Kerala

മദ്യപിച്ചതിന് പിന്നാലെ പാലക്കാട് കഞ്ചിക്കോട് മൂന്ന് പേർ മരിച്ചു. പയറ്റുകാട് ആദിവാസി കോളനിയിലെ രാമൻ, അയ്യപ്പൻ, ശിവൻ എന്നിവരാണ് മരിച്ചത്. വ്യാജമദ്യം കഴിച്ചതാണ് മരണത്തിന് കാരണമെന്ന് സംശയിക്കുന്നു   ഞായറാഴ്ച വൈകുന്നേരമാണ് ഇവർ മദ്യപിച്ചത്. രാത്രിയോടെ ഒരാൾ കുഴഞ്ഞുവീണ് ഛർദിക്കുകയും മരിക്കുകയും ചെയ്തു. പിന്നാലെ രണ്ട് പേരെ ഇന്ന് പുലർച്ചെ മരിച്ച നിലയിലും കണ്ടെത്തി. ഇവർക്കൊപ്പം മദ്യപിച്ച സ്ത്രീകളടക്കമുള്ള ചിലരെ അസ്വസ്ഥതകളോടെ ആശുപത്രിയിൽ പ്രവേശിപ്പിച്ചു ഇവർ കഴിച്ച മദ്യത്തിൽ സാനിറ്റൈസർ കലർത്തിയിരുന്നോ എന്ന സംശയവും ഉയർന്നിട്ടുണ്ട്. സംഭവത്തിൽ…

സ്വർണക്കടത്ത് കേസിൽ മുൻ ഐടി വകുപ്പ് സെക്രട്ടറി എം ശിവശങ്കർ ഹൈക്കോടതിയിൽ മുൻകൂർ ജാമ്യാപേക്ഷ നൽകി. അന്വേഷണവുമായി സഹകരിക്കുമെന്നും ഒളിവിൽ പോകില്ലെന്നും ജാമ്യഹർജിയിൽ പറയുന്നു. ആരോഗ്യസ്ഥിതി കൂടി കണക്കിലെടുത്ത് ജാമ്യം അനുവദിക്കണമെന്നാണ് ആവശ്യം   നിലവിൽ തിരുവനന്തപുരം മെഡിക്കൽ കോളജിൽ തീവ്രപരിചരണ വിഭാഗത്തിലാണ് ശിവശങ്കർ കഴിയുന്നത്. നടുവേദനയെ തുടർന്ന് വിദഗ്ധ ചികിത്സക്കായാണ് ശിവശങ്കറെ മെഡിക്കൽ കോളജിലേക്ക് മാറ്റിയത്. ഇന്ന് മെഡിക്കൽ ബോർഡ് യോഗം ചേരുന്നുണ്ട്. ഇതിന് ശേഷം ഡോക്ടർമാരുടെ അഭിപ്രായം കൂടി തേടിയ ശേഷമാകും കസ്റ്റംസിന്റെ തുടർ…

കളമശ്ശേരി മെഡിക്കൽ കോളജ് ആശുപത്രിയിൽ കൊവിഡ് വാർഡുകളിൽ കഴിയുന്ന രോഗികളിൽ ചിലർക്ക് ജീവനക്കാരുടെ അശ്രദ്ധയെ തുടർന്ന് മരണം സംഭവിച്ചതായി നഴ്‌സിംഗ് ഓഫീസറുടെ വെളിപ്പെടുത്തൽ. നഴ്‌സിംഗ് ഓഫീസർ ജലജ ദേവിയുടെ പേരിലുള്ള സന്ദേശത്തിന്റെ ഭാഗമാണ് പുറത്തുവന്നത്.   കേന്ദ്രസംഘത്തിന്റെ സന്ദർശനവുമായി ബന്ധപ്പെട്ട് നടത്തേണ്ട ക്രമീകരണങ്ങളെ കുറിച്ച് ചർച്ച ചെയ്യാൻ നഴ്‌സിംഗ് ഓഫീസറുടെയും ഹെഡ് നഴ്‌സുമാരുടെയും യോഗം ആർ എം ഒ വിളിച്ചു ചേർത്തിരുന്നു. ഇക്കാര്യങ്ങൾ ആശുപത്രി ജീവനക്കാരെ അറിയിക്കാനെന്ന പേരിലാണ് സന്ദേശം പുറത്തുവന്നത്. ഗുരുതരാവസ്ഥയിലുള്ള പല രോഗികളുടെയും ഓക്‌സിജൻ…

തിരുവനന്തപുരം മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ കഴിയുന്ന മുൻ ഐടി സെക്രട്ടറി എം ശിവശങ്കറിനെ ഇന്ന് വാർഡിലേക്ക് മാറ്റും. നടുവേദനയെ തുടർന്നുള്ള വിദഗ്ധ ചികിത്സക്കായാണ് ശിവശങ്കറെ മെഡിക്കൽ കോളജിലേക്ക് മാറ്റിയത്.   ശിവശങ്കറെ ഐസിയുവിൽ കിടത്തി ചികിത്സിക്കേണ്ട രോഗമില്ലെന്നാണ് ഡോക്ടർമാരുടെ അഭിപ്രായം. ഇന്ന് മെഡിക്കൽ ബോർഡ് ചേർന്ന് ഇക്കാര്യത്തിൽ തീരുമാനമെടുക്കും. ഡോക്ടർമാരുടെ നിലപാട് അനുസരിച്ചാകും കസ്റ്റംസിന്റെ നീക്കം. ഡിസ്‌കിന് തകരാറല്ലാതെ കാര്യമായ ആരോഗ്യപ്രശ്‌നങ്ങൾ ശിവശങ്കറിനില്ല. അസ്ഥിരോഗവിഭാഗം ഐസിയുവിൽ കഴിയുന്ന ശിവശങ്കറിന് ശക്തമായ സുരക്ഷാ സംവിധാനമാണ് ആശുപത്രി…

ബെംഗളൂരുവിലേക്ക് മറ്റ് പൊതുഗതാഗതസംവിധാനങ്ങൾ ഇല്ലാത്തതിനാൽ കോഴിക്കോട്ടുനിന്നുള്ള കെ.എസ്.ആർ.ടി.സി. സർവീസിന് റെക്കോഡ്‌ വരുമാനം. രാവിലെ എട്ടുമണിക്കും രാത്രി 8.31-നുമുള്ള രണ്ട് സർവീസുകൾക്കുമായി തൊണ്ണൂറായിരം മുതൽ 98,000വരെ ദിവസം വരുമാനം ലഭിക്കുന്നുണ്ട്. കോഴിക്കോട് ഡിപ്പോയിൽ 46 ബസുകൾക്കുമായി ദിവസവരുമാനം 3.80 ലക്ഷത്തിനും 3.90 ലക്ഷത്തിനുമിടയിൽ നിൽക്കുമ്പോഴാണ് ബംഗളൂരുവിലേക്കുള്ള രണ്ട് ബസുകളിൽനിന്നുമാത്രം ദിവസം ഒരു ലക്ഷത്തോളം വരുമാനം ലഭിക്കുന്നത്. കിലോമീറ്ററിന് 70 രൂപയാണ് ഇപ്പോൾ ബംഗളൂരു സർവീസിന് ലഭിക്കുന്നത്. ഒക്‌ടോബർ 13-ന് അത് 79.6 രൂപ ആയിരുന്നു. കെ.എസ്.ആർ.ടി.സി.യിലെ ഏറ്റവും ഉയർന്ന…

തിരുവനന്തപുരം: കൊവിഡ് പ്രതിരോധത്തിൽ കേരളത്തിന്റെ പ്രവർത്തനങ്ങൾക്കെതിരെ വിമർശനം ഉന്നയിച്ച കേന്ദ്ര ആരോഗ്യമന്ത്രി ഡോ. ഹർഷവർധന് മറുപടിയുമായി ആരോഗ്യമന്ത്രി കെ കെ ശൈലജ. ആളുകള്‍ മരിക്കാതെ നോക്കുക എന്നത് പ്രധാനമാണെന്നും അത് കേരളം ചെയ്യുന്നുണ്ടെന്നും ആരോഗ്യമന്ത്രി പറഞ്ഞു. സംസ്ഥാനത്ത് കൊവിഡ് മരണങ്ങള്‍ കുറയ്ക്കാന്‍ എടുത്തത് ശക്തമായ നടപടിയാണ്. ഇന്ത്യയിലെ ഏറ്റവും മികച്ച രോഗമുക്തി നിരക്ക് കേരളത്തിലാണെന്നും മന്ത്രി ചൂണ്ടിക്കാട്ടി. ആദ്യഘട്ടത്തിൽ രോഗ നിയന്ത്രണം സാധ്യമായ കേരളത്തിൽ പിന്നീട് പ്രതിരോധത്തിൽ വന്ന വീഴ്ച്ചകൾക്കാണ് ഇപ്പോൾ വില നൽകുന്നതെന്നായിരുന്നു കേന്ദ്ര ആരോഗ്യമന്ത്രിയുടെ…

രാജ്യം കൊവിഡ് വ്യാപനത്തിന്റെ മൂർധന്യാവസ്ഥ പിന്നിട്ടതായി കേന്ദ്ര വിദഗ്ധ സമിതി. പ്രതിരോധ പ്രവർത്തനങ്ങൾ കൃത്യമായി പാലിച്ച് നിയന്ത്രണം കർശനമാക്കിയാൽ ഫെബ്രുവരിയോടെ കൊവിഡ് നിയന്ത്രണവിധേയമാക്കാമെന്ന് വിദഗ്ധസമിതി റിപ്പോർട്ടിൽ പറയുന്നു. ഉത്സവകാലവും ശൈത്യകാലവും രോഗവ്യാപനം വർധിപ്പിക്കാൻ ഇടായാക്കും. സുരക്ഷാ മുൻകരുതലുകളിൽ ഇളവ് നൽകുന്നത് ഗുരുതരമായ പ്രതിസന്ധി സൃഷ്ടിക്കും. 2021 ഫെബ്രുവരിയോടെ രാജ്യത്ത് ഒരു കോടിയിലേറെ കൊവിഡ് കേസുകൾ ഉണ്ടായേക്കാമെന്നും റിപ്പോർട്ടിൽ പറയുന്നു. നിലവിൽ 75 ലക്ഷത്തോളം പേർക്കാണ് രാജ്യത്ത് കൊവിഡ് സ്ഥിരീകരിച്ചത്. 1.14 ലക്ഷം പേർ രോഗബാധിതരായി മരിച്ചു. കേരളത്തിൽ…

തിരുവനന്തപുരം: എം ശിവശങ്കര്‍ മുന്‍കൂര്‍ ജ്യാമത്തിനായി നാളെ ഹൈക്കോടതിയെ സമീപിക്കും. ശിവശങ്കറിന്റെ അഭിഭാഷകര്‍ മുന്‍കൂര്‍ ജാമ്യാപേക്ഷ തയാറാക്കിയതായാണ് വിവരം. അതേസമയം, ശിവശങ്കറിന്റെ ആരോഗ്യസ്ഥിതി സംബന്ധിച്ച് ഇന്ന് മെഡിക്കല്‍ കോളജ് അധികൃതരോട് കസ്റ്റംസ് വിശദീകരണം തേടും. മെഡിക്കല്‍ കോളജിലെ ഡോക്ടര്‍മാരെ കൂടാതെ കസ്റ്റംസിന്റെ പ്രത്യേക വിദഗ്ധ സംഘവും ശിവശങ്കറിനെ പരിശോധിക്കാനാണ് സാധ്യത. നിലവില്‍ ശിവശങ്കറിന് ഗുരുതരമായ ആരോഗ്യ പ്രശ്നങ്ങളില്ല എന്ന വിലയിരുത്തലാണ് മെഡിക്കല്‍ കോളജ് ഡോക്ടര്‍മാര്‍ക്ക്. സ്വര്‍ണക്കടത്തുമായി ബന്ധപ്പെട്ട് എന്‍ഫോഴ്സ്മെന്റ് രജിസ്റ്റര്‍ ചെയ്ത കേസില്‍ ശിവശങ്കറിന് ഹൈക്കോടതി കഴിഞ്ഞ…

പത്തനംതിട്ട: ശബരിമലയില്‍ ദര്‍ശനത്തിനെത്തിയ ഒരാള്‍ക്ക് കോവിഡ് സ്ഥിരീകരിച്ചു. നിലയ്ക്കലില്‍ നടത്തിയ ആന്റിജന്‍ പരിശോധനയിലാണ് കോവിഡ് സ്ഥിരീകരിച്ചത്. തമിഴ്‌നാട് സ്വദേശിയായ ഇയാളെ റാന്നിയിലെ സിഎഫ്എല്‍ടിസിയിലേക്ക് മാറ്റി.   സംസ്ഥാനത്ത് കോവിഡ് വ്യാപനം രൂക്ഷമായ സാഹചര്യത്തില്‍ ശബരിമലയില്‍ ഇത്തവണ മണ്ഡലമകരവിളക്ക് സീസണില്‍ വെര്‍ച്വല്‍ ക്യൂ വഴി മാത്രമാണ് ഭക്തരെ പ്രവേശിപ്പക്കുന്നത്. വെര്‍ച്വല്‍ ക്യൂവില്‍ രജിസ്റ്റര്‍ ചെയ്യാന്‍ കോവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധമാണ്. അറുപതു കഴിഞ്ഞവരെയും പത്തു വയസില്‍ താഴെയുള്ളവരെയും ദള്‍ശശനത്തില്‍നിന്ന് ഒഴിവാക്കി. സന്നിധാനം, പന്പ, നിലയ്ക്കല്‍ എന്നിവിടങ്ങളില്‍ വിരിവയ്ക്കാനോ താമസിക്കാനോ അനുവദിക്കില്ല….