വർക്കലയിൽ വീടിന് തീപിടിച്ച് അഞ്ച് പേർ മരിച്ച സംഭവത്തിൽ രക്ഷാപ്രവർത്തനത്തിന് തടസ്സമായത് റിമോട്ട് കൺട്രോൾ ഗേറ്റും വളർത്തുനായയും. തീ ഉയരുന്നത് കണ്ട അയൽവാസി ആളുകളെ വിളിച്ചുകൂട്ടി രക്ഷാപ്രവർത്തനം ആരംഭിച്ചെങ്കിലും ഗേറ്റ് പെട്ടെന്ന് തുറക്കാൻ സാധിച്ചില്ല. മുറ്റത്ത് വളർത്തുനായ നിലയുറപ്പിച്ചതും മതിൽ ചാടിക്കടന്ന് തീ അണക്കാനുള്ള നാട്ടുകാരുടെ ശ്രമങ്ങൾക്ക് വിലങ്ങുതടിയായി മതിലിന് പുറത്ത് നിന്ന് വെള്ളം ഒഴിക്കാൻ സാധിക്കുന്ന ഇടങ്ങളിലെല്ലാം അയൽവാസികൾ വെള്ളം എടുത്തൊഴിച്ചിരുന്നു. പിന്നീട് പോലീസും ഫയർ ഫോഴ്‌സും സ്ഥലത്തെത്തി ഗേറ്റ് തകർത്ത ശേഷമാണ് അകത്തുകടന്ന്…

  നടിയെ ആക്രമിച്ച കേസിലെ തുടരന്വേഷണം റദ്ദാക്കണമെന്ന ദിലീപിന്റെ ഹർജി ഹൈക്കോടതി തള്ളി. ജസ്റ്റിസ് കൗസർ എടപ്പഗത്തിന്റെ സിംഗിൾ ബഞ്ചാണ് ഹർജി തള്ളിയത്. ക്രൈംബ്രാഞ്ചിന് ദിലീപ് അടക്കമുള്ള പ്രതികൾക്കെതിരെ അന്വേഷണവുമായി മുന്നോട്ടുപോകാം അടുത്ത മാസം 15നകം തുടരന്വേഷണം പൂർത്തിയാക്കണമെന്നും കോടതി നിർദേശിച്ചു. നടിയെ ആക്രമിച്ച ദൃശ്യങ്ങൾ ദിലീപ് കണ്ടതായി സംവിധായകൻ ബാലചന്ദ്രകുമാർ വെളിപ്പെടുത്തിയിരുന്നു. ഇതിന്റെ അടിസ്ഥാനത്തിലാണ് ക്രൈംബ്രാഞ്ച് തുടരന്വേഷണവുമായി മുന്നോട്ടുപോയത്.

പാലക്കാട് മെഡിക്കൽ വിദ്യാർഥിയെ തൂങ്ങിമരിച്ച നിലയിൽ കണ്ടെത്തി. ശ്രീകൃഷ്ണപുരം സ്വദേശിയായ അശ്വിൻ രാജിനെയാണ്(19) മരിച്ച നിലയിൽ കണ്ടെത്തിയത്. പാലക്കാട് മെഡിക്കൽ കോളജിലെ ഒന്നാം വർഷ മെഡിക്കൽ വിദ്യാർഥിയാണ് അശ്വിൻ രാജ്. രാവിലെ വീടിനുള്ളിലാണ് അശ്വിനെ തൂങ്ങിയ നിലയിൽ കണ്ടത്. പെരുമാങ്കോട് കാവുങ്കൽതൊടി വീട്ടിൽ കെ സി രാജന്റെയും ശ്രീജയുടെയും മകനാണ്. ആത്മഹത്യക്ക് പിന്നിലെ കാരണം വ്യക്തമല്ല.

  കൊവിഡ് പരിശോധനാ നിരക്ക് കുറച്ച സർക്കാർ നടപടി ചോദ്യം ചെയ്ത് ലാബുടമകൾ സമർപ്പിച്ച ഹർജി ഇന്ന് വീണ്ടും പരിഗണിക്കും. ആർടിപിസിആർ നിരക്ക് 300 രൂപയായും ആന്റിജൻ നിരക്ക് 100 രൂപയായിട്ടുമാണ് കുറച്ചത്. പരിശോധന നടത്തുന്ന ലാബ് ഉടമകളെ കേൾക്കാതെയാണ് സർക്കാർ തീരുമാനമെടുത്തതെന്നാണ് ഹർജിക്കാരുടെ വാദം. ഏകപക്ഷീയമായി നിരക്കുകൾ കുറച്ച നടപടി ഭരണഘടനാ വിരുദ്ധമെന്ന് ചൂണ്ടിക്കാട്ടിയാണ് ലാബ് ഉടമകൾ കോടതിയെ സമീപിച്ചത്. നിരക്ക് കുറയ്ക്കാൻ സർക്കാരിന് അധികാരമുണ്ടെന്നാണ് അഡ്വക്കേറ്റ് ജനറൽ കോടതിയെ അറിയിച്ചത്. പരിശോധന നിരക്കുകൾ പുനപരിശോധിച്ചില്ലെങ്കിൽ…

  കൊല്ലം കൊട്ടിയത്ത് പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച് നഗ്നദൃശ്യങ്ങൾ പകർത്തിയ കേസിൽ യുവാവ് അറസ്റ്റിൽ. കൊല്ലം കളീക്കൽ കടപ്പുറം സ്വദേശി സാദിഖ്(35) ആണ് പിടിയിലായത്. ഒളിവിലായിരുന്ന ഇയാളെ തമിഴ്‌നാട്ടിലെ കടലൂരിൽ നിന്നാണ് പോലീസ് പിടികൂടിയത് പെൺകുട്ടിക്ക് മൊബൈൽ ഫോൺ വാങ്ങിക്കൊടുത്ത ശേഷം അശ്ലീല ദൃശ്യങ്ങൾ കാണിച്ച് പ്രലോഭിപ്പിച്ച് പലതവണ പീഡിപ്പിക്കുകയായിരുന്നു. കുട്ടിയുടെ നഗ്നദൃശ്യങ്ങൾ പകർത്താൻ ശ്രമിച്ചത് എതിർത്തപ്പോൾ ദേഹോപദ്രവം ഏൽപ്പിച്ചതായും പോലീസ് പറഞ്ഞു.

കോട്ടയം കാഞ്ഞിരപ്പള്ളിയിൽ വെടിവെപ്പിൽ രണ്ട് പേർ മരിച്ചു. സ്വത്തുതർക്കത്തെ തുടർന്നായിരുന്നു വെടിവെപ്പ്. വെടിവെച്ച ജോർജ് കുര്യന്റെ മാതൃസഹോദരൻ കൂട്ടിക്കൽ സ്വദേശി മാത്യു സ്‌കറിയ പുലർച്ചെയോടെ മരിച്ചു. ജോർജ് കുര്യന്റെ സഹോദരൻ രഞ്ജു കുര്യൻ നേരത്തെ മരിച്ചിരുന്നു. തലയ്ക്ക് വെടിയേറ്റ മാത്യു ഗുരുതരാവസ്ഥയിൽ കഴിയുകയായിരുന്നു കുടുംബ വീടിന് അടുത്തുള്ള സ്ഥലത്തെ ചൊല്ലി സഹോദരങ്ങൾ തമ്മിലുണ്ടായ തർക്കമാണ് വെടിവെപ്പിൽ കലാശിച്ചത്. സാമ്പത്തിക ബാധ്യതയുള്ള ജോർജ് കുര്യൻ രണ്ടരയേക്കർ സ്ഥലത്ത് വീടുകൾ വെച്ച് വിൽപ്പന നടത്താനുള്ള പദ്ധതിയിട്ടതാണ് തർക്കത്തിന് കാരണമായത്. കുടുംബ…

എറണാകുളം പാലാരിവട്ടത്ത് വാഹനപരിശോധനക്കിടെ പോലീസ് വാഹനത്തെ ഇടിച്ചുതെറിപ്പിച്ച് മാലിന്യ ടാങ്കർ. പരിശോധിക്കാനായി ടാങ്കർ കൈ കാണിച്ച് നിർത്താൻ ആവശ്യപ്പെട്ടപ്പോഴാണ് പോലീസ് വാഹനത്തെ ഇടിച്ചുതെറിപ്പിച്ചത്. പോലീസുകാർ അത്ഭുതകരമായി രക്ഷപ്പെട്ടു ടാങ്കർ ഡ്രൈവർക്കും പരുക്കേറ്റിട്ടുണ്ട്. ഇയാളെ പോലീസ് കസ്റ്റഡിയിലെടുത്ത് ആശുപത്രിയിൽ പ്രവേശിപ്പിച്ചു. പോലീസുകാരെ അപായപ്പെടുത്താൻ ശ്രമിച്ചതിന് കേസ് രജിസ്റ്റർ ചെയ്തിട്ടുണ്ട്.