കോട്ടയം മുണ്ടക്കയത്ത് ഭാര്യയെയും ഭാര്യ മാതാവിനെയും വെട്ടിപ്പരുക്കേല്‍പ്പിച്ച പ്രതി തൂങ്ങിമരിച്ച നിലയില്‍. കരിനിലം സ്വദേശി പ്രദീപ് ആണ് മരിച്ചത്. ഇന്ന് രാവിലെയാണ് ഇയാള്‍ കുടുംബ വഴക്കിനെ തുടര്‍ന്ന് ഭാര്യ സൗമ്യയെയും ഭാര്യമാതാവ് ബീനയെയും വെട്ടിപ്പരുക്കല്‍പ്പിച്ചത്.
കഴിഞ്ഞ കുറച്ചു നാളുകളായി പ്രദീപും ഭാര്യ സൗമ്യയും തമ്മില്‍ തര്‍ക്കങ്ങള്‍ ഉണ്ടായിരുന്നു. ഇത് വിവാഹമോചനത്തിന്റെ വക്കോളം എത്തുകയും ചെയ്തിരുന്നു. കോടതിയില്‍ നിന്നും വിധി വരുന്നതിനു മുന്‍പാണ് യുവാവ് വീട്ടിലെത്തി ഭാര്യ സൗമ്യയെയും ഭാര്യമാതാവ് ബീനയെയും ആക്രമിച്ചത്. ഇവരെ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചു. സംഭവത്തിനുശേഷം ഓടി രക്ഷപ്പെട്ട പ്രദീപിന് വേണ്ടി പോലീസ് ഉടന്‍തന്നെ അന്വേഷണം ആരംഭിച്ചു
ഇതിനിടയിലാണ് 5 കിലോമീറ്റര്‍ മാറി ഒരു ആളൊഴിഞ്ഞ തോട്ടത്താല്‍ മരിച്ച നിലയില്‍ പ്രദീപിനെ കണ്ടെത്തിയത്. മരത്തില്‍ തൂങ്ങിയ നിലയിലായിരുന്നു മൃതദേഹം. നാട്ടുകാരാണ് പോലീസിനെ വിവരം അറിയിച്ചത്. പരുക്കേറ്റ ബീനയെയും സൗമ്യയെയും കോട്ടയം മെഡിക്കല്‍ കോളേജിലേക്ക് മാറ്റി. സംഭവത്തില്‍ മുണ്ടക്കയം പോലീസ് വിശദമായ അന്വേഷണം ആരംഭിച്ചു.
Read More
കോട്ടയം മുണ്ടക്കയത്ത് നവവധുവിനെ തുങ്ങിമരിച്ച നിലയിൽ കണ്ടെത്തി
കൊട്ടാരക്കരയിൽ ഭാര്യയെയും രണ്ട് മക്കളെയും വെട്ടിക്കൊലപ്പെടുത്തിയ ശേഷം ഗൃഹനാഥൻ തൂങ്ങിമരിച്ചു
കണ്ണൂരിൽ ഏഴ് മാസം പ്രായമുള്ള കുഞ്ഞിനെ കൊന്ന ശേഷം യുവാവ് ആത്മഹത്യ ചെയ്തു, ഭാര്യക്കും ഗുരുതര പരുക്ക്
നെയ്യാറ്റിൻകരയിൽ വീട് അടിച്ചുതകർത്ത് തീയിട്ട ശേഷം ഗൃഹനാഥൻ തൂങ്ങിമരിച്ചു
