താരസംഘടനയായ എഎംഎംഎയുടെ പ്രസിഡന്റായി മോഹൻലാൽ വീണ്ടും തെരഞ്ഞെടുക്കപ്പെട്ടു. ഇടവേള ബാബുവാണ് ജനറൽ സെക്രട്ടറി. വൈസ് പ്രസിഡന്റുമാരായി ആശാ ശരത്, ശ്വേതാ മേനോൻ എന്നിവരെയും ജോയിന്റ് സെക്രട്ടറിയായി ജയസൂര്യയെയും തെരഞ്ഞെടുത്തു. മോഹൻലാലിന്റെ നേതൃത്വത്തിലുള്ള നിലവിലെ ഭരണസമിതി രണ്ടാം തവണയാണ് തെരഞ്ഞെടുക്കപ്പെടുന്നത്.
ലോകത്തെ ഏറ്റവും ശക്തരായ സ്ത്രീകളുടെ പട്ടികയിൽ വീണ്ടും ഇടം നേടി ഇന്ത്യയുടെ ധനമന്ത്രി നിർമലാ സീതാരാമൻ. ഫോബ്സ് മാസിക പുറത്തിറക്കിയ ലോകത്തെ ശക്തരായ 100 സ്ത്രീകളുടെ പട്ടികയിൽ 37ാം സ്ഥാനമാണ് നിർമലാ സീതാരാമനുള്ളത്. തുടർച്ചയായ മൂന്നാം തവണയാണ് നിർമലാ സീതാരാമൻ പട്ടികയിൽ ഉൾപ്പെടുന്നത്. 2019ൽ 34ാം സ്ഥാനത്തും 2020ൽ 41ാം സ്ഥാനത്തുമായിരുന്നു അവർ. മറ്റ് മൂന്ന് സ്ത്രീകൾ കൂടി പട്ടികയിലുണ്ട്. എച്ച് സി എൽ കോർപറേഷൻ സിഇഒ റോഷ്നി നടാർ മൽഹോത്ര 52ാം സ്ഥാനത്തും ബയോകൺ…
ഹെലികോപ്റ്റർ അപകടത്തിൽ മരിച്ച സംയുക്ത സൈനിക മേധാവി ജനറൽ ബിപിൻ റാവത്ത് അടക്കമുള്ളവരുടെ മൃതദേഹങ്ങളും വഹിച്ചു കൊണ്ടുള്ള വിലാപയാത്രക്കിടെ രണ്ട് വാഹനാപകടങ്ങൾ. ആദ്യത്തെ അപകടത്തിൽ പോലീസുകാർ സഞ്ചരിച്ചിരുന്ന വാഹനം നിയന്ത്രണം നഷ്ടപ്പെട്ട് മതിലിൽ ഇടിക്കുകയായിരുന്നു. പത്ത് പോലീസുകാർക്ക് പരുക്കേറ്റു അപകടത്തിൽപ്പെട്ട ആരുടെയും പരുക്ക് സാരമുള്ളതല്ല. ഇവരെ ആശുപത്രിയിലേക്ക് മാറ്റി. വിലാപയാത്രയ്ക്ക് ഒപ്പമുണ്ടായിരുന്ന മറ്റ് ആംബുലൻസുകളിലാണ് പരുക്കേറ്റവരെ ആശുപത്രിയിലേക്ക് മാറ്റിയത് രണ്ടാമത് അപകടത്തിൽപ്പെട്ടത് മൃതദേഹം വഹിച്ചു കൊണ്ടുപോകുകയായിരുന്ന ആംബുലൻസാണ്. മറ്റൊരു വാഹനവുമായി ഇത് കൂട്ടിയിടിക്കുകയായിരുന്നു. തുടർന്ന് മൃതദേഹം…
കർഷക സമരം അവസാനിച്ചു. വിവാദമായ കാർഷിക നിയമങ്ങൾ പിൻവലിക്കുകയും കർഷകരുടെ മറ്റ് ആവശ്യങ്ങൾ കേന്ദ്രസർക്കാർ അംഗീകരിച്ച് രേഖാമൂലം ഉറപ്പ് നൽകുകയും ചെയ്തതോടെയാണ് സമരം ഔദ്യോഗികമായി അവസാനിപ്പിക്കാൻ കർഷക സംഘടനകൾ തീരുമാനിച്ചത്. ഡിസംബർ 11 മുതൽ ഡൽഹി അതിർത്തിയിൽ നിന്ന് കർഷകർ സ്വന്തം വീടുകളിലേക്ക് മടങ്ങുമെന്ന് സംയുക്ത കിസാൻ മോർച്ച അറിയിച്ചു നാളെ കർഷകർ ആദരാഞ്ജലി ദിനം ആചരിക്കും. ശനിയാഴ്ച വിജയാഘോഷം സംഘടിപ്പിക്കും. ഇതിന് ശേഷമാകും അതിർത്തി വിടുക. വിളകൾക്കുള്ള താങ്ങുവില നിയമപരമായി ഉറപ്പാക്കുന്നതിന് നടപടി സ്വീകരിക്കാനും…
ആലപ്പുഴ: സംസ്ഥാനത്ത് വീണ്ടും പക്ഷിപ്പനി സ്ഥിരീകരിച്ചു. പുറക്കാട്ട് താറാവുകൾ ചാകാൻ കാരണം പക്ഷിപ്പനിയെന്നാണ് ഭോപ്പാലിലെ നാഷണൽ ഇൻസ്റ്റിറ്റ്യൂട്ട് ഓഫ് ഹൈ സെക്യൂരിറ്റി ആനിമൽ ഡിസീസസ് സംസ്ഥാന മൃഗസംരക്ഷണ വകുപ്പിനെ അറിയിച്ചത്. ഇതേ തുടർന്ന് തകഴി പഞ്ചായത്തിൽ താറാവുകളെ കൊന്നൊടുക്കാൻ മൃഗസംരക്ഷണ വകുപ്പ് നിർദേശം നൽകി. ഇതിനായി 10 ടീമുകളെ നിയോഗിച്ചു. എച്ച്5എൻ1 ഇൻഫ്ലുവൻസ ഇനത്തിൽ പെട്ട വൈറസുകൾ താറാവുകൾക്ക് ബാധിച്ചതായാണ് പരിശോധനയിലെ കണ്ടെത്തൽ. എച്ച്5എൻ1 ഇൻഫ്ലുവൻസ വൈറസ് വായുവിലൂടെയും പകരാൻ സാധ്യതയുണ്ട്. പക്ഷികളിൽ അതിവേഗം വ്യാപിക്കുകയും…
മുണ്ടക്കയം: കെകെ റോഡിൽ പെരുവന്താനത്തിന് സമീപം അമലഗിരിയിൽ അയ്യപ്പഭക്തർ സഞ്ചരിച്ചിരുന്ന വാഹനം റോഡ് വശത്തേക്ക് ഇടിച്ചുകയറി രണ്ടു തീർഥാടകർ മരിച്ചു. ആന്ധ്രാപ്രദേശിലെ കർണൂൽ സ്വദേശികളായ ആദിനാരായണൻ, ഈശ്വരപ്പ എന്നിവരാണ് മരിച്ചത്.
ചെന്നൈ: തമിഴ് സിനിമ സംവിധായകന് എം ത്യാഗരാജനെ റോഡരികില് മരിച്ചനിലയില് കണ്ടെത്തി. വടപളനി എ വി എം സ്റ്റുഡിയോക്ക് എതിര്വശത്താണ് മൃതദേഹം കണ്ടെത്തിയത്. എ വി എം പ്രൊഡക്ഷന്സിന്റെ 150-ാമത്തെ സിനിമയായ മാനഗര കാവല് (1991) സംവിധാനം ചെയ്തത് ത്യാഗരാജനായിരുന്നു. വിജയകാന്ത് നായകനായ സിനിമ സൂപ്പര് ഹിറ്റായിരുന്നു.
മുല്ലപ്പെരിയാർ ഡാമിൽ നിന്നും തമിഴ്നാട് മുന്നറിയിപ്പില്ലാതെ വെള്ളം തുറന്നുവിടുന്നതിനെതിരായി കേരളം സമർപിച്ച ഹർജി സുപ്രീം കോടതി നാളെ പരിഗണിക്കും. കേസ് അടിയന്തരമായി പരിഗണിക്കണമെന്ന് കേരളം ഇന്ന് ആവശ്യപ്പെട്ടിരുന്നു. മുന്നറിയിപ്പില്ലാതെ മുല്ലപ്പെരിയാറിൽ നിന്ന് വെള്ളം ഒഴുക്കുന്നതിനിടെ വ്യാപക പ്രതിഷേധമുയർന്നതിന് പിന്നാലെയാണ് സർക്കാർ സുപ്രീം കോടതിയെ സമീപിച്ചത്വീ ടുകളിൽ വെള്ളം കയറിയുണ്ടായ ദുരിത കാഴ്ചകളുടെ ദൃശ്യങ്ങളും ചിത്രങ്ങളും സുപ്രീം കോടതിയിൽ നൽകിയ അപേക്ഷക്കൊപ്പം വെച്ചിട്ടുണ്ട്. അടിയന്തര ഇടപെടൽ വേണ്ട വിഷയമാണിതെന്ന് സുപ്രീം കോടതി നിർദേശം നൽകിയിട്ടും മേൽനോട്ട സമിതി…
തൃശ്ശൂർ മെഡിക്കൽ കോളജിൽ രോഗിയിൽ നിന്ന് കൈക്കൂലി വാങ്ങുന്നതിനിടെ ഡോക്ടർ വിജിലൻസ് പിടിയിൽ. സർജനായ ഡോ. കെ ബാലഗോപാലാണ് കൈക്കൂലി വാങ്ങുന്നതിനിടെ പിടിയിലായത്. കാൽമുട്ട് ശസ്ത്രക്രിയക്കായി രോഗിയിൽ നിന്ന് 20,000 രൂപയാണ് കൈക്കൂലി വാങ്ങിയത്. വിയ്യൂരിലെ വസതിയിൽ വെച്ചാണ് ഡോക്ടറെ അറസ്റ്റ് ചെയ്തത്.
രാജ്യത്ത് കഴിഞ്ഞ 24 മണിക്കൂറിനിടെ 9419 പേർക്ക് കൊവിഡ് സ്ഥിരീകരിച്ചു. 159 പേർ മരിച്ചതോടെ ആകെ മരണസംഖ്യ 4,74,111 ആയി. ഇതുവരെ 3,46,66,241 പേർക്കാണ് രാജ്യത്ത് വൈറസ് ബാധ സ്ഥിരീകരിച്ചത്. 94,742 പേരാണ് നിലവിൽ സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി കഴിയുന്നത്. കഴിഞ്ഞ ദിവസത്തെ കണക്കുകളെക്കാൾ 11.6% കൂടുതലാണ് ഇന്നത്തെ കണക്കുകൾ. 8,251 പേർ 24 മണിക്കൂറിനിടെ രോഗമുക്തി നേടി. അതേസമയം മഹാരാഷ്ട്രയിൽ ആദ്യമായി ഒമിക്രോൺ സ്ഥിരീകരിച്ചയാൾ രോഗമുക്തനായി. 33കാരനായ മറൈൻ എൻജിനീയറാണ് രോഗമുക്തി നേടി…