ന്യൂഡല്‍ഹി: സ്വര്‍ണവിലയില്‍ വീണ്ടും ചാഞ്ചാട്ടം. ഇന്ന് പവന് 800 രൂപ കുറഞ്ഞു. ഇതോടെ ഗ്രാമിന് 4,930യും പവന് 39,440 രൂപയുമായി. കഴിഞ്ഞ ദിവസം വില താഴോട്ട് പോയെങ്കിലും ഇന്നലെ രണ്ടുതവണ കൂടി പവന് 40,240 രൂപയിലെത്തിയിരുന്നു.
കൊല്ലം പരവൂരിൽ കടലിൽ കാണാതായ രണ്ട് മത്സ്യത്തൊഴിലാളികളിൽ ഒരാളുടെ മൃതദേഹം കണ്ടെത്തി. പരവൂർ തെക്കുംഭാഗം സ്വദേശി സക്കറിയ(50)യുടെ മൃതദേഹമാണ് ലഭിച്ചത്. പുലർച്ചെ ആറ് മണിയോടെയാണ് അപകടമുണ്ടായത്. പരക്കട പള്ളിക്ക് സമീപത്ത് വെച്ച് മത്സ്യബന്ധനത്തിന് പോയ നാല് പേരടങ്ങിയ സംഘത്തിന്റെ കട്ടമരം മറിയുകയായിരുന്നു. രണ്ട് പേർ നീന്തി രക്ഷപ്പെട്ടു. കാണാതായ ഇസുദ്ദീൻ എന്നയാൾക്കായി തെരച്ചിൽ തുടരുകയാണ്.
കൊച്ചി കോർപറേഷൻ മേയർ സൗമിനി ജെയിൻ സ്വയം നിരീക്ഷണത്തിൽ പോയി. കഴിഞ്ഞ ദിവസം കൊവിഡ് സ്ഥിരീകരിച്ച വാർഡ് കൗൺസിലറുമായി സമ്പർക്കത്തിൽ വന്നതിനെ തുടർന്നാണ് നടപടി. രോഗം സ്ഥിരീകരിച്ച കൗൺസിലറുമായി സമ്പർക്കത്തിൽ വന്ന മറ്റ് കൗൺസിലർമാരും ജീവനക്കാരും നിരീക്ഷണത്തിലാണ് ഇതോടെ വെള്ളിയാഴ്ച നടക്കേണ്ട കോർപറേഷൻ കൗൺസിൽ യോഗം ഓൺലൈനായി നടത്തും. കോർപറേഷൻ ഓഫീസ് ഇന്ന് അണുവിമുക്തമാക്കും. കുറച്ചു ദിവസം അടഞ്ഞുകിടന്നതിന് ശേഷമാകും ഓഫീസ് പ്രവർത്തനം പുനരാരംഭിക്കുക പശ്ചിമ കൊച്ചിയിൽ നിന്നുള്ള വാർഡ് കൗൺസിലർക്കാണ് കൊവിഡ് സ്ഥിരീകരിച്ചത്. പശ്ചിമ കൊച്ചിയിൽ…
രാജ്യത്ത് കൊവിഡ് ബാധിതരുടെ എണ്ണത്തിൽ വലിയ വർധനവ്. കഴിഞ്ഞ 24 മണിക്കൂറിനിടെ 64,531 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 27,67,274 ആയി ഉയർന്നു 1092 പേരാണ് കഴിഞ്ഞ ഒരു ദിവസത്തിനിടെ മരിച്ചത്. കൊവിഡ് ബാധിച്ച് രാജ്യത്ത് മരിച്ചവരുടെ എണ്ണം 52,889 ആയതായി കേന്ദ്ര ആരോഗ്യമന്ത്രാലയം അറിയിച്ചു. 1.91 ശതമാനമാണ് രാജ്യത്തെ മരണനിരക്ക്. 6,76,514 പേരാണ് നിലവിൽ ചികിത്സയിൽ കഴിയുന്നത്. 20,37, 871 പേർ രോഗമുക്തി നേടി. രോഗമുക്തി നിരക്ക് 73.64 ശതമാനമായി…
സംസ്ഥാനത്ത് രണ്ട് കൊവിഡ് മരണം കൂടി റിപ്പോർട്ട് ചെയ്തു. കോഴിക്കോടും ആലപ്പുഴയിലുമാണ് മരണം. കോഴിക്കോട് നല്ലളം അരീക്കാട് സ്വദേശി ഹംസയാണ് മരിച്ചത്. 72 വയസ്സായിരുന്നു. മെഡിക്കൽ കോളജ് ആശുപത്രിയിൽ ചികിത്സയിലായിരുന്നു ആലപ്പുഴയിൽ കനാൽ വാർഡ് സ്വദേശി ക്ലീറ്റസാണ് മരിച്ചത്. 82 വയസ്സായിരുന്നു. ഇന്നലെ രാത്രിയോടെ വീട്ടിൽ വെച്ചാണ് മരണം. കഴിഞ്ഞ ദിവസം പനിക്ക് ചികിത്സ തേടിയിരുന്നു. ഇദ്ദേഹത്തിന്റെ പരിശോധനാ ഫലവും പോസിറ്റീവാണ്.
സൈനിക കലാപത്തെ തുടർന്ന് മാലി പ്രസിഡന്റ് ഇബ്രാഹിം ബൗബാക്കർ കെയ്റ്റ രാജിവെച്ചു. പ്രസിഡന്റിനെയും പ്രധാനമന്ത്രി ബെബൗ സിസ്സെയെയും പട്ടാളക്കാർ ബന്ദികളാക്കിയിരുന്നു. ഇതിന് പിന്നാലെയാണ് രാജിപ്രഖ്യാപനം. രക്തച്ചൊരിച്ചിൽ ഒഴിവാക്കുന്നതിനായാണ് രാജിയെന്ന് കെയ്റ്റ പറഞ്ഞു ഔദ്യോഗിക ടെലിവിഷൻ ചാനൽ വഴിയാണ് സർക്കാരിനെ പിരിച്ചുവിട്ടതായി കെയ്റ്റ അറിയിച്ചത്. രാജിവെക്കാതെ മറ്റ് മാർഗങ്ങളില്ലെന്നും കെയ്റ്റ അറിയിച്ചു. കെയ്റ്റയുടെ രാജി ആവശ്യപ്പെട്ട് മാസങ്ങളായി മാലിയിൽ പ്രക്ഷോഭം നടന്നുവരികയാണ് ഇന്നലെ സായുധരായ സൈനികർ പ്രസിഡന്റിന്റെ വസതി വളയുകയും വെടിയുതിർക്കുകയുമായിരുന്നു. പ്രക്ഷോഭകരും സൈനികർക്കൊപ്പം ചേർന്നു. അതേസമയം കെയ്റ്റയും…
കാസർകോട് കുമ്പളയിൽ യുവാവിനെ വെട്ടിക്കൊന്ന കേസിലെ പ്രതി പിടിയിൽ. ശാന്തിപ്പള്ളം സ്വദേശി ശ്രീകുമാറാണ് പിടിയിലായത്. കൊല്ലപ്പെട്ട ഹരീഷ് ജോലി ചെയ്തിരുന്ന മില്ലിലെ ഡ്രൈവറാണ് ശ്രീകുമാർ. തിങ്കളാഴ്ച രാത്രിയാണ് ഹരീഷിനെ നായ്ക്കാപ്പിൽ വെച്ച് വെട്ടിക്കൊന്നത്. ഹരീഷ് ജോലി കഴിഞ്ഞ് വീട്ടിലേക്ക് മടങ്ങിവരുന്നതിനിടെ ബൈക്ക് തടഞ്ഞ് നിർത്തിയാണ് വെട്ടിയത്. തലയിലും കഴുത്തിലുമാണ് വെട്ടേറ്റത്. ശരീരത്തിൽ പത്തിലേറെ വെട്ടുകളേറ്റതായി പോലീസ് പറയുന്നു. അതിനിടെ പ്രതിയായ ശ്രീകുമാറിന്റെ രണ്ട് സുഹൃത്തുക്കളെ ആത്മഹത്യ ചെയ്ത നിലയിൽ കണ്ടെത്തി. റോഷൻ, മണികണ്ഠൻ എന്നിവരെയാണ് വീടിന് സമീപത്തെ…
ഡമസ്കസ്: സിറിയയിലെ അമേരിക്കൻ വ്യോമതാവളം ലക്ഷ്യമിട്ട് റോക്കറ്റ് ആക്രമണം. മൂന്ന് റോക്കറ്റുകളാണ് സിറിയയിലെ ദെയർ എസ് സോറിലുള്ള വ്യോമതാവളത്തിനു സമീപം പതിച്ചത്. സംഭവത്തിൽ ആളപായമോ മറ്റ് പ്രശനങ്ങളോ റിപ്പോർട്ട് ചെയ്തിട്ടില്ലെന്നാണ് വിവരം. ആരാണ് ആക്രമണത്തിനു പിന്നിലെന്നും വ്യക്തമല്ല.
ചെന്നൈ: വൻ പ്രതിഷേധത്തെത്തുടർന്ന് അടച്ചുപൂട്ടിയ തൂത്തുക്കുടി സ്റ്റെർലൈറ്റ് പ്ലാന്റ് തുറക്കാൻ അനുവദിക്കണമെന്നാവശ്യപ്പെട്ടു വേദാന്ത ഗ്രൂപ്പ് നൽകിയ ഹർജി മദ്രാസ് ഹൈക്കോടതി തള്ളി. കമ്പനിയുടെ പ്രവർത്തനം പ്രദേശത്തെ ജനജീവിതം ദുസ്സഹമാക്കുന്നുവെന്നതുൾപ്പെടെ എതിർഭാഗം ഉയർത്തിയ വാദങ്ങൾ അംഗീകരിച്ചാണു വിധി. ഉത്തരവ് നിരാശാജനകമാണെന്നു പ്രതികരിച്ച വേദാന്ത ഗ്രൂപ്പ്, സുപ്രീം കോടതിയെ സമീപിക്കുമെന്നറിയിച്ചു. ജസ്റ്റീസുമാരായ ടി.എസ്. ശിവജ്ഞാനം, വി. ഭവാനി സുബ്ബരായൻ എന്നിവരടങ്ങിയ ബെഞ്ചിന്‍റേതാണു വിധി. പരിസ്ഥിതിയുടെയും ജീവജാലങ്ങളുടെയും നിലനിൽപ്പാണു പ്രധാനമെന്ന് 800 പേജുള്ള വിധിന്യായത്തിൽ ചൂണ്ടിക്കാട്ടുന്നു. ഉപമുഖ്യമന്ത്രി ഒ. പനീർശെൽവം വിധി…
കൊച്ചി: സ്വര്‍ണക്കടത്ത് കേസ് പ്രതി സ്വപ്നാ സുരേഷിന് നെഞ്ചുവേദന. ഇതിനെ തുടര്‍ന്ന് ആശുപത്രിയില്‍ ചികിത്സ നല്‍കി. കഴിഞ്ഞദിവസം പുലര്‍ച്ചെയാണു അവര്‍ക്ക് നെഞ്ചു വേദനയുണ്ടായത്. ഉടന്‍ ആശുപത്രിയിലെത്തിച്ച് വിദഗ്ധ ചികിത്സ നല്‍കി. ഇസിജിയില്‍ ചെറിയ വ്യതിയാനം കണ്ടതായി സ്വപ്നയുടെ അഭിഭാഷകന്‍ ജിയോ പോള്‍ കോടതിയില്‍ അറിയിച്ചു. എറണാകുളം ജനറല്‍ ആശുപത്രിയിലാണ് അവരെ ചികിത്സയ്ക്കായി എത്തിച്ചത്. കാക്കനാട് ജില്ലാ ജയിലിലേക്ക് 26 വരെ റിമാന്‍ഡ് ചെയ്ത പ്രിന്‍സിപ്പല്‍ സെഷന്‍സ് കോടതി സ്വപ്‌നയ്ക്ക് എറണാകുളം ജനറല്‍ ആശുപത്രിയിലെ ഹൃദ്രോഗവിഭാഗത്തില്‍ ചികിത്സ നല്‍കാന്‍…