National

സിക്കിമില്‍ വഴി തെറ്റിയെത്തിയ ചൈനീസ് പൗരന്‍മാര്‍ക്ക് വഴികാട്ടിയായി ഇന്ത്യന്‍ സൈന്യം. സമുദ്ര നിരപ്പില്‍ നിന്ന് 17,500 അടി ഉയരമുള്ള പ്രദേശത്തു വെച്ചാണ് ചൈനീസ് പൗരന്‍മാര്‍ക്ക് ഇന്ത്യന്‍ സൈന്യം രക്ഷകരായെത്തിയത്. സെപ്റ്റംബര്‍ മൂന്നിനാണ് സംഭവമുണ്ടായത്. ഉയര്‍ന്ന പ്രദേശമായതിനാല്‍ തന്നെ ഓക്‌സിജന്റെ ലഭ്യത കുറവായിരുന്നു. ഈ സാഹചര്യത്തിലാണ് ഓക്‌സിജനും മറ്റ് അവശ്യ സേവനങ്ങളുമായി സൈന്യം എത്തിയത്. ഇവര്‍ക്ക് ഓക്‌സിജന്‍ ലഭ്യമാക്കുകയും ഭക്ഷണം നല്‍കുകയും ചെയ്താണ് സൈന്യം മാതൃകയായത്. തണുപ്പിനെ അതിജീവിക്കാനായി ഇവര്‍ക്ക് വസ്ത്രങ്ങളും നല്‍കിയാണ് സൈന്യം സഹായിച്ചത്. ഇതിനു പുറമെ,…

കാശ്മീർ അതിർത്തിയിൽ പൂഞ്ചിൽ പാക് സൈന്യത്തിന്റെ വെടിനിർത്തൽ കരാർ ലംഘനം. പൂഞ്ച് ജില്ലയിലെ ഷാഹ്പൂർ, കിർണി, ദാഗ്വാർ സെക്ടറുകളിലാണ് പാക് സേന വെടിയുതിർത്തത്. മോർട്ടോർ ഷെല്ലുകൾ ഉപയോഗിച്ച് പാക്കിസ്ഥാൻ ആക്രമണം നടത്തുകയായിരുന്നു. ഇതോടെ കരസേന ശക്തമായി തിരിച്ചടിച്ചു. കഴിഞ്ഞ ദിവസവും നിയന്ത്രണരേഖയിൽ പാക്കിസ്ഥാൻ വെടിനിർത്തൽ ലംഘിച്ചിരുന്നു. റജൗറിയിൽ കഴിഞ്ഞ ദിവസമുണ്ടായ പാക് വെടിവെപ്പിൽ ഒരു സൈനികൻ വീരമൃത്യു വരിച്ചിരുന്നു. കഴിഞ്ഞ ആറ് ദിവസത്തിനിടെ മൂന്നാം തവണയാണ് പാക്കിസ്ഥാൻ വെടിനിർത്തൽ ലംഘിക്കുന്നത്.

ന്യൂഡൽഹി: കോവിഡ് പരിശോധന സംബന്ധിച്ച്‌ പുതിയ മാര്‍ഗ നിര്‍ദ്ദേശങ്ങളുമായി ഐസിഎംആര്‍. ദേശീയ കോവിഡ് ടാസ്‌ക് ഫോഴ്‌സിന്റെ ശുപാര്‍ശകള്‍ പ്രകാരമാണ് പുതിയ മാര്‍ഗ നിര്‍ദ്ദേശങ്ങള്‍ പുറത്തിറക്കിയത്. വ്യക്തികള്‍ ആവശ്യപ്പെട്ടാല്‍ ഇനി മുതല്‍ അവര്‍ക്ക് പരിശോധന നടത്തണമെന്ന് ഐസിഎംആര്‍ വ്യക്തമാക്കി. കണ്ടെയ്ന്‍മെന്റ് സോണുകളില്‍ താമസിക്കുന്ന എല്ലാ വ്യക്തികളെയും ദ്രുത ആന്റിജന്‍ പരിശോധനയ്ക്ക് വിധേയരാക്കണം. കോവിഡ് പരിശോധന വൈകുന്നതിന്റെ പേരില്‍ ഗര്‍ഭിണികളുടെ ചികിത്സയ്ക്ക് താമസം വരരുതെന്നും നിർദേശത്തിൽ പറയുന്നു. പരിശോധനയില്‍ ആദ്യം ദ്രുത ആന്റിജന്‍ ടെസ്റ്റ്, രണ്ടാമതായി ആര്‍ടിപിസിആര്‍ അല്ലെങ്കില്‍ ട്രൂനാറ്റ്…

അതിർത്തിയിൽ സംഘർഷം നിലനിൽക്കെ ഇന്ത്യ, ചൈന പ്രതിരോധ മന്ത്രിമാർ തമ്മിൽ കൂടിക്കാഴ്ച നടന്നു. മോസ്‌കോയിൽ വെച്ചായിരുന്നു കൂടിക്കാഴ്ച. ചൈനയുടെ താത്പര്യപ്രകാരമാണ് കൂടിക്കാഴ്ച നടന്നത്. രണ്ട് മണിക്കൂറും 20 മിനിറ്റും കൂടിക്കാഴ്ച നീണ്ടു രാജ്‌നാഥ് സിംഗിനെ കാണാൻ ചൈനീസ് പ്രതിരോധ മന്ത്രി വെയ് ഫെങ് താത്പര്യം പ്രകടിപ്പിക്കുകയായിരുന്നു. മോസ്‌കോയിൽ നടക്കുന്ന ഷാങ്ഹായ് സഹകരണ സമ്മേളനത്തിനിടെയായിരുന്നുവിത്. കൂടിക്കാഴ്ചയുടെ കൂടുതൽ വിശദാംശങ്ങൾ പുറത്തുവന്നിട്ടില്ല അതിർത്തിയിൽ ഇന്ത്യ അടുത്തിടെ സൈനിക വിന്യാസം ശക്തമാക്കിയിരുന്നു. ആയുധങ്ങൾ ഉൾപ്പെടെ മേഖലയിൽ എത്തിച്ച് സർവസജ്ജരായാണ് സൈന്യം തമ്പടിച്ചിരിക്കുന്നത്….

ഒഡീഷയിൽ നിന്നും കുടിയേറ്റ തൊഴിലാളികളുമായി ഗുജറാത്തിലേക്ക് പോയ ബസ് അപകടത്തിൽപ്പെട്ട് ഏഴ് പേർ മരിച്ചു. ഗുജറാത്തിലെ സൂറത്തിലേക്ക് പോയ ബസാണ് അപകടത്തിൽപ്പെട്ടത്. ഛത്തിസ്ഗഢിലെ ചേരി ഖേദിയിൽ വെച്ചായിരുന്നു അപകടം ട്രക്കുമായി കൂട്ടിയിടിച്ചാണ് അപകടമുണ്ടായത്. നിരവധി പേർക്ക് അപകടത്തിൽ പരുക്കേറ്റിട്ടുണ്ട്. ഇവരെ അംബേദ്കർ ആശുപത്രിയിൽ പ്രവേശിപ്പിച്ചു. ഒഡീഷയിലെ ഗഞ്ചമിൽ നിന്നാണ് തൊഴിലാളികൾ പുറപ്പെട്ടത്.

രാജ്യത്ത് കൊവിഡ് ബാധിതരുടെ എണ്ണം 40 ലക്ഷം പിന്നിട്ടു. കഴിഞ്ഞ 24 മണിക്കൂറിനിടെ 86,432 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 40,23,179 ആയി ഉയർന്നു. 1089 പേർ ഒരു ദിവസത്തിനിടെ കൊവിഡ് ബാധിച്ച് മരിച്ചു. ആകെ മരണസംഖ്യ 69,561 ആയി. 31,07,223 പേരാണ് ഇതിനോടകം രോഗമുക്തി കരസ്ഥമാക്കിയത്. 77.15 ശതമാനമാണ് കൊവിഡ് രോഗമുക്തി നിരക്ക്. 8,46,395 പേരാണ് നിലവിൽ ചികിത്സയിൽ കഴിയുന്നത്. കൊവിഡ് രോഗികളിൽ 0.5 ശതമാനം മാത്രമാണ് വെന്റിലേറ്ററുകളുടെ സഹായത്തോടെ…

ന്യൂഡൽഹി: രാജ്യത്ത് തൊഴിലില്ലായ്മ രൂക്ഷമായ സാഹചര്യത്തിൽ തൊഴിലവസരങ്ങൾ സൃഷ്ടിക്കണമെന്നും സ്വകാര്യവത്കരണ നീക്കങ്ങൾ അവസാനിപ്പിക്കണമെന്നും കേന്ദ്ര സർക്കാരിനോട് അഭ്യർഥിച്ച് കോൺഗ്രസ്. തൊഴിലവസരങ്ങൾ സൃഷ്ടിക്കുമെന്ന വാഗ്ദാനം പാലിക്കാൻ കഴിഞ്ഞ ആറ് വർഷമായി ബിജെപി നേതൃത്വം നൽകുന്ന എൻഡിഎ സർക്കാരിന് കഴിഞ്ഞിട്ടില്ല. പൊള്ളയായ വാഗ്ദാനമായിരുന്നു അവരുടേതെന്ന് വ്യക്തമായി. രാജ്യത്ത് 3.6 കോടി തൊഴിൽരഹിതരാണ് ഉള്ളത്. ഈ സാഹചര്യത്തിൽ തൊഴിലവസരങ്ങൾ സൃഷ്ടിക്കുന്നതിനാണ് കേന്ദ്ര സർക്കാർ പ്രാധാന്യം നൽകേണ്ടതെന്ന് കോൺഗ്രസ് ചൂണ്ടിക്കാട്ടിയതായി വാർത്താ ഏജൻസി റിപ്പോർട്ടു ചെയ്തു. 12 കോടി തൊഴിലവസരങ്ങൾ സൃഷ്ടിക്കുമെന്ന വാഗ്ദാനം…

ന്യൂഡല്‍ഹി : കേന്ദ്രസര്‍ക്കാര്‍ സ്ഥാപനങ്ങളുടെ സുരക്ഷാ ചുമതലയുള്ള സിആര്‍പിഎഫ് ആണ് ഇത് സംബന്ധിച്ചുള്ള ഉത്തരവ് പുറത്തിറക്കിയിരിക്കുന്നത്. ഫോണ്‍ ഉപയോഗത്തിന് സിആര്‍പിഎഫ് പുറപ്പെടുവിച്ച പുതിയ മാര്‍ഗരേഖയില്‍ ഫോണുകളെ രണ്ടായി തരംതിരിച്ചിട്ടുണ്ട്: സാധാരണ മൊബൈല്‍ ഫോണുകളും സ്മാര്‍ട്ട്ഫോണുകളും. ഓഫിസുകളെയും സ്ഥലങ്ങളെയും സിആര്‍പിഎഫ് മൂന്നായി തരം തിരിച്ചു: ഹൈ സെന്‍സിറ്റീവ്, മീഡിയം സെന്‍സിറ്റീവ്, ലോ സെന്‍സിറ്റീവ്. ആദ്യത്തെ 2 വിഭാഗങ്ങള്‍ രഹസ്യ സ്വഭാവമുള്ള രേഖകളും വിവരങ്ങളും കൈകാര്യം ചെയ്യുന്നവയാണ്. ഇത്തരം സ്ഥലങ്ങളില്‍ സ്മാര്‍ട്ഫോണുകള്‍ അനുവദിക്കില്ല. ഇവിടങ്ങളിലെത്തുന്നവരുടെ സ്മാര്‍ട്ഫോണുകള്‍ സൂക്ഷിക്കാന്‍ പ്രത്യേക സൗകര്യം…

ന്യൂഡല്‍ഹി: ദേശീയ തലത്തിലുള്ള മെഡിക്കല്‍ (നീറ്റ്) ജോയിന്റ് എന്‍ട്രന്‍സ് പരീക്ഷ (ജെഇഇ- മെയിന്‍) തുടങ്ങിയ പരീക്ഷകള്‍ നടത്താനുള്ള ഉത്തരവ് പുനപ്പരിശോധിക്കണമെന്നാവശ്യപ്പെട്ട് സമര്‍പ്പിച്ച ഹരജി സുപ്രിംകോടതി തള്ളി. ജസ്റ്റിസുമാരായ അശോക് ഭൂഷണ്‍, ബി ആര്‍ ഗവായി, കൃഷ്ണ മുറാരി എന്നിവരടങ്ങിയ ബെഞ്ചാണ് ഹരജി തള്ളിയത്. കൊവിഡ് വ്യാപനത്തിന്റെ പശ്ചാത്തലത്തില്‍ പരീക്ഷകള്‍ മാറ്റിവയ്ക്കണമെന്നാവശ്യപ്പെട്ട് ആറ് സംസ്ഥാനങ്ങളാണ് സുപ്രിംകോടതിയില്‍ പുനപ്പരിശോധനാ ഹരജി നല്‍കിയത്. നീറ്റ്, ജെഇഇ പരീക്ഷകള്‍ നടത്താന്‍ കേന്ദ്രസര്‍ക്കാരിന് സുപ്രിംകോടതി അനുമതി നല്‍കി.  ആഗസ്ത് 17ന് ജസ്റ്റിസ് അരുണ്‍ മിശ്ര…