National

മംഗളൂരു: വിമാനത്താവളം ബോംബിട്ട് തകര്‍ക്കുമെന്ന് ഫോണ്‍ഭീഷണി. വിമാനത്താവളത്തിന്‍റെ ഒരു മുന്‍ ഡയറക്റ്ററുടെ ഫോണിലാണ് ഇന്നലെ രാത്രി ഭീഷണി വന്നത്. ഉടന്‍ തന്നെ ഇദ്ദേഹം വിമാനത്താവള അധികൃതരെയും പൊലീസിനെയും വിവരമറിയിച്ചു. വിളിച്ചയാളുടെ ഫോണ്‍ നമ്പര്‍ കേന്ദ്രീകരിച്ച് സൈബര്‍ സെല്ലിന്‍റെ സഹായത്തോടെ അന്വേഷണം നടത്തിയപ്പോള്‍ കാര്‍ക്കളയില്‍ നിന്നാണ് വിളിച്ചതെന്ന് കണ്ടെത്തി. ബോംബ് ഭീഷണിയുടെ പശ്ചാത്തലത്തില്‍ മംഗളൂരു വിമാനത്താവളത്തില്‍ സുരക്ഷ കര്‍ശനമാക്കി. മാസങ്ങള്‍ക്ക് മുമ്പ് ഇതേ വിമാനത്താവളത്തില്‍ സ്‌ഫോടകവസ്തുക്കള്‍ കണ്ടെത്തിയത് ആശങ്ക സൃഷ്ടിച്ചിരുന്നു. ഈ കേസില്‍ ആദിത്യറാവു എന്നയാളാണ് പൊലീസ് പിടിയിലായത്….

ഡല്‍ഹി: കടയില്‍ കല്ല് വീണ് മുട്ട പൊട്ടിയതിനെ ചൊല്ലിയുളള തര്‍ക്കത്തില്‍ പ്രായപൂര്‍ത്തിയാവാത്ത ആണ്‍കുട്ടിയെ 22കാരന്‍ കുത്തിക്കൊന്നു. 16കാരനായ മൊഹമ്മദ് ഫൈസന്‍ ആണ് മരിച്ചത്. സംഭവത്തില്‍ 22 കാരനായ ഫറൂഖിനെ പൊലീസ് അറസ്റ്റ് ചെയ്തു. ദക്ഷിണ ഡല്‍ഹിയിലെ സംഗം വിഹാറിലാണ് സംഭവം.അച്ഛനും സഹോദരനുമൊപ്പം ചേര്‍ന്ന് 16കാരന്‍ കല്ലുകള്‍ കൂട്ടിവെയ്ക്കുകയായിരുന്നു. കൊലപാതകം നടന്ന കടയ്ക്ക് വെളിയിലാണ് കല്ലുകള്‍ കൂട്ടിവെച്ചിരുന്നത്. അതിനിടെ കടയ്ക്ക് വെളിയില്‍ ട്രേയില്‍ വച്ചിരുന്ന മുട്ട കല്ല് വീണ് പൊട്ടിയതിനെ ചൊല്ലി രണ്ടു ഗ്രൂപ്പുകള്‍ തമ്മില്‍ തര്‍ക്കമായി. താജ്…

രാജ്യത്ത് ദിനംപ്രതിയുടെ കൊവിഡ് രോഗികളുടെ വർധന എഴുപതിനായിരത്തിനടുത്ത്. കഴിഞ്ഞ 24 മണിക്കൂറിനിടെ 69,652 പേർക്കാണ് കൊവിഡ് സ്ഥിരീകരിച്ചത്. ആകെ രോഗബാധിതരുടെ എണ്ണം 29 ലക്ഷത്തിലേക്ക് എത്തുകയാണ് ആരോഗ്യമന്ത്രാലയത്തിന്റെ കണക്കുകൾ പ്രകാരം 28,36,925 പേർക്കാണ് കൊവിഡ് സ്ഥിരീകരിച്ചത്. 977 പേർ 24 മണിക്കൂറിനിടെ മരിച്ചു. ആകെ കൊവിഡ് മരണം 53,866 ആയി ഉയർന്നു. 20,96,664 പേർ രോഗമുക്തി നേടി. 6,86,395 പേരാണ് നിലവിൽ ചികിത്സയിൽ കവിയുന്നത്. രോഗമുക്തി നിരക്ക് 73.91 ശതമാനമായി ഉയർന്നിട്ടുണ്ട് മഹാരാഷ്ട്ര, തമിഴ്‌നാട്, ആന്ധ്രപ്രദേശ്, കർണാടക…

മണിപ്പൂരിൽ അഞ്ച് കോൺഗ്രസ് എംഎൽഎമാർ ബിജെപിയിൽ ചേർന്നു. മുൻ മുഖ്യമന്ത്രി ഇബോബി സിംഗിന്റെ ബന്ധു ഹെൻട്രി ഒക്രം അടക്കം അഞ്ച് പേരാണ് ബിജെപിയിലേക്ക് പോയത് ഹെൻട്രി ഒക്രം, പുനം ബ്രോകൻ, ഒയിനം ലുഖോയ് സിംഗ്, ഗംതാംഗ് ഹോകിപ്, ജിൻസുനോ സോവു എന്നിവരാണ് ബിജെപിയിൽ ചേർന്നത്. മുഖ്യമന്ത്രി ബിരേൻ സിംഗിനൊപ്പം ബിജെപി ആസ്ഥാനത്ത് ചേർന്ന വാർത്താ സമ്മേളനത്തിലും ഇവർ പങ്കെടുത്തു ബിജെപി ദേശീയ ഉപാധ്യക്ഷൻ ബൈജയന്തി ജയ് പാണ്ഡെയാണ് എംഎൽഎമാർക്ക് പാർട്ടി അംഗത്വം നൽകിയത്.

ന്യൂഡൽഹി: ഇന്ന് മുതൽ സുപ്രിം കോടതി ഭാഗികമായി തുറക്കും. ആദ്യഘട്ടത്തിൽ 14 ദിവസത്തേക്ക് പരീക്ഷണാടിസ്ഥാനത്തിൽ മൂന്ന് കോടതികളാണ് തുറക്കുക. ചീഫ് ജസ്റ്റിസ് കോടതിക്ക് പുറമെ, രണ്ടാമത്തെയും മൂന്നാമത്തെയും കോടതിമുറികൾ ഇതിനായി സജ്ജമാക്കി. 14 ദിവസത്തിന് ശേഷം സാഹചര്യങ്ങൾ പരിശോധിച്ചാകും മറ്റ് കോടതികൾ കൂടി തുറക്കുന്നകാര്യം തീരുമാനിക്കുക. ഇപ്പോൾ തുറക്കുന്ന കോടതികളിൽ വാദം കേൾക്കേണ്ട കേസുകൾ മാത്രം പരിഗണിക്കും. മറ്റ് കേസുകൾ വീഡിയോ കോണ്ഫേറൻസിംഗ് വഴി തന്നെ തുടരും. അതേസമയം കോടതി അലക്ഷ്യ കേസിൽ അഭിഭാഷകൻ പ്രശാന്ത് ഭൂഷണെതിരെയുള്ള…

കൊവിഡ് ബാധിതനായി ചികിത്സയിൽ കഴിയുന്ന മുൻ രാഷ്ട്രപതി പ്രണാബ് മുഖർജിയുടെ നില അതീവ ഗുരുതരമെന്ന് റിപ്പോർട്ട്. ഡൽഹിയിലെ സൈനിക ആശുപത്രിയിലാണ് അദ്ദേഹം ചികിത്സയിൽ കഴിയുന്നത്. ശ്വാസകോശത്തിൽ അണുബാധയുണ്ടെന്നും അദ്ദേഹം വെന്റിലേറ്ററിൽ തുടരുകയാണെന്നും സൈനിക ആശുപത്രി അധികൃതർ വ്യക്തമാക്കി തലച്ചോറിൽ രക്തം കട്ടപിടിച്ചതിനെ തുടർന്ന് പ്രണാബ് മുഖർജിക്ക് അടിയന്തര ശസ്ത്രക്രിയ നടത്തിയിരുന്നു. പിന്നാലെ അദ്ദേഹം അബോധാവസ്ഥയിലാകുകയായിരുന്നു. ആഗസ്റ്റ് 10നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്.

കൊവിഡിനെ തുടർന്ന് അടഞ്ഞുകിടക്കുന്ന രാജ്യത്തെ സിനിമാ തീയറ്ററുകൾ തുറക്കാൻ അടുത്ത മാസം മുതൽ കേന്ദ്രസർക്കാർ അനുമതി നൽകിയേക്കുമെന്ന് റിപ്പോർട്ട്. കൃത്യമായ മാർഗരേഖയുടെ അടിസ്ഥാനത്തിലാകും തീയറ്ററുകൾ തുറക്കാൻ അനുമതി നൽകുക. ഒന്നിടവിട്ട സീറ്റുകളിലാകും ഇരിക്കാൻ അനുവാദം. ഓൺലൈൻ ടിക്കറ്റുകൾ മാത്രമേ അനുവദിക്കൂ. മാസ്‌ക് നിർബന്ധമാക്കും. തിയറ്ററിനകത്ത് എസി 24 ഡിഗ്രിയിൽ പ്രവർത്തിക്കണം. വ്യക്തിശുചിത്വം, പ്രതിരോധ നടപടികൾ എന്നിവയുടെ സന്ദേശങ്ങൾ പ്രചരിപ്പിക്കണം. ഓരോ ഷോയ്ക്ക് ശേഷവും തീയറ്റർ അണുവിമുക്തമാക്കണമെന്നും നിർദേശമുണ്ട്. ഇക്കാര്യത്തിൽ സംസ്ഥാന സർക്കാരുകളുടെ അഭിപ്രായം കൂടി കേന്ദ്രം തേടും….

രാജ്യത്ത് കൊവിഡ് ബാധിതരുടെ എണ്ണത്തിൽ വലിയ വർധനവ്. കഴിഞ്ഞ 24 മണിക്കൂറിനിടെ 64,531 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 27,67,274 ആയി ഉയർന്നു 1092 പേരാണ് കഴിഞ്ഞ ഒരു ദിവസത്തിനിടെ മരിച്ചത്. കൊവിഡ് ബാധിച്ച് രാജ്യത്ത് മരിച്ചവരുടെ എണ്ണം 52,889 ആയതായി കേന്ദ്ര ആരോഗ്യമന്ത്രാലയം അറിയിച്ചു. 1.91 ശതമാനമാണ് രാജ്യത്തെ മരണനിരക്ക്. 6,76,514 പേരാണ് നിലവിൽ ചികിത്സയിൽ കഴിയുന്നത്. 20,37, 871 പേർ രോഗമുക്തി നേടി. രോഗമുക്തി നിരക്ക് 73.64 ശതമാനമായി…