തിരുവനന്തപുരം പൂജപ്പുര സെൻട്രൽ ജയിലിൽ 41 തടവുകാർക്ക് കൂടി കൊവിഡ് സ്ഥിരീകരിച്ചു. 98 പേരിൽ നടത്തിയ പരിശോധനയിലാണ് 41 പേർക്ക് രോഗം സ്ഥിരീകരിച്ചത്. ഇന്നലെ നടത്തിയ പരിശോധനയിൽ 59 പേർക്ക് രോഗം കണ്ടെത്തിയിരുന്നു 72കാരനായ തടവുപുള്ളിക്ക് രോഗലക്ഷണം കണ്ടതോടെ കഴിഞ്ഞ ദിവസം പരിശോധനക്ക് വിധേയമാക്കുകയും കൊവിഡ് സ്ഥിരീകരിക്കുകയുമായിരുന്നു. ഇന്നലെ 99 പേരിൽ പരിശോധന നടത്തിയപ്പോൾ 59 പേർക്ക് രോഗം സ്ഥിരീകരിച്ചു. തുടർന്നാണ് എല്ലാ അന്തേവാസികൾക്കും പരിശോധന നടത്താൻ ആരോഗ്യവകുപ്പ് തീരുമാനിച്ചത്.

ആശുപത്രിയിലേക്കുള്ള യാത്രാമധ്യേ 108 ആംബുലൻസിൽ കൊവിഡ് ബാധിതയായ യുവതിക്ക് സുഖപ്രസവം. കാസർകോട് ഉപ്പള സ്വദേശിനിയാണ് ആംബുലൻസിൽ വെച്ച് പ്രസവിച്ചത്. കുട്ടിയും അമ്മയും സുഖമായിരിക്കുന്നതായി പരിയാരം മെഡിക്കൽ കോളജ് അധികൃതർ അറിയിച്ചു കാസർകോട് ജനറൽ ആശുപത്രിയിൽ ചികിത്സയിലായിരുന്ന യുവതിയുടെ നില വഷളായതോടെയാണ് കണ്ണൂർ പരിയാരം മെഡിക്കൽ കോളജിലേക്ക് മാറ്റിയത്. എന്നാൽ യാത്രാമധ്യേ യുവതിയുടെ നില തീർത്തും വഷളായി. ഇതോടെ ആംബുലൻസ് വഴിയോരത്ത് നിർത്തുകയും ജീവനക്കാരുടെ സഹായത്തോടെ യുവതി കുഞ്ഞിന് ജന്മം നൽകുകയുമായിരുന്നു. കുട്ടിക്കും അമ്മക്കും പ്രഥമ ശുശ്രൂഷ നൽകിയതിന്…

കാസർകോട് ബളാലിൽ ദുരൂഹ സാഹചര്യത്തിൽ മരിച്ച പതിനാറുകാരി ആൻമരിയയുടേത് കൊലപാതകമെന്ന് പോലീസ്. സഹോദരനായ ആൽബിൻ ഐസ് ക്രീമിൽ വിഷം കലർത്തിയാണ് ആൻമരിയയെ കൊലപ്പെടുത്തിയത്. അഗസ്റ്റ് അഞ്ചിനാണ് ആൻമരിയ മരിച്ചത് അച്ഛനെയും അമ്മയെയും ആൽബിൻ കൊലപ്പെടുത്താൻ ശ്രമിച്ചിരുന്നു. വിഷം ഉള്ളില്‍ ചെന്ന അച്ഛന്‍ ബെന്നി ഗുരുതരാവസ്ഥയിൽ ചികിത്സയിലാണ്. തന്റെ രഹസ്യബന്ധങ്ങൾ തുടരുന്നതിന് കുടുംബം തടസ്സമാകുമെന്ന് കരുതിയതിനാലാണ് കൊലപാതകം നടത്തിയതെന്ന് പോലീസ് പറയുന്നു. ആൽബിൻ വെള്ളരിക്കുണ്ട് പോലീസ് കസ്റ്റഡിയിലാണ് ആൽബിനും ആൻമരിയയും കൂടിയാണ് വീട്ടിൽ ഐസ് ക്രീം ഉണ്ടാക്കിയത്. ഇത്…

പെട്ടിമുടിയിൽ ഉരുൾപൊട്ടൽ ദുരന്തമുണ്ടായ സ്ഥലം സന്ദർശിച്ച് മടങ്ങിയ മുഖ്യമന്ത്രി പിണറായി വിജയന്റെ വാഹനവ്യൂഹം തടയാൻ ശ്രമിച്ച പെമ്പിളൈ ഒരുമ നേതാവ് ഗോമതിയെ അറസ്റ്റ് ചെയ്ത് നീക്കി. തോട്ടം തൊഴിലാളികളുടെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിന് ആവശ്യമായ നടപടി സ്വീകരിക്കണമെന്ന് ആവശ്യപ്പെട്ടായിരുന്നു ഇവരുടെ പ്രതിഷേധം മൂന്നാർ ടൗണിൽ റോഡിൽ കുത്തിയിരുന്ന് പ്രതിഷേധിച്ച ഗോമതി മുഖ്യമന്ത്രിയുടെ വാഹനവ്യൂഹം തടയാൻ ശ്രമിച്ചതോടെയാണ് അറസ്റ്റ് ചെയ്തത്.

മൂന്നാര്‍: പെട്ടിമുടി ദുരന്തഭൂമി സന്ദര്‍ശിച്ച് മുഖ്യമന്ത്രി പിണറായി വിജയനും ഗവര്‍ണര്‍ ആരിഫ് മുഹമ്മദ് ഖാനും. പെട്ടിമുടിയിലേത് വന്‍ദുരന്തമാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞു. പെട്ടിമുടിയിലെ ദുരന്ത ബാധിതര്‍ക്ക് എല്ലാവര്‍ക്കും വീടുവെച്ച് നല്‍കുമെന്ന് മുഖ്യമന്ത്രി അറിയിച്ചു . ഇവര്‍ക്ക് സ്ഥലം കണ്ടെത്തി വീടു വെച്ചു നല്‍കും. രക്ഷപ്പെട്ടവരെ പുതിയ സ്ഥലത്ത് പുതിയ വീട് നല്‍കി പുനരധിവസിപ്പിക്കാനാണ് സര്‍ക്കാര്‍ നടപടിയെടുക്കുക. കുട്ടികളുടെ വിദ്യാഭ്യാസച്ചെലവും സര്‍ക്കാര്‍ വഹിക്കുമെന്ന് മുഖ്യമന്ത്രി അറിയിച്ചു. ദുരന്തത്തില്‍പെട്ടവര്‍ക്കുള്ള ചികില്‍സാ ചെലവ് സര്‍ക്കാരാണ് വഹിക്കുന്നത്. ഇവര്‍ക്ക് വിദഗ്ധ…