തിരുവനന്തപുരത്ത് യുവാവിനെ ഗുണ്ടാസംഘം വെട്ടിപ്പരുക്കേൽപ്പിച്ചു. ഗുരുതരമായി പരുക്കേറ്റ ഷെഫീഖ് എന്ന 34കാരനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പൂവച്ചൽ കുറകോണത്താണ് സംഭവം കൊലക്കേസ് പ്രതിയായ രാജേഷിന്റെ വീട്ടിലേക്ക് മദ്യപിക്കാനെന്ന് പറഞ്ഞാണ് പ്രതികൾ ഷെഫീഖിനെ കൊണ്ടുവന്നത്. മദ്യപിച്ചതിന് ശേഷം ഷെഫീഖിനെ കെട്ടിയിട്ട് ഇരുകാലുകളിലും വെട്ടുകയായിരുന്നു. തുടർന്ന് റോഡിൽ ഉപേക്ഷിച്ച് മുങ്ങുകയും ചെയ്തു. പോലീസ് എത്തിയാണ് ഷെഫീഖിനെ ആശുപത്രിയിൽ പ്രവേശിപ്പിച്ചത്. പ്രതികളിലൊരാളുടെ ഭാര്യയുടെ ചിത്രം ഷെഫീഖിന്റെ മൊബൈലിലുണ്ടെന്ന സംശയമാണ് ആക്രമണത്തിന് പിന്നിലെന്ന് സൂചനയുണ്ട്.

തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവള നടത്തിപ്പ് അദാനി ഗ്രൂപ്പിന് കൈമാറാൻ തീരുമാനം. ജൂലൈയില്‍ വിമാനത്താവള നടത്തിപ്പ് അദാനി ഗ്രൂപ്പിന് കൈമാറാന്‍ ഉദ്ദേശിച്ചെങ്കിലും കോവിഡ് രണ്ടാം തരംഗം മൂലം നീട്ടിവെക്കുകയായിരുന്നുവെന്നും ഒക്ടോബര്‍ 18ന് കൈമാറാന്‍ ലക്ഷ്യമിടുന്നെന്നും എയര്‍പോര്‍ട്ട്‌സ് അഥോറിറ്റി ഓഫ് ഇന്ത്യ. കൊച്ചി സ്വദേശിയായ വിവരാവകാശ പ്രവര്‍ത്തകന്‍ കെ. ഗോവിന്ദന്‍ നമ്പൂതിരിക്ക് നല്‍കിയ മറുപടിയിലാണ് എയര്‍പോര്‍ട്ട്‌സ് അഥോറിറ്റി ഇക്കാര്യം വ്യക്തമാക്കിയത്. കോവിഡ് രണ്ടാം തരംഗം മൂലം  വിമാനത്താവള നടത്തിപ്പ് അദാനി ഗ്രൂപ്പിന് കൈമാറുന്ന നടപടി നീട്ടിവെക്കുകയായിരുന്നെന്നാണ് വിവരാവകാശ മറുപടിയില്‍…