സിൽവർ ലൈൻ പദ്ധതി സർവേക്കെതിരെ ഹൈക്കോടതി. സർവേയുടെ ഉദ്ദേശ്യം മനസ്സിലാകുന്നില്ല. ഡിപിആറിൽ ശരിയായ സർവേ നടത്തിയെങ്കിൽ ഇപ്പോഴത്തെ സർവേ എന്തിനാണെന്ന് കോടതി ചോദിച്ചു. അതേസമയം സമാനമായ ഹർജിയിൽ ഡിവിഷൻ ബഞ്ചിൽ വിധി വരാനുണ്ടെന്നും എതിർസത്യവാങ്മൂലം നൽകാൻ കൂടുതൽ സമയം ആവശ്യമുണ്ടെന്നും സർക്കാർ പറഞ്ഞു. സർവേ നടപടികൾ നേരത്തെ ഹൈക്കോടതി സിംഗിൾ ബഞ്ച് താത്കാലികമായി തടഞ്ഞിരുന്നു. ഇതുമായി ബന്ധപ്പെട്ട മറ്റൊരു ഹർജി പരിഗണനക്ക് എത്തിയപ്പോഴാണ് സർക്കാരിന്റെ ഉദ്ദേശ്യ ശുദ്ധിയെ ചോദ്യം ചെയ്യുന്ന ചില ചോദ്യങ്ങൾ ഹൈക്കോടതി സിംഗിൾ ബഞ്ചിന്റെ…

  അഞ്ചൽ ഉത്ര കൊലക്കേസിൽ ജീവപര്യന്തം ശിക്ഷ വിധിച്ച വിചാരണ കോടതി വിധിക്കെതിരെ സൂരജ് ഹൈക്കോടതിയെ സമീപിച്ചു. മാപ്പുസാക്ഷിയുടെ മൊഴി വസ്തുതാപരമല്ലെന്ന് സൂരജ് വാദിക്കുന്നു. വിദഗ്ധസമിതിയുടെ പേരിൽ ഹാജരാക്കിയ തെളിവുകൾ ആധികാരികമല്ല. പാമ്പുകളുമായി ബന്ധപ്പെട്ട ദൃശ്യങ്ങൾ തന്റെ ഫോണിൽ നിന്ന് വീണ്ടെടുത്തിട്ടില്ലെന്നും സൂരജ് പറയുന്നു അപ്പീൽ ഹൈക്കോടതി ഫയലിൽ സ്വീകരിച്ചു. എതിർ കക്ഷികൾക്ക് നോട്ടീസ് അയക്കാൻ കോടതി നിർദേശിച്ചിട്ടുണ്ട്. കേസിൽ സൂരജിന് ഇരട്ട ജീവപര്യന്തം ശിക്ഷയാണ് വിചാരണ കോടതി വിധിച്ചത്. ഉത്രയെ മൂർഖനെ കൊണ്ട് കടിപ്പിച്ച് കൊലപ്പെടുത്തിയതിന്…

  കോപ അമേരിക്ക കിരീടം അർജന്റീന സ്വന്തമാക്കിയതിന് പിന്നാലെ സന്തോഷം പങ്കുവെച്ച് മുൻമന്ത്രി എം എം മണി. ഫേസ്ബുക്കിലൂടെയാണ് അർജന്റീനയുടെ കടുത്ത ആരാധകൻ കൂടിയായ മണിയാശാന്റെ പ്രതികരണം. അണ്ണനോട് കാവിലെ പാട്ട് മത്സരത്തിൽ കാണാന്ന് ആശാൻ പറഞ്ഞൂന്ന് പറ എന്നാണ് അദ്ദേഹം ഫേസ്ബുക്കിൽ കുറിച്ചത്. ബ്രസീൽ ആരാധകരായ വിദ്യാഭ്യാസ മന്ത്രി വി ശിവൻകുട്ടി, മുൻ മന്ത്രി കടകംപള്ളി സുരേന്ദ്രൻ എന്നിവരോട് മണിയാശാൻ സമൂഹ മാധ്യമങ്ങളിൽ നിരന്തരം കലഹിച്ചിരുന്നു. അർജന്റീന ജയിച്ചതിന് പിന്നാലെയുള്ള പ്രതികരണം ഇവർക്കുള്ള ട്രോളാണെന്നാണ് കരുതുന്നത്….

എറണാകുളം വേങ്ങൂർ പഞ്ചായത്ത് അംഗത്തെ തൂങ്ങിമരിച്ച നിലയിൽ കണ്ടെത്തി. പതിനൊന്നാം വാർഡ് അംഗമായ സജി പി(55)യെയാണ് മരിച്ച നിലയിൽ കണ്ടത്. വീട്ടിനുള്ളിലാണ് സജിയെ തൂങ്ങിയ നിലയിൽ കണ്ടത്. മരണകാരണം വ്യക്തമല്ല. എൽ ഡി എഫ് സ്ഥാനാർഥിയായാണ് സജി മത്സരിച്ച് ജയിച്ചത്. പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

തിരുവനന്തപുരത്തെ കീം പരീക്ഷാ കേന്ദ്രങ്ങളിലൊന്നായ സെന്റ് മേരീസ് പട്ടം സ്കൂളിൾ വിദ്യാർത്ഥികൾ കോവിഡ് പ്രോട്ടോക്കോൾ ലംഘിച്ചെന്ന പേരില്‍ പൊലീസ് കേസെടുത്തിട്ടുണ്ടോ എന്ന് പരിശോധിച്ച് ആവശ്യമായ നടപടി എടുക്കാം എന്ന് മുഖ്യമന്ത്രി പിണറായി വിജയൻ. നിയന്ത്രണങ്ങൾ നേരത്തെ തന്നെ അവിടെ ഏർപ്പെടുത്തേണ്ടതായിരുന്നു അതിലാണ് വീഴ്ച പറ്റിയത്, അതിൽ കുട്ടികളെ കുറ്റപ്പെടുത്തേണ്ട കാര്യമില്ല എന്നും മുഖ്യമന്ത്രി വാർത്താസമ്മേളനത്തിൽ പറഞ്ഞു എൻട്രൻസ് പരീക്ഷ എഴുതാൻ പട്ടം സെന്റ് മേരീസ് സ്കൂളിൽ വന്ന വിദ്യാർത്ഥികൾക്കും അവരുടെ രക്ഷിതാക്കൾക്കുമെതിരെ മെഡിക്കൽ കോളേജ് പൊലീസ് കേസെടുത്തു,…

  സംസ്ഥാനത്ത് നവംബർ ഒന്നാം തീയതി മുതൽ സ്‌കൂളുകൾ തുറക്കാൻ തീരുമാനം. ഒന്ന് മുതൽ ഏഴാം ക്ലാസ് വരെയും 10 12 ക്ലാസുകളും നവംബർ ഒന്ന് മുതൽ ആരംഭിക്കാൻ മുഖ്യമന്ത്രിയുടെ അധ്യക്ഷതയിൽ ചേർന്ന കൊവിഡ് അവലോകന യോഗത്തിൽ തീരുമാനമായി നവംബർ 15 മുതൽ എല്ലാ ക്ലാസുകളും ആരംഭിക്കും. സ്‌കൂളുകളിൽ മാസ്‌കുകൾ കരുതണം. കുട്ടികൾക്കായി പ്രത്യേക മാസ്‌കുകൾ തയ്യാറാക്കും. സ്‌കൂളുകൾ തുറക്കുന്നതിന് രണ്ടാഴ്ച മുമ്പെങ്കിലും മുന്നൊരുക്കങ്ങൾ പൂർത്തിയാക്കണം. കുട്ടികളെ വാഹനങ്ങളിൽ സ്‌കൂളുകളിൽ എത്തിക്കാൻ സജ്ജീകരണം ഒരുക്കണം.