മസ്കറ്റ്: ഒമാനില് കൊവിഡ് ബാധിച്ച് ചികിത്സയിലായിരുന്ന മലയാളി മരിച്ചു. കണ്ണൂര് തലശ്ശേരി കതിരൂര് ആറാംമൈല് പരേതനായ അബൂബക്കറിന്റെ മകന് ഖാലിദ്(54)ആണ് മരിച്ചത്. പത്ത് ദിവസമായി റുസ്താഖ് ആശുപത്രിയില് ചികിത്സയിലായിരുന്നു. 10 വര്ഷമായി ഒമാനില് താമസിച്ചു വരികയാണ്. ഭാര്യ: റുബീന, മക്കള്: മുഹമ്മദ്, ആദം. മൃതദേഹം ഒമാനില് ഖബറടക്കി.
അഫ്ഗാനിസ്ഥാനിലെ താലിബാൻ നിയന്ത്രിത പ്രദേശങ്ങളിലെ മനുഷ്യാവകാശ ലംഘനങ്ങളിൽ ആശങ്ക പ്രകടിപ്പിച്ച് ഐക്യരാഷ്ട്രസഭ ജനറൽ സെക്രട്ടറി അന്റോണിയോ ഗുട്ടാറസ്. താലിബാൻ കീഴടക്കിയ പ്രദേശങ്ങളിലെ സ്ത്രീകളുടെയും പെൺകുട്ടികളുടെയും അവകാശങ്ങൾക്ക് മേൽ താലിബാൻ കർശന നിയന്ത്രണം ഏർപ്പെടുത്തുന്നതായുള്ള റിപ്പോർട്ടുകൾ ഭീതിപ്പെടുത്തുന്നതാണെന്ന് ഗുട്ടാറസ് പറഞ്ഞു സ്ത്രീകളെയും മാധ്യമപ്രവർത്തകരെയും ലക്ഷ്യം വെച്ച് മനുഷ്യാവകാശങ്ങൾക്ക് മേൽ താലിബാൻ കർശന നിയന്ത്രണങ്ങൾ ഏർപ്പെടുത്തുകയാണ്. അഫ്ഗാൻ പെൺകുട്ടികളുടെയും സ്ത്രീകളുടെയും ഏറെ ബുദ്ധിമുട്ടി കരസ്ഥമാക്കിയ അവകാശങ്ങൾ ഇല്ലാതാക്കുന്നതായുള്ള റിപ്പോർട്ടുകൾ ഭീതിജനകവും ഹൃദയഭേദകവുമാണ്. സാധാരണക്കാരെ ലക്ഷ്യമിട്ട് നടത്തുന്ന ആക്രമണങ്ങൾ അന്താരാഷ്ട്ര മാനുഷിക…
ഓഗസ്റ്റ് 14 വിഭജന ഭീതിയുടെ അനുസ്മരണ ദിനമായി ആചരിക്കുമെന്ന് പ്രധാനമന്ത്രി നരേന്ദ്രമോദി. വിഭജനത്തിന്റെ വേദന ഒരിക്കലും മറക്കാനാകില്ല. വിദ്വേഷവും അക്രമവും കാരണം നമ്മുടെ ലക്ഷക്കണക്കിന് സഹോദരി സഹോദരൻമാർക്ക് പലായനം ചെയ്യേണ്ടി വന്നു. പലർക്കും ജീവൻ നഷ്ടപ്പെട്ടു. ആ ജനതയുടെ ത്യാഗസ്മരണക്കായി ഓഗസ്റ്റ് 14 വിഭജന ഭീതിയുടെ സ്മരണാദിനമായി ആചരിക്കാൻ തീരുമാനിച്ചുവെന്ന് പ്രധാനമന്ത്രി ട്വീറ്റ് ചെയ്തു. വിഭജന ഭീതിയുടെ ഓർമദിനം സാമൂഹ്യ വിഭജനത്തിന്റെയും വൈരത്തിന്റെയും വിഷവിത്ത് നീക്കി മൈത്രിയുടെയും മാനുഷിക ഉന്നമനവും ശക്തിപ്പെടുത്തുമെന്ന് മോദി ട്വീറ്റിൽ കൂട്ടിച്ചേർത്തു. ഓഗസ്റ്റ്…
കെപിസിസി, ഡിസിസി പുനഃസംഘടനയുമായി ബന്ധപ്പെട്ട് കേരളത്തിൽ നിന്നുള്ള നേതാക്കൾ രാഹുൽ ഗാന്ധിയുമായി കൂടിക്കാഴ്ച നടത്തുന്നു. കെപിസിസി പ്രസിഡന്റ് കെ സുധാകരൻ, പ്രതിപക്ഷ നേതാവ് വിഡി സതീശൻ എന്നിവരാണ് ചർച്ചകൾക്കായി ഡൽഹിയിൽ എത്തിയത്. കൊടിക്കുന്നിൽ സുരേഷ്, പി ടി തോമസ്, ടി സിദ്ധീഖ് എന്നീ നേതാക്കളും കൂടിക്കാഴ്ചയിൽ പങ്കെടുക്കുന്നുണ്ട്. ഗ്രൂപ്പ് നോക്കാതെയാകും പതിനാല് ഡിസിസികളിലും അധ്യക്ഷൻമാരെ തീരുമാനിക്കുകയെന്ന് നേതാക്കൾ പറയുന്നു. രാഹുലുമായുള്ള കൂടിക്കാഴ്ചക്ക് മുമ്പായി കെ സുധാകരന്റെ ഡൽഹിയിലെ വസതിയിൽ നേതാക്കൾ യോഗം ചേർന്നിരുന്നു. ഗ്രൂപ്പ് വീതം വെപ്പുണ്ടാകില്ലെന്നാണ്…
കൊച്ചി: സംസ്ഥാനത്ത് നാളെയും 22നും ലോക്ക്ഡൗണ് ഇല്ല. സ്വാതന്ത്ര്യ ദിനാഘോഷത്തെ തുടര്ന്നാണ് നാളത്തെ ട്രിപ്പിള് ലോക്ക്ഡൗണ് ഒഴിവാക്കിയത്. കൂടാതെ ഓണത്തോടനുബന്ധിച്ച് 22ാം തിയതിയിലെ നിയന്ത്രണങ്ങളിലും ഇളവുണ്ട്. ഇതോടെ ഈ മാസം 28 വരെ സംസ്ഥാനത്തെ വ്യാപാര സ്ഥാപനങ്ങള്ക്ക് പ്രവര്ത്തിക്കാന് അനുമതിയുണ്ട്. ഇനി 29നാണ് അടുത്ത ട്രിപ്പിള് ലോക്ക്ഡൗണ് ഉണ്ടാവുക. ആദ്യം ശനിയും ഞായറുമായിരുന്നു വാരാന്ത്യ ലോക്ക്ഡൗണ് ഞായറാഴ്ച മാത്രമായി ചുരുക്കുകയായിരുന്നു. അതിനിടെ സംസ്ഥാനത്ത് രോഗ വ്യാപനം ഗുരുതരമായി തുടരുകയാണ്. രോഗവ്യാപനം ശമനമില്ലാതെ തുടരുന്നപശ്ചാത്തലത്തില് കേന്ദ്ര ആരോഗ്യ മന്ത്രി…
കല്പറ്റ: രാജ്യത്തെ ആദ്യ മുസ്ലിം വനിതാ ഫോറസ്റ്റ് റേഞ്ചര് ആയി ചരിത്രത്തിലിടം നേടിയ എ ഷജ്ന സൗത്ത് വയനാട് ഡിഎഫ്ഒ ആയി ചുമതലയേറ്റു. നിലവിലെ സൗത്ത് വയനാട് ഡി എഫ് ഒ പി രഞ്ജിത്ത് കോഴിക്കോട് ഡി എഫ് ഒ ആയി സ്ഥലം മാറിയ ഒഴിവിലേക്കാണ് ആറളം വൈല്ഡ് ലൈഫ് വാര്ഡനായിരുന്ന എ ഷജ്ന ചുമതലയേറ്റത്. മാനന്തവാടി സ്വദേശിനിയാണ് ഷജ്ന. ഭര്ത്താവ് അബ്ദുല് കരീം മാനന്തവാടി സിഐ ആണ്. ഫോറസ്റ്റ് കണ്സര്വേറ്ററായി വിരമിച്ച മാനന്തവാടിയിലെ എക്കണ്ടി അബ്ദുല്ല…
തിരുവനന്തപുരം: തീവ്രവാദ സംഘടനകളുടെ സ്ലീപ്പര് സെല്ലുകള് കേരളത്തില് പ്രവര്ത്തിക്കുന്നുണ്ടെന്ന മുന് ഡി.ജി.പി ലോക്നാഥ് ബെഹ്റയുടെ നിലപാട് തള്ളി മുഖ്യമന്ത്രി പിണറായി വിജയന്. സംസ്ഥാനത്ത് ഐ.എസ് സ്ലീപ്പര് സെല്ലുകള് പ്രവൃത്തിക്കുന്നതായി ശ്രദ്ധയില്പ്പെട്ടിട്ടില്ലെന്ന് മുഖ്യമന്ത്രി വ്യക്തമാക്കി. നജീബ് കാന്തപുരം, യുഎ ലത്തീഫ്, എംകെ മുനീര്, പി അബ്ദുല് ഹമീദ് എന്നിവരുടെ ചോദ്യങ്ങള്ക്കായിരുന്നു മുഖ്യമന്ത്രിയുടെ മറുപടി. മുന് പൊലീസ് മേധാവി ഇത്തരത്തില് ഒരു റിപ്പോര്ട്ട് സമര്പ്പിച്ചിട്ടില്ലെന്നും അദ്ദേഹം സഭയെ അറിയിച്ചു. വിരമിക്കുന്നതിന് തൊട്ടുമുന്പായിരുന്നു സംസ്ഥാന പൊലീസ് മേധാവി ആയിരുന്ന ലോക്നാഥ് ബെഹ്റ…
തിരുവനനന്തപുരത്തെ ലുലു മാൾ നിർമാണം തടയണമെന്നാവശ്യപ്പെട്ട് സമർപ്പിച്ച ഹർജി ഹൈക്കോടതി ഡിവിഷൻ ബഞ്ച് തള്ളി. കൊല്ലം സ്വദേശി കെഎം സലീം നൽകിയ ഹർജിയാണ് ഹൈക്കോടതി തള്ളിയത്. ആക്കുളത്തെ ലുലു മാൾ നിർമാണം തീരദേശപരിപാലന നിയനം ലംഘിച്ചാണെന്നായിരുന്നു ഹർജിക്കാരന്റെ പരാതി എന്നാൽ പരാതി തെറ്റിദ്ധാരണ മൂലമാണെന്ന് കോടതി പറഞ്ഞു. ആവശ്യമായ രേഖകൾ പരിശോധിച്ചാണ് പദ്ധതിക്ക് അനുമതി നൽകിയത്. ഒന്നര ലക്ഷം ചതുരശ്ര മീറ്ററിലധികം വലുപ്പമുള്ള നിർമാണങ്ങൾക്ക് അനുമതി നൽകാൻ സംസ്ഥാനത്തിന് അധികാരമില്ലെന്നായിരുന്നു ഹർജിക്കാരൻ വാദിച്ചത്.
ന്യൂഡല്ഹി: പെൺകുട്ടിയെ ബലാത്സംഗം ചെയ്ത് കൊന്നതാണെന്ന് സമ്മതിച്ച് പ്രതികൾ. പുരാന നങ്കലിലെ ഒന്പതുവയസുകാരിയെ കൊലപ്പെടുത്തിയ കേസിലാണ് പ്രതികൾ കുറ്റം സമ്മതിച്ചത്. ബലാത്സംഗം ചെയ്ത് കൊന്നതാണെന്നാണ് പ്രതികളുടെ മൊഴി. കേസില് നാല് പേരാണ് അറസ്റ്റിലായത്. ഇതില് രണ്ടുപ്രതികളാണ് കുറ്റം സമ്മതിച്ചതെന്ന് പൊലീസ് അറിയിച്ചു. എന്നാൽ ബലാത്സംഗത്തിനും കൊലപാതകത്തിനും തെളിവുകള് ലഭിച്ചിട്ടില്ലെന്നാണ് പോലീസ് പറയുന്നത്. പുരാന നങ്കലിലെ ശ്മശാനത്തിന് സമീപത്ത് താമസിക്കുന്ന ഒന്പതുവയസുകാരിയാണ് കൊല്ലപ്പെട്ടത്. ശ്മശാനത്തിലെ കൂളറില് നിന്ന് വെള്ളം കൊണ്ടുവരാനായി പോയ പെണ്കുട്ടി മടങ്ങിയെത്താതായതോടെ വീട്ടുകാര് അന്വേഷിച്ചെത്തിയപ്പോഴായിരുന്നു കൊലപാതക…
കൊവിഡിനെതിരായ വാക്സിനേഷൻ താലിബാൻ ഭീകരർ നിരോധിച്ചു. അഫ്ഗാനിസ്ഥാനിൽ താലിബാൻ നിയന്ത്രണത്തിലാക്കിയ പാക്ത്യ പ്രവിശ്യയിലാണ് വാക്സിനേഷൻ നിരോധനം ഏർപ്പെടുത്തിയത്. പ്രവിശ്യയിലെ റീജ്യണൽ ആശുപത്രിയിൽ നിരോധനം സംബന്ധിച്ച നോട്ടീസ് താലിബാൻ ഭീകരർ പതിച്ചു അഫ്ഗാനിസ്ഥാന്റെ കൂടുതൽ മേഖലകൾ തീവ്രവാദികൾ കീഴടക്കി കൊണ്ടിരിക്കുകയാണ്. തലസ്ഥാന നഗരമായ കാബൂളിന് സമീപത്തുള്ള പ്രവിശ്യകൾ താലിബാൻ കീഴടക്കി കഴിഞ്ഞു. തന്ത്രപ്രധാനമായ കാണ്ഡഹാറും കഴിഞ്ഞ ദിവസം താലിബാൻ കീഴടക്കിയിട്ടുണ്ട്.