സിപിഎം കണ്ണൂർ ജില്ലാ സെക്രട്ടറിയായി എം വി ജയരാജനെ വീണ്ടും തെരഞ്ഞെടുത്തു. എരിപുരത്ത് ചേർന്ന ജില്ലാ സമ്മേളനമാണ് എം വി ജയരാജനെ സെക്രട്ടറിയായി തെരഞ്ഞെടുത്തത്. കഴിഞ്ഞ ലോക്‌സഭാ തെരഞ്ഞെടുപ്പിൽ പി ജയരാജൻ വടകര മണ്ഡലം സ്ഥാനാർഥിയായ സാഹചര്യത്തിലാണ് എം വി ജയരാജൻ ജില്ലാ സെക്രട്ടറി സ്ഥാനത്തേക്ക് എത്തിയത്  

  പച്ചക്കറിക്ക് വിലക്കയറ്റം തുടരുന്ന സാഹചര്യത്തിൽ ആശങ്ക വേണ്ടെന്ന് ഭക്ഷ്യമന്ത്രി ജി ആർ അനിൽ. ജനങ്ങൾക്ക് ആശങ്ക വേണ്ടെന്നും ഇടപെടൽ നടത്തുമെന്നും അദ്ദേഹം വ്യക്തമാക്കി. വിലക്കയറ്റം തടയാൻ സർക്കാർ സ്വീകരിക്കുന്ന നടപടികൾ ഇന്ന് ഉച്ചയ്ക്ക് ശേഷം മന്ത്രി മാധ്യമങ്ങളെ കണ്ട് വിശദീകരിക്കും. പച്ചക്കറിക്ക് വിലക്കയറ്റം തുടരുകയാണ്. വെള്ളരിക്ക് ഓണക്കാലത്തേക്കാൾ കൂടിയ വിലയാണ് നിലവിൽ. വെണ്ടയ്ക്ക, വഴുതന, ബീറ്റ്റൂട്ട്, സവാള, ചുവന്നുള്ളി എന്നിവയ്ക്കും വില ഉയർന്നു തന്നെ. എന്നാൽ ആളുകൾ വാങ്ങുന്നതിന്റെ അളവ് കുറച്ചതോടെ തക്കാളിക്ക് പത്ത് രൂപ…

  മലപ്പുറത്ത് സിപിഎം നേതാവായ അധ്യാപകനെതിരെ പോക്‌സോ കേസ്. എടക്കര സിപിഎം ഏരിയ കമ്മിറ്റി അംഗം സുകുമാരനെതിരെയാണ് കേസെടുത്തത്. അധ്യാപകൻ മോശമായി പെരുമാറിയെന്ന വിദ്യാർഥിനികളുടെ പരാതിയിലാണ് കേസ് സിപിഎം നിയന്ത്രണത്തിലുള്ള നിലമ്പൂർ സഹകരണ കോളജ് സെക്രട്ടറിയും അധ്യാപകനുമാണ് സുകുമാരൻ. നാല് വിദ്യാർഥികളുടെ പരാതിയിൽ രണ്ട് കേസുകളാണ് രജിസ്റ്റർ ചെയ്തിരിക്കുന്നത്. മജിസ്‌ട്രേറ്റ് വിദ്യാർഥിനികളുടെ രഹസ്യ മൊഴിയും രേഖപ്പെടുത്തിയിട്ടുണ്ട്.

  വി സി നിയമന വിവാദത്തിൽ സർക്കാരുമായി ഒരു ഏറ്റുമുട്ടൽ ആഗ്രഹിക്കുന്നില്ലെന്ന് ആരിഫ് മുഹമ്മദ് ഖാൻ. സർക്കാരുമായി ഒരു ഏറ്റുമുട്ടൽ ആഗ്രഹിക്കുന്നില്ലെന്നും ഇതിന് പരിഹാരം മുഖ്യമന്ത്രി പിണറായി വിജയനെ ചാൻസലറാക്കുക എന്നതാണെന്നും ഗവർണർ പറഞ്ഞു രാഷ്ട്രീയ ഇടപെടൽ ഉണ്ടാകില്ലെന്ന പരിപൂർണ ഉറപ്പ് ലഭിക്കാതെ തന്റെ നിലപാട് പുനഃപരിശോധിക്കില്ല. ആരെ വേണമെങ്കിലും സർക്കാരിന് സർവകലാശാലകളിൽ വൈസ് ചാൻസലറായി നിയമിക്കാം. സർക്കാരുമായി ഒരു ഏറ്റുമുട്ടൽ ഒഴിവാക്കാൻ വേണ്ടിയാണ് ചാൻസലർ സ്ഥാനം ഒഴിയാമെന്ന് പറഞ്ഞത് ചാൻസലർ സ്ഥാനം ഒഴിവാക്കി സർക്കാരിന് ഓർഡിനൻസ്…

  തിരുവനന്തപുരം പോത്തൻകോട് യുവാവിനെ വീട്ടിൽ കയറി വെട്ടിക്കൊലപ്പെടുത്തിയ ശേഷം കാൽ മുറിച്ച് മാറ്റി റോഡിലെറിഞ്ഞ സംഭവത്തിൽ നാല് പേർ പിടിയിൽ. കൃത്യത്തിൽ പങ്കെടുത്ത ഒരാളും കൊലപാതകികൾക്ക് സഹായം നൽകിയ ഒരാളുമാണ് പിടിയിലായത്. പ്രതികൾ കൊലപാതകം നടത്തുന്നതിന് മുമ്പ് ട്രയൽ റൺ നടത്തിയിരുന്നു. മംഗലപുരം മങ്ങോട് പാലത്തിൽ വെച്ച് ബോംബ് എറിഞ്ഞാണ് ട്രയൽ നടത്തിയത്. ഇതിന് പിന്നാലെ ഉച്ചയ്ക്ക് രണ്ടരയോടെ സുധീഷിനെ വെട്ടിക്കൊലപ്പെടുത്തി. സുധീഷ് ഒളിച്ച് താമസിച്ചിരുന്ന കല്ലൂരിൽ ഓട്ടോയിലും രണ്ട് ബൈക്കുകളിലുമെത്തിയ പത്തംഗ സംഘമാണ് വെട്ടിക്കൊലപ്പെടുത്തിയത്….