കണ്ണൂർ വിമാനത്താവളത്തിൽ വൻ സ്വർണവേട്ട. ഷാർജയിൽ നിന്നെത്തിയ യുവതിയിൽ നിന്നും 46 ലക്ഷം രൂപയുടെ സ്വർണമാണ് പിടികൂടിയത്. പയ്യോളി സ്വദേശിയായ യുവതിയിൽ നിന്നാണ് സ്വർണം പിടികൂടിയത്. പേസ്റ്റ് രൂപത്തിലാണ് സ്വർണം കടത്താൻ ശ്രമിച്ചത്.
തിരുവനന്തപുരം: സ്‌പ്രിന്‍ക്ളര്‍ കരാറില്‍ വീഴ്ച ഉണ്ടായതായി കണ്ടെത്തൽ. കരാര്‍ വഴി 1.8ലക്ഷം പേരുടെ വിവരങ്ങള്‍ സ്‌പ്രിന്‍ക്ളറിന് ലഭ്യമായിട്ടുണ്ടെന്ന് സര്‍ക്കാര്‍ നിയാേഗിച്ച മാധവന്‍ നമ്പ്യാർ സമിതിയാണ് റിപ്പോർട്ടിൽ ചൂണ്ടിക്കാട്ടിയിരിക്കുന്നത്. കരാര്‍ ഒപ്പിടും മുൻപ് പാലിക്കേണ്ട നടപടിക്രമങ്ങളില്‍ വീഴ്ച ഉണ്ടായെന്നും നിയമവകുപ്പുമായി ആലോചിച്ചിട്ടില്ലെന്നും കരാറിന് മുന്‍കൈ എടുത്തതും ഒപ്പിട്ടതും എം ശിവശങ്കറാണെന്നും റിപ്പോര്‍ട്ടില്‍ പറയുന്നു. അതേസമയം 1.8 ലക്ഷംപേരുടെ വിവരങ്ങള്‍ കമ്പനിക്ക് ലഭ്യമായെങ്കിലും ഇതില്‍ രാജ്യസുരക്ഷയെ ബാധിക്കുന്ന വിവരങ്ങള്‍ ഒന്നുമില്ലെന്നും പനിപോലുളള സാധാരണ രോഗങ്ങളുടെ വിവരങ്ങള്‍ മാത്രമേ ഉള്ളുവെന്നും ഇതിൽ…
സ്ത്രീകളെ ദുർഗാദേവിയെ പോലെ കണ്ട് ബഹുമാനിക്കണമെന്ന് പ്രധാനമന്ത്രി നരേന്ദ്ര മോദി. ദുർഗാദേവിക്ക് ജനങ്ങൾ നൽകുന്ന ബഹുമാനം രാജ്യത്തെ സ്ത്രീകൾക്ക് നൽകണമെന്നും അദ്ദേഹം പറഞ്ഞു. ദുർഗാ പൂജയുടെ വേളയിൽ പശ്ചിമ ബംഗാളിലെ ജനങ്ങളെ അഭിസംബോധന ചെയ്തു സംസാരിക്കുകയായിരുന്നു പ്രധാനമന്ത്രി നരേന്ദ്ര മോദി . ആത്മനിർഭർ ഭാരത് അഭിയാന്റെ കേന്ദ്രത്തിന്റെ കാഴ്ചപ്പാട് ബംഗാളിൽ നിന്ന് ശക്തിപ്പെടുത്തുമെന്നും അദ്ദേഹം പറഞ്ഞു. ആഘോഷ വേളയിൽ ജനങ്ങൾ സാമൂഹിക അകലം പാലിക്കണമെന്നും മാസക് ധരിക്കണമെന്നും പ്രധാനമന്ത്രി ഓർമിപ്പിച്ചു. മോദി ബംഗാളിയിൽ തന്റെ പൂജാ ആശംസകൾ…
കാട്ടുപന്നിയെ ശല്യകാരിയായ മൃഗമായി(വെർമിൻ) പ്രഖ്യാപിക്കാൻ കേന്ദ്രത്തിന്റെ അനുമതി തേടിയതായി വനം വകുപ്പ് മന്ത്രി കെ രാജു. കാട്ടുപന്നി ആക്രമണം രൂക്ഷമായ സാഹചര്യത്തിൽ ഇവയെ ശല്യകാരിയായി പ്രഖ്യാപിച്ച് കൂട്ടത്തോടെ നശിപ്പിക്കാനായാണ് അനുമതി തേടിയിരിക്കുന്നത്. വെർമിനായി പ്രഖ്യാപിച്ചാൽ നാട്ടിൽ ഇറങ്ങുന്നവയെ കൂട്ടത്തോടെ ഇല്ലായ്മ ചെയ്യാൻ വനം വകുപ്പിന് സാധിക്കും. സംസ്ഥാനമാകെ ഇങ്ങനെ അനുമതി ലഭിക്കില്ല. ചില മേഖലകൾ, ക്ലസ്റ്റർ അടിസ്ഥാനത്തിലാണ് അനുമതി ലഭിക്കുക കേന്ദ്രാനുമതി ലഭിച്ചാലുടൻ കേരളത്തിലെ കാട്ടുപന്നി ആക്രമണം പൂർണമായും ഇല്ലായ്മ ചെയ്യാൻ സാധിക്കുമെന്ന് മന്ത്രി പറഞ്ഞു….
ഇരുപത്തിയാറ് ടൂറിസം പദ്ധതികള്‍ ഇന്ന് മുഖ്യമന്ത്രി ഉദ്ഘാടനം ചെയ്ത് നാടിന് സമര്‍പ്പിച്ചു . സംസ്ഥാനത്തെ ടൂറിസം രംഗം വലിയ മാറ്റങ്ങളിലൂടെയാണ് കടന്നു പോകുന്നത്. അടിസ്ഥാന സൗകര്യ വികസനത്തിലും പുതിയ ഡെസ്റ്റിനേഷനുകള്‍ ഒരുക്കുന്നതിലും അതത് പ്രദേശവാസികള്‍ ടൂറിസം രംഗത്തെ വികസനത്തിന്റെ പ്രാഥമിക ഗുണഭോക്താക്കളാകുന്നു എന്ന് ഉറപ്പുവരുത്തുന്നതിലും സര്‍ക്കാര്‍ പ്രത്യേകശ്രദ്ധ പുലര്‍ത്തുന്നുണ്ട്. ടൂറിസം രംഗത്തെ വികസന പ്രവര്‍ത്തനങ്ങളുടെ തുടര്‍ച്ച എന്ന നിലയില്‍ 26 ടൂറിസം പദ്ധതികള്‍ നിര്‍മാണപ്രവര്‍ത്തനങ്ങള്‍ പൂര്‍ത്തിയാക്കി മുഖ്യമന്ത്രി പിണറായി വിജയന്‍ ഇന്ന് നാടിനു സമര്‍പ്പിച്ചു. വിനോദസഞ്ചാര മേഖലയുടെ…
പ്ലസ് ടു കോഴക്കേസിൽ അന്വേഷണം നേരിടുന്ന കെ എം ഷാജി എംഎൽഎയുടെ വീട് അളന്നു. എൻഫോഴ്‌സ്‌മെന്റ് ഡയറക്ടറേറ്റിന്റെ നിർദേശപ്രകാരം കോഴിക്കോട് നഗരസഭാ ഉദ്യോഗസ്ഥരാണ് വീട്ടിലെത്തി അളവെടുപ്പ് നടത്തിയത്. അളവെടുപ്പ് സംബന്ധിച്ച് വീട്ടുകാർക്ക് നോട്ടീസോ മറ്റോ നൽകിയിട്ടില്ലെന്നാണ് അറിയുന്നത്. പരിശോധന നടക്കുമ്പോൾ കെ എം ഷാജി വീട്ടിലുണ്ടായിരുന്നില്ല. കണ്ണൂർ അഴിക്കോട് സ്‌കൂളിന് പ്ലസ് ടു അനുവദിക്കാൻ 25 ലക്ഷം രൂപ കോഴ വാങ്ങിയെന്ന പരാതിയിലാണ് എൻഫോഴ്‌സ്‌മെന്റ് നടപടി സ്‌കൂൾ മാനേജ്‌മെന്റ് പ്രതിനിധികളുടെ മൊഴി ഇ ഡി രേകപ്പെടുത്തും….
സംസ്ഥാനത്ത് തുലാവർഷത്തിന്റെ വരവ് വൈകുന്നു. ബംഗാൾ ഉൾക്കടലിൽ തുടർച്ചയായി ന്യൂനമർദങ്ങൾ രൂപപ്പെടുന്ന സാഹചര്യത്തിലാണ് തുലാവർഷം വൈകുന്നത്. അടുത്ത മാസം ആദ്യത്തോടെ തുലാവർഷം കേരളത്തിലെത്തുമെന്നാണ് സൂചന ജൂൺ ഒന്നിന് എത്തുന്ന കാലവർഷം ഒക്ടോബർ 15ഓടെ പിൻവാങ്ങുകയും പിന്നാലെ തുലാവർഷം എത്തുകയുമാണ് പതിവ്. ഉത്തരേന്ത്യയിൽ നിന്ന് സെപ്റ്റംബർ 28 മുതൽ കാലവർഷത്തിന്റെ പിൻമാറ്റം ആരംഭിച്ചിരുന്നു. തുലാവർഷത്തിന്റെ വരവ് വൈകിയതോടെ കേരളത്തിൽ ഈ മാസം ലഭിക്കേണ്ട മഴയിൽ ഇതുവരെ 7 ശതമാനത്തോളം കുറവ് രേഖപ്പെടുത്തി. അതേസമയം തുലാവർഷം വൈകിയാലും…
പ്രാദേശിക വിഷയങ്ങളിൽ രാഹുൽ ഗാന്ധി അഭിപ്രായം പറയേണ്ടതില്ലെന്ന് പ്രതിപക്ഷ നേതാവ് രമേശ് ചെന്നിത്തല. സംസ്ഥാനത്തെ കൊവിഡ് പ്രതിരോധത്തെ അഭിനന്ദിച്ച് രാഹുൽ ഗാന്ധി സംസാരിച്ചതിനെ കുറിച്ച് മാധ്യമപ്രവർത്തകർ ചോദിച്ചപ്പോഴാണ് ചെന്നിത്തലയുടെ മറുപടി രാഹുൽ ഗാന്ധിയെ പോലൊരു നേതാവ് ഇവിടെ വന്നിട്ട് അദ്ദേഹം പ്രാദേശിക വിഷയങ്ങളിലൊക്കെ ഇടപെട്ട് സംസാരിക്കുന്നത് ശരിയല്ലെന്നുള്ള അഭിപ്രായമാണ് എനിക്കുള്ളത്. ഞങ്ങളൊക്കെ ഇവിടെയുണ്ടല്ലോ കാര്യങ്ങൾ പറയാൻ അദ്ദേഹം പറയുമ്പോൾ അദ്ദേഹത്തിന്റെ നിലയിൽ നിന്നുകൊണ്ട് പറഞ്ഞാൽ മതി. ബ്ലെയിം ഗെയിം നടത്തരുതെന്ന് രാഹുൽ ഗാന്ധി പറഞ്ഞതിൽ എല്ലാമുണ്ടെന്നും ചെന്നിത്തല…
അട്ടപ്പാടി ചാവടിയൂരിൽ ആദിവാസി വീട്ടമ്മയെ വെട്ടിക്കൊന്ന സംഭവത്തിൽ പ്രതി പിടിയിൽ. ചെമ്മണ്ണൂർ സ്വദേശിനി ലക്ഷ്മി(42) കൊല്ലപ്പെട്ട സംഭവത്തിലാണ് കള്ളമല സ്വദേശി സലിൻ ജോസഫ് അറസ്റ്റിലായത്. ലക്ഷ്മിയെ വെട്ടിയും തലയ്ക്കടിച്ചുമാണ് ഇയാൾ കൊലപ്പെടുത്തിയത് എട്ട് വർഷമായി വർഷമായി കുടുംബത്തിൽ നിന്ന് വേർപിരിഞ്ഞ് ഇരുവരും ഒന്നിച്ച് താമസിക്കുകയാണ്. ഒരു മാസം മുമ്പാടാണ് ചാവടിയൂരിലെ ലക്ഷ്മിയുടെ ബന്ധുവീട്ടിൽ താമസത്തിനെത്തിയത്. ചൊവ്വാഴ്ച രാത്രി ഒമ്പത് മണിയോടെയാണ് സലിൻ ലക്ഷ്മിയെ വെട്ടിയും തലയ്ക്ക് അടിച്ചും കൊല്പപെടുത്തിയത്. ഇരുവരും ചേർന്ന് മദ്യപിക്കുന്നതിനിടെയുണ്ടായ കലഹത്തിനൊടുവിലാണ് കൊലപാതകം…
മുൻ ഐടി സെക്രട്ടറി എം ശിവശങ്കറിന്റെ മുൻകൂർ ജാമ്യാപേക്ഷ തീർപ്പാക്കി. ശിവശങ്കർ നിലവിൽ പ്രതിയല്ലെന്ന് ജാമ്യാപേക്ഷ പരിഗണിക്കുമ്പോൾ എൻ ഐ എ കോടതിയെ അറിയിച്ചു. കേസിൽ ശിവശങ്കറെ എൻഐഎ പ്രതി ചേർത്തിട്ടില്ല പ്രതി ചേർക്കാത്തതിനാൽ മുൻകൂർ ജാമ്യാപേക്ഷ പരിഗണിക്കേണ്ടതില്ലെന്ന് എൻഐഎ കോടതിയെ അറിയിച്ചു. ഇതോടെയാണ് കോടതി ഹർജി തീർപ്പാക്കിയത്. പ്രതിയല്ലെന്ന് അറിയിച്ചതോടെ ശിവശങ്കറിന്റെ അഭിഭാഷകനും ഹർജി തീർപ്പാക്കാൻ അനുവദിച്ചു.