Kerala

സ്വര്‍ണക്കടത്ത് കേസില്‍ മുന്‍ ഐടി സെക്രട്ടറി ശിവശങ്കറിന് ഗൂഢാലോചനയില്‍ പങ്കില്ലെന്ന് പ്രതി സരിത് മൊഴി നല്‍കി. കസ്റ്റംസ് ചോദ്യം ചെയ്യലിലാണ് സരിത് ഇക്കാര്യം പറഞ്ഞത്. ഗൂഢാലോചന നടന്നത് ശിവശങ്കറിന്റെ ഫ്‌ളാറ്റില്‍ വെച്ചാണെന്നും സരിത് സമ്മതിച്ചു. പല കള്ളക്കടത്തിന്റെയും ഗൂഢാലോചന നടന്നത് ഈ ഫ്‌ളാറ്റില്‍ വെച്ചാണ്. സ്വപ്‌ന വഴിയാണ് ശിവശങ്കറിനെ പരിചയപ്പെട്ടത്. പുതിയ വെളിപ്പെടുത്തലുകളുടെ അടിസ്ഥാനത്തില്‍ ശിവശങ്കറിനെ കസ്റ്റംസ് ചോദ്യം ചെയ്യും. കൊച്ചിയിലേക്ക് വിളിച്ചു വരുത്തിയാകും ചോദ്യം ചെയ്യല്‍. ഇന്ന് മൂന്ന് പ്രതികളെ കൂടി കസ്റ്റംസ് കസ്റ്റഡിയിലെടുത്തിരുന്നു. ഇതിലൊരാള്‍…

തിരുവനന്തപുരം സ്വര്‍ണക്കടത്ത് കേസുമായി ബന്ധപ്പെട്ട് മൂന്ന് പേരെ കൂടി കസ്റ്റംസ് അറസ്റ്റ് ചെയ്തു. നേരത്തെ അറസ്റ്റിലായ മലപ്പുറം വെട്ടത്തൂര്‍ സ്വദേശി റമീസുമായി ബന്ധമുള്ളവരാണ് പിടിയിലായിരിക്കുന്നത്. മൂവാറ്റുപുഴ സ്വദേശി ജലാലും മറ്റ് രണ്ട് പേരെയുമാണ് അറസ്റ്റ് ചെയ്തത്. ജലാല്‍ ഇന്നലെ രാത്രിയോടെ കൊച്ചി കസ്റ്റംസ് ഓഫീസിലെത്തി നാടകീയമായി കീഴടങ്ങുകയായിരുന്നു. ജലാലടക്കം പിടിയിലായ മൂന്ന് പേരെയും കസ്റ്റംസ് ചോദ്യം ചെയ്യുകയാണ്. രാജ്യത്തെ വിവിധ വിമാനത്താവളങ്ങള്‍ വഴി 60 കോടിയിലേറെ രൂപയുടെ സ്വര്‍ണം കടത്തിയതുമായി ബന്ധപ്പെട്ട് ജലാലിനെ കസ്റ്റംസ് ദീര്‍ഘകാലമായി അന്വേഷിക്കുകയായിരുന്നു….

തിരുവനന്തപുരം വിമാനത്താവളം വഴി നയതന്ത്ര ചാനലുപയോഗിച്ചുള്ള സ്വര്‍ണക്കടത്തില്‍ പതിവെന്ന് അന്വേഷണ സംഘം കണ്ടെത്തി. ജൂണില്‍ 27 കിലോ സ്വര്‍ണമാണ് ഇത്തരത്തില്‍ കടത്തിയത്. ജൂണ്‍ 24, 26 തീയതികളിലാണ് ഡിപ്ലോമാറ്റിക് ബാഗ് എത്തിയത്. യുഎഇ കോണ്‍സുലേറ്റ് അറ്റാഷെയുടെ പേരിലാണ് ബാഗ് എത്തിയത്. ബാഗേജ് കൈപ്പറ്റിയത് സരിത്താണ്. സ്വര്‍ണം അയച്ചത് ദുബൈയിലുള്ള ഫൈസല്‍ ഫരീദാണെന്നും വ്യക്തമായി. കസ്റ്റംസ് അറസ്റ്റ് ചെയ്ത പി കെ റമീസിന് വേണ്ടിയാണ് സ്വര്‍ണം എത്തിച്ചത്. സന്ദീപ്, സ്വപ്‌ന എന്നിവരായിരുന്നു ഇടനിലക്കാര്‍. ജൂണ്‍ 24ന് ഒമ്പത് കിലോ…

വിശാഖപട്ടണത്തെ മരുന്ന് കമ്പനിയില്‍ വന്‍ പൊട്ടിത്തെറി. പരവദയിലെ വ്യാപാരമേഖലയില്‍ പ്രവര്‍ത്തിക്കുന്ന രാംകി ഫാര്‍മസ്യൂട്ടിക്കല്‍സ് എന്ന കമ്പനിയുടെ യൂനിറ്റിലാണ് പൊട്ടിത്തെറിയുണ്ടായത്. നാല് പേര്‍ മാത്രമാണ് സ്‌ഫോടന സമയത്ത് ഫാക്ടറിയിലുണ്ടായിരുന്നത്. ഇവര്‍ക്ക് സാരമായി പരുക്കേറ്റു പതിനേഴ് തവണയോളം വന്‍ ശബ്ദത്തില്‍ പൊട്ടിത്തെറിയുണ്ടായതായി പരിസരവാസികള്‍ പറയുന്നു. മരുന്ന് നിര്‍മാണ വസ്തുക്കള്‍ ശേഖരിക്കുകയും മരുന്ന് നിര്‍മിക്കുകയും ചെയ്യുന്ന യൂനിറ്റുകളാണ് ഇവിടെയുള്ളത്. തീ ആളിപ്പടര്‍ന്നതിനാല്‍ ഫയര്‍ ഫോഴ്‌സ് ഏറെ പണിപ്പെട്ടാണ് പരിസരത്തേക്ക് എത്തിയത്.

കാസര്‍ഗോഡ് മഞ്ചേശ്വരത്ത് കാറില്‍ കടത്തുകയായിരുന്ന 2 കോടി 87 ലക്ഷം രൂപയുടെ ഹവാല പണം പിടികൂടി. സംഭവവുമായി ബന്ധപ്പെട്ട് മംഗളൂരു സ്വദേശിയും കുഞ്ചത്തൂര്‍ താമസക്കാരനുമായ ഷംസുദ്ദീനെ അറസ്റ്റ് ചെയ്തു. മംഗളൂരുവില്‍നിന്നാണ് ഹവാല പണം കാസര്‍ഗോഡ് എത്തിച്ചത്. മഞ്ചേശ്വരം തൂമിനാട് ചെക്കുപോസ്റ്റിനടുത്തുവച്ചാണ് സംഭവം. വാഹന പരിശോധനക്കിടെ ഡ്രൈവറുടെ പെരുമാറ്റത്തില്‍ സംശയം തോന്നിയതിനെ തുടര്‍ന്ന് പരിശോധിച്ചപ്പോഴാണ് ചാക്കില്‍ കെട്ടിയ നിലയില്‍ പണം കണ്ടെത്തിയത്. ഇയാളെ ചോദ്യം ചെയ്തപ്പോഴാണ് മഞ്ചേശ്വരത്തെ ഒരു വ്യക്തിക്ക് കൈമാറാനാണ് പണം കൊണ്ടുവന്നതെന്ന് വ്യക്തമായത്. പണം എണ്ണി…

റഷ്യയിൽ നിന്നും വന്ന മെഡിക്കൽ വിദ്യാർത്ഥിനി ക്വാൻ്റെയ്നിൽ കഴിയവെ വീട്ടിൽ മരിച്ച നിലയിൽ കോട്ടയം പായിപ്പാട് അമ്പിത്താഴത്തേതില്‍ വീട്ടില്‍ കൃഷ്ണപ്രിയയെയാണ് മരിച്ച നിലയില്‍ കണ്ടെത്തിയത്. 20 വയസ്സായിരുന്നു. ഇന്നലെ രാത്രി എട്ട് മണിയോടെയാണ് കൃഷ്ണപ്രിയയെ മരിച്ച നിലയില്‍ കണ്ടത്. റഷ്യയില്‍ എംബിബിഎസ് വിദ്യാര്‍ഥിനിയായ കൃഷ്ണപ്രിയ കഴിഞ്ഞാഴ്ചയാണ് നാട്ടിലെത്തിയത്. കൊവിഡ് പരിശോധനക്കായി സ്രവം ശേഖരിച്ചിട്ടുണ്ട്‌

കോഴിക്കോട് മുക്കത്ത് കഞ്ചാവുമായി സഹോദരനും സഹോദരിയും പിടിയില്‍. പത്ത് കിലോ കഞ്ചാവ് ബൈക്കില്‍ കടത്താനാണ് ഇവര്‍ ശ്രമിച്ചത്. പാലക്കാട് സ്വദേശികളായ ചന്ദ്രശേഖരന്‍, സൂര്യപ്രഭ എന്നിവരാണ് പിടിയിലായത്. രാത്രി 11 മണിക്ക് നടന്ന പതിവ് വാഹനപരിശോധനക്കിടെയാണ് ഇവര്‍ പിടിയിലായത്. കഞ്ചാവുമായി രണ്ട് പേര്‍ ബൈക്കില്‍ പോകുന്നുവെന്ന രഹസ്യവിവരം പോലീസിന് ലഭിക്കുകയായിരുന്നു. തുടര്‍ന്നാണ് ബൈക്ക് കണ്ടെത്തിയതും പിന്തുടര്‍ന്ന് പിടികൂടിയതും. മലയോരത്തെ വിവിധ മേഖലകളില്‍ മാറി താമസിച്ച് കഞ്ചാവ് വില്‍പ്പന നടത്തുന്ന സംഘമാണ് ഇവരെന്ന് പോലീസ് പറയുന്നു