ബാഴ്‌സലോണയുമായുള്ള 19 വർഷം നീണ്ടുനിന്ന ബന്ധം ലയണൽ മെസി അവസാനിപ്പിക്കുന്നു. ഇന്നലെ ചേർന്ന ബോർഡ് യോഗത്തിൽ ക്ലബ്ബിനൊപ്പം തുടരാനാഗ്രഹമില്ലെന്ന് മെസി ഫാക്‌സ് സന്ദേശത്തിലൂടെ അറിയിക്കുകയായിരുന്നു.
മെസിയുടെ ആഗ്രഹം ക്ലബ് അംഗീകരിച്ചതായാണ് റിപ്പോർട്ടുകൾ. അതേസമയം വിഷയത്തിൽ ബാഴ്‌സലോണ ഇതുവരെ സ്ഥിരീകരണം നടത്തിയിട്ടില്ല. ബാഴ്‌സലോണ വിടാനുള്ള മെസ്സിയുടെ തീരുമാനത്തെ പിന്തുണച്ച് മുൻതാരം കാർലസ് പുയോൾ രംഗത്തുവന്നു. പുയോളിന്റെ ട്വീറ്റിന് സുവാരസ് പ്രതികരണവും ഇട്ടതോടെ മെസ്സിയുടെ വിടവാങ്ങൽ ഏറെക്കുറെ സ്ഥിരീകരിച്ച മട്ടാണ്.
സീസണിൽ ഒരു കിരീടം പോലും നേടാൻ ബാഴ്‌സലോണക്ക് സാധിച്ചിരുന്നില്ല. ചാമ്പ്യൻസ് ലീഗ് ക്വാർട്ടറിൽ ബയേൺ മ്യൂണിക്കിനോട് 8-2ന്റെ കനത്ത പരാജയം ഏറ്റുവാങ്ങേണ്ടി വന്നതോടെ മെസ്സിയുടെ അസ്വസ്ഥതകൾ വർധിച്ചുവെന്നാണ് കരുതപ്പെടുന്നത്. പുതിയ പരിശീലകൻ റൊണാൾഡോ കോമാനൊപ്പം പ്രവർത്തിക്കാനുള്ള താത്പര്യക്കുറവും മെസ്സിക്കുണ്ട്
പെപ് ഗാർഡിയോള പരിശീലിപ്പിക്കുന്ന മാഞ്ചസ്റ്റർ സിറ്റിയിലേക്കോ നെയ്മർ തുടരുന്ന പി എസ് ജിയിലേക്കോ താരം പോയേക്കുമെന്നാണ് സൂചനകൾ.
Read More
മെസ്സി പി എസ് ജിയിലേക്കെന്ന് സൂചന; ഫുട്‌ബോൾ ലോകത്ത് ചൂടേറിയ ചർച്ച
ഫുട്‌ബോൾ ലോകത്തിന് ഞെട്ടൽ: ലയണൽ മെസി ബാഴ്‌സലോണ വിട്ടു, കരാർ പുതുക്കിയില്ല
ലോകത്തിലെ ഏറ്റവും ധനികനായ ഫുട്‌ബോളറുടെ പട്ടികയില്‍ ബാഴ്‌സലോണ സൂപ്പര്‍ താരം ലയണല്‍ മെസി ഒന്നാമത്
ഔദ്യോഗിക പദവി ദുരുപയോഗം ചെയ്തിട്ടില്ല; സ്വപ്‌നയുമായി ഉണ്ടായിരുന്നത് സൗഹൃദം മാത്രം: ശിവശങ്കര്‍
