National

ജമ്മു കാശ്മീരിലെ ബാരാമുള്ളയിൽ രാവിലെ ആരംഭിച്ച ഏറ്റുമുട്ടലിൽ ഒരു ഭീകരനെ സൈന്യം വധിച്ചു. ബരാമുള്ളയിലെ പത്താനിലാണ് ഏറ്റുമുട്ടൽ തുടരുന്നത്. പോലീസും സുരക്ഷാസേനയും സംയുക്തമായാണ് ഏറ്റുമുട്ടലിൽ പങ്കെടുക്കുന്നത് പ്രദേശത്ത് ഭീകരർ തമ്പടിച്ചിരിക്കുന്നുവെന്ന രഹസ്യ വിവരത്തെ തുടർന്നാണ് സുരക്ഷാ സേന തെരച്ചിലിനെത്തിയത്. പൊടുന്നനെ ഭീകരർ വെടിയുതിർക്കുകയും ഏറ്റുമുട്ടൽ ആരംഭിക്കുകയുമായിരുന്നു. ഏറ്റുമുട്ടലിൽ കരസേനാ മേജർക്ക് പരുക്കേറ്റിരുന്നു. ഇദ്ദേഹത്തെ സൈനിക ആശുപത്രിയിലേക്ക് മാറ്റി. ഏറ്റുമുട്ടൽ തുടരുകയാണ്.

തമിഴ്‌നാട്ടിൽ പടക്ക നിർമാണശാലയിലുണ്ടായ സ്‌ഫോടനത്തിൽ ഒമ്പത് പേർ മരിച്ചു. കടലൂരിലെ കാട്ടുമന്നാർകോവിലിലുള്ള പടക്കശാലയിലാണ് സ്‌ഫോടനമുണ്ടായത്. അപകടത്തിൽ നിരവധി പേർക്ക് പരുക്കേറ്റു. ഇതിൽ നാല് പേരുടെ നില ഗുരുതരമാണ് ഫാക്ടറി ഉടമയും അപകടത്തിൽ മരിച്ചു. സംഭവസ്ഥലത്ത് വെച്ച് അഞ്ച് പേരും ബാക്കിയുള്ളവർ ആശുപത്രിയിൽ വെച്ചുമാണ് മരിച്ചത്. പടക്കനിർമാണ ശാല പൂർണമായും കത്തിനശിച്ചു. എത്രപേർ സംഭവസമയത്ത് ഇതിനുള്ളിലുണ്ടായിരുന്നുവെന്ന കാര്യം വ്യക്തമല്ല മേഖലയിൽ രക്ഷാപ്രവർത്തനം തുടരുകയാണ്. അപകടകാരണം വ്യക്തമല്ല. ലൈസൻസോടു കൂടി പ്രവർത്തിക്കുന്ന ഫാക്ടറിയാണ് സ്‌ഫോടനത്തിൽ തകർന്നത്

രാജസ്ഥാനിലെ ബിജെപി സംസ്ഥാന അധ്യക്ഷൻ സതീഷ് പൂനിയക്ക് കൊവിഡ് സ്ഥിരീകരിച്ചു. സതീഷ് തന്നെയാണ് ഇക്കാര്യം ട്വിറ്റർ വഴി അറിയിച്ചത്. സമീപ ദിവസങ്ങളിൽ താനുമായി സമ്പർക്കത്തിൽ വന്നവർ നിരീക്ഷണത്തിൽ പോകണമെന്ന് സതീഷ് ആവശ്യപ്പെട്ടു. ആരോഗ്യപ്രവർത്തകരുടെ നിർദേശപ്രകാരം വീട്ടിൽ തന്നെ കഴിയുകയാണ്. സമ്പർക്കത്തിൽ വന്നവർ നിരീക്ഷണത്തിൽ കഴിയുകയും ടെസ്റ്റ് നടത്തുകയും വേണമെന്ന് സതീഷ് പൂനിയയുടെ ട്വീറ്റിൽ പറയുന്നു.

അതിർത്തിയിൽ ഇന്ത്യൻ സൈന്യം സ്വീകരിച്ചത് ചൈനക്കെതിരായ മുൻകരുതൽ നടപടികളെന്ന് കരസേനാ മേധാവി എംഎം നരവണെ. ഏത് സാഹചര്യവും നേരിടാൻ സൈന്യം സജ്ജമാണ്. ചൈനയുമായി സൈനികതല ചർച്ചയും നയതന്ത്രതല ചര്‍ച്ചയും തുടരുന്നതായും നരവണെ പറഞ്ഞു ്ഇന്നലെ കരസേന, വ്യോമസേന മേധാവിമാർ നേരിട്ട് ലഡാക്കിലെത്തി അതിർത്തിയിലെ സ്ഥിതിഗതികൾ വിലയിരുത്തിയിരുന്നു. യഥാർഥ നിയന്ത്രണരേഖക്ക് സമീപത്തുള്ള മലനിരകളിൽ ഇന്ത്യ കൂടുതൽ സൈനികരെ വിന്യസിച്ചിട്ടുണ്ട്. ടാങ്ക് വേധ മിസൈലുകൾ ഉൾപ്പെടെ മേഖലയിൽ സജ്ജമാക്കിയിട്ടുമുണ്ട് ശനിയാഴ്ച രാത്രിയും ഞായറാഴ്ച പകലുമായി അതിർത്തി കടക്കാനുള്ള ചൈനീസ് സൈനികരുടെ…

ജമ്മു കാശ്മീർ ബാരാമുള്ളയിൽ ഭീകരരും സുരക്ഷാ സേനയും തമ്മിൽ ഏറ്റുമുട്ടൽ. ഏറ്റുമുട്ടലിൽ കരസേനാ മേജർക്ക് പരുക്കേറ്റു. ഇദ്ദേഹത്തെ സൈനികാശുപത്രിയിൽ പ്രവേശിപ്പിച്ചു. മേഖലയിൽ ഏറ്റുമുട്ടൽ തുടരുകയാണ്. പോലീസും കരസേനയും സി ആർ പി എഫും സംയുക്തമായാണ് ഓപറേഷനിൽ പങ്കെടുക്കുന്നത്.

രാജ്യത്ത് കഴിഞ്ഞ 24 മണിക്കൂറിനിടെ 83,341 പേർക്ക് കൂടി കൊവിഡ് സ്ഥിരീകരിച്ചു. ഇത് തുടർച്ചയായ രണ്ടാം ദിവസമാണ് പ്രതിദിന കൊവിഡ് വർധനവ് 80,000ന് മുകളിലെത്തുന്നത്. രാജ്യത്തെ ആകെ കൊവിഡ് രോഗികളുടെ എണ്ണം 39 ലക്ഷം പിന്നിടുകയും ചെയ്തു ആരോഗ്യമന്ത്രാലയത്തിന്റെ കണക്കുകൾ പ്രകാരം 39,36,747 പേർക്കാണ് ഇതുവരെ കൊവിഡ് സ്ഥിരീകരിച്ചത്. 1096 പേർ കൂടി ഒരു ദിവസത്തിനിടെ മരിച്ചു. ആകെ മരണസംഖ്യ 68,472 ആയി ഉയർന്നു. 30,37,151 പേർ രോഗമുക്തി നേടിയിട്ടുണ്ട്. രോഗമുക്തി നിരക്ക് 77.15 ശതമാനമായതായി ആരോഗ്യമന്ത്രാലയം…

അലഹബാദ് ഹൈക്കോടതി ഉത്തരവിനെ തുടർന്ന് ജയിൽ മോചിതനായ ഡോക്ടർ കഫീൽ ഖാൻ കുടുംബസമ്മേതം രാജസ്ഥാനിലേക്ക് താമസം മാറി. കോൺഗ്രസ് നേതാവ് പ്രിയങ്ക ഗാന്ധിയുടെ നിർദേശപ്രകാരമാണ് രാജസ്ഥാനിലേക്ക് താമസം മാറിയതെന്ന് കഫീൽ ഖാൻ അറിയിച്ചു നിലവിൽ തനിക്കെതിരായ കേസുകൾ ഒഴിവാക്കിയെങ്കിലും യോഗി സർക്കാർ വീണ്ടും കേസുകൾ ചുമത്തി തടങ്കലിലിടാൻ സാധ്യതയേറെയാണ്. ഇതേ തുടർന്നാണ് ഗോരഖ്പൂരിൽ നിന്ന് ജയ്പൂരിലേക്ക് വന്നത്. പ്രിയങ്ക ഗാന്ധി എന്നെ വിളിച്ച് രാജസ്ഥാനിൽ താമസിക്കാൻ നിർദേശിച്ചു. യുപിയിൽ തുടരുന്നത് സുരക്ഷിതമല്ലെന്നും അറിയിച്ചു. രാജസ്ഥാനിൽ കോൺഗ്രസ് സർക്കാർ…

നാട്ടിൽ നിന്ന്‌ ബെംഗളൂരുവിലേക്ക് മടങ്ങുന്നവരുടെ തിരക്ക് പരിഗണിച്ച് കര്‍ണാടക ആർ.ടി.സി. ഓണം സ്പെഷ്യൽ സ്പെഷ്യല്‍ സർവീസുകൾ കൂടുതല്‍ ദിവസത്തേക്ക് നീട്ടി. കര്‍ണാടക ആര്‍ ടി സിയുടെ ഓണംസ്പെഷ്യൽ സർവീസുകൾ ഇനി എട്ടാം തിയതി വരെ ഉണ്ടാകും. നേരത്തേ സെപ്റ്റംബർ ഏഴുവരെ സർവീസ് നടത്താനായിരുന്നു തീരുമാനം. കേരള ആര്‍ ടി സിയും സ്പെഷ്യല്‍ സര്‍വീസുകള്‍ നേരത്തെ നീട്ടിയിരുന്നു. കേരളത്തിന്‍റെ അനുമതി ലഭിച്ചാല്‍ തുടര്‍ന്നും കര്‍ണാടക ആര്‍ ടി സി സര്‍വീസ് നടത്തും.

ന്യൂഡൽഹി: മൊറോട്ടോറിയം നീട്ടി നൽകണമെന്ന ഹർജികളിൽ സുപ്രീം കോടതിയുടെ ഇടക്കാല ഉത്തരവ്. ഓഗസ്റ്റ് 31 വരെ കുടിശ്ശിക വരുത്തിയ അക്കൗണ്ടുകൾ രണ്ടു മാസത്തേയ്ക്ക് നിഷ്ക്രിയ ആസ്തിയായി പ്രഖ്യാപിക്കരുതെന്ന് കോടതി നിർദേശിച്ചു. കേസിൽ സെപ്റ്റംബർ 10ന് കോടതി തുടർ വാദം കേൾക്കും. മൊറോട്ടോറിയം കാലയളവിൽ പിഴപ്പലിശ ബാധകമാണോ എന്ന കാര്യം വിശദീകരിക്കണമെന്ന് വാദം കേൾക്കുന്നതിനിടെ സുപ്രീം കോടതി നിർദേശിച്ചു. പിഴപ്പലിശയും മൊറോട്ടോറിയവും ഒരുമിച്ച് പോകില്ലെന്നും കോടതി പറഞ്ഞു. മൊറോട്ടോറിയം കാലയളവിൽ പിഴപ്പലിശ വാങ്ങണോ വേണ്ടയോ എന്ന കാര്യത്തിൽ വ്യക്തത…

ന്യൂഡൽഹി: ഇന്ത്യന്‍ ഓയില്‍ കോര്‍പ്പറേഷന്റെ എണ്ണക്കപ്പലില്‍ വന്‍ അഗ്നിബാധ. ശ്രീലങ്കയിലെ കൊളംബോ തീരത്തിന് സമീപത്ത്, കുവൈറ്റില്‍ നിന്ന് പാരദ്വീപിലേക്ക് പോവുകയായിരുന്ന കപ്പലില്‍ ഇന്ന് രാവിലെ തീപിടിത്തമുണ്ടായെന്ന റിപ്പോർട്ടുകളാണ് പുറത്തു വരുന്നത്. കപ്പലില്‍ നിറയെ എണ്ണയുണ്ടായിരുന്നു, വന്‍ തീപിടിത്തമെന്നാണ് ശ്രീലങ്കന്‍ അധികൃതര്‍ നൽകുന്ന വിവരം. തീ അണയ്ക്കാനുളള ശ്രമങ്ങൾ പുരോഗമിക്കുന്നു. ഹെലികോപ്ടറും സൈന്യത്തിന്റെ രണ്ട് കപ്പലും രക്ഷാപ്രവര്‍ത്തനം നടത്തുകയാണ്. ആവശ്യമെങ്കില്‍ രക്ഷാപ്രവര്‍ത്തനത്തിന് കൂടുതല്‍ കപ്പലുകളെ നിയോഗിക്കുമെന്നാണ് ശ്രീലങ്കന്‍ അധികൃതര്‍ അറിയിച്ചു. ആര്‍ക്കെങ്കിലും ജീവഹാനി ഉണ്ടായോ എന്ന് വ്യക്തമല്ല. തീപിടിത്തത്തിന്റെ…