National

  രാജ്യത്ത് നാളെ മുതൽ ആരംഭിക്കുന്ന 18-45 വയസ്സ് പ്രായമുള്ളവരുടെ വാക്‌സിനേഷനിൽ പങ്കെടുക്കാനാകില്ലെന്ന് കൂടുതൽ സംസ്ഥാനങ്ങൾ. ഡൽഹി, പഞ്ചാബ്, രാജസ്ഥാൻ എന്നീ സംസ്ഥാനങ്ങൾക്ക് പുറമെ പുതിയ ഘട്ടം വാക്‌സിനേഷൻ ആരംഭിക്കാനാകില്ലെന്ന് മധ്യപ്രദേശും കേന്ദ്രത്തെ അറിയിച്ചു വാക്‌സിൻ ക്ഷാമം നേരിടുന്നതിനാൽ പുതിയ ഘട്ടം ആരംഭിക്കാനാകില്ലെന്ന് സംസ്ഥാനങ്ങൾ വ്യക്തമാകുന്നു. രണ്ടാംഡോസ് വാക്‌സിൻ എടുക്കുന്നവർക്കാകും മുൻഗണന നൽകുകയെന്ന് കേരളവും നിലപാട് സ്വീകരിച്ചിരുന്നു. വാക്‌സിൻ നേരിട്ട് സംസ്ഥാനങ്ങൾ വാങ്ങണമെന്നാണ് കേന്ദ്രം ആവശ്യപ്പെട്ടിരുന്നത്. സംസ്ഥാനങ്ങൾ വാക്‌സിൻ കമ്പനികളെ സമീപിച്ചെങ്കിലും കേന്ദ്രത്തിന്റെ ക്വാട്ടയ്ക്ക് ശേഷമേ നൽകാൻ…

  കൊവിഡ് വ്യാപനം രൂക്ഷമായ പശ്ചാത്തലത്തിൽ ഉത്തർപ്രദേശിൽ സമ്പൂർണ ലോക്ക്ഡൗൺ. നാളെ വൈകീട്ട് എട്ട് മുതൽ മെയ് നാല് രാവിലെ ഏഴുവരെയാണ് ലോക്ക് ഡൗൺ. നേരത്തേ സംസ്ഥാനത്ത് വെള്ളിയാഴ്ച രാത്രി എട്ടു മുതൽ തിങ്കളാഴ്ച രാവിലെ ഏഴുവരെ വാരാന്ത്യ ലോക്ക് ഡൗൺ പ്രഖ്യാപിച്ചിരുന്നു. ഈ നിയന്ത്രണങ്ങളാണ് നീട്ടിയത്. ഉത്തർപ്രദേശിൽ ഇന്നലെ 29,824 പേർക്കാണ് കൊവിഡ് സ്ഥിരീകരിച്ചത്. സംസ്ഥാനത്ത് ആകെ 11,82,848 പേർക്കാണ് ഇതുവരെ രോഗം സ്ഥിരീകരിച്ചത്.    

  ജീവിക്കാനുള്ള അവകാശം എല്ലാവർക്കുമുണ്ടെന്ന് യുപി സർക്കാരിന് വേണ്ടി ഹാജരായ സോളിസിറ്റർ ജനറൽ തുഷാർ മേത്തയോട് സുപ്രീം കോടതി. തടവുകാർക്കും ഈ അവകാശമുണ്ട്. സിദ്ധിഖ് കാപ്പനെ ഡൽഹിയിലേക്ക് മാറ്റാനുള്ള ഉത്തരവിലാണ് സുപ്രീം കോടതി ഇക്കാര്യം പറയുന്നത്. കാപ്പനെ യുപിയിൽ നിന്ന് കൊണ്ടുപോകുന്നതിനെ സോളിസിറ്റർ ജനറൽ ശക്തമായി എതിർത്തിരുന്നു. എന്നാൽ കോടതി കാപ്പനെ ഡൽഹിയിലേക്ക് ചികിത്സക്കായി മാറ്റാൻ വിധിച്ചു. സത്യം ജയിച്ചുവെന്നായിരുന്നു കാപ്പന്റെ ഭാര്യ വിധിയോട് പ്രതികരിച്ചത്.

  മരുന്ന് കമ്പനികൾക്ക് വില നിർണയിക്കാനുള്ള സർവാധികാരവും കൊടുത്ത് ജനരോഷം വിളിച്ചു വാങ്ങിയതിന് പിന്നാലെ വാക്‌സിന്റെ വില കുറയ്ക്കാൻ നരേന്ദ്രമോദി സർക്കാർ നീക്കം ആരംഭിച്ചു. ജി എസ് ടി ഒഴിവാക്കി വില കുറയ്ക്കാനാണ് നീക്കം. നിലവിൽ അഞ്ച് ശതമാനം ജി എസ് ടിയാണ് വാക്‌സിന് ചുമത്തുന്നത്. നേരത്തെ വാക്‌സിന് കസ്റ്റംസ് നികുതി വേണ്ടെന്ന് വെച്ചിരുന്നു സംസ്ഥാനങ്ങളുടെ സമ്മർദത്തിനും സുപ്രീം കോടതി ഇടപെടലിനും പിന്നാലെ കൊവിഷീൽഡ് വാക്‌സിന്റെ വില കുറച്ചു. സംസ്ഥാനങ്ങൾക്ക് 400 രൂപക്ക് നൽകുമെന്ന് നേരത്തെ നിശ്ചയിച്ചത്…

  കൊവിഡ് വാക്‌സിനായ കൊവിഷീൽഡിന്റെ ഇന്ത്യയിലെ വിതരണക്കാരായ സെറം ഇൻസ്റ്റിറ്റ്യൂട്ടിന്റെ മേധാവി അദർ പൂനെവാലക്ക് വൈ കാറ്റഗറി സുരക്ഷ നൽകാൻ നരേന്ദ്രമോദി പ്രധാനമന്ത്രിയായിരിക്കുന്ന കേന്ദ്രസർക്കാരിന്റെ തീരുമാനം. സുരക്ഷ വേണമെന്ന് സെറം ആവശ്യപ്പെട്ടതോടെയാണ് വൈ കാറ്റഗറി തന്നെ നൽകാൻ മോദി സർക്കാർ തീരുമാനിച്ചത് കൊവിഡ് വാക്‌സിൻ വിതരണവുമായി ബന്ധപ്പെട്ട് പൂനെവാലക്ക് ഭീഷണിയുണ്ടെന്ന് സെറം പറഞ്ഞിരുന്നു. കൊവിഷീൽഡിന് രാജ്യത്ത് മൂന്ന് വില നിശ്ചയിച്ചാണ് കമ്പനി നൽകുന്നത്. കേന്ദ്രസർക്കാരിന് 150 രൂപയും സംസ്ഥാന സർക്കാരുകൾക്ക് 300 രൂപക്കും സ്വകാര്യ ആശുപത്രികൾക്ക് 600…

  ബിഗ് ബോസ് മലയാളം സീസൺ മൂന്നിലെ മത്സരാർത്ഥിയായ ഡിംപൽ ബാലിന്റെ പിതാവ് അന്തരിച്ചു. ഇന്നലെ രാത്രിയായിരുന്നു മരണം. ഏതാനും ദിവസങ്ങളായി പനി ബാധിതനായിരുന്നു എന്നാണ് റിപ്പോർട്ട്. കോവിഡ് ബാധിച്ചാണോ മരണമെന്ന കാര്യത്തിലും ആശങ്കയുള്ളതിനാൽ ടെസ്റ്റ് റിസൽറ്റ് ലഭിക്കാനായി കാത്തിരിക്കുകയാണ് കുടുംബമെന്ന് ഡിംപലിന്റെ സുഹൃത്തും ബിഗ് ബോസ് മത്സരാർത്ഥിയുമായ മജിസിയ ഭാനു ടൈംസ് ഓഫ് ഇന്ത്യയോട് പറഞ്ഞു. ബിഗ് ബോസ് വീട്ടിലുള്ള ഡിംപലിനെ വിവരം അറിയിക്കുന്ന കാര്യത്തിൽ കുടുംബാംഗങ്ങളുടെ തീരുമാനത്തിനായി കാത്തിരിക്കുകയാണെന്ന് ചാനലിനോട് അടുത്ത വൃത്തങ്ങൾ പറഞ്ഞു….

  കൊവിഡ് വ്യാപനം രൂക്ഷമാകുന്ന സാഹചര്യത്തിൽ ഗോവയിൽ ലോക്ക് ഡൗൺ. ഏപ്രിൽ 29 വൈകുന്നേരം ഏഴ് മണി മുതൽ മേയ് മൂന്ന് പുലർച്ചെ വരെയാണ് ലോക്ക് ഡൗൺ പ്രഖ്യാപിച്ചത്. അവശ്യ സർവീസുകൾക്കും നിർമാണ പ്രവൃത്തികൾക്കും തടസ്സമുണ്ടായിരിക്കില്ല. പൊതുഗതാഗതമുണ്ടാകില്ല. കാസിനോകൾ, ഹോട്ടലുകൾ, പബ്ബുകൾ തുടങ്ങിയവയും പ്രവർത്തിക്കില്ലെന്നും മുഖ്യമന്ത്രി പ്രമോദ് സാവന്ത് വ്യക്തമാക്കി. അതേസമയം അവശ്യ സേവനങ്ങളുടെ ഗതാഗതം കണക്കാക്കി അതിർത്തികൾ അടയ്ക്കില്ലെന്നും അദ്ദേഹം അറിയിച്ചു

  മാധ്യമപ്രവർത്തകൻ സിദ്ധിഖ് കാപ്പനെ ചികിത്സക്കായി ഡൽഹിയിലേക്ക് മാറ്റാൻ സുപ്രീം കോടതി വിധി. ഡൽഹി എയിംസ്, ആർഎംഎൽ പോലുള്ള ഏതെങ്കിലും ആശുപത്രിയിലേക്ക് മാറ്റാനാണ് നിർദേശം നൽകിയിരിക്കുന്നത്. ചികിത്സക്ക് ശേഷം കാപ്പൻ തിരികെ മഥുര ജയിലിലേക്ക് പോകണമെന്നും ഉത്തരവിൽ പറയുന്നു ജാമ്യത്തിനായി കാപ്പൻ വിചാരണ കോടതിയെ നേരിട്ട് സമീപിക്കണമെന്നും കോടതി പറഞ്ഞു. അതേസമയം കാപ്പനെ ഡൽഹിയിലേക്ക് മാറ്റുന്നതിനെ യുപി സർക്കാർ ശക്തമായി എതിർത്തു. കാപ്പന് മഥുരയിൽ മികച്ച ചികിത്സ ലഭിക്കുന്നുണ്ടെന്നും ഡൽഹിയിൽ സാഹചര്യം രൂക്ഷമാണെന്നും സോളിസിറ്റർ ജനറൽ തുഷാർ…

  യുപി പോലീസിന്റെ കസ്റ്റഡിയിൽ കഴിയുന്ന മാധ്യമപ്രവർത്തകൻ സിദ്ധിഖ് കാപ്പനെ ഡൽഹി എയിംസിലേക്ക് മാറ്റുന്നത് തടയാൻ നീക്കവുമായി യുപി സർക്കാർ. മഥുര ആശുപത്രിയിൽ ചികിത്സയിലായിരുന്ന സിദ്ധിഖിനെ മഥുര ജയിലിലേക്ക് മാറ്റി. കാപ്പൻ കൊവിഡ് മുക്തനായെന്ന് യുപി സർക്കാർ സുപ്രീം കോടതിയിൽ റിപ്പോർട്ട് നൽകി. കാപ്പന് മുറിവേറ്റിരുന്നുവെന്നും റിപ്പോർട്ടിൽ പറയുന്നുണ്ട്. കാപ്പന് ചികിത്സ നിഷേധിക്കപ്പെട്ടുവെന്ന വാർത്തകൾ പുറത്തുവന്നതിന് പിന്നാലെയാണ് ഭാര്യയും പത്ര പ്രവർത്തക യൂനിയനും സുപ്രീം കോടതിയെ സമീപിച്ചത്. ഹർജി ഇന്ന് പരിഗണിക്കാനിരിക്കെയാണ് യുപി സർക്കാരിന്റെ നീക്കം യുപി…

  ടെസ്റ്റ് പോസിറ്റിവിറ്റി നിരക്ക് 15 ശതമാനത്തിൽ കൂടുതലുള്ള 150ലധികം ജില്ലകളിൽ ലോക്ക് ഡൗൺ വേണമെന്ന നിർദേശം കേന്ദ്ര ആരോഗ്യമന്ത്രാലയം ഉന്നയിച്ചിരുന്നു. കേന്ദ്രസർക്കാർ ഈ നിർദേശം പരിഗണിക്കുകയാണെങ്കിൽ സംസ്ഥാനം അക്ഷരാർഥത്തിൽ മുഴുവനായി ലോക്ക് ഡൗണിലേക്ക് നീങ്ങും കേരളത്തിലെ പതിനാല് ജില്ലകളിൽ 12ഉം ടെസ്റ്റ് പോസിറ്റിവിറ്റി നിരക്ക് 15 ശതമാനത്തിൽ കൂടുതലാണ്. പത്തനംതിട്ട, കൊല്ലം ജില്ലകൾ മാത്രമാകും ലോക്ക് ഡൗണിൽ നിന്ന് ഒഴിവാകുക. മറ്റെല്ലാ ജില്ലകളും സമ്പൂർണ അടച്ചിടലിനെ നേരിടേണ്ടി വരും സംസ്ഥാനത്തെ ടെസ്റ്റ് പോസിറ്റിവിറ്റി നിരക്ക് 23.24…