തീരം തൊട്ട ടൗട്ടേ ചുഴലിക്കാറ്റിൽ ഗുജറാത്തിൽ വ്യാപക നാശനഷ്ടം. മണിക്കൂറിൽ 190 കിലോമീറ്റർ വേഗതയിലാണ് കാറ്റ് വീശിയടിച്ചത്. കനത്ത മഴയിൽ പലയിടത്തും മണ്ണിടിച്ചിലുണ്ടായി. വൈദ്യുതി ലൈനുകൾ പൊട്ടിവീണു. മരങ്ങൾ കടപുഴകി. അതേസമയം കാറ്റിന്റെ തീവ്രത കുറഞ്ഞിട്ടുണ്ട്. ദിയുവിൽ 133 കിലോമീറ്റർ വേഗതയിലാണ് കാറ്റ് ആഞ്ഞുവീശിയത്. മുംബൈ നഗരത്തിലും വ്യാപക മഴയാണ് ലഭിക്കുന്നത്. ഇന്നലെ പുലർച്ചെ ആരംഭിച്ച മഴ ഉച്ചയോടെ ശക്തിപ്രാപിക്കുകയായിരുന്നു. രാത്രിയും മഴ തുടർന്നു.
ടൗട്ടെ ചുഴലിക്കാറ്റ് ഗുജറാത്ത് തീരം തൊട്ടു. അതിശക്ത ചുഴലിക്കാറ്റായി മാറിയ ടൗട്ടെ, മണിക്കൂറില്‍ 200 കിലോമീറ്റര്‍ വേഗത്തിലാണ് വീശിയടിക്കുന്നത്. രണ്ടു മണിക്കൂറിനുള്ളില്‍ കാറ്റ് പൂര്‍ണമായും കരയില്‍ പ്രവേശിക്കുമെന്നാണ് റിപോര്‍ട്ടുകള്‍. ഗുജറാത്തിന്റെ തെക്കന്‍ തീരത്ത് അതിശക്തായ കാറ്റും മഴയുമാണ് അനുഭവപ്പെടുന്നത്. പോര്‍ബന്തറിനും മഹുവയ്ക്കും മധ്യേയാണ് ചുഴലിക്കാറ്റ് തീരം തൊട്ടത്. കര, നാവിക സേനകളും മറ്റ് രക്ഷാപ്രവര്‍ത്തന സംഘങ്ങളും സജ്ജമാണെന്ന് ഗുജറാത്ത് സര്‍ക്കാര്‍ അറിയിച്ചു. മുന്‍കരുതലുകല്‍ വിലയിരുത്താനായി പ്രധാനമന്ത്രി നരേന്ദ്ര മോദി ഗുജറാത്ത് മുഖ്യമന്ത്രി വിജയ് രൂപാണിയുമായി ആശയവിനിമയം…
നാരദ ഒളിക്യാമറ കേസിൽ അറസ്റ്റിലായ തൃണമൂൽ കോൺഗ്രസ് മന്ത്രിമാരും എംഎൽഎയും അടക്കം നാല് പേർക്കും ജാമ്യം അനുവദിച്ചു. കൊൽക്കത്തയിലെ പ്രത്യേക സിബിഐ കോടതിയാണ് ജാമ്യം അനുവദിച്ചത്. മന്ത്രിമാരായ ഫിർഹാദ് ഹക്കീം, സുബ്രതാ മുഖർജി, എംഎൽഎ മദൻ മിത്ര, മുൻ മന്ത്രി സോവൻ ചാറ്റർജി എന്നിവർക്കാണ് ജാമ്യം ലഭിച്ചത്. നാരാദ ഒളിക്യാമറ ഓപറേഷന്റെ ഭാഗമായി സാങ്കൽപ്പിക കമ്പനിയുടെ പ്രതിനിധികളെന്ന നിലയിൽ എത്തിയവരിൽ നിന്ന് കൈക്കൂലി വാങ്ങിയ കേസിലായിരുന്നു അറസ്റ്റ്. 2016ലെ നിയമസഭാ തെരഞ്ഞെടുപ്പിന് തൊട്ടുമുമ്പായിരുന്നു ദൃശ്യങ്ങൾ പുറത്തുവിട്ടത്. അറസ്റ്റിന്…
നാരദ ഒളിക്യാമറ കേസുമായി ബന്ധപ്പെട്ട് ബംഗാളിൽ നാടകീയ നീക്കങ്ങൾ. കേസുമായി ബന്ധപ്പെട്ട് രണ്ട് മന്ത്രിമാരെ സിബിഐ അറസ്റ്റ് ചെയ്തു. തൊട്ടുപിന്നാലെ മുഖ്യമന്ത്രി മമതാ ബാനർജി സിബിഐ ഓഫീസിലെത്തി. പറ്റുമെങ്കിൽ എന്നെയും അറസ്റ്റ് ചെയ്യൂവെന്ന് മമത പറഞ്ഞു ഇന്ന് രാവിലെ ഒമ്പത് മണിയോടെയാണ് മന്ത്രി ഫിർഹാദ് ഹക്കീമിനെ സിബിഐ വീട്ടിൽ നിന്ന് കസ്റ്റഡിയിലെടുത്തത്. നടപടിക്രമങ്ങൾ പാലിക്കാതെയാണ് തന്നെ അറസ്റ്റ് ചെയ്തതെന്ന് ഫിർഹാദ് ആരോപിച്ചു. മന്ത്രിയായ സുബ്രതോ മുഖർജിയെയും തൃണമൂൽ എംഎൽഎ മദൻ മിത്രയെയും മുൻ എംഎൽഎ സോവൻ ചാറ്റർജിയെയും…
ആശങ്കക്ക് നേരിയ ആശ്വാസം പകർന്ന് രാജ്യത്തെ കൊവിഡ് പ്രതിദിന കേസുകളിൽ കുറവ്. കഴിഞ്ഞ 24 മണിക്കൂറിനിടെ 2,81,386 പേർക്കാണ് കൊവിഡ് സ്ഥിരീകരിച്ചത്. ഒരു മാസത്തിന് ശേഷമാണ് രാജ്യത്ത് കൊവിഡ് പ്രതിദിന വർധനവ് രണ്ട് ലക്ഷത്തിൽ താഴെയാകുന്നത്. രാജ്യത്തെ ആകെ രോഗബാധിതരുടെ എണ്ണം 2,49,65,463 ആയി ഉയർന്നു. ഏപ്രിൽ 21ന് ശേഷം ഇതാദ്യമാണ് പ്രതിദിന വർധനവ് മൂന്ന് ലക്ഷത്തിൽ താഴെയാകുന്നത്. 24 മണിക്കൂറിനിടെ 3,78,741 പേർ രോഗമുക്തരായി. 35,16,997 പേരാണ് നിലവിൽ ചികിത്സയിൽ കഴിയുന്നത് 4106 പേർ…
ഡിആർഡിഒ വികസിപ്പിച്ചെടുത്ത കൊവിഡിനെതിരായ മരുന്ന് ഇന്ന് മുതൽ വിതരണം ചെയ്യും. കേന്ദ്ര പ്രതിരോധ മന്ത്രി രാജ്‌നാഥ് സിംഗ് പതിനായിരം ഡോസ് മരുന്നുകൾ ഡൽഹിയിലെ ആശുപത്രികളിൽ വിതരണം നടത്തും. ഡി. ഡിയോക്‌സി-ഡി ഗ്ലൂക്കോസ് അഥവാ 2 ഡിജി എന്നാണ് മരുന്നിന്റെ പേര് ഒന്നും രണ്ടും ഘട്ട ക്ലിനിക്കൽ പരീക്ഷണങ്ങളിൽ മരുന്ന് കൊവിഡ് രോഗികൾക്ക് ഫലപ്രദമാണെന്ന് കണ്ടെത്തിയിരുന്നു. ഇതിന്റെ അടിയന്തര ഉപയോഗത്തിന് ഡിസിജിഐ അനുമതി നൽകുകയും ചെയ്തു. കഴിഞ്ഞ മെയ്, ഒക്ടോബർ മാസങ്ങളിലാണ് മരുന്നിന്റെ ക്ലിനിക്കൽ ട്രയൽ നടത്തിയത്….
ബംഗളൂരു: ഉത്തര കന്നഡയില്‍ നേത്രാവതി എക്‌സ്പ്രസിന് മുകളില്‍ മരം വീണു. അപകടത്തില്‍ ആര്‍ക്കും പരുക്കേറ്റിട്ടില്ല. ചുഴലിക്കാറ്റ് റെയിൽ ഗതാഗതത്തെ സാരമായി ബാധിച്ചു. കര്‍ണാടകയില്‍ അതിശക്തമായ മഴയിലും കാറ്റിലും വ്യാപക നാശനഷ്ടം. മഴക്കെടുതിയില്‍ മരിച്ചവരുടെ എണ്ണം നാലായി. ശക്തമായ മഴയിലും കാറ്റിലും നൂറിലധികം വീടുകള്‍ തകര്‍ന്നതായാണ് റിപ്പോര്‍ട്ട്. സംസ്ഥാനത്ത് ആകെ 75 ഓളം ഗ്രാമങ്ങളില്‍ വ്യാപക നാശനഷ്ടമുണ്ടായെന്നാണ് പ്രാഥമിക വിവരം. 400ഓളം പേരെ മാറ്റിപ്പാര്‍പ്പിച്ചിട്ടുണ്ട്. മൂന്ന് തീരദേശ ജില്ലകള്‍ ഉള്‍പ്പെടെ ആറ് ജില്ലകളില്‍ അതിശക്തമായ മഴയുണ്ടായി. ഉഡുപ്പി,…
കവരത്തി: ലക്ഷദ്വീപ് ബോട്ടപകടത്തിൽ കാണാതായ ഒന്‍പത് മത്സ്യത്തൊഴിലാളികളില്‍ എട്ടുപേരെ കണ്ടെത്തിയിരിക്കുന്നു. കടമത്ത് ദ്വീപിലാണ് ഇവരെ കണ്ടെത്തിയത്. ബോട്ട് മുങ്ങിയതോടെ ദ്വീപിലെ ഒറ്റപ്പെട്ട സ്ഥലത്ത് ഇവർ നീന്തി കയറുകയായിരുന്നു ഉണ്ടായത്. കോസ്റ്റ്ഗാർഡ് കപ്പലിൽ ഇവരെ സുരക്ഷിത സ്ഥലത്തേക്ക് മാറ്റുകയുണ്ടായി. ബോട്ടിലുണ്ടായിരുന്ന ഒരാളെ കുറിച്ച് വിവരമില്ലെന്ന് തീരസംരക്ഷണ സേന അറിയിക്കുകയുണ്ടായി. കഴിഞ്ഞ ദിവസമുണ്ടായ ശക്തമായ കാറ്റിലും മഴയിലുമാണ് തമിഴ്നാടിൽ നിന്നുള്ള ആണ്ടവൻ തുണൈ എന്ന ബോട്ട് ബിത്ര ദ്വീപിന് സമീപം മുങ്ങിയത്. തമിഴ്നാട് നാഗപട്ടണം സ്വദേശികളായ ഏഴ് പേരും…
കൊവിഡ് പ്രതിസന്ധി കൈകാര്യം ചെയ്തതിലുണ്ടായ വീഴ്ച സൂചിപ്പിച്ച് നരേന്ദ്രമോദിക്കെതിരെ പോസ്റ്റർ ഒട്ടിച്ച സംഭവത്തിൽ നിരവധി പേരെ അറസ്റ്റ് ചെയ്തതിൽ പ്രതികരണവുമായി രാഹുൽ ഗാന്ധി. തന്നെയും അറസ്റ്റ് ചെയ്യാൻ ആവശ്യപ്പെട്ട് രാഹുൽ ഗാന്ധി ട്വീറ്റ് ചെയ്തു മോദിജി എന്തുകൊണ്ടാണ് നമ്മുടെ കുട്ടികൾക്കുള്ള വാക്‌സിൻ വിദേശ കമ്പനികൾക്ക് നൽകുന്നത് എന്ന് ചോദിച്ചാണ് ട്വീറ്റ്. എന്നെയും അറസ്റ്റ് ചെയ്യൂ എന്നും ട്വീറ്റിൽ രേഖപ്പെടുത്തിയിട്ടുണ്ട്. ഡൽഹിയിൽ പതിച്ച പോസ്റ്ററുകളിലും ഇതേ ചോദ്യമാണുണ്ടായിരുന്നത്. പോസ്റ്റർ പതിച്ച സംഭവത്തിൽ മോദി സർക്കാരിന്റെ കീഴിലുള്ള ഡൽഹി…
ബിജെപി-തൃണമൂൽ കോൺഗ്രസ് സംഘർഷം തുടരുന്ന ബരാക്‌പൊരയിൽ ബോംബേറ്. ഭട്പാര മേഖലയിലാണ് ബോംബേറുണ്ടായത്. നാല് പേർക്ക് സ്‌ഫോടനത്തിൽ പരുക്കേറ്റു. ഇതിൽ ഒരാളുടെ നില ഗുരുതരമാണ്. സംഘർഷ സ്ഥലങ്ങളിൽ ഗവർണർ ജഗദീപ് ധാൻകർ സന്ദർശനം നടത്തുന്നതിനിടെയാണ് ബരാക്‌പൊരയിൽ ബോംബേറുണ്ടായത്. ഇന്നലെ രാത്രിയോടെ ഒരു സംഘം സംഘർഷമുണ്ടാക്കുകയായിരുന്നുവെന്ന് പോലീസ് അറിയിച്ചു. ചില വീടുകൾ തീയിട്ട് നശിപ്പിക്കുകയും ചെയ്തു.