National

ന്യൂഡല്‍ഹി: സെപ്റ്റംബര്‍ 13ന് നടക്കേണ്ട നീറ്റ് പരീക്ഷ നീട്ടിവയ്ക്കാന്‍ കഴിയില്ലെന്ന് മെഡിക്കല്‍ കൗണ്‍സില്‍ ഓഫ് ഇന്ത്യ. ഇതുസംബന്ധിച്ച്‌ മെഡിക്കല്‍ കൗണ്‍സില്‍ ഓഫ് ഇന്ത്യ സുപ്രീം കോടതിയില്‍ സത്യവാങ് മൂലം നല്‍കി. ഗള്‍ഫ് രാജ്യങ്ങളില്‍ പരീക്ഷ കേന്ദ്രം അനുവദിക്കാന്‍ സാധിക്കില്ലെന്നും മെഡിക്കല്‍ കൗണ്‍സില്‍ ഒഫ് ഇന്ത്യ സുപ്രീം കോടതിയെ അറിയിച്ചു. ജെഇഇ പരീക്ഷ പോലെ ഗള്‍ഫ് രാജ്യങ്ങളില്‍ നീറ്റ് പരീക്ഷ കേന്ദ്രങ്ങള്‍ അനുവദിക്കാന്‍ സാധ്യമല്ല. അത്തരത്തില്‍ പരീക്ഷ കേന്ദ്രങ്ങള്‍ അനുവദിക്കണമെങ്കില്‍ കൃത്യമായ ആസൂത്രണം ആവശ്യമാണ്. എന്നാല്‍ നിലവിലെ സാഹചര്യത്തില്‍…

മധ്യപ്രദേശ്, തെലങ്കാന, ഗുജറാത്ത്, രാജസ്ഥാൻ, മഹാരാഷ്ട്ര സംസ്ഥാനങ്ങളിൽ അടുത്ത മൂന്ന് ദിവസത്തേക്ക് കൂടി മഴ ശക്തമായി തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. രാജസ്ഥാൻ, ഗുജറാത്ത് സംസ്ഥാനങ്ങളിൽ ഇന്നും നാളെയും അതി തീവ്ര മഴയുണ്ടാകും. ബംഗാൾ ഉൾക്കടലിൽ പുതിയ ന്യൂനമർദം നാളെയോടെ രൂപപ്പെടും. ഉത്തര, മധ്യ ഇന്ത്യയിൽ ഇതിന്റെ ഫലമായി ശക്തമായ മഴ ലഭിക്കും. അതേസമയം കേരളത്തിനെ നേരിട്ട് ബാധിക്കില്ലെന്നാണ് സൂചന ഹിമാചൽപ്രദേശ്, പശ്ചിമ ബംഗാൾ എന്നിവിടങ്ങളിൽ വെള്ളപ്പൊക്ക ഭീഷണി നിലനിൽക്കുന്നുണ്ട്. ഹിമാചൽ, ഹരിയാന, പഞ്ചാബ്, ഉത്തരാഖണ്ഡ്,…

ഡൽഹിയിൽ സ്‌ഫോടക വസ്തുക്കളുമായി ഐഎസ് ഭീകരൻ പിടിയിൽ. ഡൽഹി പോലീസിന്റെ സ്‌പെഷ്യൽ സെല്ലാണ് ഇയാളെ പിടികൂടിയത്. ചാവേറാക്രമണത്തിന് ലക്ഷ്യമിട്ട ഭീകരനെയാണ് പിടികൂടിയതെന്നും ഏറ്റുമുട്ടലിലൂടെയാണ് ഇയാളെ കീഴ്‌പ്പെടുത്തിയതെന്നും പോലീസ് അറയിിച്ചു സ്ഥലത്ത് പോലീസ് സുരക്ഷ ശക്തമാക്കിയിട്ടുണ്ട്. എൻ എസ് ജി സംഘം മേഖലയിൽ പരിശോധന തുടരുകയാണ്. കണ്ടെടുത്ത സ്‌ഫോടക വസ്തുക്കൾ നിർവീര്യമാക്കാനുള്ള നടപടികൾ പുരോഗമിക്കുകയാണ്. ഇന്നലെ രാത്രി ബുദ്ധജയന്തി പാർക്കിന് സമീപത്താണ് ഭീകരനും പോലീസും തമ്മിൽ ഏറ്റുമുട്ടൽ നടന്നത്. ഇയാൾ പോലീസിന് നേർക്ക് വെടിയുതിർക്കുകയായിരുന്നു. പോലീസ് തിരിച്ചടിക്കുകയും ഇയാളെ…

രാജ്യത്ത് കൊവിഡ് ബാധിതരുടെ എണ്ണം 30 ലക്ഷത്തിലേക്ക്. കഴിഞ്ഞ 24 മണിക്കൂറിനിടെ 69,878 പേർക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്തെ ആകെ രോഗബാധിതരുടെ എണ്ണം 29,75,701 ആയി ഉയർന്നു 945 പേരാണ് കഴിഞ്ഞ ഒരു ദിവസത്തിനിടെ മരിച്ചത്. കൊവിഡ് മരണം 55,794 ആയി ഉയർന്നു. 6,93,300 പേരാണ് നിലവിൽ ചികിത്സയിൽ കഴിയുന്നത്. 22,22,577 പേർ രോഗമുക്തി നേടിയിട്ടുണ്ട്. രോഗമുക്തി നിരക്ക് ഉയരുന്നത് ഏറെ ആശ്വാസകരമാണ് പത്ത് ലക്ഷത്തിൽ 2152 എന്ന നിലയിലാണ് രാജ്യത്തെ രോഗബാധാ നിരക്ക്….

മഹാമാരിയായ കൊവിഡിനെതിരേ ഇന്ത്യ തദ്ദേശീയമായി നിര്‍മിക്കുന്ന വാക്‌സിനായ കൊവാക്‌സിന്‍ ഈ വര്‍ഷം അവസാനത്തോടെ ജനങ്ങളിലെത്തിക്കാനാകുമെന്ന പ്രതീക്ഷ പ്രകടിപ്പിച്ച് കേന്ദ്ര ആരോഗ്യ മന്ത്രി ഹര്‍ഷ് വര്‍ധന്‍. ഭാരത് ബയോടെക്കും ഐസിഎംആറും സംയുക്തമായാണ് കോവാക്‌സിന്‍ വികസിപ്പിക്കുന്നത്. ഒപ്പം തന്നെ സിഡസ് കാഡിലയുടെ സൈക്കോവ് ഡി വാക്‌സിന്‍, സിറം ഇന്‍സ്റ്റിറ്റിയൂട്ടിന്റെ ഓക്‌സ്ഫഡ് വാക്‌സിന്‍ എന്നിവയും ഇന്ത്യയില്‍ പരീക്ഷണം ആരംഭിച്ചിട്ടുണ്ട്. ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തിലാണ് ഇന്ത്യയുടെ വാക്‌സിന്‍ പരീക്ഷണത്തെക്കുറിച്ച് അദ്ദേഹം പ്രതീക്ഷ പ്രകടിപ്പിച്ചത്. പരീക്ഷണങ്ങള്‍ നടക്കുകയാണെന്നും ഈ വര്‍ഷം അവസാനത്തോടെ അത്…

കൊവിഡ് പശ്ചാത്തലത്തിലും രാജ്യത്തെ ആരാധനാലയങ്ങൾ തുറന്നു കൊടുക്കാത്തതിൽ പരോക്ഷ വിമർശനവുമായി ചീഫ് ജസ്റ്റിസ് എസ് എ ബോബ്‌ഡെ. സാമ്പത്തിക താത്പര്യങ്ങൾ നോക്കി ഇളവുകൾ പ്രഖ്യാപിക്കുന്നു. ആരാധനാലയങ്ങളുടെ കാര്യത്തിൽ മാത്രം കൊവിഡ് ഭീഷണി ഉയർത്തുന്നു. ഇത് ആശ്ചര്യകരമാണ് എന്നായിരുന്നു ചീഫ് ജസ്റ്റിസിന്റെ വാക്കുകൾ മഹാരാഷ്ട്രയിലെ ജൈന ക്ഷേത്രങ്ങൾ തുറക്കണമെന്ന് ആവശ്യപ്പെട്ടുള്ള ഹർജി പരിഗണിക്കുന്നതിനിടെയാണ് ചീഫ് ജസ്റ്റിസിന്റെ വാക്കുകൾ. ചില ആരാധനാലയങ്ങളുടെ കാര്യത്തിൽ മാത്രം ഉത്തരവ് പുറപ്പെടുവിച്ചാൽ അത് വിവേചനമാകും. ജഗന്നാഥൻ ഞങ്ങളോട് ക്ഷമിക്കട്ടെയെന്നും നിങ്ങളുടെ ദൈവം നിങ്ങളോട് ക്ഷമിക്കട്ടെയെന്നും…

കൊവിഡിനെതിരെ ഫലപ്രദമായ മരുന്ന് കണ്ടുപിടിച്ചെന്ന അവകാശവാദവുമായി സുപ്രീം കോടതിയെ സമീപിച്ച വൈദ്യന് പിഴ ശിക്ഷ ചുമത്തി. ഇയാൾ സമർപ്പിച്ച പൊതുതാത്പര്യ ഹർജി തള്ളിയതിന് പിന്നാലെ പതിനായിരം രൂപ പിഴയും കോടതി ചുമത്തി. ഹരിയാന സ്വദേശിയായ ഓംപ്രകാശ് വേദ് ഗന്താരയാണ് ഹർജിയുമായി കോടതിയെ സമീപിച്ചത്. തന്റെ മരുന്ന് രാജ്യത്തെമ്പാടുമുള്ള ആശുപത്രികൾ ഉപയോഗിക്കുകയും ജനങ്ങൾക്ക് നൽകുകയും വേണമെന്നായിരുന്നു ഇയാളുടെ ആവശ്യം. കേന്ദ്രസർക്കാരിനോട് തന്റെ മരുന്ന് ഉപയോഗിക്കാൻ ഉത്തരവിടണമെന്നും ഹർജിക്കാൻ ആവശ്യപ്പെട്ടു എന്നാൽ തീർത്തും വിചിത്രമായ ഹർജിയെന്നായിരുന്നു കോടതിയുടെ പ്രതികരണം. ഇത്തരം…

ചെന്നൈ: തിരുവനന്തപുരം വിമാനത്താവളമുൾപ്പെടെ സ്വകാര്യവത്കരിക്കാനുള്ള കേന്ദ്രസര്‍ക്കാര്‍ തീരുമാനം പ്രതിഷേധാര്‍ഹമെന്ന് ഡിഎംകെ അധ്യക്ഷന്‍ എംകെ സ്റ്റാലിന്‍. കേന്ദ്രത്തിന്‍റെ ഏകപക്ഷീയമായ തീരുമാനം പുനഃപരിശോധിക്കണമെന്ന് അദ്ദേഹം പറഞ്ഞു. സംസ്ഥാന സര്‍ക്കാരുമായി കൂടിയാലോചിച്ച ശേഷം മാത്രമേ ഇത്തരം തീരുമാനം കൈക്കൊള്ളൂവെന്ന 2003ലെ ധാരണയുടെ ലംഘനമാണ് നടക്കുന്നതെന്നും അദ്ദേഹം. അതേസമയം വിമാനത്താവളം നടത്തിപ്പ് അദാനി ഗ്രൂപ്പിന് വിട്ടുനല്‍കിയ കേന്ദ്രസര്‍ക്കാര്‍ തീരുമാനത്തിനെതിരെ വീണ്ടും മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്ര മോദിക്ക് കത്തെഴുതി. വ്യാഴാഴ്ച ചേർന്ന സർവകക്ഷി യോഗത്തിലുണ്ടായ തീരുമാനങ്ങളും കത്തിൽ മുഖ്യമന്ത്രി പ്രധാനമന്ത്രിയെ അറിയിച്ചു.