National

കൊല്‍ക്കത്ത: പശ്ചിമ ബംഗാളില്‍ ആദ്യഘട്ട വോട്ടെടുപ്പ് നടന്ന ദിവസം തന്നെ 30 ല്‍ 26 സീറ്റുകള്‍ ബി.ജെ.പിക്ക് കിട്ടുമെന്ന് അമിത് ഷാ പറഞ്ഞതിനെ പരിഹസിച്ച് മമത ബാനര്‍ജി. വോട്ട് എണ്ണുന്നതിന് മുമ്പ് എങ്ങനെയാണ് ഒരാള്‍ക്ക് ജയിക്കുന്ന സീറ്റുകളുടെ എണ്ണം പറയാന്‍ സാധിക്കുക എന്ന് മമത ചോദിച്ചു. അമിത് ഷായുടെ പേര് പറയാതെയായിരുന്നു മമതയുടെ വിമര്‍ശനം. പോളിംഗ് കഴിഞ്ഞിട്ട് ഒരു ദിവസമേ ആകുന്നുള്ളൂ. എട്ട് ഘട്ട വോട്ടെടുപ്പും കഴിഞ്ഞ് മെയ് രണ്ടിനാണ് വോട്ടെണ്ണല്‍. അതിന് മുമ്പേ എങ്ങനെയാണ് ജയിക്കുന്ന…

ജമ്മു കശ്മിരിലെ ഷോപ്പിയാനിലുണ്ടായ ഏറ്റുമുട്ടലിൽ രണ്ട് ഭീകരരെ സുരക്ഷാസേന വധിച്ചു. ഇന്ന് വെെകുന്നേരം ഷോപ്പിയാനിലെ വാങ്കം പ്രദേശത്താണ് ഏറ്റുമുട്ടൽ ഉണ്ടായത്. രഹസ്യവിവരത്തിന്റെ അടിസ്ഥാനത്തിൽ പരിശോധനയ്ക്കായി പോയ ഉദ്യോഗസ്ഥർക്ക് നേരെ ഭീകരർ വെടിയുതിർക്കുകയായിരുന്നു. സുരക്ഷാസേനയും ശക്തമായി തിരിച്ചടിച്ചു. വധിച്ച ഭീകരരിൽ ഒരാൾ ആയുധ പരിശീലനത്തിനായി പാകിസ്ഥാനിൽ പോയി കഴിഞ്ഞയാഴ്ച തിരിച്ചെത്തിയ ഹിസ്ബുൾ മുജാഹിദ്ദീൻ (എച്ച്എം) ആണെന്ന് പൊലീസ് പറഞ്ഞു. കഴിഞ്ഞ ഒരാഴ്ചയ്ക്കിടെ രണ്ടാമത്തെ ഏറ്റുമുട്ടലാണ് ഷോപ്പിയാനിൽ ഉണ്ടാകുന്നത്. ദിവസങ്ങൾക്ക് മുൻപുണ്ടായ ഏറ്റുമുട്ടലിൽ നാല് ഭീകരരെ സൈന്യം വധിച്ചിരുന്നു.

ഡൽഹിയിൽ നിന്ന് വാരണാസിയിലേക്കുള്ള യാത്രയ്ക്കിടെ ആകാശത്തു വച്ച് വിമാനത്തിന്‍റെ എമർജൻസി വാതിൽ തുറക്കാൻ ശ്രമിച്ച യാത്രക്കാരൻ അറസ്റ്റിൽ. യാത്രക്കാരൻ വാതിൽ തുറക്കാൻ ശ്രമിക്കുന്നത് കണ്ട് വിമാന ജീവനക്കാർ തടയുകയായിരുന്നു. യാത്രക്കാരന് മാനസിക പ്രശ്‌നമുണ്ടെന്നാണ് പോലീസ് പറയുന്നത്. വാതിൽ തുറക്കാൻ ശ്രമിച്ച യാത്രക്കാരനെ വിമാന ജീവനക്കാരും മറ്റു യാത്രക്കാരും ചേർന്ന് വിമാനം ലാൻഡ് ചെയ്യുന്നത് വരെ തടഞ്ഞു വയ്ക്കുകയായിരുന്നു. വിമാനം നിലത്തിറങ്ങിയ ഉടൻ യാത്രക്കാരനെ കസ്റ്റഡിയിലെടുത്തു. നിലവിൽ കേന്ദ്ര വ്യവസായ സുരക്ഷാ സേനയുടെ കസ്റ്റഡിയിലാണ്.

ബംഗാളിലും അസമിലും ആദ്യഘട്ട തെരഞ്ഞെടുപ്പ് സമാധാനപരമായി നടന്നുവെന്ന് കേന്ദ്ര ആഭ്യന്തരമന്ത്രി അമിത് ഷാ. ബംഗാളിലെ 30ൽ 26 സീറ്റും ബിജെപി നേടും. അസമിൽ പ്രധാനമന്ത്രിയുടെയും സംസ്ഥാന സർക്കാരിന്റെയും നേതൃത്വത്തിൽ വൻ വികസനം കൊണ്ടുവന്നു വോട്ടിംഗ് ശതമാനം ജനങ്ങളുടെ ആവേശത്തിന്റെ സൂചനയാണ്. 200ലധികം സീറ്റ് നേടി ബംഗാളിൽ ബിജെപി സർക്കാർ അധികാരത്തിൽ വരും. അസമിലും വ്യക്തമായ ഭൂരിപക്ഷം നേടും. അസമിൽ 47ൽ 37ലധികം സീറ്റ് നേടും. കേരളത്തിൽ കേന്ദ്ര ഏജൻസികൾക്കെതിരായ ജുഡീഷ്യൽ അന്വേഷണം സംസ്ഥാന സർക്കാരിന്റെ മുഖം രക്ഷിക്കാൻ…

മറ്റൊരു പെൺകുട്ടിയുമായി വിവാഹം ഉറപ്പിച്ചതിന് പിന്നാലെ യുവാവിനെ കാമുകി ആസിഡൊഴിച്ച് കൊന്നു. ആഗ്ര സ്വദേശി ദേവേന്ദ്രകുമാറെന്ന 25കാരനാണ് കൊല്ലപ്പെട്ടത്. സംഭവത്തിൽ ഇയാളുടെ കാമുകി സോനം പാണ്ഡെയെ പോലീസ് കസ്റ്റഡിയിലെടുത്തു. സോനത്തിനും സാരമായി പൊള്ളലേറ്റിട്ടുണ്ട് വിവാഹിതയും ഒരു കുട്ടിയുടെ മാതാവുമാണ് സോനം. ഏതാനും വർഷങ്ങളായി ദേവേന്ദ്രകുമാറുമായി ഇവർ അടുപ്പത്തിലായിരുന്നു. അടുത്തിടെയാണ് ദേവേന്ദ്ര മറ്റൊരു പെൺകുട്ടിയെ വിവാഹം കഴിക്കാൻ തീരുമാനിച്ചത്. ഇതറിഞ്ഞ സോനം ഇതേ ചൊല്ലി വഴക്കിടുകയും ചെയ്തു എന്നാൽ വിവാഹത്തിൽ നിന്ന് പിൻമാറാൻ ദേവേന്ദ്ര കുമാർ തയ്യാറായില്ല. കഴിഞ്ഞ…

ജനതാ കർഫ്യൂവും കൊവിഡ് പോരാളികൾക്ക് പാത്രം കൊട്ടി ആദരം അർപ്പിച്ചതും വരും തലമുറകൾ ഓർമിക്കുമെന്ന് പ്രധാനമന്ത്രി നരേന്ദ്രമോദി. മൻ കി ബാത്തിൽ സംസാരിക്കുകയായിരുന്നു മോദി. കഴിഞ്ഞ മാർച്ചിൽ നമ്മൾ ജനതാ കർഫ്യൂ ആചരിച്ചു. അസാധാരണമായ അച്ചടക്കത്തിന്റെ ലോകത്തിനാകെയുള്ള ഉദാഹരണമായിരുന്നുവത്. പാത്രം കൊട്ടിയത് വരും തലമുറകൾ ഓർമിക്കും അന്താരാഷ്ട്ര ക്രിക്കറ്റിൽ പതിനായിരം റൺസ് തികച്ച വനിതാ ക്രിക്കറ്റ് താരം മിഥാലി രാജിനെയും സ്വിസ് ഓപൺ സൂപ്പർ 300 ടൂർണമെന്റിൽ വെള്ളി മെഡൽ നേടിയ പി വി സിന്ധുവിനെയും മോദി…

രാജ്യത്ത് കഴിഞ്ഞ 24 മണിക്കൂറിനിടെ 62,714 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ അഞ്ച് മാസത്തിനിടെയുണ്ടായ ഏറ്റവും വലിയ പ്രതിദിന വർധനവാണിത്. 312 പേർ ഇന്നലെ കൊവിഡ് ബാധിച്ച് മരിക്കുകയും ചെയ്തു കൊവിഡ് ബാധിച്ച് ഇതിനോടകം 1,61,552 പേരാണ് രാജ്യത്ത് മരിച്ചത്. നിലവിൽ 4,86,310 പേർ ചികിത്സയിൽ തുടരുന്നു. 1.13 കോടി ആളുകൾ രോഗമുക്തി നേടിയിട്ടുണ്ട്.

ബറോഡ: റോഡ് സേഫ്റ്റി ക്രിക്കറ്റ് സീരിസില്‍ പങ്കെടുത്ത സചിന്‍ ടെന്‍ഡുല്‍ക്കര്‍ക്ക് പിന്നാലെ യൂസഫ് പത്താനും കൊവിഡ് സ്ഥിരീകരിച്ചു. ട്വിറ്ററിലൂടെയാണ് ഇക്കാര്യം അദ്ദേഹം അറിയിച്ചത്. രോഗം സ്ഥിരീകരിച്ചതിന് പിന്നാലെ വീട്ടില്‍ ക്വാറന്റൈനില്‍ കഴിയുകയാണെന്നും എല്ലാവിധ മുന്‍കരുതലുകളും എടുത്തിട്ടുണ്ടെന്നും യൂസുഫ് പത്താന്‍ ട്വീറ്റ് ചെയ്തു. താനുമായി സമ്പര്‍ക്കത്തിലേര്‍പ്പെട്ട എല്ലാവരും ഉടന്‍ കൊവിഡ് പരിശോധന നടത്തണമെന്നും അഭ്യര്‍ത്ഥച്ചു. റോഡ് സുരക്ഷാ ബോധവല്‍ക്കരണത്തിന്റെ ഭാഗമായാണ് വിരമിച്ച മുന്‍ താരങ്ങളെ ഉള്‍പ്പെടുത്തി റോഡ് സേഫ്റ്റി സീരീസ് സംഘടിപ്പിച്ചത്. ഇന്ത്യയ്ക്കു പുറമെ ശ്രീലങ്ക, ദക്ഷിണാഫ്രിക്ക, ബംഗ്ലാദേശ്,…

കൊവിഡ് ബാധിച്ച് ചെന്നൈയിലെ വീട്ടിൽ അവശനിലയിൽ കണ്ടെത്തിയ മലയാളി ദമ്പതികൾ മരിച്ചു. പാലക്കാട് സ്വദേശി കെ രവീന്ദ്രൻ(60), ഭാര്യ വന്ദന(52) എന്നിവരാണ് മരിച്ചത്. ഇവർ നെസപ്പാക്കത്താണ് വർഷങ്ങളായി താമസം ഇവർക്ക് മക്കളില്ല. ഒരാഴ്ചയിലേറെയായി ഇവർ അസുഖബാധിതരായിരുന്നു. ബന്ധുക്കൾ ഫോൺ ചെയ്യുമ്പോൾ ശാരീകാസ്വസ്ഥതകളെ കുറിച്ച് പറഞ്ഞിരുന്നുവെങ്കിലും കാര്യമായ പ്രശ്‌നങ്ങളില്ലെന്നാണ് പറഞ്ഞിരുന്നത്. ഏറെ ദിവസമായിട്ടും പുറത്തു കാണാത്തതിനെ തുടർന്ന് അയൽവാസികൾ നോക്കിയപ്പോഴാണ് അവശനിലയിൽ കണ്ടത് ഇരുവരെയും പിന്നീട് ആശുപത്രിയിലേക്ക് കൊണ്ടുപോയെങ്കിലും രവീന്ദ്രൻ വഴിമധ്യേ മരിച്ചു. പിന്നാലെ വന്ദനയും മരിച്ചു. ആശുപത്രിയിൽ…

ഭോപാല്‍: മധ്യപ്രദേശില്‍ ചെറുപരിശീലക വിമാനം തകര്‍ന്നുവീണ് മൂന്ന് പൈലറ്റുമാര്‍ക്ക് പരിക്കേറ്റു. ഭോപ്പാലിലെ ഗാന്ധി നഗര്‍ പോലിസ് സ്റ്റേഷന്‍ പരിധിയിലാണ് അപകടമുണ്ടായത്. പരിക്കേറ്റ പൈലറ്റുമാര്‍ ആശുപത്രിയില്‍ ചികില്‍സയിലാണെന്ന് ഭോപാല്‍ പോലിസ് ഉദ്യോഗസ്ഥന്‍ അരുണ്‍ ശര്‍മ പറഞ്ഞു. ഭോപ്പാലില്‍നിന്ന് ഗുനയിലേക്ക് പറക്കുകയായിരുന്ന ചെറുവിമാനം ബാദ്വായ് ഗ്രാമത്തിനടുത്തുള്ള വയലില്‍ തകര്‍ന്നുവീഴുകയായിരുന്നുവെന്ന് ശര്‍മ വാര്‍ത്താ ഏജന്‍സിയായ പിടിഐയോട് പറഞ്ഞു. വിമാനത്തിലുണ്ടായിരുന്ന മൂന്നുപേര്‍ക്കും നിസാരപരിക്കേറ്റതായും അദ്ദേഹം കൂട്ടിച്ചേര്‍ത്തു. അപകടമുണ്ടാവാനുള്ള കാരണം അടക്കം കൂടുതല്‍ വിവരങ്ങള്‍ പുറത്തുവരുന്നതേയുള്ളൂവെന്നാണ് ദേശീയമാധ്യമങ്ങള്‍ വ്യക്തമാക്കുന്നത്.