തൃശ്ശൂർ ഇരിങ്ങാലക്കുടയിൽ വിഷമദ്യം കഴിച്ച് രണ്ട് പേർ മരിച്ചു. ഇരിങ്ങാലക്കുട സ്വദേശികളായ നിശാന്ത്, ബിജു എന്നിവരാണ് മരിച്ചത്. ഇന്നലെ രാത്രി ഒമ്പത് മണിയോടെയാണ് ഇവർ മദ്യം കഴിച്ചത്. ഇതിന് പിന്നാലെ കുഴഞ്ഞുവീഴുകയായിരുന്നു. രുവരെയും ആശുപത്രിയിൽ എത്തിച്ചെങ്കിലും നിശാന്ത് ഇന്നലെ രാത്രിയോടെയും ബിജു ഇന്ന് രാവിലെയും മരിച്ചു. ഇവർ കഴിച്ച മദ്യത്തിന്റെ സാമ്പിൾ പോലീസ് ശേഖരിച്ചിട്ടുണ്ട്. സ്പിരിറ്റ് പോലുള്ള ദ്രാവകം കഴിച്ചതാണ് മരണകാരണമെന്ന് പോലീസ് സംശയിക്കുന്നു. പോലീസ് അന്വേഷണം ആരംഭിച്ചു.

സ്വർണക്കടത്ത് കേസിലെ പ്രതികളായ ഫൈസൽ ഫരീദിനെയും റബിൻസണെയും ദുബൈയിൽ അറസ്റ്റ് ചെയ്തതായി എൻഐഎ. യുഎഇ ഭരണകൂടമാണ് ഇവരെ അറസ്റ്റ് ചെയ്തത്. ആറ് പ്രതികൾക്കെതിരെ ഇന്റർ പോൾ വഴി ബ്ലൂ കോർണർ നോട്ടീസ് നൽകിയെന്നും എൻ ഐ എ അറിയിച്ചു   കേസിലെ മൂന്നാം പ്രതിയാണ് ഫൈസൽ ഫരീദ്. കൊടുങ്ങല്ലൂർ മൂന്നുപിടീക സ്വദേശിയാണ് ഇയാൾ. ഫൈസൽ ഫരീദ് നേരത്തെയും ദുബൈയിൽ അറസ്റ്റിലായെന്ന് റിപ്പോർട്ടുകൾ വന്നിരുന്നുവെങ്കിലും എൻഐഎ സ്ഥിരീകരിച്ചിരുന്നില്ല.

കനത്ത മഴയിൽ തിരുവനന്തപുരത്ത് റെയിൽവേ ട്രാക്കിൽ മൂന്നിടത്ത് മണ്ണിടിഞ്ഞു. പാറശ്ശാല, എരണി, കുഴിത്തുറ എന്നിവിടങ്ങളിലാണ് മണ്ണിടിഞ്ഞത്. ഇതേ തുടർന്ന് തിരുവനന്തപുരം-നാഗർകോവിൽ റൂട്ടിൽ ട്രെയിൻ ഗതാഗതം പൂർണമായും തടസ്സപ്പെട്ടു. രണ്ട് ട്രെയിനുകൾ റദ്ദാക്കി. 10 ട്രെയിനുകൾ ഭാഗികമായി റദ്ദാക്കി 16366 നാഗർകോവിൽ-കോട്ടയം പാസഞ്ചറും, 16127 ചെന്നൈ എഗ്മോർ-ഗുരുവായൂർ എക്‌സ്പ്രസുമാണ് പൂർണമായും റദ്ദാക്കിയ ട്രെയിനുകൾ 16525 കന്യാകുമാരി-ബംഗളുരൂ ഐലൻസ് എക്‌സ്പ്രസ് തിരുവനന്തപുരത്ത് നിന്ന് യാത്ര തുടങ്ങും. തിരികെ തിരുവനന്തപുരത്ത് യാത്ര അവസാനിപ്പിക്കും 16723 ചെന്നൈ എഗ്മോർ-കൊല്ലം അനന്തപുരം എക്‌സ്പ്രസ് നാഗർകോവിൽ…

  ദിിലീപ് അടക്കമുള്ള പ്രതികൾ ഹാജരാക്കിയ ഫോണുകളുടെ അൺലോക്ക് പാറ്റേൺ നൽകാൻ നിർദേശം. ഇന്ന് വൈകുന്നേരം അഞ്ച് മണിക്ക് മുമ്പ് ദിലീപിന്റെയും പ്രതികളുടെയും ഫോണുകളുടെ അൺലോക്ക് പാറ്റേൺ നൽകാനാണ് നിർദേശം. ദിലീപ് അടക്കമുള്ള പ്രതികൾക്ക് ഇക്കാര്യം ആവശ്യപ്പെട്ട് ആലുവ ഫസ്റ്റ് ക്ലാസ് ജുഡീഷ്യൽ മജിസ്‌ട്രേറ്റ് കോടതി നോട്ടീസ് അയച്ചു പ്രതികളോ അഭിഭാഷകരോ നേരിട്ടെത്തണമെന്നാണ് നിർദേശം. ഫോണുകൾ തിരുവനന്തപുരം ഫോറൻസിക് ലാബിൽ പരിശോധിക്കണമെന്നാണ് ക്രൈംബ്രാഞ്ച് ആവശ്യപ്പെട്ടത്. കോടതി അനുമതിയോടെ ദിലീപിന്റെ ശബ്ദ പരിശോധന നടത്താനും അന്വേഷണ സംഘം നടപടി…

ഇടുക്കിയിൽ ഉരുൾപൊട്ടലുണ്ടായ പെട്ടിമുടിയിൽ നിന്നും ഒരു മൃതദേഹം കൂടി കണ്ടെത്തി. പെട്ടിമുടിയിൽ നിന്ന് 10 കിലോമീറ്റർ മാറി പുഴയിൽ നടത്തിയ തെരച്ചിലാണ് ഒൻപത് വയസുകാരന്റെ മൃതദേഹം കിട്ടിയത്. അപകടത്തിൽ അകപ്പെട്ട എട്ട് പേരെയാണ് ഇനി കണ്ടെത്താനുള്ളത്. ഇതോടെ ദുരന്തത്തിൽ മരിച്ചവരുടെ എണ്ണം 62 ആയി. മണ്ണിനടിയിൽ അകപ്പെട്ടവരെ കണ്ടെത്താൻ പെനിട്രേറ്റിംഗ് റഡാർ സംവിധാനം ഉപയോഗിച്ചാണ് തെരച്ചിൽ. എട്ട് പേരെയാണ് ഇനി കണ്ടെത്താനുള്ളത്. അതേസമയം പെട്ടിമുടി അപകടത്തിൽ മരിച്ചവരുടെ കുടുംബങ്ങൾക്ക് തമിഴ്നാട് സർക്കാർ മൂന്ന് ലക്ഷം രൂപ സഹായധനം…

ആന്ധ്രാപ്രദേശിൽ നിന്നും അങ്കമാലിയിലേക്ക് കൊണ്ടുവന്ന കഞ്ചാവ് പിടികൂടി. പാലക്കാട് ദേശീയപാതയിൽ വെച്ച് എക്‌സൈസ് സംഘം നടത്തിയ പരിശോധനയിലാണ് കഞ്ചാവ് പിടികൂടിയത്. പൂച്ചെടി ലോഡ് കയറ്റിവന്ന ലോറിയിലാണ് കഞ്ചാവ് ഒളിപ്പിച്ചിരുന്നത്. 56 കിലോയിലധികം കഞ്ചാവാണ് പിടികൂടിയത്. രണ്ട് പേരെ എക്‌സൈസ് സംഘം കസ്റ്റഡിയിലെടുത്തു. ചാലക്കുടി സ്വദേശി സുനു ആന്റണി, വയനാട് സ്വദേശി നിഖിൽ എന്നിവരാണ് പിടിയിലായത്. ലോറിയുടെ ഡ്രൈവിംഗ് സീറ്റിനോട് ചേർന്ന ബോക്‌സിലായിരുന്നു കഞ്ചാവ്.