കണ്ണൂർ കണിച്ചാറിൽ ഒരു വയസ്സുള്ള പെൺകുട്ടിക്ക് രണ്ടാനച്ഛന്റെ ക്രൂരമർദനം. തലയ്ക്കും കൈക്കും പരുക്കേറ്റ കുട്ടിയെ പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കുട്ടി വീട്ടിൽ മൂത്രമൊഴിക്കുന്നുവെന്ന് പറഞ്ഞായിരുന്നു മർദനം സംഭവത്തിൽ കുഞ്ഞിന്റെ രണ്ടാനച്ഛൻ രതീഷിനും അമ്മ രമ്യക്കുമെതിരെ പോലീസ് കേസെടുത്തു. കുട്ടിക്ക് പാല് കൊടുക്കാൻ പോലും രതീഷ് സമ്മതിക്കില്ലായിരുന്നുവെന്ന് രമ്യയുടെ അമ്മ പറഞ്ഞു. രമ്യയുടെ രണ്ടാം വിവാഹം കഴിഞ്ഞിട്ട് ഒരു മാസമേ ആയിട്ടുള്ളു.

മുട്ടിൽ മരം മുറി കേസ് അന്വേഷണത്തിനായുള്ള ഉന്നതതല സംഘത്തിലെ ക്രൈംബ്രാഞ്ച് അംഗങ്ങളെ തീരുമാനിച്ചു. ഐജി സ്പർജൻ കുമാറിനാണ് മേൽനോട്ട ചുമതല. തൃശ്ശൂർ, മലപ്പുറം, കോട്ടയം എസ് പിമാർക്കും ചുമതലയുണ്ട്. മരം മുറിക്കൽ കേസിലെ ഗൂഢാലോചനയാണ് ക്രൈംബ്രാഞ്ച് സംഘം പ്രധാനമായും പരിശോധിക്കുന്നത്. ക്രൈംബ്രാഞ്ച്, വിജിലൻസ്, വനംവകുപ്പ് എന്നീ വകുപ്പുകളിൽ നിന്നുമുള്ള ഉദ്യോഗസ്ഥരടങ്ങിയ ഉന്നതതല സംഘത്തിനാണ് കേസിന്റെ അന്വേഷണം. സമിതിയുടെ തലവനായി ക്രൈംബ്രാഞ്ച് എഡിജിപി എസ് ശ്രീജിത്തിനെ നിയമിച്ചിരുന്നു. അതേസമയം ഉന്നതതല സംഘത്തിലെ വിജിലൻസ് ഉദ്യോഗസ്ഥർ ആരൊക്കെയാണെന്നതിൽ നാളെ തീരുമാനമുണ്ടാകും.

  തിരുവനന്തപുരം: സംസ്ഥാനത്ത് ടെസ്റ്റ്‌ പോസിറ്റീവിറ്റി നിരക്ക് കുറയുന്നതായി ആരോഗ്യ വകുപ്പ്. ടെസ്റ്റ് പോസിറ്റിവിറ്റി നിരക്ക് കുറഞ്ഞ സാഹചര്യത്തില്‍ ബുധനാഴ്ചയ്ക്ക് ശേഷം ലോക്ക് ടൗണിൽ വലിയ ഇളവുകള്‍ നല്‍കാന്‍ സാധ്യതയുണ്ട്. ഇന്നലെ ടിപിആര്‍ 12 ല്‍ എത്തിയിരുന്നു. നിലവില്‍ ജൂണ്‍ 16 വരെയാണ് കേരളത്തില്‍ ലോക് ഡൗണ്‍ നീട്ടിയിരിക്കുന്നത്. ടെസ്റ്റ് പൊസിറ്റിവിറ്റി റേറ്റ് പത്ത് ശതമാനത്തിനും താഴെ വന്നാല്‍ ലോക്ക് ഡൗണ്‍ പിന്‍വലിക്കാം എന്നാണ് ആരോ​ഗ്യവിദ​ഗ്ദ്ധരുടെ നിലപാട്. എന്നാൽ ഇന്നും സംസ്ഥാനത്ത് കര്‍ശന നിയന്ത്രണം തുടരും. ഇന്നലെയും…

  സൗദിയിൽ വാഹനാപകടത്തിൽ മരിച്ച മലയാളി നഴ്‌സുമാരുടെ മൃതദേഹങ്ങൾ തിരുവനന്തപുരത്ത് എത്തിച്ചു. തിരുവനന്തപുരം സ്വദേശി അശ്വതി(31), കോട്ടയം സ്വദേശി ഷിൻസി(28) എന്നിവരുടെ മൃതദേഹമാണ് നാട്ടിലെത്തിച്ചത്. മെയ് 30ന് നജ്‌റാനിലുണ്ടായ വാഹനാപാകടത്തിലാണ് ഇരുവരും മരിച്ചത്. നജ്‌റാൽ കിംഗ് ഖാലിദ് ആശുപത്രിയിലെ നഴ്‌സുമാരായിരുന്നു.