National

  ചാര സോഫ്റ്റ് വെയർ ഉപയോഗിച്ച് രാഹുൽ ഗാന്ധിയുടെ ഫോണും ചോർത്തിയതായി റിപ്പോർട്ട്. 2018 മുതൽ രാഹുൽ ഗാന്ധിയുടെ രണ്ട് മൊബൈൽ ഫോണുകൾ ചോർത്തിയെന്ന് ദി വയർ റിപ്പോർട്ട് ചെയ്യുന്നു. രാഹുൽ ഗാന്ധിക്ക് പുറമെ അദ്ദേഹത്തിന്റെ അഞ്ച് സുഹൃത്തുക്കളുടെയും രണ്ട് സഹായികളുടെയും ഫോൺ ചോർത്തി മൂന്ന് പ്രതിപക്ഷ നേതാക്കളുടെ ഫോൺ ചോർത്തിയതായി നേരത്തെ ആരോപണമുയർന്നിരുന്നു. ഇതിലൊരാൾ രാഹുൽ ഗാന്ധിയാണെന്ന് ഇപ്പോൾ വ്യക്തമായിരിക്കുകയാണ്. കോൺഗ്രസ് അധ്യക്ഷനായിരുന്ന കാലത്താണ് രാഹുലിന്റെ ഫോൺ ചോർത്തിയിരുന്നത്.

  ബിനീഷ് കോടിയേരിയുടെ ജാമ്യാപേക്ഷ പുതിയ ബഞ്ച് പരിഗണിക്കും. ജാമ്യാപേക്ഷയിൽ ഇതുവരെ വാദം കേട്ട ജഡ്ജി അവധിക്ക് പോയതിനാലാണ് പുതിയ ജഡ്ജി കേസ് പരിഗണിക്കുന്നത്. ഇത് പതിനാറാം തവണയാണ് ബിനീഷ് കോടിയേരിയുടെ ജാമ്യാപേക്ഷ കർണാടക ഹൈക്കോടതി പരിഗണിക്കുന്നത്. വാദം ആരംഭിച്ചയുടനെ താൻ അവധിയിൽ പോകുകയാണെന്നും പുതിയ ബഞ്ച് പരിഗണിക്കുമെന്നും ജഡ്ജി പറയുകയായിരുന്നു. ഇത്രയും നാൾ കേസ് പരിഗണിച്ച ബെഞ്ച് തന്നെ വാദം തുടർന്നും കേൾക്കണമെന്ന് ബിനീഷിന്റെ അഭിഭാഷകൻ ആവശ്യപ്പെട്ടു. എന്നാൽ ഏത് ബഞ്ചിന് മുന്നിലും വാദം അവതരിപ്പിക്കാൻ…

സ്വകാര്യ ആശുപത്രികൾക്കെതിരെ രൂക്ഷമായ പരാമർശങ്ങളുമായി സുപ്രീം കോടതി. ദുരിതം അനുഭവിക്കുന്ന ജനങ്ങൾക്ക് ചികിത്സ നൽകേണ്ട ആശുപത്രികൾ പണം കൊയ്യുന്ന സ്ഥാപനങ്ങൾ ആകുകയാണ്. മനുഷ്യന്റെ ദുരിതത്തിൽ വളരുന്ന വ്യവസായമായി ആശുപത്രികൾ മാറുകയാണെന്ന് ജസ്റ്റിസ് ഡിവൈ ചന്ദ്രചൂഢ് വിമർശിച്ചു സ്വകാര്യ ആശുപത്രികൾ റിയൽ എസ്റ്റേറ്റ് വ്യവസായം പോലെയാകുന്നുവെന്നും സുപ്രീം കോടതി നിരീക്ഷിച്ചു. കൊവിഡ് ചികിത്സയുമായി ബന്ധപ്പെട്ട് സ്വമേധയാ എടുത്ത കേസ് പരിഗണിക്കുകയായിരുന്നു കോടതി. സ്വകാര്യ ആശുപത്രികൾക്ക് അഗ്നിസുരക്ഷ അടക്കമുള്ള സംവിധാനങ്ങൾ വേണമെന്ന് കോടതി നിർദേശിച്ചിരുന്നു. എന്നാൽ ഗുജറാത്ത് സർക്കാർ ഇതിന്…

ബക്രീദിന്റെ പശ്ചാത്തലത്തിൽ സംസ്ഥാനത്ത് മൂന്ന് ദിവസത്തേക്ക് ലോക്ക് ഡൗൺ ഇളവുകൾ നൽകിയ സംസ്ഥാന സർക്കാരിന്റെ നടപടി റദ്ദാക്കണമെന്നാവശ്യപ്പെട്ട് സുപ്രീം കോടതിയിൽ ഹർജി. ഡൽഹി മലയാളി പി കെ ഡി നമ്പ്യാരാണ് അപേക്ഷ നൽകിയത്. യുപിയിലെ കൻവാർ യാത്രക്കെതിരെ സുപ്രീം കോടതി സ്വമേധയാ എടുത്ത കേസിൽ കക്ഷി ചേരാനാണ് അപേക്ഷ നൽകിയത് ജസ്റ്റിസ് റോഹിംഗ്ടൺ നരിമാൻ അധ്യക്ഷനായ ബഞ്ച് ഇന്ന് ഹർജി പരിഗണിക്കും. കേരളത്തിലും മഹാരാഷ്ട്രയിലും കൊവിഡ് കേസുകൾ ഉയരുന്നത് ആശങ്കപ്പെടുത്തുന്നുവെന്ന് പ്രധാനമന്ത്രി തന്നെ പറഞ്ഞിട്ടുണ്ടെന്നും ആരോഗ്യ അടിയന്തരാവസ്ഥക്ക്…

  രാജ്യത്ത് കഴിഞ്ഞ 24 മണിക്കൂറിനിടെ 38,164 പേർക്ക് കൂടി കൊവിഡ് സ്ഥിരീകരിച്ചു. 499 പേരാണ് ഒരു ദിവസത്തിനിടെ കൊവിഡ് ബാധിതരായി മരിച്ചത്. രാജ്യത്ത് ഇതുവരെ 3,11,44,229 പേർക്കാണ് കൊവിഡ് സ്ഥിരീകരിച്ചത് 38,660 പേർ 24 മണിക്കൂറിനിടെ രോഗമുക്തി നേടി. ഇതുവരെ 3,03,08,456 പേർ കൊവിഡിൽ നിന്ന് മുക്തരായിട്ടുണ്ട്. രാജ്യത്ത് ഇതുവരെ 4,14,108 പേരാണ് കൊവിഡ് ബാധിച്ച് മരിച്ചത്. ജൂലൈ 18 വരെ 44.54 കോടി സാമ്പിളുകളാണ് രാജ്യത്ത് പരിശോധിച്ചത്. ഞായറാഴ്ച മാത്രം 14.63 ലക്ഷം സാമ്പിളുകൾ…

  ജമ്മു കാശ്മീരിലെ ഷോപിയാനിൽ നടന്ന ഏറ്റുമുട്ടലിൽ ലഷ്‌കർ കമാൻഡർ ഉൾപ്പെടെ രണ്ട് തീവ്രവാദികൾ കൊല്ലപ്പെട്ടു. ഇന്നലെ രാത്രിയാണ് ഏറ്റുമുട്ടൽ ആരംഭിച്ചത്. നാല് വർഷം മുമ്പ് ജമ്മു കാശ്മീർ പോലീസിൽ നിന്ന് പിരിഞ്ഞ് പോയ ആളാണ് കൊല്ലപ്പെട്ട ലഷ്‌കർ കമാൻഡർ സൈന്യവും പോലീസും സിആർപിഎഫും സംയുക്തമായി നടത്തിയ ഓപറേഷനിലാണ് ഇവരെ കൊലപ്പെടുത്തിയത്. 2017 മുതൽ കാശ്മീരിൽ സജീവമായ തീവ്രവാദികളിൽ ഒരാളാണ് ഇഷ്ഫക് ദർ എന്ന അബു അക്രം എന്നും ഇയാൾ മുൻ പോലീസുകാരനായിരുന്നുവെന്നും കാശ്മീർ പോലീസ് മേധാവി…

  ഇസ്രായേൽ ചാര സോഫ്റ്റ് വെയർ ഉപയോഗിച്ച് രാജ്യത്തെ പ്രമുഖരുടെ ഫോൺ ചോർത്തിയെന്ന ആരോപണത്തിൽ പാർലമെന്റിൽ പ്രതിപക്ഷം അടിയന്തര പ്രമേയത്തിന് നോട്ടീസ് നൽകി. രാജ്യസഭയിൽ ബിനോയ് വിശ്വവും ലോക്‌സഭയിൽ എൻ കെ പ്രേമചന്ദ്രനുമാണ് നോട്ടീസ് നൽകിയത്. വിഷയത്തിൽ ആഭ്യന്തര മന്ത്രി വിശദീകരണം നൽകണമെന്ന് ബിജെപി എംപിയായ സുബ്രഹ്മണ്യൻ സ്വാമിയും ആവശ്യപ്പെട്ടു. അതാണ് യുക്തിസഹമായ നടപടി. അല്ലെങ്കിൽ വാട്ടർഗേറ്റ് വിവാദം പോലെ യാഥാർഥ്യം പുറത്തുവന്നാൽ അത് ബിജെപിയെ വ്രണപ്പെടുത്തുമെന്നും സ്വാമി പറഞ്ഞു

  ഉത്തരാഖണ്ഡിൽ മേഘ വിസ്‌ഫോടനത്തെ തുടർന്നുണ്ടായ കനത്ത മഴയിലും വെള്ളപ്പൊക്കത്തിലും പെട്ട് മൂന്ന് പേർ മരിച്ചു. നാല് പേരെ കാണാതായി. ഉത്തരകാശി ജില്ലയിലാണ് ദുരന്തമുണ്ടായത്. നിരവധി വീടുകൾ വെള്ളത്തിനടിയിലായി. രണ്ട് സ്ത്രീകളും ഒരു പുരുഷനും ഒരു കുട്ടിയുമടക്കം നാല് പേരെയാണ് കാണാതായത്. മാണ്ഡോ ഗ്രാമത്തിലാണ് സംഭവം. രക്ഷാപ്രവർത്തനം പുരോഗമിക്കുകയാണ്. മേഖലയിൽ 21 വരെ ശക്തമായ മഴയുണ്ടാകുമെന്നാണ് മുന്നറിയിപ്പ്

  നവജ്യോത് സിംഗ് സിദ്ദുവിനെ പഞ്ചാബ് പിസിസി അധ്യക്ഷനായി നിയമിച്ചു. മുഖ്യമന്ത്രി അമരീന്ദർ സിംഗിന്റെയും അനുയായികളുടെയും കടുത്ത എതിർപ്പ് അവഗണിച്ചാണ് ഹൈക്കമാൻഡ് തീരുമാനം. സിദ്ദു പരസ്യമായി മാപ്പ് പറയണമെന്നതടക്കം അമരീന്ദർ സിംഗ് ആവശ്യപ്പെട്ടിരുന്നു. സിദ്ദുവിനൊപ്പം നാല് വർക്കിംഗ് പ്രസിഡന്റുമാരെയും നിയമിച്ചിട്ടുണ്ട്. ദളിത്, ഹിന്ദു പ്രാതിനിധ്യം ഉറപ്പാക്കിയാണ് വർക്കിംഗ് പ്രസിഡന്റുമാരുടെ നിയമനം. അമരീന്ദർ സിംഗ് എതിർപ്പ് ഉയർത്തിയെങ്കിലും എംഎൽഎമാരുടെ അടക്കം പിന്തുണ സിദ്ദുവിന് ലഭിച്ചതാണ് നിർണായകമായത്്.

  ഇന്ത്യയിലെ മന്ത്രിമാരും ജഡ്ജിമാരും അടക്കമുള്ളവരുടെ ഫോണുകൾ ചോർത്തിയതായി അഭ്യൂഹമുണ്ടെന്ന് രാജ്യസഭാ എംപി സുബ്രഹ്മണ്യൻ സ്വാമി. ഇസ്രായേൽ നിർമിത ചാര സോഫ്റ്റ് വെയറായ പെഗാസസ് ഉപയോഗിച്ച് മോദി മന്ത്രിസഭയിലെ മന്ത്രിമാർ, ആർ എസ് എസ് നേതാക്കൾ, സുപ്രീം കോടതി ജഡ്ജിമാർ, പത്രപ്രവർത്തകർ തുടങ്ങിയവരുടെ ഫോണുകൾ ചോർത്തുന്നുണ്ടെന്നാണ് സുബ്രഹ്മണ്യൻ സ്വാമിയുടെ ആരോപണം വാഷിംഗ്ടൺ പോസ്റ്റ്, ഗാർഡിയൻ എന്നീ മാധ്യമങ്ങൾ ഇതുസംബന്ധിച്ച റിപ്പോർട്ടുകൾ ഉടൻ പുറത്തുവിടുമെന്നും സുബ്രഹ്മണ്യൻ സ്വാമി ട്വീറ്റ് ചെയ്തു. കൂടുതൽ വിവരങ്ങൾ പുറത്തുവരാനുണ്ട്. ഇതിന് ശേഷം പ്രതികരിക്കുമെന്നും…