ന്യൂഡല്‍ഹി : കേന്ദ്രസര്‍ക്കാര്‍ സ്ഥാപനങ്ങളുടെ സുരക്ഷാ ചുമതലയുള്ള സിആര്‍പിഎഫ് ആണ് ഇത് സംബന്ധിച്ചുള്ള ഉത്തരവ് പുറത്തിറക്കിയിരിക്കുന്നത്. ഫോണ്‍ ഉപയോഗത്തിന് സിആര്‍പിഎഫ് പുറപ്പെടുവിച്ച പുതിയ മാര്‍ഗരേഖയില്‍ ഫോണുകളെ രണ്ടായി തരംതിരിച്ചിട്ടുണ്ട്: സാധാരണ മൊബൈല്‍ ഫോണുകളും സ്മാര്‍ട്ട്ഫോണുകളും. ഓഫിസുകളെയും സ്ഥലങ്ങളെയും സിആര്‍പിഎഫ് മൂന്നായി തരം തിരിച്ചു: ഹൈ സെന്‍സിറ്റീവ്, മീഡിയം സെന്‍സിറ്റീവ്, ലോ സെന്‍സിറ്റീവ്.
ആദ്യത്തെ 2 വിഭാഗങ്ങള്‍ രഹസ്യ സ്വഭാവമുള്ള രേഖകളും വിവരങ്ങളും കൈകാര്യം ചെയ്യുന്നവയാണ്. ഇത്തരം സ്ഥലങ്ങളില്‍ സ്മാര്‍ട്ഫോണുകള്‍ അനുവദിക്കില്ല. ഇവിടങ്ങളിലെത്തുന്നവരുടെ സ്മാര്‍ട്ഫോണുകള്‍ സൂക്ഷിക്കാന്‍ പ്രത്യേക സൗകര്യം ഏര്‍പ്പെടുത്തും. പ്രത്യേക സാഹചര്യങ്ങളില്‍ ഓഫിസ്/സ്ഥാപന തലവന്റെ അനുമതിയോടെ മാത്രമേ സ്മാര്‍ട്ഫോണ്‍ അനുവദിക്കൂ. സര്‍ക്കാര്‍ ഉദ്യോഗസ്ഥര്‍ രഹസ്യസ്വഭാവമുള്ള വിവരങ്ങളോ രേഖകളോ അവയുടെ ഭാഗങ്ങളോ സമൂഹമാധ്യമങ്ങളിലൂടെ പുറത്തുവിടുന്നതു സിആര്‍പിഎഫ് വിലക്കി. ഇങ്ങനെ ചെയ്യുന്നവര്‍ക്കെതിരെ ക്രിമിനല്‍ നടപടിയുണ്ടാകും.
Read More
സ്മാര്‍ട്ട് ഫോണ്‍ ഉപയോഗം നിയന്ത്രിച്ച് സിആര്‍പിഎഫ് മാര്‍ഗരേഖ
ചൈനക്ക് വീണ്ടും സര്‍ക്കാരിന്റെ ഇരുട്ടടി; ഷവോമി നിര്‍മ്മിച്ച സ്മാര്‍ട്ട്‌ഫോണുകളില്‍ വാഗ്ദാനം ചെയ്യുന്ന ബ്രൗസര്‍ സര്‍ക്കാര്‍ നിരോധിച്ചു
65 വയസ്സിന് മുകളിലുള്ളവർക്ക് പോസ്റ്റൽ വോട്ട് അനുവദിക്കാൻ കേന്ദ്ര തെരഞ്ഞെടുപ്പ് കമ്മീഷൻ
വന്ദേഭാരത് മിഷൻ വിമാനങ്ങൾക്ക് ഹോങ്കോങ് താൽകാലിക വിലക്ക് ഏർപ്പെടുത്തി
