പയ്യന്നൂർ കോറോത്ത് നിന്ന് കാണാതായ 34കാരിയായ വീട്ടമ്മയെയും കാമുകനെയും പോലീസ് കോഴിക്കോട് നിന്ന് കണ്ടെത്തി. മാട്ടൂൽ സ്വദേശി ഹാരിസിനൊപ്പമാണ് യുവതി കടന്നുകളഞ്ഞത്. കഴിഞ്ഞ മാസം 26 മുതലാണ് യുവതിയെ കാണാതായത്. ഇതിൽ പയ്യന്നൂർ പോലീസ് അന്വേഷണം നടത്തിവരികയായിരുന്നു കസബ പോലീസിന്റെ സഹായത്തോടെ ഇരുവരെയും കോഴിക്കോട് മെഡിക്കൽ കോളജിന് സമീപത്തുള്ള വാടക വീട്ടിൽ നിന്ന് കണ്ടെത്തുകയായിരുന്നു. ബാങ്കിൽ നിന്ന് വായ്പയെടുത്ത നാല് ലക്ഷം രൂപയും ഒമ്പത് പവൻ സ്വർണവുമായാണ് യുവതി തന്റെ കുട്ടിയെയും ഉപേക്ഷിച്ച് കടന്നുകളഞ്ഞത്.

എറണാകുളത്ത് ബ്ലാക്ക് ഫംഗസ് ബാധ റിപ്പോർട്ട് ചെയ്തു. ഉദയംപേരൂർ സ്വദേശിനിയായ വീട്ടമ്മക്കാണ് ബ്ലാക്ക് ഫംഗസ് സ്ഥിരീകരിച്ചത്. കൊവിഡിന് പിന്നാലെയാണ് ബ്ലാക്ക് ഫംഗസ് ബാധ. വീട്ടമ്മയും ഭർത്താവും എറണാകുളത്തെ സ്വകാര്യ ആശുപത്രിയിൽ ചികിത്സയിലാണ് മുഖത്തെ തൊലിയിൽ എവിടെയെങ്കിലും ചെറിയ മാറ്റങ്ങൾ, തൊടുന്നത് അറിയാതിരിക്കുക തുടങ്ങിയവയാണ് ബ്ലാക്ക് ഫംഗസിന്റെ പ്രധാന ലക്ഷണങ്ങൾ. മുഖത്തിന്റെ ഏതെങ്കിലും ഒരു വശത്ത് കഠിനമായ വേദനയുമുണ്ടാകും. കണ്ണിന്റെ ചലനത്തെയും കാഴ്ചയെയും ബാധിക്കുന്ന അസ്വസ്ഥതകളും ഇതിന്റെ ഭാഗമാണ്.

  പാലക്കാട് ചിറ്റിലഞ്ചേരിയിൽ മകനെ പിതാവ് അടിച്ചു കൊന്നു. പാട്ട സ്വദേശി രതീഷാണ് കൊല്ലപ്പെട്ടത്. പിതാവ് ബാലനെ പോലീസ് കസ്റ്റഡിയിലെടുത്തു. തിങ്കളാഴ്ച രാത്രിയാണ് രതീഷ് കൊല്ലപ്പെട്ടത്. ഇയാൾ കൊവിഡ് പോസിറ്റീവായി ആശുപത്രിയിൽ ചികിത്സയിലായിരുന്നു. കഴിഞ്ഞ ദിവസം ആശുപത്രിയിൽ നിന്ന് മദ്യപിച്ചാണ് രതീഷ് വീട്ടിലെത്തിയത്. മദ്യപിച്ചെത്തിയ രതീഷ് അച്ഛനുമായി വഴക്കിടുകയും ബാലൻ മുളവടി കൊണ്ട് മകനെ മർദിക്കുകയുമായിരുന്നു. കൊലപ്പെടുത്താൻ ഉദ്ദേശിച്ചല്ല മർദിച്ചതെന്ന് ബാലൻ പറഞ്ഞു. കൊല്ലപ്പെട്ട രതീഷ് നേരത്തെ ചില കേസുകളിൽ പ്രതിയാണ്

  സംസ്ഥാനത്ത് തീയറ്ററുകളും ഓഡിറ്റോറിയങ്ങളും തുറക്കുന്ന കാര്യത്തിൽ തീരമാനം അടുത്ത ഘട്ടത്തിലെന്ന് മന്ത്രി സജി ചെറിയാൻ. സാഹചര്യം അനുകൂലമാണ്. ടിപിആർ കുറഞ്ഞു കൊണ്ടിരിക്കുന്നത് ആശ്വാസകരമാണ്. എത്രയും വേഗത്തിൽ തന്നെ തീരുമാനമുണ്ടാകുമെന്നും മന്ത്രി പറഞ്ഞു ടിപിആർ പത്ത് ശതമാനത്തിൽ താഴെ എത്തിയാൽ തീയറ്ററുകൾ തുറക്കാമെന്ന് സർക്കാർ നേരത്തെ പറഞ്ഞിരുന്നു. പൂജ അവധിയോടനുബന്ധിച്ച് തീയറ്ററുകൾ തുറക്കാമെന്ന ഉറപ്പാണ് മുമ്പ് നടന്ന ചർച്ചയിൽ സർക്കാർ നൽകിയത്. ആദ്യ ഘട്ടത്തിൽ അമ്പത് ശതമാനം സീറ്റിംഗ് പ്രകാരമാകും തീയറ്ററുകൾ തുറന്നു പ്രവർത്തിക്കുക. നാല് ഷോകൾ…

  വിയ്യൂർ സെൻട്രൽ ജയിലിൽ പ്രതികൾക്ക് ഫോൺ ഉപയോഗിക്കുന്നതിൽ ഉദ്യോഗസ്ഥർ സഹായം ചെയ്തു നൽകിയതായി കണ്ടെത്തൽ. സൂപ്രണ്ടിന്റെ ഓഫീസിലിരുന്ന് പ്രതികൾ ഫോൺ വിളിച്ചതായി കണ്ടെത്തി. ഉത്തരമേഖല ജയിൽ ഡിഐജിയുടെ റിപ്പോർട്ടിലാണ് ഇക്കാര്യമുള്ളത്. ജയിൽ സൂപ്രണ്ട് എ ജി സുരേഷ് ഉൾപ്പെടെയുള്ളവരാണ് ഫോൺ വിളിക്ക് ഒത്താശ ചെയ്തത്. ടിപി കേസ് പ്രതി കൊടി സുനിയുടെ ഫോൺ ദുരുപയോഗവും സ്ഥിരീകരിച്ചിട്ടുണ്ട്. സുപ്രണ്ട് എ ജി സുരേഷിനെതിരെ നടപടി ആവശ്യപ്പെട്ടാണ് റിപ്പോർട്ട് കൈമാറിയത്. ജയിൽ മേധാവി ഷേക് ദർവേഷ് സാഹേബിന് റിപ്പോർട്ട്…