ഇറാന് സംഘര്ഷം അവസാനിപ്പിക്കാന് വീണ്ടും അഭ്യര്ഥനയുമായി ലിയോ മാര്പാപ്പ. ഭീതിദമായ ഹിംസയാണ് നടക്കുന്നത്. ആയിരക്കണക്കിന് പേര്ക്കാണ് ജീവന് നഷ്ടപ്പെടുന്നത്. എണ്ണമറ്റ ആളുകളെ അത് സ്വന്തം ഇടങ്ങളില് നിന്ന് കുടിയിറക്കുന്നു. ഈ യുദ്ധം എത്രയും പെട്ടെന്ന് അവസാനിപ്പിക്കണമെന്ന് അദ്ദേഹം അഭ്യര്ഥിച്ചു. (Pope Leo Calls for End to Iran Conflict, Condemns Horrific Violence)സെന്റ് പീറ്റേഴ്സ് സ്ക്വയറില് പതിവ് ഞായറാഴ്ച പ്രസംഗത്തില് വിശ്വാസികളെ അഭിസംബോധന ചെയ്ത് സംസാരിക്കുകയായിരുന്നു മാര്പാപ്പ. ഇറാനെതിരായ അമേരിക്കന്-ഇസ്രായേല് യുദ്ധം അവസാനിപ്പിക്കണമെന്നാണ് മാര്പാപ്പ ആവശ്യപ്പെട്ടത്. ഇതിനായുള്ള ചര്ച്ചകള് എത്രയും പെട്ടെന്ന് ആരംഭിക്കേണ്ടതുണ്ടെന്നും മാര്പാപ്പ ആവശ്യപ്പെട്ടു. യുദ്ധത്തില് കൊല്ലപ്പെടുന്നതത്രയും നിരപരാധികളാണ്. ലെബനോണിലെ സ്ഥിതി ആശങ്കാജനകമാണ്. അക്രമം ഒരിക്കലും സമാധാനത്തിലേക്ക് നയിക്കില്ലെന്നും മാര്പാപ്പ ഓര്മിപ്പിച്ചു.ലെബനനിലെ പ്രതിസന്ധിക്ക് സംവാദങ്ങളിലൂടെ ശാശ്വത പരിഹാരമാണ് ആവശ്യമെന്ന് മാര്പാപ്പ പറയുന്നു. അവിടുത്തെ സാഹചര്യം ആശങ്കപ്പെടുത്തുന്നതാണ്. ചര്ച്ചകള് നടത്തി എന്ത് തീരുമാനമെടുത്താലും അത് ലെബനനിലെ ജനങ്ങള്ക്ക് നന്മ വരുന്ന തീരുമാനമാകണമെന്നും അദ്ദേഹം ഓര്മിപ്പിച്ചു.
Read More
‘വെനസ്വേലയുടെ പരമാധികാരം സംരക്ഷിക്കപ്പെടണം’; അമേരിക്കന് അട്ടിമറിയില് ആശങ്ക രേഖപ്പെടുത്തി മാര്പാപ്പ
പ്രഭാത വാർത്തകൾ
അമേരിക്കയുമായി ചര്ച്ചയ്ക്കില്ല; സമവായത്തിന് ഇറാന് മുന്കൈയെടുത്തെന്ന വാര്ത്ത തള്ളി ഇറാന് സുരക്ഷാ കൗണ്സില് സെക്രട്ടറി
ഇറാന് -അമേരിക്ക മൂന്നാംവട്ട ആണവ ചര്ച്ചയും ധാരണയിലെത്താതെ പിരിഞ്ഞു; ചര്ച്ചയില് പുരോഗതി
