അസം കവി നീൽമണി ഫൂക്കനും കൊങ്കൺ സാഹിത്യകാരൻ ദാമോദർ മൊസ്സോയ്ക്കും ജ്ഞാനപീഠ പുരസ്കാരം. കഴിഞ്ഞ വർഷത്തെ പുരസ്കാരമാണ് നീൽമണി ഫൂക്കന് പ്രഖ്യാപിച്ചിരിക്കുന്നത്. കേന്ദ്ര, സംസ്ഥാന സാഹിത്യ അക്കാദമി അവാർഡുകളും ഫെല്ലോഷിപ്പുകളും അദ്ദേഹം നേടിയിട്ടുണ്ട്. രാജ്യം പത്മശ്രീ നൽകിയും ആദരിച്ചിട്ടുണ്ട് ഗോവൻ നോവലിസ്റ്റും ചെറുകഥാകൃത്തും തിരക്കഥാകൃത്തുമായ ദാമോദർ മൊസ്സോയ്ക്ക് ഈ വർഷത്തെ പുരസ്കാരമാണ് പ്രഖ്യാപിച്ചിരിക്കുന്നത്.
ഭഗവതിപുരത്തിനും ന്യൂ ആര്യങ്കാവ് റെയിൽവെ സ്റ്റേഷനുമിടയിൽ മണ്ണിടിച്ചിൽ ഉണ്ടായതിനെ തുടർന്ന് നാല് ട്രെയിനുകൾ ഭാഗികമായി റദ്ദാക്കി. ഇന്നലെ രാത്രിയാണ് മണ്ണിടിച്ചിലുണ്ടായത്. ഇന്ന് പകൽ 12ന് കൊല്ലത്തുനിന്ന് പുറപ്പെടേണ്ട കൊല്ലം-ചെന്നൈ എഗ്മോർ പ്രതിദിന എക്സ്പ്രസ് കൊല്ലത്തിനും ചെങ്കോട്ടയ്ക്കും ഇടയിൽ ഭാഗികമായി റദ്ദാക്കിയതിനാൽ ചെങ്കോട്ടയിൽ നിന്ന് സർവീസ് ആരംഭിക്കും. ഇന്നലെ പുറപ്പെട്ട പാലക്കാട്-തിരുനെൽവേലി പാലരുവി എക്സ്പ്രസ് പുനലൂരിലും, ചെന്നൈ എഗ്മോർ-കൊല്ലം പ്രതിദിന എക്സ്പ്രസ് ചെങ്കോട്ടയിലും യാത്ര അവസാനിപ്പിച്ചു. രാത്രി 11.20ന് തിരുനെൽവേലിയിൽനിന്ന് പുറപ്പെടേണ്ട തിരുനെൽവേലി-പാലക്കാട് പാലരുവി എക്സ്പ്രസ് പുനലൂരിൽ…
കണ്ണൂർ കക്കാട് ഭാര്യയെയും മകളെയും വെട്ടിപ്പരുക്കേൽപ്പിച്ചയാൾക്കെതിരെ കേസ്. കക്കാട് സ്വദേശി രവീന്ദ്രനാണ് ഭാര്യ പ്രവിദ, മകൾ റനിത എന്നിവരെ വെട്ടിയത്. നേരത്തെയും ഇയാൾ പലതവണ ഭാര്യയെയും മകളെയും ഉപദ്രവിച്ചിട്ടുണ്ട്. ആക്രമണത്തിൽ പ്രവിദക്ക് ഗുരുതരമായി പരുക്കേറ്റു. തലയ്ക്ക് പരുക്കേറ്റ പ്രവിദ കണ്ണൂർ ജില്ലാ ആശുപത്രിയിൽ ചികിത്സയിലാണ്. റനിതയുടെ കൈക്കും കാലിനുമാണ് വെട്ടേറ്റത്. അമ്മയെയും സഹോദരിയെയും ആക്രമിക്കുന്നത് കണ്ടതോടെ പ്രവിദയുടെ മകൻ രവീന്ദ്രനെ പ്രതിരോധിക്കാൻ ശ്രമിച്ചു. ഇതിൽ രവീന്ദ്രനും പരുക്കേറ്റിട്ടുണ്ട്. ഇയാളെയും ആശുപത്രിയിൽ പ്രവേശിപ്പിച്ചു.
രാജ്യസഭയിലെ പ്രതിപക്ഷ എംപിമാരുടെ സസ്പെൻഷൻ പിൻവലിക്കണമെന്നാവശ്യപ്പെട്ട് പാർലമെന്റിൽ ഇന്നും പ്രതിപക്ഷ ബഹളം. രണ്ട് സഭകളിലും ബഹളത്തെ തുടർന്ന് നടപടികൾ തടസ്സപ്പെട്ടു. പ്രതിഷേധത്തെ തുടർന്ന് രാജ്യസഭ രണ്ട് മണി വരെ നിർത്തിവെച്ചു കാർഷിക നിയമങ്ങൾക്കെതിരെ പ്രതിഷേധിച്ചതിനെ തുടർന്നാണ് എളമരം കരീം, ബിനോയ് വിശ്വം അടക്കമുള്ള പ്രതിപക്ഷ എംപിമാരെ സസ്പെൻഡ് ചെയ്തത്. പ്രതിപക്ഷ എംപിമാർ ഗാന്ധി പ്രതിമക്ക് മുന്നിൽ പ്രതിഷേധിക്കുകയാണ്.
സംസ്ഥാനത്ത് നിന്നും ഒമിക്രോൺ ജനിതക പരിശോധനക്കയച്ച എട്ട് പേരുടെ സാമ്പിളുകൾ ഒമിക്രോൺ നെഗറ്റീവാണെന്ന് ആരോഗ്യമന്ത്രി വീണ ജോർജ്. പത്ത് പേരുടെ സാമ്പിളുകളാണ് പരിശോധനക്ക് അയച്ചത്. ഇനി രണ്ട് പേരുടെ ഫലം കൂടി വരാനുണ്ട് കോഴിക്കോട് 2, മലപ്പുറം 2, എറണാകുളം 2, തിരുവനന്തപുരം 1, പത്തനംതിട്ട 1 എന്നിങ്ങനെയാണ് ഒമിക്രോൺ നെഗറ്റീവായത്. ഹൈ റിസ്ക് രാജ്യങ്ങളിൽ നിന്നെത്തുന്നവരിൽ കൊവിഡ് പോസിറ്റീവാകുന്നവരുടെ സാമ്പിളുകളാണ് ജനിതക പരിശോധനക്ക് അയക്കുന്നത്.
വഖഫ് ബോർഡ് നിയമന വിവാദത്തിൽ സമസ്ത നേതാക്കളുമായി മുഖ്യമന്ത്രി പിണറായി വിജയൻ കൂടിക്കാഴ്ച നടത്തി. നിയമനങ്ങൾ പി എസ് സിക്ക് വിട്ട നടപടി ഉടൻ നടപ്പാക്കില്ലെന്ന് സമസ്ത നേതാക്കൾക്ക് മുഖ്യമന്ത്രി ഉറപ്പ് നൽകി. വിഷയത്തിൽ വിശദമായ ചർച്ചയാകാമെന്നും മുഖ്യമന്ത്രി അറിയിച്ചു സമസ്ത ജനറൽ സെക്രട്ടറി ആലിക്കുട്ടി മുസ്ലിയാർ അടക്കം ഏഴംഗ സംഘമാണ് മുഖ്യമന്ത്രിയുമായി കൂടിക്കാഴ്ച നടത്തിയത്. നിയമനങ്ങൾ പി എസ് സിക്ക് വിട്ട നടപടി റദ്ദാക്കാൻ സമസ്ത ഭാരവാഹികൾ ആവശ്യപ്പെട്ടു. എന്നാൽ ഇക്കാര്യത്തിൽ വിശദമായ ചർച്ച നടത്തി…
നാദാപുരം പോലീസ് സ്റ്റേഷൻ എസ് ഐ കുഴഞ്ഞുവീണു മരിച്ചു. കക്കട്ട് പാതിരപ്പറ്റ സ്വദേശിയായ കെ പി രതീഷ് ആണ് മരിച്ചത്. രാവിലെ എട്ട് മണിക്ക് ഷട്ടിൽ കളിക്കുന്നതിനിടെ കുഴഞ്ഞുവീഴുകയായിരുന്നു. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഷാനിമയാണ് ഭാര്യ. ഏകമകൾ അഷിമ
ന്യൂഡല്ഹി: മുല്ലപ്പെരിയാര് വിഷയത്തില് കേരളത്തില് നിന്നുള്ള എം പിമാര് ഇന്ന് പാര്ലിമെന്റിന് മുമ്പില് ധര്ണ നടത്തും. രാവിലെ 10 മുതല് പാര്ലിമെന്റ് കവാടത്തിനു മുമ്പിലാണ് ധര്ണ. തമിഴ്നാടിന്റെ ഏകപക്ഷീയ നടപടികള് തടയാന് പ്രധാന മന്ത്രി ഇടപെടണമെന്നാണ് ആവശ്യം.
ന്യൂഡല്ഹി: ജയിലില് നിന്ന് മോചിപ്പിക്കണമെന്ന് ആവശ്യപ്പെട്ട് രാജീവ് ഗാന്ധി വധക്കേസ് പ്രതി പേരറിവാളന് സമര്പ്പിച്ച ഹർജി സുപ്രീം കോടതി ഇന്ന് പരിഗണിക്കും. ജസ്റ്റിസ് എല് നാഗേശ്വര റാവു അധ്യക്ഷനായ ബഞ്ചാണ് ഹർജി പരിഗണിക്കുക. രാജീവ് ഗാന്ധി വധത്തിന് പിന്നില് അന്താരാഷ്ട്ര ഗൂഢാലോചനയുണ്ടോയെന്ന് അന്വേഷിക്കണമെന്ന പേരറിവാളന്റെ ആവശ്യവും കോടതി മുമ്പാകെയുണ്ട്. ബോംബ് നിര്മാണത്തിനായി ബാറ്ററികള് എത്തിച്ചുകൊടുത്തെന്നതാണ് പേരറിവാളനെതിരെ ചുമത്തിയിട്ടുള്ള കുറ്റം.
ഒമിക്രോൺ വ്യാപനം തീവ്രമായാൽ ഫെബ്രുവരിയോടെ രാജ്യത്ത് കൊവിഡിന്റെ മൂന്നാം തരംഗമുണ്ടായേക്കുമെന്ന് ആരോഗ്യവിദഗ്ധർ. രാജ്യത്ത് പകുതിയിലധികം പേരും വാക്സിൻ സ്വീകരിച്ചതിനാലും ഒമിക്രോണിന് അപകടസാധ്യത കുറവായതിനാലും മൂന്നാം തരംഗം രൂക്ഷമാകില്ലെന്നാണ് പ്രതീക്ഷിക്കുന്നത്. ഒമിക്രോൺ ബാധിതരുടെ എണ്ണം രാജ്യത്ത് ഉയരുകയാണ്. മഹാരാഷ്ട്ര, തെലങ്കാന, ഡൽഹി, രാജസ്ഥാൻ സംസ്ഥാനങ്ങളിൽ നിന്നുള്ള കൂടുതൽ ജനിതക ശ്രേണികരണ പരിശോധനാ ഫലം ഇന്ന് വരും. രാജ്യത്ത് ഇതുവരെ 23 കേസുകളാണ് സ്ഥിരീകരിച്ചത്. വാക്സിന്റെ ബൂസ്റ്റർ ഡോസ് എന്ന ആവശ്യം വിവിധ സംസ്ഥാനങ്ങൾ ഉന്നയിച്ചിട്ടുണ്ട് മഹാരാഷ്ട്രയിൽ മാത്രം പത്ത്…