National

റിപബ്ലിക് ദിനത്തിലെ ട്രാക്ടർ റാലിക്കിടെ നടന്ന അനിഷ്ടസംഭവങ്ങളിൽ ഉൾപ്പെട്ടവരുടെ കൂടുതൽ ചിത്രങ്ങൾ പോലീസ് പുറത്തുവിട്ടു. 20 പേരുടെ ഫോട്ടോയാണ് പോലീസ് പുറത്തുവിട്ടത്. നേരത്തെ 200 പേരുടെ ചിത്രങ്ങൾ ഡൽഹി പോലീസ് പുറത്തുവിട്ടിരുന്നു. ഇതിന്റെ തുടർച്ചയായാണ് നടപടി വീഡിയോ ദൃശ്യങ്ങളിൽ നിന്നാണ് ഫോട്ടോ തയ്യാറാക്കിയത്. ഇവരെ കണ്ടെത്താനുള്ള ശ്രമങ്ങൾ നടക്കുകയാണെന്ന് ഡൽഹി പോലീസ് അറിയിച്ചു. കാർഷിക നിയമഭേദഗതിക്കെതിരെ കർഷകർ നടത്തിയ ട്രാക്ടർ റാലിക്കിടെയാണ് ചെങ്കോട്ടയിൽ അനിഷ്ടസംഭവങ്ങൾ നടന്നത്.

ഇന്ധനവിലയിൽ ഇന്ന് മാറ്റമില്ല. തുടർച്ചയായ 13 ദിവസങ്ങളിൽ വില വർധിച്ചതിന് പിന്നാലെയാണിത്. 90.85 രൂപയാണ് കൊച്ചിയിലെ ഇന്നത്തെ പെട്രോൾ വില. ഡീസൽ 85.49 രൂപയായി കഴിഞ്ഞ പതിമൂന്ന് ദിവസം കൊണ്ട് പെട്രോളിന് 3.25 രൂപയും ഡീസലിന് 3.50 രൂപയുമാണ് വർധിച്ചത്. സംസ്ഥാനത്ത് പെട്രോൾ വില പലിയടങ്ങളിലും 92 രൂപ കടന്നു. രാജ്യത്ത് മിക്ക പ്രദേശങ്ങളിലും 100 രൂപ കടക്കുകയും ചെയ്തു ഇന്ധനവില വർധനവിൽ പ്രതിഷേധിച്ച് സിപിഎം ഇന്ന് അടുപ്പുകൂട്ടി സമരം നടത്തും. ഇന്ധനവില വർധനവ് തടയാൻ പെട്രോളിനെയും…

ഇന്ധനവിലയെ ജി.എസ്.ടി പരിധിക്ക് കീഴിൽ കൊണ്ടുവരാൻ തയാറാണെന്ന് കേന്ദ്ര ധനമന്ത്രി നിർമല സീതാരാമൻ. ഇന്ധനവില കുറയ്ക്കാൻ കേന്ദ്ര, സംസ്ഥാന സർക്കാരുകൾ ഒരുമിച്ച് പ്രവർത്തിക്കണം. അതിന് ഗൗരവതരമായ ചർച്ചകൾ ആവശ്യമാണ്. ജി.എസ്.ടി നിയമം അതിന് വ്യവസ്ഥ ചെയ്യുന്നുണ്ടെന്നും ഇതിനായി പുതിയ നിയമം നിയമം കൊണ്ടുവരേണ്ട ആവശ്യമില്ലെന്നും മന്ത്രി പറഞ്ഞു. രാജ്യത്ത് വളരെയധികം അലട്ടുന്ന ഒരു പ്രശ്നമായി ഇന്ധനവില വർധനവ് മാറി. വില കുറയ്ക്കുക മാത്രമാണ് ഇതിന് പരിഹാരമെന്നും നിർമല സീതാരാമൻ ചൂണ്ടിക്കാട്ടി.

ഇന്ധന വില വർധിക്കുന്ന വിഷയത്തിൽ ഇടപെടില്ലെന്ന് കേന്ദ്രസർക്കാർ. നീതി ആയോഗിന്റെ ആറാമത് സമ്പൂർണ യോഗത്തിലും ഇന്ധന വില സംബന്ധിച്ച ഒരു കാര്യവും പ്രധാനമന്ത്രി വ്യക്തമാക്കിയില്ല. ലോകത്ത് ഏറ്റവും കുറവ് നികുതി ഉള്ള രാജ്യങ്ങളുടെ പട്ടികയിലാണ് ഇന്ത്യയെന്നും കാർഷിക പരിഷ്‌ക്കരണ നിയമങ്ങളുമായി മുന്നോട്ട് പോകുമെന്നും പ്രധാനമന്ത്രി വ്യക്തമാക്കി. അതേസമയം, കുതിച്ചുയരുന്ന ഇന്ധനവിലയെക്കുറിച്ച് പ്രധാനമന്ത്രി മൗനം പാലിച്ചു. ലോകത്ത് നികുതി ഏറ്റവും കുറവുള്ള ഒരു രാജ്യമാണ് ഇന്ത്യ. മാത്രമല്ല, അതിവേഗം പുരോഗമിക്കുന്ന രാജ്യവും ഇന്ത്യയാണ്. അതുകൊണ്ട് തന്നെ സാധാരണക്കാരന്റെ ഉന്നതിക്ക്…

ബംഗാളിൽ യുവമോർച്ച സംസ്ഥാന സെക്രട്ടറി പമീല ഗോസ്വാമി കൊക്കെയ്‌നുമായി പിടിയിൽ. പമീലയുടെ പക്കൽ നിന്നും 100 ഗ്രാം കൊക്കെയ്‌നാണ് പിടികൂടിയത്. സുഹൃത്ത് പ്രബിർ കുമാറിനൊപ്പം ഇവർ കൊക്കെയ്ൻ വിതരണം നടത്തുന്നുണ്ടെന്ന രാഹസ്യ വിവരത്തിന്റെ അടിസ്ഥാനത്തിലാണ് പമീലയെ പരിശോധിച്ചതും മയക്കുമരുന്ന് കണ്ടെത്തിയതും മയക്കുമരുന്ന് റാക്കറ്റുമായി ചേർന്ന് പ്രവർത്തിക്കുകയായിരുന്നുവെന്നാമ് സംശയം. പോലീസ് അന്വേഷണം ശക്തമാക്കിയിട്ടുണ്ട്. എന്നാൽ പോലീസിന്റെ റോൾ സംബന്ധിച്ച് സംശയമുണ്ടെന്നാണ് ബിജെപി ആരോപിക്കുന്നത്. പമീലക്കെതിരെ ചുമത്തിയത് കള്ളക്കേസാണെന്ന് ബിജെപി ആരോപിച്ചു.

ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 13,993 കേസുകള്‍ റിപോര്‍ട് ചെയ്തു. 10,307 പേര്‍ രോഗമുക്തി നേടിയപ്പോള്‍ 101 മരണങ്ങളും റിപോര്‍ട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു.ഇന്ത്യയില്‍ ഇതുവരെയായി കോവിഡ് രോഗബാധ സ്ഥിരീകരിച്ചത് 1,09,77,387 പേര്‍ക്കാണ്. 1,06,78,048 പേര്‍ ഇതുവരെ രോഗമുക്തിയും നേടി. അതേസമയം 1,56,212 പേര്‍ക്ക് കൊവിഡ് മൂലം ജീവന്‍ നഷ്ടമാവുകയും ചെയ്തു. നിലവില്‍ രാജ്യത്ത് 1,43,127 സജീവ കേസുകളാണുള്ളത്. ഇന്നലെ വരെ 21,02,61,480 സാംപിളുകള്‍ പരിശോധിച്ചതായി ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്റെ…

രാജ്യത്ത് ഇന്ധനവില തുടർച്ചയായ പതിമൂന്നാം ദിവസവും വർധിച്ചു. പെട്രോളിനും ഡീസലിനും ഇന്ന് 39 പൈസ വീതമാണ് വർധിച്ചത്. കൊച്ചിയിൽ പെട്രോൾ വില ലിറ്ററിന് 90.85 രൂപയായി. ഡീസലിന് 85.49 രൂപയാണ്. തിരുവനന്തപുരത്ത് പെട്രോൾ വില 92.69 രൂപയായി. ഡീസൽ വില 87.22 രൂപയായി രാജ്യത്തെ കൂടുതൽ സ്ഥലങ്ങളിൽ ഇന്ധനവില നൂറ് കടന്നു. അവശ്യസാധനങ്ങളുടെ വില വർധനവിനും ഇന്ധനവില കാരണമായിട്ടുണ്ട്. വരും ദിവസങ്ങളിലും വില വർധനവ് തുടരാനാണ് സാധ്യത

മാനനഷ്ടക്കേസിൽ കേന്ദ്ര ആഭ്യന്തര മന്ത്രി അമിത് ഷായ്ക്ക് സമൻസ്. ടിഎംസി എംപിയും മുഖ്യമന്ത്രി മമതാ ബാനർജിയുടെ ബന്ധുവുമായ അഭിഷേക് ബാനർജി നൽകിയ കേസിലാണ് കൊൽക്കത്ത കോടതി സമൻസ് അയച്ചത്. തിങ്കളാഴ്ച രാവിലെ പത്ത് മണിക്ക് കോടതിയിൽ നേരിട്ടോ അഭിഭാഷകൻ മുഖേനയോ ഹാജരാകാനാണ് നിർദേശം. 2018ൽ നടന്ന ബിജെപി റാലിക്കിടെ അഭിഷേക് ബാനർജിയെ അഴിമതിക്കാരനെന്ന് വിളിച്ചതാണ് കേസിനാധാരം. ഇന്ത്യൻ ശിക്ഷാനിയമം 500ാം വകുപ്പ് പ്രകാരം മാനനഷ്ടക്കേസിൽ മറുപടി നൽകാൻ കുറ്റാരോപിതൻ നേരിട്ടോ അഭിഭാഷകൻ മുഖാന്തരമോ ഹാജരാകണമെന്ന് കോടതി പറയുന്നു.

പൂനെ സിറം ഇന്‍സ്റ്റിറ്റിയൂടിന്റെ കൊവിഷീല്‍ഡ് വാക്‌സിന്‍ നിരോധിക്കണമെന്ന് ഹരജി. കേന്ദ്രത്തിന് മദ്രാസ് ഹൈകോടതി നോടിസ് അയച്ചു. കൊവിഷീല്‍ഡ് വാക്‌സിന്‍ സുരക്ഷിതമല്ലെന്ന് ചൂണ്ടിക്കാട്ടിയാണ് കോടതിയില്‍ ഹരജി നല്‍കിയത്. ഇതിന്റെ അടിസ്ഥാനത്തിലാണ് കേന്ദ്രത്തിനു കോടതി നോടീസ് നല്‍കിയത്. വാക്‌സിന്‍ സ്വീകരിച്ചതിന് ശേഷം ആരോഗ്യപ്രശ്‌നങ്ങള്‍ ഉണ്ടായെന്നും ഇതിനു നഷ്ടപരിഹാരമായി 5 ലക്ഷം രൂപ നഷ്ടപരിഹാരം നല്‍കണമെന്നും ആവശ്യപ്പെട്ട് ചെന്നൈ സ്വദേശിയാണ് മദ്രാസ് ഹൈകോടതിയില്‍ ഹരജി നല്‍കിയത്.  

ജമ്മു കാശ്മീരിലെ ശ്രീനഗർ ബർസുള്ളയിൽ ഭീകരർ നടത്തിയ ആക്രമണത്തിൽ രണ്ട് പോലീസുദ്യോഗസ്ഥർ കൊല്ലപ്പെട്ടു. ചായക്കടയിൽ നിൽക്കുകയായിരുന്ന പോലീസുകാർക്ക് നേരെ ഭീകരർ വെടിയുതിർക്കുകയായിരുന്നു. ഭീകരസംഘടനയായ ദി റസിഡന്റ് ഫ്രണ്ട് ആക്രമണത്തിന്റെ ഉത്തരവാദിത്വമേറ്റെടുത്തു. പാക് തീവ്രവാദ സംഘടനയായ ലഷ്‌കറെ ത്വയിബയുടെ മറ്റൊരു വിഭാഗമാണിതെന്ന് പോലീസ് പറയുന്നു. ആക്രമണത്തിന് ശേഷം രക്ഷപ്പെട്ട ഭീകരർക്കായി പോലീസ് തെരച്ചിൽ ഊർജിതമാക്കി. നേരത്തെ ഷോപിയാനിൽ നടന്ന ഏറ്റുമുട്ടലിൽ രണ്ട് ഭീകരരെ പോലീസ് വധിച്ചിരുന്നു. ഒരു പോലീസുകാരൻ വീരമൃത്യു വരിക്കുകയും ചെയ്തു.