കൊടകര കുഴൽപ്പണ കേസുമായി ബിജെപിക്ക് യാതൊരു ബന്ധവുമില്ലെന്ന് ആവർത്തിച്ച് ബിജെപി സംസ്ഥാന പ്രസിഡന്റ് കെ സുരേന്ദ്രൻ. കുഴൽപ്പണം കടത്തി എന്നൊരു കേസ് തങ്ങൾക്കെതിരെയില്ല. ക്രമക്കേടുണ്ടെന്ന് തെളിഞ്ഞാൽ ജയിലിൽ പോകാനും തൂക്കിക്കൊലയ്ക്ക് വിധേയനാകാനും തയ്യാറാണെന്നും സുരേന്ദ്രൻ പറഞ്ഞു
കേരളത്തിൽ വ്യാപകമായി ഐ എസ് റിക്രൂട്ട്മെന്റ് നടക്കുന്നുവെന്ന് ഡിജിപിയുടെ വെളിപ്പെടുത്തൽ വളരെ ഗൗരവമേറിയ വിഷയമാണ്. ഇക്കാര്യത്തിൽ മുഖ്യമന്ത്രി പിണറായി വിജയൻ നിലപാട് വ്യക്തമാക്കണം. കേരളത്തിൽ നിന്നും ഐ എസ് റിക്രൂട്ട്മെന്റ് നടക്കുന്നുണ്ടെന്ന വസ്തുത ബിജെപി ആദ്യം മുതൽക്കെ ചൂണ്ടിക്കാട്ടിയിരുന്നു. പോലീസ് സേനയിലും ഐ എസ് സാന്നിധ്യമുണ്ടെന്ന് സുരേന്ദ്രൻ പറഞ്ഞു
ലൗ ജിഹാദ് സംഘങ്ങളുണ്ടെന്ന് പറഞ്ഞപ്പോൾ ഇതിനെ എതിർത്ത് സർക്കാർ സത്യവാങ്മൂലം നൽകി. വസ്തുതാ വിരുദ്ധമാണ് ഇടതുപക്ഷ നിലപാട്. കേരളത്തിലെ അവസ്ഥ ഇപ്പോഴെങ്കിലും തുറന്നുപറഞ്ഞ ഡിജിപിയെ അഭിനന്ദിക്കുന്നുവെന്നും സുരേന്ദ്രൻ പറഞ്ഞു.