National

ദേശീയ വിദ്യാഭ്യാസ നയം ഇന്ത്യക്ക് പുതിയ ഉത്തേജനം നൽകുമെന്ന് പ്രധാനമന്ത്രി നരേന്ദ്രമോദി. പുതിയ നയം വിദ്യാർഥികളും അധ്യാപകരും സ്വാഗതം ചെയ്തു. പുതിയ തീരുമാനങ്ങളുണ്ടാകുമ്പോൾ ആശങ്ക സ്വാഭാവികമാണ്. രക്ഷിതാക്കൾക്ക് പുതിയ നയത്തിൽ ഒട്ടും ആശങ്ക വേണ്ട ഇനിയും നിർദേശങ്ങൾ നൽകാം. പരിഷ്‌കരണ നിർദേശങ്ങൾ സർക്കാർ സ്വീകരിക്കും. സ്വയം ഭരണാവകാശം നൽകുന്നതിലൂടെ സർവകലാശാലകൾക്ക് മത്സരബുദ്ധിയുണ്ടാകും. മികച്ച പ്രകടനം കാഴ്ചവെക്കുന്ന സർവകലാശാലകൾക്ക് സർക്കാർ പാരിതോഷികം നൽകും. ഭാരതീയ മൂല്യങ്ങൾ ഉയർത്തിപ്പിടിക്കുന്നതാണ് പുതിയ വിഭ്യാസ നയമെന്നായിരുന്നു രാഷ്ട്രപതി രാംനാഥ് കോവിന്ദിന്റെ വാക്കുകൾ. ആധുനിക…

ബീഹാറിൽ 19 വയസ്സുകാരിയെ അമ്മാവനും ഭാര്യയും ചേർന്ന് തീ കൊളുത്തി കൊന്നു. ഭൂമി സംബന്ധിച്ച തർക്കമാണ് ക്രൂര കൊലപാതകത്തിലേക്ക് നയിച്ചത്. ബീഹാർ മുസാഫർപൂരിലാണ് സംഭവം സൂഫിയാൻ പർവീൺ എന്ന കുട്ടിയാണ് മരിച്ചത്. സുഫിയാന്റെ അമ്മാവൻ സൈനുലാബുദ്ദീൻ, ഭാര്യ ഹക്കീം ഖാത്തൂൺ എന്നിവർ ഒളിവിലാണ്. സൂഫിയാനെ പെട്രോളൊഴിച്ച് തീ കൊളുത്തിയ ശേഷം ഇവർ ഓടി രക്ഷപ്പെടുകയായിരുന്നുവെന്ന് സഹോദരൻ പറയുന്നു.

തുടർച്ചയായ രണ്ടാം ദിവസവും ഇന്ത്യയിലെ കൊവിഡ് പ്രതിദിന വർധനവ് 90,000 കടന്നു. കഴിഞ്ഞ 24 മണിക്കൂറിനിടെ 90,802 പേർക്കാണ് രാജ്യത്ത് കൊവിഡ് സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം 42 ലക്ഷമായി 24 മണിക്കൂറിനിടെ 1016 പേർ മരിച്ചു. 71,642 പേരാണ് ഇതുവരെ കൊവിഡ് ബാധിച്ച് രാജ്യത്ത് മരിച്ചത്. 42,04,614 പേർക്കാണ് ഇതിനോടകം കൊവിഡ് സ്ഥിരീകരിച്ചത്. ഇതിൽ 8.83 ലക്ഷം പേർ നിലവിൽ ചികിത്സയിൽ കഴിയുകയാണ്. 32.51 ലക്ഷം പേർ രോഗമുക്തി നേടി. നിലവിൽ ഏറ്റവും രൂക്ഷമായ…

രാജ്യത്തെ മെട്രോ സർവീസുകൾ ഇന്ന് മുതൽ പുനരാരംഭിക്കും. രണ്ട് ഷിഫ്റ്റുകളിലായി ഭാഗികമായാണ് ഡൽഹിയിൽ മെട്രോ സ൪വീസ് പുനരാരംഭിക്കുന്നത്. രാവിലെ ഏഴ് മണിക്ക് തുടങ്ങുന്ന സർവീസ് പതിനൊന്ന് മണി വരെയും വൈകിട്ട് നാല് മണി മുതൽ എട്ട് മണി വരെയുമാണ് സേവനങ്ങളുണ്ടാവുക. നാല് മാസത്തിന് ശേഷമാണ് സർവീസ് പുനരാരംഭിക്കുന്നത്. ഈ മാസം പന്ത്രണ്ട് വരെ യെല്ലോ ലൈൻ മാത്രമാണ് പ്രവര്‍ത്തിക്കുക. യാത്രക്കാർ പാലിക്കേണ്ട കാര്യങ്ങൾ സംബന്ധിച്ച മാർഗനിർദേശവും ഡൽഹി മെട്രോ റെയിൽ കോർപ്പറേഷൻ പുറത്തിറക്കിയിട്ടുണ്ട്. കൊൽക്കത്ത ഒഴികെയുള്ള മിക്ക…

കൊവിഡ് മുക്തമായെന്ന് പരിശോധനയില്‍ തെളിഞ്ഞ യുവതിക്ക് ഒരു മാസത്തിനുള്ളില്‍ വീണ്ടും രോഗം സ്ഥിരീകരിച്ചു. ബെംഗളൂരുവിലെ 27കാരിക്കാണ് നെഗറ്റീവായ ശേഷം വീണ്ടും കൊവിഡ് സ്ഥിരീകരിച്ചത്. ബെംഗളൂരിവില്‍ ഇത്തരത്തിലുള്ള ആദ്യ സംഭവമാണെങ്കിലും ആശങ്കയ്ക്കിടയാക്കിയിട്ടുണ്ട്. ഇക്കഴിഞ്ഞ ജൂലൈ 24നാണ് യുവതിക്ക് ആദ്യം കൊവിഡ് സ്ഥിരീകരിച്ചത്. പനിയും ചുമയും കാരണം നടത്തിയ പരിശോധനയിലാണ് യുവതിക്ക് കൊവിഡ് സ്ഥിരീകരിച്ചത്. പിന്നീട് ചികില്‍സയ്ക്കു ശേഷം നടത്തിയ പരിശോധനയില്‍ നെഗറ്റീവാവുകയും ആശുപത്രിയില്‍ ഡിസ്ചാര്‍ജാവുകയും ചെയ്തു. എന്നാല്‍ ഒരു മാസത്തിന് ശേഷം ആഗസ്ത് അവസാന വാരത്തില്‍ ലക്ഷണങ്ങളുണ്ടായതിനെ തുടര്‍ന്ന്…

കൊവിഡ് കണക്കുകളിൽ വിറങ്ങലിച്ച് രാജ്യം. കടുത്ത ആശങ്കയുയർത്തി കഴിഞ്ഞ 24 മണിക്കൂറിനിടെ ഒരു ലക്ഷത്തിനടുത്ത് ആളുകൾക്കാണ് കൊവിഡ് സ്ഥിരീകരിച്ചത്. ആരോഗ്യമന്ത്രാലയത്തിന്റെ കണക്കുകൾ പ്രകാരം 90,632 പേർക്കാണ് 24 മണിക്കൂറിനിടെ കൊവിഡ് സ്ഥിരീകരിച്ചത്. രാജ്യത്തെ കൊവിഡ് ബാധിതരുടെ എണ്ണം ഇതോടെ 41 ലക്ഷം പിന്നിട്ടു. 41,13,811 പേർക്കാണ് ഇതിനോടകം കൊവിഡ് സ്ഥിരീകരിച്ചത്. 1065 പേരാണ് കഴിഞ്ഞ ദിവസം മരിച്ചത്. കൊവിഡ് മരണസംഖ്യ ഇതോടെ 70,626 ആയി ഉയർന്നു. 31,80,865 പേർ രോഗമുക്തി നേടി. 8,62,320 പേരാണ് നിലവിൽ ചികിത്സയിൽ…

എടനീർ മഠാധിപതി സ്വാമി കേശവാനന്ദ ഭാരതി അന്തരിച്ചു. 78 വയസ്സായിരുന്നു. ഇന്ന് പുലർച്ചെ മഠത്തിൽ വെച്ചാണ് മരണം സംഭവിച്ചത്. ശ്വാസതടസ്സത്തെ തുടർന്ന് ഏതാനും ദിവസങ്ങളിലായി പ്രയാസം നേരിടുകയായിരുന്നു 1960 നവംബർ 14നാണ് അദ്ദേഹം എടനീർ മഠാധിപതിയായി സ്ഥാനമേൽക്കുന്നത്. നിയമപോരാട്ടങ്ങളിലൂടെ രാജ്യത്ത് സുപരചിതിനാണ് സ്വാമി കേശവാനന്ദ. രാജ്യത്തെ നിയമവ്യവസ്ഥയിൽ സുപ്രധാന നാഴികക്കല്ലായ കേശവനാനന്ദ ഭാരതി കേസിലെ ഹർജിക്കാരനാണ്. ഭരണഘടനയുടെ തത്വങ്ങൾ മാറ്റരുതെന്ന വിധി വന്നത് ഈ കേസിലായിരുന്നു ഭരണഘടനാ ഭേദഗതി നിയമത്തിനെതിരെ നിയമയുദ്ധം നടത്തിയാളാണ് കേശവാനന്ദ ഭാരതി. ഭൂപരിഷ്‌കരണ…

നിയന്ത്രണ രേഖയിലെ തൽസ്ഥിതി മാറ്റാൻ ഏകപക്ഷീയമായി ശ്രമിക്കരുതെന്ന് ചൈനയ്ക്ക് മുന്നറിയിപ്പുമായി കേന്ദ്ര പ്രതിരോധ മന്ത്രി രാജ്നാഥ് സിംഗ്. ചൈനീസ് പ്രതിരോധ മന്ത്രി ജനറൽ വെയ് ഫെൻഗെയോടാണ് അദ്ദേഹം ഇക്കാര്യം അറിയിച്ചത്. നിലവിലെ പ്രശ്നം ഉത്തരവാദിത്തത്തോടെ കൈകാര്യം ചെയ്യാൻ ചൈന തയാറാകണമെന്ന് രാജ്നാഥ് സിംഗ് ആവശ്യപ്പെട്ടു. മോസ്‌കോയിൽ വെള്ളിയാഴ്ചയാണ് രാജ്നാഥ് സിംഗും വെയ് ഫെൻഗെയും കൂടിക്കാഴ്ച നടത്തിയത്. കൂടുതൽ ഇടപെടലുകൾ നടത്തി പ്രശ്നം വഷളാക്കരുത്. കടന്നു കയറാനുള്ള ചൈനയുടെ നീക്കം ഉഭയകക്ഷി കരാറുകൾക്ക് വിരുദ്ധമാണ്. അതിർത്തിയിൽ ഇന്ത്യൻ സേന…

ന്യൂഡൽഹി: കോവിഡ് വ്യാപനം തടയുന്നതിൽ മറ്റുരാജ്യങ്ങൾ വിജയിച്ചതായി കാണുമ്പോഴും ഇന്ത്യയ്ക്ക് വീഴ്ച സംഭവിച്ചത് എന്തുകൊണ്ടാണെന്ന് 21 ദിവസത്തിനകം കോവിഡിനെ തോൽപ്പിക്കുമെന്ന വാഗ്ദാനം നൽകിയ പ്രധാനമന്ത്രി വിശദീകരിക്കണമെന്ന് മുൻ കേന്ദ്രമന്ത്രി പി ചിദംബരം. സെപ്റ്റംബർ 30 ഓടെ രാജ്യത്തെ കോവിഡ് രോഗികളുടെ എണ്ണം 55 ലക്ഷം ആകുമെന്ന് ഞാൻ പ്രവചിച്ചിരുന്നു. എന്നാൽ എനിക്ക് തെറ്റുപറ്റി. സെപ്റ്റംബർ 20 ഓടെ തന്നെ രാജ്യത്തെ കോവിഡ് രോഗികളുടെ എണ്ണം 55 ലക്ഷമാകും. സെപ്റ്റംബർ അവസാനത്തോടെ 65 ലക്ഷത്തോളം കോവിഡ് രോഗികൾ രാജ്യത്തുണ്ടാകും…

ന്യൂഡല്‍ഹി: അണ്‍ലോക്ക് നാലാംഘട്ടവുമായി ബന്ധപ്പെട്ട മാര്‍ഗനിര്‍ദേശങ്ങള്‍ കേന്ദ്രസര്‍ക്കാര്‍ പുറപ്പെടുവിച്ചതിന് പിന്നാലെ കൂടുതല്‍ സ്‌പെഷ്യല്‍ ട്രെയിന്‍ സര്‍വീസുകള്‍ പ്രഖ്യാപിച്ച് ഇന്ത്യന്‍ റെയില്‍വേ. സപ്തംബര്‍ 12 മുതല്‍ 40 ജോഡി പുതിയ സ്‌പെഷ്യല്‍ ട്രെയിനുകള്‍ സര്‍വീസ് ആരംഭിക്കുമെന്ന് റെയില്‍വേ ബോര്‍ഡ് ചെയര്‍മാന്‍ വിനോദ്കുമാര്‍ യാദവ് അറിയിച്ചു. സപ്തംബര്‍ 10 മുതല്‍ യാത്രയ്ക്കുള്ള റിസര്‍വേഷന്‍ ആരംഭിക്കും. 230 പ്രത്യേക ട്രെയിനുകളാണ് ഇതിനകം സര്‍വീസ് നടത്തിക്കൊണ്ടിരിക്കുന്നത്. ഇതിനു പുറമേ പരീക്ഷയ്ക്കോ മറ്റാവശ്യങ്ങള്‍ക്കുവേണ്ടിയോ ട്രെയിന്‍ സര്‍വീസ് നടത്തണമെന്ന് സംസ്ഥാന സര്‍ക്കാരുകള്‍ ആവശ്യപ്പെട്ടാല്‍ അതിന് തയ്യാറാണെന്ന്…