National

യുപി പോലീസ് അറസ്റ്റ് ചെയ്ത മലയാളി മാധ്യമപ്രവർത്തകൻ സിദ്ധിഖ് കാപ്പന് ജാമ്യം അനുവദിക്കണമെന്ന ഹർജിയിൽ അടുത്തയാഴ്ച അന്തിമ വാദം കേൾക്കുമെന്ന് സുപ്രീം കോടതി. കേരളാ പത്രപ്രവർത്തക യൂനിയനാണ് ജാമ്യഹർജി നൽകിയത്. സിദ്ധിഖ് കാപ്പന് രോഗിയായ മാതാവിനെ വീഡിയോ കോൺഫറൻസ് വഴി കാണാൻ കോടതി അനുമതി നൽകി കപിൽ സിബലാണ് കാപ്പന് വേണ്ടി ഹാജരായത്. ഹർജിയിൽ എത്രയും വേഗം വാദം കേൾക്കണമെന്ന വാദം കോടതി നിരസിച്ചു. നിരപരാധിത്വം തെളിയിക്കാൻ നുണ പരിശോധനക്ക് അടക്കം തയ്യാറാണെന്ന് സിദ്ധിഖ് കാപ്പൻ അറിയിച്ചിരുന്നു….

കൊവിഡ് വാക്‌സിൻ രാജ്യത്തിന്റെ എല്ലാ കോണുകളിലും എത്തിയതായി പ്രധാനമന്ത്രി നരേന്ദ്രമോദി. വാരണാസിയിൽ കൊവിഡ് വാക്‌സിൻ സ്വീകരിച്ചവരുമായി ഓൺലൈനിൽ സംവദിക്കുകയായിരുന്നു പ്രധാനമന്ത്രി ലോകത്തിലെ ഏറ്റവും വലിയ പ്രതിരോധ കുത്തിവെപ്പാണ് നമ്മുടെ രാജ്യത്ത് നടക്കുന്നത്. തദ്ദേശീയമായി വാക്‌സിൻ നിർമിക്കാനുള്ള കഴിവ് ഇന്ത്യ കൈവരിച്ചു. വാക്‌സിൻ രാജ്യത്തിന്റെ ഓരോ കോണിലും എത്തിക്കാൻ സാധിച്ചതായും മോദി പറഞ്ഞു.

മുത്തൂറ്റ് ഫിനാൻസിന്റെ തമിഴ്‌നാട് ഹൊസൂർ ശാഖയിൽ തോക്കുചൂണ്ടി മോഷണം. ഏഴ് കോടി രൂപയുടെ സ്വർണം മോഷ്ടാക്കൾ കവർന്നു. രാവിലെ പത്ത് മണിക്ക് ശാഖ തുറന്നതിന് പിന്നാലെ എത്തിയ ആറംഗ സംഘമാണ് കൊള്ള നടത്തിയത്. മുഖംമൂടി ധരിച്ചാണ് മോഷ്ടാക്കൾ എത്തിയത്. തോക്കുചൂണ്ടി മാനേജരെ അടക്കം ഇവർ കെട്ടിയിട്ടു. തുടർന്നാണ് കവർച്ച നടത്തിയത്. ഏഴ് കോടിയുടെ സ്വർണത്തിനൊപ്പം ഒരു ലക്ഷത്തോളം രൂപയും ഇവർ കൊണ്ടുപോയി ജീവനക്കാരുടെ മൊഴി അടിസ്ഥാനപ്പെടുത്തിയും സിസിടിവി ദൃശ്യങ്ങൾ പരിശോധിച്ചും പോലീസ് അന്വേഷണം ആരംഭിച്ചു.

ശാരീരിക പ്രശ്‌നങ്ങളെ തുടർന്ന് ചികിത്സയിൽ കഴിയുന്ന ശശികലയെ കേരളത്തിലേക്കോ, പുതുച്ചേരിയിലേക്കോ മാറ്റണമെന്ന ആവശ്യവുമായി ബന്ധുക്കൾ. ശശികലയുടെ ജീവൻ അപകടത്തിലാണ്. കേരളം അല്ലെങ്കിൽ പുതുച്ചേരിയിലെ സ്വകാര്യ ആശുപത്രിയിലേക്ക് ചികിത്സക്കായി മാറ്റണമെന്നാണ് ഇവർ ആവശ്യപ്പെടുന്നത്. കർണാടക ഹൈക്കോടതിയെയും സുപ്രീം കോടതിയെയും ബന്ധുക്കൾ സമീപിക്കും. ഇന്നലെ ശശികലക്ക് കൊവിഡ് സ്ഥിരീകരിച്ചിരുന്നു. പനി, ചുമ, കടുത്ത ശ്വാസതടസ്സം, തളർച്ച എന്നിവ അനുഭവപ്പെട്ടതോടെയാണ് ബുധനാഴ്ച ഉച്ചയോടെ ശശികലയെ ജയിലിൽ നിന്ന് ബംഗളൂരുവിലെ ആശുപത്രിയിലേക്ക് മാറ്റിയത്.

ബെംഗളൂരു: ശ്വാസ തടസത്തെ തുടര്‍ന്ന് ആശുപത്രിയില്‍ പ്രവേശിപ്പിച്ച വി കെ ശശികലയ്ക്ക് കൊവിഡ് സ്ഥിരീകരിച്ചു. നിലവില്‍ ഐസിയുവിലാണെന്നും ആശങ്കപ്പെടേണ്ട സാഹചര്യമില്ലെന്നും ഡോക്ടര്‍മാര്‍ അറിയിച്ചു. ശശികല അടുത്ത ബുധനാഴ്ച ജയില്‍ മോചിതയാകാനിരിക്കെയാണ് രോഗം സ്ഥിരീകരിച്ചത്. ബെംഗളൂരുവിലെ സര്‍ക്കാര്‍ ആശുപത്രിയില്‍ തുടരും. അതേസമയം, ചികിത്സ ലഭിക്കാന്‍ വൈകിയെന്ന് കാണിച്ച് ശശികലയുടെ അഭിഭാഷകന്‍ മനുഷ്യാവകാശ കമ്മീഷനില്‍ പരാതി നല്‍കി. ശശികലയ്ക്ക് കര്‍ണാടകത്തിലും തമിഴ്‌നാട്ടിലും ജീവന് ഭീഷണിയുണ്ടെന്ന് പരാതി പറയുന്നു. കേരളത്തിലോ പുതുച്ചേരിയിലോ വിദഗ്ധ ചികിത്സ നല്‍കണമെന്നാണ് പരാതിയിലെ ആവശ്യം. പനി, ചുമ,…

കർണാടകയിൽ ക്വാറിയിലേക്ക് ജലാറ്റിൻ സ്റ്റിക്കുമായി പോയ ട്രക്ക് പൊട്ടിത്തെറിച്ചു. എട്ട് പേർ മരിച്ചു. മൃതദേഹങ്ങളെല്ലാം ചിന്നിച്ചിതറി. ഷിമോഗയിൽ ഹുൻസോടു വില്ലേജിലെ ക്വാറിയിലേക്കാണ് ട്രക്ക് പോയത് പൊട്ടിത്തെറിയുടെ പ്രകമ്പനം നാല് ജില്ലകളിൽ അനുഭവപ്പെട്ടു. ഭൂചലനമെന്നാണ് ആദ്യം കരുതിയത്. പിന്നീടാണ് സ്‌ഫോടനമെന്ന് വ്യക്തമായത്. മരിച്ച എട്ട് പേരും തൊഴിലാളികളാണ് പൊട്ടിത്തെറിയുടെ കാരണം വ്യക്തമല്ല. ബോംബ് സ്‌ക്വാഡ് പരിശോധിക്കുന്നുണ്ട്. പൊട്ടിത്തെറിയുടെ ആഘാതത്തിൽ റോഡിൽ വിള്ളലുകൾ വീഴുകയും വീടുകൾക്ക് കേടുപാടുകൾ സംഭവിക്കുകയും ചെയ്തു.

പൂനെയിലെ സെറം ഇൻസ്റ്റിറ്റ്യൂട്ടിലുണ്ടായ തീപിടിത്തത്തിൽ അഞ്ച് പേർ മരിച്ചു. വ്യാഴാഴ്ച ഉച്ചയ്ക്ക് ശേഷം മൂന്ന് മണിയോടെയാണ് തീപിടിത്തമുണ്ടായത്. പ്ലാന്റിലെ ടെർമിനൽ ഒന്നിലാണ് നിർമാണം പുരോഗമിക്കുന്ന കെട്ടിടത്തിൽ തീപിടിച്ചത്. നാല് പേരെ അപകടത്തിൽ നിന്നും രക്ഷപ്പെടുത്തി. വെൽഡിംഗ് ജോലിക്കിടെയാണ് തീ പടർന്നതെന്ന് കരുതുന്നു. കൊവിഡ് വാക്‌സിൻ നിർമാണ യൂനിറ്റുകളുടെ സമീപത്ത് തീ പടരാത്തതിനാൽ വാക്‌സിൻ നിർമാണത്തെ അപകടം ബാധിച്ചിട്ടില്ല അപകടത്തിൽ മഹാരാഷ്ട്ര സർക്കാർ അന്വേഷണത്തിന് ഉത്തരവിട്ടിട്ടുണ്ട്. കെട്ടിടത്തിന്റെ നാല് അഞ്ച് നിലകളിലായാണ് തീപടർന്നത്. പത്തോളം അഗ്നിരക്ഷാ സേനാ യൂനിറ്റുകളെത്തിയാണ്…

കൊവിഡ് വാക്‌സിന് വേണ്ടി ഇന്ത്യയെ ഇതുവരെ സമീപിച്ചത് 92 രാജ്യങ്ങളെന്ന് റിപ്പോർട്ട്. ഇന്ത്യൻ നിർമിത വാക്‌സിനുകൾക്ക് പാർശ്വഫലം കുറവാണെന്നതാണ് ഇതിന് ആവശ്യക്കാരേറുന്നത്. ഇന്ത്യ ഇതിനോടകം ഭൂട്ടാൻ, മാലിദ്വീപ്, നേപ്പാൾ, ബംഗ്ലാദേശ് എന്നീ രാജ്യങ്ങൾക്ക് വാക്‌സിൻ നൽകി കഴിഞ്ഞു മ്യാൻമർ, സീഷെൽസ് എന്നീ രാജ്യങ്ങൾക്കുള്ള വാക്‌സിനുകൾ വെള്ളിയാഴ്ച എത്തിക്കും. ഇതിന് ശേഷം ശ്രീലങ്ക, അഫ്ഗാനിസ്ഥാൻ, മൗറീഷ്യസ് എന്നീ രാജ്യങ്ങളിലേക്കും വാക്‌സിൻ അയക്കുമെന്ന് അധികൃതർ വ്യക്തമാക്കി. ഇതുകൂടാതെയാണ് 92 രാജ്യങ്ങൾ കൂടി വാക്‌സിൻ ആവശ്യപ്പെട്ട് വന്നിരിക്കുന്നത് ഡൊമിനിക്കൻ റിപബ്ലിക്, ബൊളീവിയ…

പാക് കടലിടുക്കിൽ മത്സ്യബന്ധന ബോട്ട് മറിഞ്ഞ് നാല് മത്സ്യത്തൊഴിലാളികൾ മുങ്ങിമരിച്ചു. നാല് പേരും തമിഴ്‌നാട് സ്വദേശികളാണ്. അറസ്റ്റ് തടഞ്ഞപ്പോഴാണ് അപകടം സംഭവിച്ചതെന്ന് ശ്രീലങ്കൻ നാവികസേന പറയുന്നു. മത്സ്യത്തൊഴിലാളികൾ സമുദ്രാതിർത്തി ലംഘിച്ചിരുന്നതായും നാവികസേന അറിയിച്ചു.  

വി കെ ശശികലയെ ബംഗാളൂരു ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു. ശാരീരിക അവശതകളെ തുടർന്ന് ഇന്നലെ ഉച്ചയോടെയാണ് ശശികലയെ ആശുപത്രിയിൽ പ്രവേശിപ്പിച്ചത്. ആരോഗ്യനില വഷളായതോടെ തീവ്ര പരിചരണ വിഭാഗത്തിൽ പ്രവേശിപ്പിക്കുകയായിരുന്നു അതേസമയം കൊവിഡ് പരിശോധനാ ഫലം നെഗറ്റീവാണ്. കടുത്ത ശ്വാസതടസ്സം, ചുമ, പനി, തളർച്ച എന്നിവയാണ് ശശികലക്കുള്ളത്. പ്രമേഹവും അമിത രക്തസമ്മർദവുമുണ്ട്. അതേസമയം ശശികലക്ക് ചികിത്സ നൽകാൻ ജയിൽ അധികൃതർ വൈകിയെന്ന് ബന്ധുക്കൾ ആരോപിക്കുന്നു മികച്ച ചികിത്സ ഉറപ്പുവരുത്താൻ കർണാടക സർക്കാർ തയ്യാറാകണമെന്ന് ബന്ധുക്കൾ ആവശ്യപ്പെട്ടു. ടിടിവി…