Kerala

സ്റ്റാർട്ടപ്പുകൾക്കായുള്ള പ്രഥമ ദേശീയ പുരസ്കാരങ്ങളിൽ മൂന്നെണ്ണം കേരളത്തിന്. കേരള സ്റ്റാർട്ടപ്‌ മിഷനിൽ ഇൻകുബേറ്റ്‌ ചെയ്ത നവ ഡിസൈൻ ആൻഡ് ഇന്നൊവേഷൻ, ജെൻ റോബോട്ടിക്‌സ്‌ എന്നീ സ്റ്റാർട്ടപ്പുകൾക്കും ജാക്ക് ഫ്രൂട്ട് 365- എന്ന ഉൽപ്പന്നത്തിനുമാണ്‌ പുരസ്‌കാരം. കേന്ദ്ര വാണിജ്യമന്ത്രി പിയൂഷ് ഗോയലാണ് വ്യവസായ പ്രോത്സാഹന ആഭ്യന്തര വ്യാപാരവകുപ്പ്‌ (ഡിപിഐഐടി) ഏർപ്പെടുത്തിയ പുരസ്‌കാരങ്ങൾ പ്രഖ്യാപിച്ചത്‌. 12 മേഖലയിലായി 32 സ്ഥാപനം പുരസ്‌കാരത്തിന്‌ അർഹരായി. കള്ളുചെത്തുന്ന യന്ത്രം വികസിപ്പിച്ച കൊച്ചി നവ ഡിസൈൻ ആൻഡ് ഇന്നൊവേഷന്‌ കാർഷിക ഉൽപ്പാദക വിഭാഗത്തിലാണ്‌ പുരസ്‌കാരം‌….

സ്വര്‍ണ്ണക്കടത്ത് കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റ് പ്രാഥമിക കുറ്റപത്രം സമര്‍പ്പിച്ചു. സ്വപ്‌ന,സന്ദീപ്,സരിത് എന്നിവര്‍ക്കെതിരെ അഡീഷണല്‍ സെഷന്‍സ് കോടതിയിലാണ് കുറ്റപത്രം സമര്‍പ്പിച്ചത്. കള്ളപ്പണം വെളുപ്പിച്ചതിന് തെളിവുണ്ടെന്ന് പ്രാഥമിക കുറ്റപത്രത്തില്‍ പറയുന്നു. ഡിജിറ്റല്‍ തെളിവുകള്‍ ലഭിച്ച ശേഷമായിരിക്കും അന്തിമ കുറ്റപത്രം സമര്‍പ്പിക്കുക.   സ്വര്‍ണക്കടത്തുകേസില്‍ സ്വപ്ന സുരേഷ് അടക്കമുളള ഏഴ് പ്രതികളുടെ ജാമ്യാപേക്ഷ കൊച്ചി എന്‍ഐഎ കോടതി ഇന്ന് പരിഗണിക്കാനിരിക്കെയാണ് ഇഡി കുറ്റപത്രം സമര്‍പ്പിച്ചത്. എന്‍ഐഎ കേസില്‍ ജാമ്യം ലഭിച്ചാലും എന്‍ഫോഴ്‌സ്‌മെന്റ് കേസില്‍ പ്രതികള്‍ പുറത്തുപോകാതിരിക്കാന്‍ ലക്ഷ്യമിട്ടാണ് ഇഡിയുടെ തിരക്കിട്ട നീക്കം.

യു ട്യൂബ് ചാനലിലൂടെ അശ്ലീല സംഭാഷണവും ചിത്രങ്ങളും പ്രചരിപ്പിച്ചതിന് ആക്ടിവിസ്റ്റെന്ന് അറിയപ്പെടുന്ന ശ്രീലക്ഷ്മി അറയ്ക്കലിനെതിരെ സൈബര്‍ പോലീസ് കേസെടുത്തു. മെന്‍സ് റൈറ്റ് അസോസിയേഷന്‍ ഭാരവാഹി അഡ്വക്കേറ്റ് നാഗരാജ് നല്‍കിയ പരാതിയിലാണ് കേസെടുത്തത് എഫ് ഐ ആര്‍ തിരുവനന്തപുരം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ സമര്‍പ്പിച്ചു. യു ട്യൂബ് ചാനലുകളിലൂടെ ലൈംഗിക സംഭാഷണങ്ങള്‍ നടത്തി യുവതലമുറയെ തെറ്റായ ലൈംഗിക രീതികളിലേക്ക് നയിക്കുന്നതായി പരാതിയില്‍ പറയുന്നു പരാതിക്കൊപ്പം യൂ ട്യൂബ് ചാനലുകളുടെ ലിങ്കും വിവരങ്ങളും നല്‍കിയിട്ടുണ്ട്. ഗുരുതരമല്ലാത്ത വകുപ്പുകള്‍ ചുമത്തിയാണ്…

ഇടുക്കി അടിമാലി കൂമ്പൻപാറയിൽ ഹോം സ്‌റ്റേ കേന്ദ്രീകരിച്ച് പെൺവാണിഭം നടത്തിയ മൂന്ന് പേർ അറസ്റ്റിൽ. ഹോം സ്‌റ്റേ നടത്തിപ്പുകാരനായ സിജോ, ഇടപാടുകാരായ ആരക്കുഴി സ്വദേശി അഖിൽ, തട്ടേക്കണ്ണി സ്വദേശി ജോമി എന്നിവരാണ് പിടിയിലായത്.   നിർദേശത്തിനനുസരിച്ച് സ്ത്രീകളെ ഹോം സ്‌റ്റേയിൽ എത്തിച്ച് നൽകിയായിരുന്നു ഇടപാടുകൾ. സിജോയുടെ സഹായി പോലീസിനെ കണ്ട് ഓടി രക്ഷപ്പെട്ടു. നാല് സ്ത്രീകളും പരിശോധന സമയത്ത് ഹോം സ്‌റ്റേയിലുണ്ടായിരുന്നു. ഇവരുടെ വിവരങ്ങൾ ശേഖരിച്ച് പോലീസ് വിട്ടയച്ചു   ഹോം സ്‌റ്റേയിലുണ്ടായിരുന്ന വാഹനങ്ങളും മൊബൈൽ ഫോണുകളും…

സ്വർണക്കടത്ത് കേസിൽ സ്വപ്‌ന സുരേഷ് ഉൾപ്പെടെ ഏഴ് പ്രതികളുടെ ജാമ്യാപേക്ഷ കൊച്ചിയിലെ എൻഐഎ കോടതി ഇന്ന് പരിഗണിക്കും. കേസിൽ അനുബന്ധ തെളിവുകൾ ഹാജരാക്കാൻ എൻഐഎയോട് കോടതി ആവശ്യപ്പെട്ടിരുന്നു. കേസ് ഡയറി കോടതി പരിശോധിച്ചിരുന്നു. കള്ളക്കടത്ത് എന്നതിലപ്പുറം യുഎപിഎ ചുമത്താൻ തെളിവുകളെവിടെ എന്ന അതിപ്രധാന ചോദ്യവും കോടതി ഉന്നയിച്ചു. കേന്ദ്രസർക്കാരിന് വേണ്ടി അഡീഷണൽ സോളിസിറ്റർ ജനറലാണ് ഹാജരാകുന്നത്. കേസിലെ നാലാം പ്രതി സന്ദീപ് നായർ നൽകിയ രഹസ്യമൊഴി എൻഐഎ കോടതിയിൽ ഹാജരാക്കും. ഇന്നലെ ഒമ്പത് മണിക്കൂറെടുത്താണ് ആലുവ മജിസ്‌ട്രേറ്റ്…

കൊല്ലം അഞ്ചലിൽ ഉത്രയെന്ന യുവതിയെ പാമ്പിനെ കൊണ്ട് കടിപ്പിച്ചു കൊന്ന കേസിന്റെ വിചാരണയുടെ പ്രാരംഭ നടപടികൾ ഇന്ന് തുടങ്ങും. കേസിൽ ഓഗസ്റ്റ് 14ന് അന്വേഷണ സംഘം കുറ്റപത്രം സമർപ്പിച്ചിരുന്നു. ഉത്രയുടെ ഭർത്താവ് സൂരജ് മാത്രമാണ് കേസിലെ പ്രതി   ചിറക്കര സ്വദേശി സുരേഷിന്റെ കയ്യിൽ നിന്നാണ് സൂരജ് പാമ്പിനെ വാങ്ങിയത്. ഏപ്രിൽ രണ്ടിന് അടൂരിലെ വീട്ടിൽ വെച്ച് സൂരജ് ഉത്രയെ അണലിയെ കൊണ്ട് കടിപ്പിച്ചു. പക്ഷേ ഉത്ര രക്ഷപ്പെട്ടു. ഇതിന്റെ ചികിത്സയിലിരിക്കെ മെയ് ആറിന് രാത്രിയിൽ മൂർഖനെ…

തിരുവനന്തപുരം: തിരുവനന്തപുരം മെഡിക്കല്‍ കോളജില്‍ കൊവിഡ് ചികിത്സയിലായിരുന്ന രോഗിയെ പുഴുവരിച്ച സംഭവവുമായി ബന്ധപ്പെട്ട് അച്ചടക്ക നടപടിക്ക് വിധേയരായ ഡോക്ടറുടേയും നഴ്‌സുമാരുടേയും സസ്‌പെന്‍ഷന്‍ പിന്‍വലിച്ചു.   കൊവിഡ് നോഡല്‍ ഓഫിസര്‍ ഡോ.അരുണ, ഹെഡ് നഴ്‌സുമാരായ ലീന കുഞ്ചന്‍, കെ വി രജനി എന്നിവരെയാണ് തിരിച്ചെടുത്തത്. ഇവരുടെ സസ്‌പെന്‍ഷന്‍ പിന്‍വലിക്കുമെന്ന് കഴിഞ്ഞ ദിവസം ഡോക്ടര്‍മാരുമായി നടത്തിയ ചര്‍ച്ചയില്‍ ആരോഗ്യമന്ത്രി ഉറപ്പ് നല്‍കിയിരുന്നു. അതേസമയം ഡോക്ടര്‍ക്കും ജീവനക്കാര്‍ക്കും എതിരായ വകുപ്പ് തല നടപടികള്‍ തുടരും.   തിരുവനന്തപുരം മെഡിക്കല്‍ കോളജ് ആശുപത്രിയില്‍…

കേരളത്തിന്റെ കൊവിഡ് പ്രതിരോധം ഫലപ്രദമാണെന്ന് മുഖ്യമന്ത്രി പിണറായി വിജയൻ. രോഗവ്യാപനം ദേശീയ ശരാശരിയേക്കാൾ താഴേയാണ്. ഇതുവരെ കാണിച്ച ജാഗ്രത വെറുതെ ആയില്ല. തുടർന്നും ശക്തമായ ജാഗ്രത പാലിക്കേണ്ടതുണ്ട് ഓഗസ്റ്റിൽ ഐസിഎംആർ നടത്തിയ സീറോ സർവേ പ്രകാരം കേരളത്തിൽ 0.8 ശതമാനം ആളുകൾക്കാണ് കൊവിഡ് വന്നുപോയതായി കണ്ടെത്തിയത്. ദേശീയ തലത്തിൽ ഇത് 6.6 ശതമാനാണ്. എല്ലാവർക്കും രോഗം വരുമെനന്ന നിലയിൽ പ്രചിപ്പിക്കുന്ന ധാരണ തെറ്റാണ് ടെസ്റ്റ് പെർ മില്യൺ ദേശീയ തലത്തിൽ 77,054 ആണ്. കേരളത്തിലിത് 92,788 ആണ്….

സംസ്ഥാനത്ത് ഇന്ന് 13 പുതിയ ഹോട്ട് സ്‌പോട്ടുകളാണുള്ളത്. പത്തനംതിട്ട ജില്ലയിലെ താന്നിത്തോട് (കണ്ടൈന്‍മെന്റ് സോണ്‍ വാര്‍ഡ് 10), കുറ്റൂര്‍ (4, 5, 6), ആറന്മുള (9, 10), കോട്ടയം ജില്ലയിലെ വെള്ളാവൂര്‍ (7), കിടങ്ങൂര്‍ (1, 14), തൃശൂര്‍ ജില്ലയിലെ കൊടകര (19), അന്തിക്കാട് (14), പാലക്കാട് ജില്ലയിലെ കൊല്ലങ്കോട് (4, 6), അഗളി (1), തിരുവനന്തപുരം ജില്ലയിലെ കിളിമാനൂര്‍ (9, 10), എളകമണ്‍ (7), മലപ്പുറം ജില്ലയിലെ വഴിക്കടവ് (19), എറണാകുളം ജില്ലയിലെ പിണ്ടിമന (6)…