പുരുഷൻമാർ രാജ്യം വിടുന്നതിന് വിലക്ക്; ജനങ്ങൾക്ക് ആയുധം നൽകുമെന്നും യുക്രൈൻ പ്രസിഡന്റ്

റഷ്യൻ അധിനിവേശം ശക്തമായി തുടരുന്നതിനിടെ ചെറുത്തു നിൽപ്പ് ശക്തമാക്കാനൊരുങ്ങി യുക്രൈൻ. രാജ്യത്തെ സംരക്ഷിക്കാൻ ജനങ്ങളോട് ആയുധം കൈയിലെടുക്കാൻ യുക്രൈൻ പ്രസിഡന്റ് വ്‌ളാദിമിർ സെലൻസ്‌കി നിർദേശിച്ചു. റഷ്യൻ സൈന്യം യുക്രൈൻ തലസ്ഥാനമായ കീവ് ലക്ഷ്യമാക്കി നീങ്ങവെയാണ് സെലൻസ്‌കിയുടെ ആഹ്വാനം. രാജ്യത്തിനായി പോരാടാനുള്ള ഏതൊരാൾക്കും സർക്കാർ ആയുധം നൽകുമെന്നാണ് പ്രസിഡന്റ് പറയുന്നത്

സന്നദ്ധരായ ജനങ്ങൾക്ക് ആയുധം നൽകുമെന്നും അതിനാവാശ്യമായ നിയമപരമായ ഉത്തരവുകൾ പുറപ്പെടുവിക്കുമെന്നും സെലൻസ്‌കി ട്വീറ്റ് ചെയ്തു. പതിനെട്ടിനും അറുപതിനും ഇടയിൽ പ്രായമുള്ള പുരുഷൻമാർ രാജ്യം വിടുന്നത് വിലക്കി. വിവിധ നഗരങ്ങളിൽ നിന്ന് കൂട്ടപ്പലായനം നടക്കുന്നതിനിടെയാണ് പുതിയ ഉത്തരവ്.

തലസ്ഥാനമായ കീവ് അടക്കം എല്ലാ നഗരങ്ങളിലും റഷ്യൻ ആക്രമണം ശക്തമാണ്. ഇന്ന് രാത്രിക്ക് മുമ്പായി കീവ് റഷ്യ കീഴടക്കിയേക്കുമെന്നാണ് റിപ്പോർട്ടുകൾ. ആദ്യ ദിവസത്തെ യുദ്ധത്തിൽ മാത്രം 137 പേർ കൊല്ലപ്പെട്ടു. നാറ്റോയിലെ 27 അംഗ രാജ്യങ്ങളോടും സഹായം തേടിയിട്ടും ആരും ചെവികൊണ്ടില്ലെന്ന് സെലൻസ്‌കി നേരത്തെ അറിയിച്ചിരുന്നു.

Read More

ആയുധം വെച്ച് കീഴടങ്ങണമെന്ന് യുക്രൈനോട് പുടിൻ; കീവിലടക്കം വൻ സ്‌ഫോടനങ്ങൾ റഷ്യയിലും സ്‌ഫോടനം, റഷ്യൻ വിമാനം വെടിവെച്ചിട്ടതായും യുക്രൈൻ; യുദ്ധം രൂക്ഷമാകുന്നു യുക്രൈനെ റഷ്യ ബുധനാഴ്ചയോടെ ആക്രമിച്ചേക്കുമെന്ന് യുക്രൈൻ പ്രസിഡന്റ് ഒറ്റപ്പെട്ടുവെന്ന് യുക്രൈൻ പ്രസിഡന്റ്, ആരും സഹായിക്കാൻ തയ്യാറായില്ല: ആദ്യ ദിനം കൊല്ലപ്പെട്ടത് 137 പേർ