ഭീകരവാദത്തിനെതിരെ ഐക്യരാഷ്ട്രസഭയിൽ പാകിസ്താന് കടുത്ത മറുപടിയുമായി ഇന്ത്യ. വർഷങ്ങളോളം യുഎന്നിൽ നുണകൾ ആവർത്തിച്ചാൽ യഥാർത്ഥ ചിത്രം മറച്ചുവെക്കാനാകില്ലെന്ന് ഇന്ത്യയുടെ പ്രതിനിധിമുന്നറിയിപ്പ് നൽകി. പകൽ സമയത്ത് സുരക്ഷ ഉറപ്പാക്കണം എന്ന് പറയുന്നവർ രാത്രികാലങ്ങളിൽ ഭീകരവാദത്തിന് കൂട്ടുനിൽക്കുന്നുവെന്നും വിമർശനം. ഐക്യരാഷ്ട്ര സഭയിലെ ഇന്ത്യയുടെ സ്ഥിരം പ്രതിനിധി സംഘത്തിലെ ഫസ്റ്റ് സെക്രട്ടറി പെറ്റൽ ഗഹ്ലോട്ട് ആണ് മറുപടി നൽകിയത്.
ജമ്മു കശ്മീർ ഇന്ത്യയുടെ അഭിവാജ്യ ഘടകമാണെന്ന് യുഎന്നിൽ ഇന്ത്യ വ്യക്തമാക്കി. പാക് അധീന കശ്മീരിൽ ജനങ്ങൾക്ക് അടിസ്ഥാന ആവശ്യങ്ങൾ പോലും നിഷേധിക്കപ്പെടുകയാണ്. ദീർഘകാലമായി അവർ ക്രൂരമായ ആക്രമണങ്ങൾ നേരിടുന്നുവെന്ന് ഇന്ത്യ ചൂണ്ടിക്കാട്ടി. വിദ്വേഷത്തിന്റെയും അസഹിഷ്ണുതയുടെയും ദീർഘകാല ചരിത്രമുള്ളവരാണ് അവകാശത്തെ പറ്റി സംസാരിക്കുന്നതെന്ന് പെറ്റൽ ഗഹ്ലോട്ട് കുറ്റപ്പെടുത്തി.
സ്വന്തം ജനതയ്ക്കെതിരെ തിരിയുന്നവർ ജനാധിപത്യ അവകാശങ്ങളെപ്പറ്റിയും മാനുഷിക മൂല്യങ്ങളെ പറ്റിയും സംസാരിക്കുന്നു. പാകിസ്താൻ സൈന്യത്തിന്റേതായ, സൈന്യത്താലുള്ള, സൈന്യത്തിനു വേണ്ടിയുള്ള ഭരണകൂടമാണ്. പാകിസ്താന്റെ ഭീകരവാദ പ്രവർത്തനങ്ങൾക്ക് പ്രത്യാഘാതങ്ങൾ നേരിടേണ്ടി വരുമെന്ന് ഇന്ത്യ മുന്നറിയിപ്പ് നൽകി.
അതിനിടെ ഭീകരവാദവുമായി ബന്ധപ്പെട്ട് പാകിസ്താൻ മാധ്യമപ്രവർത്തകന്റെ പ്രകോപന ചോദ്യത്തിന് വിദേശകാര്യമന്ത്രി എസ് ജയശങ്കർ കടുത്ത ഭാഷയിൽ മറുപടി നൽകി. ഒരു ഭീകരരാജ്യമാണോ തന്നോട് ചോദ്യം ചോദിക്കുന്നത്, എന്നായിരുന്നു മന്ത്രി എസ്.ജയശങ്കറിന്റെ വിമർശനം. ന്യൂയോർക്കിൽ യുഎൻ പൊതുസഭയുടെ ഭാഗമായുള്ള വാർത്താസമ്മേളനത്തിലാണ് ഇന്ത്യയെ ആക്ഷേപിച്ച് പാക് മാധ്യമപ്രവർത്തകൻ ചോദ്യം ചോദിച്ചത്.
Read More
യുദ്ധം അവസാനിപ്പിക്കാൻ പാകിസ്താൻ നേരിട്ട് അഭ്യർത്ഥിച്ചു’; യുഎന്നിലും ട്രംപിന്റെ അവകാശ വാദം തള്ളി ഇന്ത്യ
‘ട്രംപ് സമാധാന നൊബേലിന് അർഹൻ; ഇന്ത്യ- പാക് വെടിനിർത്തലിൽ നിർണായക പങ്കു വഹിച്ചു’; പാക് പ്രധാനമന്ത്രി
പാകിസ്താന്റെ കാത്തിരിപ്പ് തീര്ന്നു; ഇന്ത്യ കീഴടങ്ങി: വിജയം 10 വിക്കറ്റിന്
ഹസ്തദാന വിവാദം, പാകിസ്താന് തിരിച്ചടി; മാച്ച് റഫറിയെ മാറ്റണമെന്ന ആവശ്യം തള്ളി ഐസിസി
