കർണാടക പിസിസി അധ്യക്ഷൻ ഡി കെ ശിവകുമാറിന് കൊവിഡ് സ്ഥിരീകരിച്ചു. ശിവകുമാറിനെ ബംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചു. സംസ്ഥാനത്തെ വെള്ളപ്പൊക്ക ദുരിതാശ്വാത പ്രവർത്തനങ്ങളിൽ സജീവമായിരുന്നു ശിവകുമാർ. ഇതിനിടെയാണ് കൊവിഡ് ബാധിച്ചതെന്ന് കരുതുന്നു താനുമായി സമ്പർക്കത്തിൽ വന്നവർ നിരീക്ഷണത്തിൽ പോകണമെന്ന് ശിവകുമാർ ആവശ്യപ്പെട്ടിട്ടുണ്ട്. നേരത്തെ കർണാടക മുഖ്യമന്ത്രി യെദ്യൂരപ്പക്കും പ്രതിപക്ഷ നേതാവ് സിദ്ധരാമയ്യക്കും കൊവിഡ് സ്ഥിരീകരിച്ചിരുന്നു. ഇരുവരും ആശുപത്രി വിട്ടു. അഞ്ച് മന്ത്രിമാർക്കും കൊവിഡ് സ്ഥിരീകരിച്ചിട്ടുണ്ട്.  

ജമ്മു കാശ്മീരിലെ വുസാൻപഠാനിൽ മൂന്ന് ലഷ്‌കർ ത്വയ്ബ ഭീകരർ പിടിയിൽ. പൽഹലാനിൽ ഗ്രനേഡ് ആക്രമണം നടത്തിയ സംഘത്തിലെ മൂന്ന് പേരാണ് പിടിയിലായത്. ആസിഫ് അഹമ്മദ് റെഷി, മെഹർജുദ്ദീൻ, ഫൈസൽ ഹബീബ് ലോൺ എന്നിവരാണ് അറസ്റ്റിലായത്. ഇവർ ബന്ദിപോര സ്വദേശികളാണ്. പതിവ് പട്രോളിംഗിനിടെയാണ് സുരക്ഷാ സേന ഇവരെ പിടികൂടിയത്.

560 ആദിവാസി കുട്ടികൾക്ക് സഹായവുമായി ഇതിഹാസ താരം സച്ചിൻ തെണ്ടുൽക്കർ. എൻജിഓ പരിവാർ എന്ന സന്നദ്ധ സംഘടനയുമായി കൈകോർത്താണ് സച്ചിൻ സാമ്പത്തികമായി പിന്നാക്കം നിൽക്കുന്ന കുട്ടികളെ സഹായിക്കുക. മധ്യപ്രദേശിലെ സേഹോർ ജില്ലയിലുള്ള കുഗ്രാമങ്ങളിലെ കുട്ടികൾക്കാണ് ക്രിക്കറ്റ് ഇതിഹാസത്തിൻ്റെ സഹായം എത്തുക. സെവാനിയ, ബീല്പാട്ടി, ഖാപ, നയപുര, ജമുൻഝീൽ തുടങ്ങിയ ഗ്രാമങ്ങളിൽ നിന്നുള്ള കുട്ടികളെയാണ് സച്ചിൻ സഹായിക്കുക. ഇവർക്ക് പോഷകാഹാരവും വിദ്യാഭ്യാസവും ഇവർ ഒരുക്കും. യുണിസെഫിൻ്റെ ഗുഡ്‌വിൽ അംബാസിഡറായ സച്ചിൻ മുൻപും കുട്ടികളെ സഹായിച്ചിരുന്നു. കൊവിഡ് പ്രതിരോധ പ്രവർത്തനങ്ങളിലും…