National

മുംബൈ: പ്രശസ്ത ഹിന്ദുസ്ഥാനി സംഗീതജ്ഞനും ചലച്ചിത്ര പിന്നണി ഗായകനുമായ ഉസ്താദ് ഗുലാം മുസ്തഫ ഖാൻ (89) അന്തരിച്ചു. മസ്തിഷ്കാഘാതത്തെ തുടർന്ന് ഒരു വർഷത്തോളം കിടപ്പിലായിരുന്നു. ഞായറാഴ്ച ഉച്ചയ്ക്ക് ബാന്ദ്രയിലെ വസതിയിൽ വെച്ചായിരുന്നു അന്ത്യം. ഹിന്ദി ചലചിത്രലോകത്ത് സംഗീതജ്ഞനായും സംഗീത സംവിധായകനായും അദ്ദേഹം പ്രവർത്തിച്ചു. 1957-ൽ മറാഠി ചിത്രത്തിലൂടെ പിന്നണി ഗാനരംഗത്തെത്തിയത്. പിന്നീട് ഗുജറാത്തി ചിത്രങ്ങളിലും പാടി. മൃണാൾ സെന്നിന്റെ ഭുവൻഷോം ഉൾപ്പെടെയുള്ള ചിത്രങ്ങളിലെയും സരിഗമയുടെ ആൽബങ്ങളിലെയും ആലാപനത്തിലൂടെ ശ്രദ്ധ നേടി. ഇതിനിടെ ബൈജു ബാവ്രയെന്ന ഗായകന്റെ വേഷത്തിൽ…

സാമൂഹിക മാധ്യമങ്ങളിലെ പൗരന്‍മാരുടെ അവകാശങ്ങള്‍ സംരക്ഷിക്കുന്നതിനും സാമൂഹിക-വാര്‍ത്താ പ്ലാറ്റ്‌ഫോമുകള്‍ ദുരുപയോഗം ചെയ്യുന്നത് തടയുന്നതുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യാനായി പാര്‍ലമെന്ററികാര്യ സമിതി യോഗം ചേരാൻ നീക്കം. യോഗത്തില്‍ ഹാജരാവണമെന്ന് ആവശ്യപ്പെട്ട് ഫേസ്ബുക്ക്, ട്വിറ്റര്‍ ഉദ്യോഗസ്ഥര്‍ക്കു നോട്ടീസ് നല്‍കി. ജനുവരി 21ന് നടക്കുന്ന യോഗത്തില്‍ ഹാജരാവണമെന്നാണ് നോട്ടീസില്‍ പറയുന്നത്. കോ​ണ്‍​ഗ്ര​സ് എം​പി ശ​ശി ത​രൂ​ര്‍ അ​ധ്യ​ക്ഷ​നാ​യ ഐ ​ടി പാ​ര്‍​ല​മെ​ന്‍റ​റി സ​മി​തി​യാ​ണ് 21 ന് ​ഹാ​ജ​രാ​കാ​ൻ നോ​ട്ടീ​സ് ന​ൽ​കി​യി​രി​ക്കു​ന്ന​ത്. പൗ​ര​ന്മാ​രു​ടെ സ്വ​കാ​ര്യ​ത, വാ​ർ​ത്താ പോ​ർ​ട്ട​ലു​ക​ളു​ടെ ദു​രു​പ​യോ​ഗം ത​ട​യു​ക, ഡി​ജി​റ്റ​ൽ…

സംഘടനാ തെരഞ്ഞെടുപ്പ് നടത്താമെന്ന് സോണിയാ ഗാന്ധിയുമായി നടത്തിയ ചർച്ചയിൽ ഉറപ്പ് ലഭിച്ചിരുന്നതായി കോൺഗ്രസ് നേതാവ് കപിൽ സിബൽ. എന്നാൽ ഇതുവരെ പ്രതികരണമൊന്നുമുണ്ടായില്ല. എപ്പോഴാണ്, എങ്ങനെയാണ് തെരഞ്ഞെടുപ്പ് നടക്കുകയെന്ന കാര്യത്തിൽ വ്യക്തതയുണ്ടായിട്ടില്ല ഒരു മാസം മുമ്പ് പാർട്ടിയിൽ അടിമുടി മാറ്റം വേണമെന്ന് ആവശ്യപ്പെട്ട 23 നേതാക്കളുമായി സോണിയ ഗാന്ധി ചർച്ച നടത്തിയിരുന്നു. തുറന്ന ചർച്ച ആയിരുന്നുവെന്ന് കപിൽ സിബൽ പറയുന്നു. തെരഞ്ഞെടുപ്പ് നടക്കുമെന്ന് കോൺഗ്രസ് പ്രസിഡന്റ് പറഞ്ഞിരുന്നു. എന്നാൽ തെരഞ്ഞെടുപ്പ് എന്ന് നടക്കുമെന്ന് തങ്ങൾക്ക് വ്യക്തതയില്ല. ഡിസംബർ 19ന്…

കാർഷിക നിയമങ്ങൾ പിൻവലിക്കാതെ കൊവിഡ് വാക്‌സിൻ സ്വീകരിക്കുന്നതിനായി സ്വന്തം സംസ്ഥാനങ്ങളിലേക്ക് മടങ്ങില്ലെന്ന് ഡൽഹി അതിർത്തിയിൽ പ്രതിഷേധിക്കുന്ന കർഷകർ. കൊവിഡ് പ്രതിരോധ വാക്‌സിൻ കുത്തിവെപ്പ് രാജ്യത്ത് ആരംഭിച്ചതിന് പിന്നാലെയാണ് കർഷകർ ഇക്കാര്യം വ്യക്തമാക്കിയത്. ആരോഗ്യപ്രവർത്തകർക്ക് വാക്‌സിൻ നൽകി കഴിഞ്ഞാൽ അടുത്ത ഘട്ടത്തിൽ പ്രായമായവർക്ക് വാക്‌സിൻ നൽകാനാണ് സർക്കാർ തീരുമാനം. ഡൽഹിയിൽ പ്രതിഷേധിക്കുന്ന കർഷകരിൽ ഏറെയും അമ്പത് വയസ്സിന് മുകളിൽ പ്രായമുള്ളവരാണ്. യാതൊരു ചെറുത്തുനിൽപ്പുമില്ലാതെ കാർഷിക നിയമങ്ങൾ പാസാക്കാനുള്ള സർക്കാരിന്റെ തന്ത്രം മാത്രമാണ് ലോക്ക് ഡൗണെന്നും കർഷകർ ആരോപിക്കുന്നു. കാർഷിക…

ജനുവരി 26ന് കർഷകർ നടത്താനിരിക്കുന്ന ട്രാക്ടർ റാലി തടയണമെന്ന് ആവശ്യപ്പെട്ട് ഡൽഹി പോലീസ് നൽകിയ ഹർജി സുപ്രീം കോടതി ഇന്ന് വീണ്ടും പരിഗണിക്കും. ചീഫ് ജസ്റ്റിസ് അധ്യക്ഷനായ ബഞ്ചാണ് ഹർജി പരിഗണിക്കുന്നത്. ഡൽഹി അതിർത്തിയിൽ ട്രാക്ടർ റാലി നടത്തുമെന്നാണ് കർഷക സംഘടനകൾ അറിയിച്ചിട്ടുള്ളത്. സൈനികർക്കൊപ്പം സമാധാനപരമായി റിപബ്ലിക് ദിനം ആഘോഷിക്കുമെന്ന് കർഷകർ പറയുന്നു. റിപബ്ലിക് ദിന പരേഡ് തടസ്സപ്പെടുത്തില്ലെന്നും കർഷക സംഘടനകൾ വ്യക്തമാക്കിയിട്ടുണ്ട് വനിതകളെ അണിനിരത്തിയുള്ള രാജ്യവ്യാപക പ്രതിഷേധവും ട്രാക്ടർ പരേഡും നടത്താനാണ് കർഷകരുടെ തീരുമാനം. അതേസമയം…

അഗര്‍ത്തല: ത്രിപുര കോണ്‍ഗ്രസ് അധ്യക്ഷനു നേരെ ആക്രമണം. പിജുഷ് ബിശ്വാസ് സഞ്ചരിച്ച വാഹനത്തിന് നേരെ നടത്തിയ ആക്രമണത്തില്‍ പരിക്കേറ്റ അദ്ദേഹത്തെ ആശുപത്രിയില്‍ പ്രവേശിപ്പിച്ചു. ബിജെപി പ്രവര്‍ത്തകരാണ് ആക്രമണത്തിനു പിന്നിലെന്ന് ആരോപിച്ചു കോണ്‍ഗ്രസ് നേതൃത്വം ഇന്ന് ബന്ദ് നടത്തുമെന്ന് കോണ്‍ഗ്രസ് അറിയിച്ചു. പാര്‍ട്ടി യോഗത്തില്‍ പങ്കെടുക്കാനായി ബിശാല്‍ഗഡിലേക്ക് പോകുംവഴിയാണ് പിജുഷ് ബിശ്വാസിന്റെ വാഹനത്തിനു നേരെ ആക്രമണം ഉണ്ടായത്. വാഹനത്തിന്റെ മുന്‍വശത്തെ ഗ്ലാസ് അക്രമികള്‍ അടിച്ചുതകര്‍ത്തു. കാറില്‍ അദ്ദേഹത്തിനൊപ്പമുണ്ടായിരുന്ന പ്രവര്‍ത്തകര്‍ക്കും പരിക്കേറ്റു.

വാട്‌സ്ആപ്പിന്റെ പുതിയ സ്വകാര്യതാ നയം വ്യക്തിഗത വിവരങ്ങള്‍ക്ക് സുരക്ഷിതത്വം നല്‍കുന്നില്ലെന്ന ചര്‍ച്ചകള്‍ സജീവമാനുന്നതിനിടെ ഉപയോക്താക്കളുടെ വാട്‌സ് ആപ്പ് സ്റ്റാറ്റസുകളില്‍ ഓര്‍മപ്പെടുത്തലുമായി കമ്പനി.ഞങ്ങള്‍ നിങ്ങളുടെ സ്വകാര്യത സംരക്ഷിക്കാന്‍ ബാധ്യസ്ഥരാണ്, ഞങ്ങള്‍ക്ക് നിങ്ങളുടെ സംഭാഷണങ്ങള്‍ വായിക്കുവാനോ കേള്‍ക്കുവാനോ കഴിയില്ല, നിങ്ങള്‍ പങ്കുവയ്ക്കുന്ന ലൊക്കേഷന്‍ വിവരങ്ങള്‍ ഞങ്ങള്‍ കാണുന്നില്ല. ഞങ്ങള്‍ നിങ്ങളുടെ കോണ്‍ടാക്ട് ഡീറ്റെയ്ല്‍സ് ഫെയ്‌സ്ബുക്കുമായി പങ്കുവയ്ക്കുന്നില്ല എന്നിങ്ങനെ നാല് ടെക്സ്റ്റ് ഇമേജുകളാണ് ഉപയോക്താക്കളുടെ വാട്‌സ്ആപ്പ് സ്റ്റാറ്റസില്‍ കമ്പനിയുടെ വെരിഫൈഡ് അക്കൗണ്ടില്‍ നിന്ന് വരുന്നത്.വാട്‌സ്ആപ്പ് പുതിയ സ്വകാര്യതാ നയം പ്രഖ്യാപിച്ചതോടെ ഉപയോക്താക്കളുടെ…

അഫ്ഗാന് തലസ്ഥാനമായ കാബൂളിൽ സുപ്രീം കോടതിയിലെ രണ്ട് വനിതാ ജഡ്ജിമാരെ വെടിവെച്ചു കൊന്നു. ഞായറാഴ്ച രാവിലെയാണ് സംഭവം. ആക്രമണത്തിന്റെ ഉത്തരവാദിത്വം ആരും ഇതുവരെ ഏറ്റെടുത്തിട്ടില്ല ജഡ്ജിമാർ കോടതിയിലേക്ക് വരുമ്പോഴായിരുന്നു ആക്രമണം. തോക്കുധാരികൾ ഇവരുടെ വാഹനത്തെ തടയുകയും വെടിയുതിർക്കുകയുമായിരുന്നു. ജഡ്ജിമാരുടെ ഡ്രൈവർക്കും ആക്രമണത്തിൽ ഗുരുതരമായി പരുക്കേറ്റിട്ടുണ്ട്

ജലോര്‍: രാജസ്ഥാനിലെ ജലോര്‍ ജില്ലയില്‍ ബസ്സിന് തീപിടിച്ച് 6 പേര്‍ മരിച്ചു. 17 പേര്‍ക്ക് പൊള്ളലേറ്റു. ഓടുന്ന ബസ്സ് വൈദ്യുതകമ്പിയുമായി ഉരസിയതിനെതുടര്‍ന്നാണ് തീപിടിത്തമുണ്ടായതെന്ന് പ്രാദേശിക മാധ്യമങ്ങള്‍ റിപോര്‍ട്ട് ചെയ്തു. ശനിയാഴ്ച ജില്ലാ ആസ്ഥാനത്തുനിന്ന് ഏറെ അകലെയല്ലാതെ രാത്രി 10.30നാണ് സംഭവം നടന്നതെന്ന് ജലോര്‍ അഡി. ജില്ലാ കലക്ടര്‍ ചന്‍ഗന്‍ ലാല്‍ ഗോയല്‍ പറഞ്ഞു. ബസ്സിന്റെ ഡ്രൈവറും കണ്ടക്ടറും സംഭവസ്ഥലത്തുവച്ചുതന്നെ മരിച്ചു. നാല് പേര്‍ ആശുപത്രിയിലെത്തിയ ശേഷമാണ് മരിച്ചത്. 17 പേരില്‍ ഏഴ് പേരെ ജോഡ്പൂരിലെ ആശുപത്രിയില്‍ പ്രവേശിപ്പിച്ചു.

ഡൽഹിയിൽ മൂടൽ മഞ്ഞ് രൂക്ഷമായതോടെ റോഡ്, റെയിൽ, വ്യോമ ഗതാഗതങ്ങൾ തടസ്സപ്പെട്ടു. താപനില കുറഞ്ഞ് മൂന്ന് ഡിഗ്രി സെൽഷ്യസിലെത്തി. ഒക്ടോബറിൽ ശൈത്യം ആരംഭിച്ചതിന് ശേഷം ഇത് മൂന്നാം തവണയാണ് താപനില അഞ്ച് ഡിഗ്രി സെൽഷ്യസിൽ താഴെ വരുന്നത്. കാറ്റിന്റെ വേഗത കുറഞ്ഞതും മലിനീകരണം രൂക്ഷമായതും ഡൽഹിയിൽ കനത്ത പുകമഞ്ഞ് സൃഷ്ടിക്കാൻ കാരണമായി. ഡൽഹി അന്താരാഷ്ട്ര വിമാനത്താവളത്തിൽ നിന്ന് പുറപ്പെടേണ്ട 80 വിമാനങ്ങളും ഡൽഹിയിലേക്ക് എത്തേണ്ട അമ്പതോളം വിമാനങ്ങളും വൈകി. അതേസമയം ഉച്ചയോടെ മൂടൽ മഞ്ഞ് അൽപ്പം കുറഞ്ഞിട്ടുണ്ട്.