രാജ്യത്ത് തുടർച്ചയായ പത്താം ദിവസം ഇന്ധനവില വർധിപ്പിച്ചു. പെട്രോളിന് 25 പൈസയും ഡീസലിന് 26 പൈസയുമാണ് വർധിപ്പിച്ചത്. കഴിഞ്ഞ പത്ത് ദിവസത്തിനിടെ പെട്രോളിന് 1.45 രൂപയും ഡീസലിന് 2.70 രൂപയുമാണ് വർധിച്ചത് കൊച്ചിയിൽ പെട്രോൾ വില 89.70 രൂപയായി. ഡീസൽ വില 84.32 രൂപയിലെത്തി. തുടർച്ചയായ ദിവസങ്ങളിൽ ഇന്ധനവില വർധിച്ചിട്ടും പെട്രോൾ കമ്പനികളെ സഹായിക്കുന്ന നിലപാടാണ് നരേന്ദ്രമോദി സർക്കാർ സ്വീകരിക്കുന്നത്. വില വർധനവിനെതിരെ രാജ്യവ്യാപകമായി പ്രതിഷേധവും ഉയരുന്നുണ്ട്‌
എല്ലാവരെയും നിശബ്ദരാക്കാനുള്ള നിയമമല്ല രാജ്യദ്രോഹ നിയമമെന്ന് ഡൽഹി കോടതി. എതിർ ശബ്ദങ്ങളെ നിശബ്ദരാക്കുക എന്ന ലക്ഷ്യത്തോടെ ഈ നിയമം ഉപയോഗിക്കരുത്. രാജ്യത്ത് സമാധാനം നിലനിർത്താനാണ് നിയമം കൊണ്ടുവന്നതെന്നും കോടതി പറഞ്ഞു കർഷക സമരവുമായി ബന്ധപ്പെട്ട് അറസ്റ്റിലായ രണ്ട് പേർക്ക് ജാമ്യം നൽകിയാണ് കോടതി ഇക്കാര്യം പരാമർശിച്ചത്. ദേവിലാൽ, സ്വരൂപ് റാം എന്നിവർക്കാണ് ജാമ്യം നൽകിയത്. ഇവർ രാജ്യദ്രോഹപരമായി ഒന്നും ചെയ്തിട്ടില്ലെന്ന് അഭിഭാഷകൻ വാദിച്ചു അക്രമത്തിന് ആഹ്വാനം ചെയ്തിട്ടില്ല. ജാമ്യം ലഭിക്കാവുന്ന തെറ്റുകൾ മാത്രമേ ആരോപിക്കാനാകൂവെന്നുമുള്ള അഭിഭാഷകന്റെ വാദം…
രാജ്യത്തെ ആകെ കൊവിഡ് കേസുകളിൽ 44.97 ശതമാനവും കേരളത്തിലാണെന്ന് കേന്ദ്ര ആരോഗ്യമന്ത്രാലയം. മഹാരാഷ്ട്രയിലും കേരളത്തിലുമായാണ് രാജ്യത്തെ 72 ശതമാനം കൊവിഡ് കേസുകളും കഴിഞ്ഞ ദിവസം റിപ്പോർട്ട് ചെയ്തത്. ഇതുവരെ 87 ലക്ഷം പേർ കൊവിഡ് വാക്‌സിൻ സ്വീകരിച്ചു. കൊവിഡ് വ്യാപനം തടയാൻ നടപടികൾ സ്വീകരിക്കണമെന്ന് കേരളത്തിനും മഹാരാഷ്ട്രക്കും കേന്ദ്രം നിർദേശം നൽകിയിട്ടുണ്ട്. രാജ്യത്ത് കൊവിഡിന്റെ മൂന്ന് വകഭേദങ്ങളാണ് ഉള്ളത്. ഒന്ന് യുകെ വകഭേദമാണ്. ഇതിൽ 187 കേസുകൾ റിപ്പോർട്ട് ചെയ്തു. രണ്ടാമത്തേത് ദക്ഷിണാഫ്രിക്ക വകഭേദവും മൂന്നാമത്തേത് ബ്രസീൽ…
സിപിഐ ദേശീയ നേതാവും ജെഎൻയു മുൻ വിദ്യാർഥി നേതാവുമായ കനയ്യ കുമാർ ജെഡിയുവിലേക്കെന്ന വാർത്തകൾ നിഷേധിച്ച് സിപിഐ. അനാവശ്യ പ്രചാരണമാണ് നടക്കുന്നതെന്ന് സിപിഐ ജനറൽ സെക്രട്ടറി ഡി രാജ പ്രതികരിച്ചു. ബീഹാർ മുഖ്യമന്ത്രി നിതീഷ് കുമാറിന്റെ അടുപ്പക്കാരനായ അശോക് ചൗധരിയുമായി കനയ്യകുമാർ കഴിഞ്ഞ ദിവസം ചർച്ച നടത്തിയിരുന്നു. ഇതിന് പിന്നാലെയാണ് കനയ്യ ജെഡിയുവിൽ ചേരുമെന്ന് റിപ്പോർട്ടുകൾ പ്രചരിച്ചത്. പൊതുവിഷയങ്ങൾ ഉന്നയിക്കാനാണ് കനയ്യ അശോക് ചൗധരിയെ കണ്ടതെന്ന് ഡി രാജ പറയുന്നു. കനയ്യക്കും സിപിഐയിലെ മുതിർന്ന നേതാക്കൾക്കുമിടയിൽ അഭിപ്രായ…
മധ്യപ്രദേശിലെ സിദ്ധി ജില്ലയിൽ ബസ് കനാലിലേക്ക് മറിഞ്ഞുണ്ടായ അപകടത്തിൽ മരിച്ചവരുടെ എണ്ണം 37 ആയി. സത്‌നയിലേക്ക് 54 യാത്രക്കാരുമായി പോകുകയായിരുന്ന ബസാണ് രാംപൂരിൽ വെച്ച് നിയന്ത്രണം വിട്ട് കനാലിലേക്ക് മറിഞ്ഞത്. ഇന്ന് രാവിലെയായിരുന്നു അപകടം നടന്നത്. 37 മൃതദേഹങ്ങളാണ് ഇതുവരെ കണ്ടെത്തിയത്. മരിച്ചവരിൽ 16 പേർ സ്ത്രീകളും 20 പേർ പുരുഷൻമാരും ഒരു കുട്ടിയുമുണ്ട്. ഏഴ് പേർ മാത്രമാണ് നീന്തി രക്ഷപ്പെട്ടത്. ബാക്കിയുള്ളവർക്കായുള്ള തെരച്ചിൽ തുടരുകയാണ്. കനാലിലേക്ക് തല കുത്തനെ മറിഞ്ഞ ബസ് വെള്ളത്തിലേക്ക് മുങ്ങുകയും ചെയ്തു….
മധ്യപ്രദേശിലെ സിദ്ധി ജില്ലയിൽ ബസ് കനാലിലേക്ക് മറിഞ്ഞ് ഏഴ് പേർ മരിച്ചു. സിദ്ധിയിൽ നിന്ന് സത്‌നയിലേക്ക് 54 യാത്രക്കാരുമായി പോകുകയായിരുന്ന ബസ് നിയന്ത്രണം വിട്ട് പാലത്തിൽ നിന്ന് കനാലിലേക്ക് പതിക്കുകയായിരുന്നു. രാവിലെ എട്ടരയോടെയാണ് അപകടം നടന്നത്. ബസ് പൂർണമായും കനാലിൽ മുങ്ങിയതായി ദൃക്‌സാക്ഷികൾ പറയുന്നു. സംസ്ഥാന ദുരന്തനിവാരണ സേനയും ഫയർ ഫോഴ്‌സ് അംഗങ്ങളും തിരച്ചിൽ നടത്തുകയാണ്. കനാലിലെ ജലനിരപ്പ് കുറയ്ക്കുന്നതിനായി സിഹാവൽ കനാലിലെ വെള്ളം തുറന്നുവിടാൻ മുഖ്യമന്ത്രി നിർദേശം നൽകിയിട്ടുണ്ട്
ബീഹാറിൽ സ്‌കൂൾ വിദ്യാർഥിനിയെ പീഡിപ്പിച്ച് ഗർഭിണിയാക്കിയ കേസിൽ സ്‌കൂൾ പ്രിൻസിപ്പലിന് വധശിക്ഷ. പട്‌നയിലെ ഒരു സ്‌കൂളിൽ പ്രിൻസിപ്പലായ അരവിന്ദ് കുമാറിനെയാണ് പോക്‌സോ കോടതി ശിക്ഷിച്ചത്. അഞ്ചാം ക്ലാസ് വിദ്യാർഥിനിയെയാണ് ഇയാൾ പീഡിപ്പിച്ച് ഗർഭിണിയാക്കിയത്. പ്രതിയിൽ നിന്ന് ഒരു ലക്ഷം രൂപ ഈടാക്കാനും കോടതി ഉത്തരവിട്ടു. കേസിൽ മറ്റൊരു പ്രതിയായ അഭിഷേക് കുമാറിനെ ജീവപര്യന്തരം തടവിനും അമ്പതിനായിരം രൂപ പിഴയും ശിക്ഷിച്ചിട്ടുണ്ട്. 2018 സെപ്റ്റംബറിലാണ് ഇരുവരും ചേർന്ന് കുട്ടിയെ പീഡിപ്പിച്ച് ഗർഭിണിയാക്കിയത്.
തുടർച്ചയായ ഒമ്പതാം ദിവസവും രാജ്യത്ത് ഇന്ധനവില ഉയർന്നു. സർവകാല റെക്കോർഡും കടന്നാണ് ഇന്ധനവില കുതിക്കുന്നത്. പെട്രോളിന് 30 പൈസയും ഡീസലിന് 37 പൈസയുമാണ് വർധിച്ചത്. തിരുവനന്തപുരത്ത് പെട്രോൾ വില 91 രൂപ കടന്നു. ഡീസൽ 86ലേക്ക് എത്തി. കൊച്ചിയിൽ പെട്രോളിന് 89.56 രൂപയായി. ഡീസൽ വില 84 കടന്നു. ഡൽഹിയിൽ പെട്രോളിന് 89.29 രൂപയായി. ഡീസൽ വില 79.70 രൂപയായി.
ഫേസ്ബുക്കിന്റെയും വാട്‌സ്ആപ്പിന്റെയും മൂലധനത്തേക്കാള്‍ വലുത് ജനങ്ങളുടെ സ്വകാര്യതയാണെന്ന് സുപ്രിംകോടതി. വാട്‌സ്ആപ്പിന്റെ സ്വകാര്യതാ നയം മാറ്റം പരിഗണിക്കുമ്പോഴായിരുന്നു സുപ്രിംകോടതിയുടെ പരാമര്‍ശം. ഹര്‍ജിയില്‍ ഫേസ്ബുക്കിനും വാട്‌സ്ആപ്പിനും സുപ്രിംകോടതി നോട്ടീസ് അയച്ചു. ഫേസ്ബുക്കിനും വാട്‌സ്ആപ്പിനും നോട്ടീസ് അയക്കുന്നതുമായി ബന്ധപ്പെട്ട വാദത്തിനിടെയാണ് സുപ്രിംകോടതിയുടെ ഭാഗത്തുനിന്ന് വിമര്‍ശനം ഉണ്ടായത്. ഇന്ത്യയില്‍ ഒരു നയവും പുറം രാജ്യങ്ങളില്‍ മറ്റൊരു നയവും നടപ്പാക്കുന്നതുമായി ബന്ധപ്പെട്ട് വിശദീകരണം ആവശ്യമാണെന്നും സുപ്രിംകോടതി പറഞ്ഞു. ഇതിന്റെ അടിസ്ഥാനത്തിലാണ് ഫേസ്ബുക്കിനും വാട്‌സ്ആപ്പിനും സുപ്രിംകോടതി നോട്ടീസ് അയച്ചത്.
ഹാത്രാസിലേക്കുള്ള യാത്രക്കിടെ യുപി പോലീസ് അറസ്റ്റ് ചെയ്ത മലയാളി മാധ്യമപ്രവർത്തകൻ സിദ്ധിഖ് കാപ്പന് ഇടക്കാല ജാമ്യം. രോഗിയായ മാതാവിനെ കാണുന്നതിനായി അഞ്ച് ദിവസത്തേക്കാണ് കാപ്പന് സുപ്രീം കോടതി ജാമ്യം അനുവദിച്ചത്. മനുഷ്യത്വപരമായ കാരണങ്ങളാൽ ഇടക്കാല ജാമ്യം നൽകുന്നതിനെ എതിർത്ത യുപി സർക്കാരിനെ ചീഫ് ജസ്റ്റിസിന്റെ ബഞ്ച് വിമർശിക്കുകയും ചെയ്തു. അതേസമയം ഉപാധികളോടെയാണ് സിദ്ധിഖിന് ജാമ്യം അനുവദിച്ചിരിക്കുന്നത്. കുടുംബാംഗങ്ങൾ, അമ്മയെ ചികിത്സിക്കുന്ന ഡോക്ടർമാർ ഒഴികെ മറ്റാരുമായും സംസാരിക്കാൻ പാടില്ല. മാധ്യമങ്ങൾക്ക് അഭിമുഖം നൽകരുത്, പൊതുജനങ്ങളെ കാണുന്നതിനും വിലക്കുണ്ട് സിദ്ധിഖ്…