മിസോറാം ഗവർണറായിരുന്ന പി എസ് ശ്രീധരൻ പിള്ളക്ക് മാറ്റം. ഗോവയുടെ ഗവർണറായാണ് അദ്ദേഹത്തെ നിയമിച്ചത്. 2019 നവംബറിലാണ് ശ്രീധരൻ പിള്ള മിസോറാം ഗവർണറായി ചുമതലയേറ്റത്. ഹരിയാന ഗവർണറായിരുന്ന സത്യദേവ് നാരായണനെ ത്രിപുരയിലേക്ക് മാറ്റി. ത്രിപുര ഗവർണറായിരുന്ന രമേശ് ബൈസിനെ ജാർഖണ്ഡ് ഗവർണറാക്കി. ടി ഗെഹ്ലോട്ട് കർണാടകയിലെയും മംഗുഭായി ചാംഗ്നാഭായ് മധ്യപ്രദേശിലെയും ഗവർണറാകും. ഹരിബാബു കംബാപതിയാണ് പുതിയ മിസോറാം ഗവർണർ.
നിതീഷ് കുമാറിന്റെ നേതൃത്വത്തിലുള്ള എൻഡിഎ സർക്കാരിനെതിരായ പോരാട്ടത്തിൽ നിന്ന് പിന്നോട്ടില്ലെന്ന് ലാലു പ്രസാദ് യാദവ്. കാലിത്തീറ്റ കുംഭകോണ കേസിൽ ശിക്ഷിക്കപ്പെട്ട ജയിലിലായിരുന്ന ലാലു പ്രസാദ് യാദവ് വർഷങ്ങൾക്ക് ശേഷമാണ് പൊതുവേദിയിലെത്തുന്നത് മകൻ തേജസ്വി യാദവ് കാരണമാണ് താനിപ്പോഴും ജീവിച്ചിരിക്കുന്നതെന്നും ലാലു പറഞ്ഞു. തന്റെ അഭാവത്തിൽ പാർട്ടിയെ നയിച്ച തേജസ്വിയെ ലാലു അഭിനന്ദിച്ചു. ആർ ജെ ഡിക്ക് ശോഭനമായ ഭാവിയുണ്ട്. മരിച്ചാലും രാഷ്ട്രീയ പോരാട്ടത്തിൽ നിന്ന് പിൻവാങ്ങില്ലെന്നും അദ്ദേഹം പറഞ്ഞു നവംബറിൽ നടന്ന തെരഞ്ഞെടുപ്പിൽ ബിഹാറിലെ ഏറ്റവും…
ന്യൂഡല്ഹി: രാജ്യത്തെ കൊവിഡ് മൂന്നാം തരംഗം ആഗസ്തില് ആരംഭിക്കുമെന്നും സപ്തംബര് മാസത്തോടെ മൂര്ദ്ധന്യാവസ്ഥയിലെത്തുമെന്നും സ്റ്റേറ്റ് ബാങ്ക് ഓഫ് ഇന്ത്യ റിസര്ച്ച് റിപോര്ട്ട്. കൊവിഡ് 19: ദി റെയ്സ് ടു ഫിനിഷിങ് ലൈന് എന്ന് പേരിട്ടിരിക്കുന്ന റിപോര്ട്ടിലാണ് അടുത്ത കൊവിഡ് തരംഗത്തെക്കുറിച്ചുള്ള വിശദമായ വിവരങ്ങളാണ് നല്കിയിരിക്കുന്നത്. മുന്സമയത്തെ കൊവിഡ് വ്യാപനത്തിന്റെ തോത് കണക്കിലെടുത്താണ് പ്രവചനം നടത്തിയത്. രണ്ടാം തരംഗത്തിലെ ഏറ്റവും കൂടിയ രോഗബാധയുടെ 1.7 ഇരട്ടിയായിരിക്കും മൂന്നാം തരംഗത്തിലെ ഏറ്റവും കൂടിയ രോഗബാധ. രണ്ടാം തരംഗം ഇറങ്ങിക്കൊണ്ടിരിക്കുകയാണെന്നും മൂന്നാം…
കൊവിഡ് ഡെൽറ്റ വകഭേദം വ്യാപിച്ച ഇന്ത്യയടക്കമുള്ള രാജ്യങ്ങളിലെ യാത്രക്കാർക്കുള്ള വിലക്ക് ജർമനി നീക്കി. ഇന്ത്യയെ കൂടാതെ പോർച്ചുഗൽ, ബ്രിട്ടൻ, വടക്കൻ അയർലാൻഡ്, റഷ്യ, നേപ്പാൾ എന്നീ രാജ്യങ്ങളിലെ യാത്രക്കാർക്കുള്ള വിലക്കും നീക്കിയിട്ടുണ്ട്. അതേസമയം ഇന്ത്യയടക്കമുള്ള രാജ്യങ്ങളിൽ നിന്ന് വരുന്നവർ ക്വാറന്റൈനുൾപ്പെടെ പാലിക്കണം. പൂർണമായി വാക്സിനേഷൻ ചെയ്തവർക്കും കൊവിഡ് മുക്തി നേടിയവർക്കും ക്വാറന്റൈനിൽ പ്രവേശിക്കേണ്ടതില്ല. ജർമനിയിലേക്ക് വിമാനം കയറുന്നതിന് മുമ്പ് വാക്സിനേഷൻ സർട്ടിഫിക്കറ്റോ, കൊവിഡ് മുക്തി നേടിയ സർട്ടിഫിക്കറ്റോ ഹാജരാക്കണം
കാസര്കോഡ്: വിവാഹത്തിന്റെ ഒരുക്കങ്ങള്ക്കിടെ ഇരട്ട സഹോദരികളെ തൂങ്ങി മരിച്ച നിലയില് കണ്ടെത്തി. ശ്രീരംഗ പട്ടണം ഹനസനഹള്ളി ഗ്രാമത്തില് സുരേഷ്-യശോദ ദമ്പതികളുടെ മക്കളായ ദീപികയും ദിവ്യയുമാണ് (19) മരിച്ചത്. ഇരുവരുടേയും വിവാഹം നിശ്ചയിച്ച് ഒരുക്കങ്ങള് നടക്കുന്നതിനിടെയാണ് ഇരുവരും ആത്മഹത്യ ചെയ്തത്. ജനനം മുതല് എപ്പോഴും ഒരുമിച്ചായിരുന്ന ഇരുവരുടെയും വിവാഹം നിശ്ചയിച്ചത് വ്യത്യസ്ത കുടുംബങ്ങളിലെ യുവാക്കളുമായിട്ടായിരുന്നു. വിവാഹശേഷം വേര്പിരിയുന്നതിനെക്കുറിച്ചുള്ള ചിന്തയാണ് ആത്മഹത്യയിലേക്ക് നയിച്ചതെന്നാണ് കുടുംബം പറയുന്നത്.ഇരുവരെയും രണ്ട് വ്യത്യസ്ത മുറികളിലാണ് മരിച്ച നിലയില് കണ്ടെത്തിയത്. സംഭവത്തില് പോലിസ് അന്വേഷണം ആരംഭിച്ചു.
ഭീമ കൊറേഗാവ് കേസിൽ വിചാരണ കാത്തു കഴിയുകയായിരുന്ന മനുഷ്യാവകാശ പ്രവർത്തകൻ ഫാദർ സ്റ്റാൻ സ്വാമി അന്തരിച്ചു. 84 വയസ്സായിരുന്നു. അദ്ദേഹത്തിന്റെ അഭിഭാഷകൻ ബോംബെ ഹൈക്കോടതിയെയാണ് ഇക്കാര്യം അറിയിച്ചത്. ബാന്ദ്ര ഹോളി ഫാമിലി ആശുപത്രിയിലായിരുന്ന അന്ത്യം. ആരോഗ്യനില മോശമായതിനെ തുടർന്ന് അദ്ദേഹത്തെ വെന്റിലേറ്ററിലേക്ക് മാറ്റിയിരുന്നു. ബോംബെ ഹൈക്കോടതി ഉത്തരവിനെ തുടർന്ന് മെയ് 28നാണ് സ്റ്റാൻ സ്വാമിയെ ചികിത്സക്കായി ആശുപത്രിയിലേക്ക് മാറ്റിയത്. ആശുപത്രിയിൽ വെച്ച് അദ്ദേഹത്തിന് കൊവിഡ് സ്ഥിരീകരിച്ചിരുന്നു സ്റ്റാൻ സ്വാമിയുടെ ചികിത്സ പൂർത്തിയായിട്ടില്ലെന്ന് അഭിഭാഷകൻ ശനിയാഴ്ച കോടതിയെ…
രാജസ്ഥാനിലെ ജോധ്പുരിൽ ട്രക്കും കാറും കൂട്ടിയിടിച്ച് അഞ്ച് പേർ മരിച്ചു. രണ്ട് പേർക്ക് ഗുരുതര പരിക്കേറ്റു. പരിക്കേറ്റവരുടെ നില അതീവഗുരുതരമാണ്. ഞായാറാഴ്ച രാത്രിയാണ് അപകടമുണ്ടായത്. പരിക്കേറ്റവർ ജോധ്പുർ തരുണ എം.ഡി.എം ആശുപത്രിയിൽ ചികിത്സയിലാണ്. അപകടം നടന്നയുടൻ ട്രക്ക് ഡ്രൈവർ കടന്നുകളഞ്ഞതായി പൊലീസ് അറിയിച്ചു.
ഒരു ഡോസ് കൊവിഡ് വാക്സിൻ എടുത്തവർക്കും കേരളത്തിൽ നിന്ന് കർണാടകയിലേക്ക് പ്രവേശിക്കാം. ഒരു ഡോസ് വാക്സിൻ എടുത്തവർക്ക് ആർ ടി പി സി ആർ നെഗറ്റീവ് സർട്ടിഫിക്കറ്റ് ആവശ്യമില്ല. വാക്സിൻ സ്വീകരിച്ചതിന്റെ സർട്ടിഫിക്കറ്റ് കൈവശമുണ്ടെങ്കിൽ അതിർത്തി കടത്തി വിടും ഇതുവരെ രണ്ട് ഡോസ് വാക്സിൻ സ്വീകരിച്ച സർട്ടിഫിക്കറ്റോ 72 മണിക്കൂറിനുള്ളിൽ എടുത്ത ആർടിപിസിആർ നെഗറ്റീവ് സർട്ടിഫിക്കറ്റോ നിർബന്ധമായിരുന്നു. അതേസമയം വാക്സിൻ എടുത്തതിന്റെ സർട്ടിഫിക്കറ്റ് ഇല്ലാത്തവർക്കും വാക്സിൻ സ്വീകരിക്കാത്തവർക്കും അതിർത്തി കടക്കുന്നതിന് 72 മണിക്കൂറിനുള്ളിൽ എടുത്ത ആർടിപിസിആർ…
ന്യൂഡൽഹി: ജാഗ്രത പാലിക്കാത്തപക്ഷം കോവിഡിന്റെ മൂന്നാം തരംഗം ഒക്ടോബറിനും നവംബറിനും മധ്യേ ഉച്ചസ്ഥായിയിൽ എത്താമെന്ന് വിലയിരുത്തൽ. രോഗവ്യാപനം വിലയിരുത്താൻ ശാസ്ത്ര- സാങ്കേതിക മന്ത്രാലയം രൂപവത്കരിച്ച സമിതിയിലെ അംഗം ഡോ. മനീന്ദ്ര അഗർവാളാണ് ഇക്കാര്യം പറഞ്ഞത്. മൂന്നാം തരംഗത്തിൽ പ്രതിദിനം കോവിഡ് ബാധിക്കുന്നവരുടെ എണ്ണം രണ്ടാം തരംഗത്തിൽ പ്രതിദിനം രോഗം ബാധിച്ചവരുടെ പകുതി മാത്രം ആയിരിക്കുമെന്നും അദ്ദേഹം അഭിപ്രായപ്പെട്ടു. എന്നാൽ പുതിയ വകഭേദങ്ങൾ ഉണ്ടായാൽ മൂന്നാം തരംഗത്തിൽ രോഗവ്യാപനം അതിവേഗം നടന്നേക്കാമെന്നും അദ്ദേഹം മുന്നറിയിപ്പ് നൽകി. SUTRA (S-Susceptible,…
ജമ്മുവില് ഡ്രോണ് ആക്രമ ഭീഷണി നിലനില്ക്കുന്നതിനാല് ഡ്രോൺ ഉപയോഗത്തിന് നിയന്ത്രണം ഏർപ്പെടുത്തി. വ്യോമസേനാ കേന്ദ്രത്തിൽ ഡ്രോൺ ആക്രമണം ഉണ്ടായ പഞ്ചാതലത്തിലാണ് നടപടി. ഡ്രോണുകള് ഉപയോഗിക്കുന്നതിനും കൈവശം വയ്ക്കുന്നതിനും വിൽക്കുന്നതിനുമാണ് വിലക്ക്. ഡ്രോൺ കൈവശമുള്ളവർ സമീപത്തെ പോലീസ് സ്റ്റേഷനിൽ ഏൽപ്പിക്കണമെന്ന് ശ്രീനഗർ കളക്ടർ ശനിയാഴ്ച ഉത്തരവിറക്കി.