത്മാര്‍ത്ഥമായി ആഗ്രഹിക്കുന്നു. അവര്‍ തീര്‍ച്ചയായും രോഗത്തെ മറികടക്കുമെന്നാണ് അദ്ദേഹം പ്രതീക്ഷിക്കുന്നത്” -ദി കൊറിയന്‍ സെന്‍ട്രല്‍ ന്യൂസ് ഏജന്‍സി അറിയിച്ചു.